Old Fung Tea House (Treasure Garden)

💪🏻 老馮金沙米皇腸粉($36)腸粉係蝦腸中間夾左炸脆米，腸粉皮夠滑身，蝦亦都大大隻，十分彈牙！而中間嘅脆米仍然保持脆身，同腸粉皮一軟一脆嘅口感好過癮😋💪🏻 老馮鮮蝦餃、鵪鶉蛋燒賣皇、古法牛肉球($33、$30、$25)蝦餃亦都係大大隻蝦，蝦肉彈牙，餃皮煙靭🤤 鵪鶉蛋燒賣亦都好大粒，肉質實淨味道不錯，燒賣皮亦夠乾身！但鵪鶉蛋可能蒸得太耐，較老及鞋口。牛肉球彈牙，有咬口，調味適中，冇好重芫荽味！💪🏻 片香馬拉糕($18)馬拉糕非常鬆軟，而且有好香嘅蔗糖味道，好好食🤤馬拉糕都蒸得夠乾身，糕身唔會濕漉漉。💪🏻 XO醬蘿白糕、老馮咸水角($28、$18)蘿白糕炸得好脆身，本身蘿白糕都好足料。但XO醬只係放左係蘿白糕上邊，而且份量不多，同埋XO醬都炸得好乾，未必撈得到蘿白糕。咸水角炸得香脆，餡料非常充足，有大量肉碎！💪🏻 八珍糯米雞($28)糯米煙靭，餡料都非常充足，有大大粒咸蛋、臘腸、雞肉等。味道：8/10性價比：7.5/10 食住瘦指數：💪🏻💪🏻/5 …查看更多

約家人、親戚一齊去搵食，我妹妹介紹給我去果間食點心，我第一次來這裡未吃過..入去..周圍餐廳主題是懷舊60年代的公屋、雜貨店，回到想起曾經住在婆婆家(葵芳)，好懷念以前的感覺，聽她話這間都有分店-荃灣，我下次會去荃灣…原來佢地曾經吃過這間，我未啦！我們來點…1.XO醬蘿白糕 $28本來諗住揀香煎蘿白糕，聽呀妹話轉揀這個XO醬蘿白糕好吃，看看…原來是用炸，出面酒樓常見都係香煎蘿白糕，在蘿白糕上加一些XO醬炒一炒到金黃色，試試咬一淡…果然蘿白糕的質感很特別又好香脆，我很喜歡這個XO醬蘿白糕～😋2.正宗潮州粉果 $22味道都可以，這個餡料得花生、肉碎、韮菜…吃得味道同出面差不多的…3.老馮鮮蝦餃 $25餃皮薄餡靚，咬一口內有兩隻蝦，而且有蝦肉很多又夠新鮮….4.片香馬拉糕 $18最後吃糕點就是馬拉糕，吃甜又好食！5.咖哩蒸魷魚 $32魷魚咬一下有彈，好搭配咖哩口味又很濃郁！👍🏻不過都不是好辣！6.蝦醬蒸腩仔飯 $42聽爸爸話這個蝦醬蒸腩仔飯好吃，佢推薦比我試試吃，我吃少少試下啖飯有油香，這個腩肉加上蝦醬真是好吃，看看咁熟悉的味道…原來我媽媽曾經蒸過蝦醬蒸腩仔，我好耐沒有吃媽媽煮這個蝦醬腩仔，點心好少有這個賣蝦醬蒸腩仔飯，出面好難找！7.老馮金沙米皇腸 $36我第一次見，未見過裹面有炸網，試試咬下去薄腸粉包住有炸網蝦，外滑內脆，一定要沾芝麻醬，很值試一試！不錯～8.老馮咸水角 $18咬落口感同出面差不多的味道！不過炸得好靚…9.鵪鶉蛋燒賣皇 $30我未吃過，鵪鶉蛋燒賣皇只是三粒，同蟹子燒賣皇不同，今次加上鵪鶉蛋，這個燒賣是白色薄皮，出面多數一向都是黃色薄皮，肉質唔韌，味道不錯！10.古法牛肉球 $25我不愛吃牛肉球..他們點餐…同出面酒樓吃得味道一樣啦！…查看更多

