蕃滿門 (Closed)

這是一間以蕃茄濃湯為主題嘅港式餐廳。去到先點餐俾錢，之後找位坐，嗶嗶機響時，食物已經準備好了，可以去前枱攞餐，回座位就可以開餐啦🍽鎮店「蕃」茄湯縲絲粉 (HK$68)是一個超級大大碗嘅蕃茄湯縲絲粉，初次見到已經嚇我一跳🙀！湯底是好濃郁的蕃茄湯底加上勁多一粒粒鮮蕃茄肉，酸甜適中又有咬口😋。上面有8種配料：炒蛋、煙鴨胸片、冬菇、油揚、牛腩、西蘭花、貢丸、蟹柳，當中我最鍾意嗰炒蛋，選用日本雞蛋和加入咗牛奶去炒，做出來嘅口感是又綿又滑。煙鴨胸片也不錯喔👌🏻熱紅棗蜜 (+HK$9)多紅棗又有蜜糖，秋天飲最正，可以滋潤一下，正。因為點了上面嗰鎮店蕃茄湯縲絲粉，可以享有飲品半價。蕃滿門雞翼 (HK$38/4隻)是焗嘅蕃茄芝士香草雞翼，味道獨特，蕃茄味十足，不過醬了料對我來說是有點辣，下次一定要求走辣。脆皮咸豬手 (HK$24/1件)鹹得嚟又好惹味，都幾大件，嗰皮幾脆，肉質好腍，啖啖骨膠原。點少少蜜糖芥末醬，讓豬手更美味😋…Read More

平時極少會去國際展覽中心，其實為左去歡樂天地朝聖，所以順手搵食😂經過二樓，比其中一間餐廳個餐牌吸引住😍蕃茄濃湯系列🍅有幾濃呀？等我試過😏見到份量都好大碗，所以我同吳生就叫左一碗，再加啲小食😋蕃茄濃湯螺絲粉配脆皮咸豬手：超濃濃濃濃濃茄味呀！🤩真係估佢唔到呀！湯底入面仲有成個蕃茄比埋你食！成碗螺絲粉食落去一啲都唔酸，帶少少甜甜地既味😋勁開胃！絕對係值5個❤️脆皮咸豬手：脆嫩有𡁻口，再配埋佢跟既黃芥茉醬，超正👍🏻唔好睇佢得3件咁少，件件都大大件！抵食😎其他小食整體都有4❤️，較為普通既竟然係「薯絲蝦配芝士」，而值得一讚既係「迷你春卷」，一食就知唔係翻炸，熱辣辣、脆卜卜！超正👍🏻飲品方面，見佢餐牌有特飲，所以就叫左杯「菠蘿蜜桃梳打」同埋「凍泡沫茶」，泡沫茶有驚喜！因為係紅茶既關係，開頭以為會好澀，點知原來又唔會喎！抵讚👍🏻…Read More

難得來Emax睇展覽，睇完都有點餓，所以在Emax內看看有什麼可以吃!還記得以前來的時候，是一個美食沙漠，但是現在食肆林立，對於在這裡搞展覽或是在這裡上班的人十分方便。看見這間餐廳是吃蕃茄的專門店，好像不錯，所以便決定試試看。這裡點餐後會給予一個取餐機，震動時自行到取餐處領取食物。跟朋友點了一款湯粉、一款焗飯，還有豬手試試。泡菜餃子蕃茄濃湯螺絲粉，湯底選了小辣，湯底是好香濃的蕃茄湯底，酸酸甜甜，加上辣味感覺很match!螺絲粉還配有炒蛋，炒蛋用上日本雞蛋加入牛奶，口感嫩滑!而泡菜餃子是炸餃子，本身都有點辣，幾惹味!鮮茄蓉芝士豬扒焗薑飯，很少焗豬扒飯的飯底會用上薑飯，很香薑味，好健康的感覺!茄蓉是新鮮蕃茄製成，酸酸甜甜，加上芝士咸咸香香，特別有口感。豬扒鬆軟，唔會好硬!脆皮咸豬手，冇諗過咁大隻，豬手皮燒得脆卜卜，口感黏黏的，好有骨膠原的感覺!而且還配有蜜糖芥末醬，感覺沒有那麼肥膩!估唔到這次在Emax都能夠食到好食的蕃茄濃湯，有機會會再黎試試。…Read More

今次阿張指定話佢要打食評，話難得帶阿梁出去威喎！平時都好少出九龍灣，難得去開就搵場戲黎睇，結果去左九展星影匯睇Joker，劇情就留返比大家自己睇啦，劇透？不了！睇完肚餓就緊係要食嘢，九展2樓成層都係類似foodcourt咁嘅樣，最後揀左食蕃滿門，因為阿梁話好耐無食過，但其實我食都未食過～🤣之前都有聽人講過蕃滿門出名番茄濃湯，結果未行到入去，望住個menu都已經吞哂口水！張梁點餐👦🏻🧒🏻1）$65 脆皮咸豬手縲絲粉(微辣)+熱檸茶評分（10分滿分）：8⃣食評💬：個番茄濃湯真係好正！🍅有原個蕃茄係入面夠曬營養😍微辣岩岩好，個辣味仲會令到個湯愈飲愈想繼續飲！縲絲粉都唔錯，夠彈牙，唔會淋。而豬手係配芥末蜜糖醬，食落酸酸妹妹好開胃！2）$63 鮮茄芝士豬扒焗薑飯+$18轉沙律餐+$3凍泡沫檸檬茶評分（10分滿分）：8⃣食評💬：雖然個芝士豬扒焗薑飯係冇薑嘅🤣我都唔知點解會有個薑字哈哈哈🤣不過都幾好食，芝士味好濃，我仲落左好多芝士粉🤪豬扒唔係厚切，但有好重嘅茄味！好好食！另外沙律勁足料，個麻醬超開胃🤤仲要好大兜，兩個人先食得曬。飲品方面，泡沫檸檬茶係無檸檬片嘅，不過都幾好飲！泡沫比人一種高級嘅感覺，而且味道同平時杯凍檸茶無太大分別，最正嘅係唔洗怕啲冰溶咗而溝淡哂杯茶嘅味道！求其上網諗住search下蕃滿門有無派對套餐，點知比我發現真係有😱又多個選擇！公司party有福了！終於唔洗下下都嗌死果幾間～大家得閒都可以上佢個網站到睇下😋蕃滿門網站👇🏻http://www.tomatoclub.com.hk…Read More

九龍灣Office朋友帶路, 由地鐵站搭每15分鐘開出嘅免費shuttle就黎到九展, 原來有咁多餐廳仲有超市, 都係俾人氣最勁嘅蕃茄🍅濃湯吸引左. >以蕃茄🍅濃湯為”膽”嘅menu, “拖”多款配料選擇, 雞扒, 牛扒, 豬扒, 鴨胸, 餃子🥟... 就連咸豬手都有, 包餐飲只係60幾蚊真心抵食. 蕃茄🍅濃湯底更有原味, 雙重芝士, 唔同辣度嘅川味麻辣揀. >脆皮咸豬手 (HKD65)好靚嘅咸豬手🤤, 件件都大件厚肉, 啖啖肉一咬就離骨勁腍咸香十足, 整過豬手都知起碼事前炆返幾個鐘啲肉先會咁腍. 原本怕肥唸住食一兩口豬皮過下癮, 點一點碟邊蜜糖芥末醬, 只食到豐富骨膠原嘅零肥膩感, 炸到外脆皮腍嘅豬皮...都幾難忍得口🤫碟已清.>香煎雞扒 (HKD65)雞扒實在大件, 煎到勁脆皮帶點黑椒香, 雞肉好易咬非常嫩滑, 仲好juicy呢.>雙重芝士蕃茄濃湯螺絲粉估唔到芝士多到竟有拉絲嘅效果🧀! 同蕃茄濃湯好夾, 仲有鋪天蓋地嘅蕃茄粒同洋蔥條, 螺絲粉份量多到幾乎食唔哂.>川味麻辣辣蕃茄濃湯螺絲粉*中辣* 人地川味麻辣通常配米線但我都係揀螺絲粉😂. 湯底有大量蕃茄粒, 原個去皮蕃茄🍅, 勁多洋蔥, 兩件響鈴浸一浸索湯, 加入麻辣醬, 中辣已經非常惹味辣到出汗, 我最鐘意湯底大量配料夾清湯多重口感👍🏻.>凍泡沫茶好特別嘅凍檸茶, 係來自店家嘅泡沫凍檸茶, 調得好適中嘅甜度, 酸度同濃茶度, 夠哂大杯. >粒粒菠蘿🍍紅茶 (+HKD12)好正!! 成個杯底滿滿菠蘿🍍粒, 茶味突出, 加12蚊就可以轉飲.…Read More