黃店茶樓我淨係識得幾間💛 都去過老馮飲好多次茶🫖 元朗、大埔都試過，我又唔係好覺得佢哋啲態度差🫣 咁當然個個人要求唔同，執著嘅位都唔同🤣 但我飲完之後完全冇hard feeling 就👌🏻啦，叫咗好多嘢食，唔樣樣都講喇，揀啲嚟講🤪💛咖哩蒸魷魚 ($28)咖哩好入味🍛 佢個醬都正😋 唔係啲激辣味道，都唔係個啲溝水勁稀勁淡嘅味，係好濃郁嘅😙 魷魚都有幾件大嘅🦑 下面收埋咗啲鬚鬚同埋豆卜仔💛金牌炸芋角 ($18)我最愛😍 炸芋角嘅皮好酥脆😚 入面滿滿嘅芋頭蓉🍠 中間仲加咗少量肉餡，食落會feel到好特別，唔會喧賓奪主。平時成舊芋角食係會好膩，但佢加咗啲肉餡之後就冇咁膩😘 💛五柳炸雲吞 ($30)Boom💥 好好食👍🏻 雖然平時好唔鐘意啲雲吞皮咁大塊，食死人😥 但係呢個炸完之後，成個咬口又脆又薄🤤 食到sharp sharp聲😋 加埋佢個汁都唔錯，酸酸地💛蜜汁叉燒腸 ($23)腸粉皮好乾，浸埋豉油都係較乾身，冇乜味💛XO醬蘿白糕 ($28)💛香煎蘿白糕 ($20)XO醬蘿蔔糕係一粒粒，好方便，唔會夾散😂 仲好食過香煎蘿蔔糕❣️因爲佢熱啲入味啲！💛老馮鮮蝦餃 ($33)💛蟹子燒賣皇 ($28)💭張台有啲細，我哋兩個人冇Expect我哋食咁多掛🫣 但都係偏細💭桂花糕唔是我食㗎，我唔知呀🙉…查看更多

-{黃店💛大埔港式點心🥟}終於夠多人飲茶喇😭今次又食左10款點心😂🤤老馮鮮蝦餃🤤 ($30)夠曬大粒🤣水晶皮好有咬口 而且入面好多蝦肉😆好食到蝦嘅鮮味~👖褲評: 8/10🤤流沙芋泥包🤤 ($23)好圓嘅一個包 朋友係咁話好靚😂😂😂包體幾鬆軟😙芋頭味由個包到餡都有🥳個餡唔太流不過有芋頭蓉同芋頭粒😋有多重口感😎整體偏甜可以當甜品食👻👖褲評: 7.6/10🤤金牌叉燒包🤤 ($18)個包食落幾香 叉燒同汁份量啱啱好🥰又係熱辣辣😋係中上水準嘅叉燒包👖褲評: 7/10🤤鮮蝦腐皮卷🤤 ($26)新鮮炸起好熱🥰粒蝦都好爽彈!!但個腐皮好油🥲要點喼汁黎去油😰👖褲評: 6/10🤤密汁叉燒腸🤤 ($22)算係最麻麻嗰個😭個腸粉唔夠滑 食落好乾😭叉燒粒份量夠嘅~👖褲評: 5/10🤤蟹籽燒賣皇🤤 ($28)正常size 味道幾好 蝦肉夠大粒😙好夠味係中上水準嘅燒賣😛👖褲評: 7.3/10🤤鵪鶉蛋燒賣🤤 ($28)其實味道差不多 鵪鶉蛋少少過熟 同埋有啲細可以大粒啲👖褲評: 6/10🤤老馮咸水角🤤 ($18)一啖咬落去就嚟辣爆條脷😂勁熱辣辣！個皮好脆仲要入面好多餡勁多肉粒😆唔係吉架😋👖褲評: 8/10🤤魷香肉餅飯🤤 ($35)個飯係盅飯偏硬嘅飯🥰豉油加豬油香好正😭個肉餅勁香魷魚味撈飯一流🙊👖褲評: 8/10🤤八珍糯米雞🤤 ($28)有好多雞粒 四份一條臘腸仲有一隻大雞翼😂超多料 又係熱辣辣😍係高質嘅糯米雞🥰👖褲評: 7.8/10性價比: 8.3/10服務: 8/10環境: 8.3/10茶芥會因應時段而調整 雖然話得60分鐘用膳時間但我地都坐左75分鐘👀所有點心嘅質素都唔錯🥳而且環境都好有特色😙啱曬一大班人去飲茶聚下腳😜🚩老馮茶居🚩地址:大埔安慈路1號海寶花園14號地舖元朗大棠路66號地舖 #fuudjai #fuudjai黃店 #fuudjai中菜 #fuudjai元朗 #fuudjai大埔 #fuudjai麵包 #fuudjai港式…查看更多

💛黃店點心比較少見～無限翻兜🤪呢間食物唔錯 款式多而且茶芥只需$5！又唔洗加一 計埋計埋抵過去茶樓食點心～同埋佢地加入左外賣平台可以叫外賣係屋企嘆🥴下次會想試埋佢啲盅飯添！⚠️繁忙時間淨係可以落一次單冇得加單同埋用餐時間1小時————————————————————————————💛流沙芋泥包 $23 👍🏻😋：8/10覺得芋泥包比較少見咁🥴味道唔會覺得甜 而且芋泥都算流心作為芋泥愛好者會推薦😚💛薑汁桂圓紅棗糕 $20 👍🏻😋：8/10呢個可以作為甜品為呢餐畫上完堂句號～薑汁味好香濃 反而有dd搶左紅棗味🤣好煙韌好好咬！！💛XO醬蘿蔔糕 $28 👍🏻😋：8.5/10呢個炸同炒得好香好乾身～外脆內軟既口感 而且XO醬好香好好食食到有蝦米瑤柱等等🥰同蘿蔔糕好夾啊～💛咖喱蒸魷魚 $23 👍🏻😋：8/10咖哩杰撻撻勁香濃魷魚墊底既係面根 索味嘢冇得輸🥴份量都幾多下！有時茶樓食蒸完水旺旺但呢個唔會～💛老馮鮮蝦餃 $30😋：8/10蝦餃都幾飽滿 入面足料好多蝦而且餃皮好薄 真係皮薄餡靚🥴💛蟹子燒賣皇 $28😋：7.5/10豬肉幾結實好咬鐘意食燒賣既可以一戰💛老馮鮮蝦腸 $26😋：7/10蝦腸皮都幾滑幾好食每條腸有兩粒蝦都幾彈牙不過如果加啲韭黃我會更開心🤣💛古法牛肉球$22😋：7/10牛肉球入面包左莞茜都幾香～個底都係用番平時用既山竹不過不失正常水準～💛頂級灌湯餃 $36😋：5/10呢個最貴又最唔好食😇可能係我唔識欣賞灌湯餃餃皮一般又冇咩味入面啲料都唔多少少蟹肉碎同金華火腿等等一定唔會再嗌😂————————————————————————————🥢🥢🥢🥢🥢老馮茶居💸：人均～$120（兩個人食9籠點心🤣)📍：大埔安慈路1號海寶花園14號地舖🔗其他分店：元朗大棠路66號地舖✨免加一…查看更多

老馮茶居的裝修佈置令你恍如置身於六十年代老香港一樣，將整個屋邨場境搭建出來，有醬油店、雜貨店、士多、錢莊(收銀處)等等。⁣⁣招牌混醬腸粉 $20⁣腸粉滑，重點係個醬，絕對不是普通將芝麻醬、甜醬、辣醬溝埋一齊既混醬 ，呢款係老馮自家制既一種混醬，鹹鹹地有辣辣地咁，非常好味。⁣⁣流沙芋泥包 $23⁣熱辣辣，鬆軟可口，好香芋泥味。⁣⁣鮮蝦腐皮卷 $26⁣香脆美味，鮮蝦彈牙。⁣⁣薑汁桂圓紅棗糕 $20⁣薑味濃郁，似千層糕一層一層。⁣⁣蝦醬蒸腩仔飯 $38⁣每口腩仔都有濃烈蝦醬味又不會太鹹，白飯一粒一粒乾身不淋。⁣⁣沙嗲豬大腸 $23⁣豬大腸夠軟，沙嗲味十足。⁣⁣老馮鮮蝦餃 $30⁣蝦肉爽甜彈牙，餃皮薄。⁣⁣潮州粉果 $20⁣材料十足，味道正常。⁣⁣老馮茶居 (大埔)⁣大埔安慈路1號海寶花園14號地舖⁣星期一至日 08:00-23:00⁣⁣老馮茶居 (元朗)⁣元朗大棠路66號地舖⁣星期一至日 08:00-23:00⁣…查看更多