老馮茶居 (海寶花園)

Open Now

Now Closed

在繁忙的都市生活中，飲茶成為了一種難得的放鬆時光，一踏入就感到舒適自在。友人相聚，聊聊天、品品茶，總是能讓人忘卻煩惱。搭配一些精緻的小點心，在這裡，時間似乎變得緩慢，讓人可以暫時放下壓力，享受生活的美好。他們家的東西是挺好吃的，一有空便去飲茶很方便

芋角真係好少地方有得食，難得有所以叫嚟試下，口感味道屬於一般，始終互國係比較難處理嘅。山竹牛肉好食，冇梳打粉味，真係有牛肉味，而且唔係打到爛曬，仲食得到肉粒嘅口感。魚翅餃又係好少地方食得到，呢間點心店做得唔錯，入面啲木耳絲蔬菜絲新鮮爽脆，而且個攪皮唔會太厚。貪得意叫咗呢個芋頭流沙包，除咗偏甜之外，其實佢都幾好食。蝦米腸爽滑，點辣椒醬甜醬麻醬就係好味道。梅菜肉餅飯嘅肉餅冇乜肥肉，加少少豉油啱啱好，唔會好咸。

食物選擇已經不多，位置不多張枱又細我哋六個人食咗約半個鐘再加單，點心選擇不多諗住嗌個蒸飯加點心，點知比較年長女員工好勞氣話你最好唔好叫蒸飯要等半個鐘，我唔介意等因為我仲會叫點心，該位女員工不斷叫你唔好嗌，你叫我唔好嗌我偏偏就叫兩個再加點心，最終20分鐘已到，可能阻住佢返枱，食緊期間個比較年長女員工已經不停眼超超極不友善，唔會再幫襯食物又普通，趕頭趕命咁👎🏻👎🏻👎🏻

大埔｜老馮茶居📌大埔安慈路1號海寶花園地下14號舖一直都係呢一間嘅常客！平時去開荃灣或者元朗嗰間分店，今次終於有機會試到大埔呢一間！裝修一貫懷舊特色三個人連埋茶位都係食咗$164😋叫咗香片，朋友表示好好飲，我覺得係幾香嘅茉莉花味，而且好消滯，我哋直頭沖哂成壺水飲哂😂！金牌炸芋角$20美味指數：🌕🌕🌕🌕🌕一上台熱辣辣，夾開入面仲係出緊煙，外皮超級酥脆，入邊嘅芋頭餡爆多，連平時好少食芋頭嘅朋友都覺得好好食！香煎蘿蔔糕$23美味指數：🌕🌕🌕🌕🌗蘿蔔糕唔係超多蘿蔔絲同餡料嗰種，但係煎完特別香口！令人想食完一啖又一啖！老馮鮮蝦餃$38美味指數：🌕🌕🌕🌕🌗皮薄餡靚完全可以形容呢粒蝦餃，入邊嘅蝦非常彈牙，係鮮蝦嘅感覺，而且個皮好滑又唔會太厚，係出色嘅蝦餃！魷香肉餅飯$39美味指數：🌕🌕🌕🌑🌑佢用煲仔裝住特別有feel，豉油係必落，為呢個飯添色不少！古法牛肉球$26美味指數：🌕🌕🌕🌑🌑牛肉球大大粒，但係味道就還好的！

初初開業時幫襯過2 -3次，水準都吾錯，有好多經典中式點心，見甘耐無食，經外賣平台叫左個鳳爪排骨飯一人餐$80除左個飯仲有我最鐘意ge芋頭包，之前食過包入面係有粒粒芋頭，超正！可惜今次個飯就一般般，飯煮得太淋身，完全吾好食(可能因為外賣等耐左ge 關係…)下次都係食返堂食穩陣好多

又入大埔跑步，今次想去食點心，試咗呢間《老馮》，星期六中午12點多到等咗幾分鐘，原來網上排隊平台 有得拎飛，坐低見餐牌有好多點心選擇，可惜只得兩個胃，唯有下次去荃灣店試啦。🥢金牌魚翅餃 $35⭐️坊間少有嘅魚翅餃，不過素翅少得過份，個皮凍咗好硬，完全唔好食。🥢鮑汁柚皮鴨腳扎 $33⭐️鴨腳扎夠惹味但唔夠腍，一啲骨肉分離嘅狀態都無，一字形客＂硬＂。🥢鵪鶉蛋燒賣皇 $33⭐️⭐️⭐️⭐️燒賣𥚃面有豬肉又有蝦，所以口感好好好彈牙，加埋鵪鶉蛋蛋香，好味值得推介！🥢沙嗲豬大腸 $33⭐️⭐️⭐️⭐️少少辣但大腸非常入味惹味，好邪惡少食多滋味！🥢金牌炸芋角 $18⭐️⭐️⭐️⭐️芋角外層鬆化，內裡芋蓉好香口感好綿，最重要夠熱辣辣，阿sir話係佢食過最好味嘅芋角。🥢古法千層糕 $26⭐️⭐️⭐️⭐️入口味道有啲似雞尾包，然後就食到鹹蛋黃味道，口感軟糯好好味，好快變凍，建議食到咁上下先落單。二人共消費：$190

「中式點心系一門手藝，亦系香港飲食文化重要一環，而，中式點心往往講求經驗傳承，識得做同做得好絕對系兩回事。而，一盅兩件，之前就同大家分別介紹過新派點心得閒飲茶、傳統點心點心到，小編今次就帶大家黎到大埔，同大家介紹一間裝修充滿懷舊氣氛，主打懷舊點心既舊式茶居 一 老馮茶居🌟蟹子燒賣皇 $35蝦肉豬肉各半，口感紮實，食得出鮮味🤤👍🏻🌟蜆芥鯪魚球 $30非常古早傳統既鯪魚球，外皮微微脆口，口感紮實，搭配蜆芥醬更提鮮味🤤👍🏻👍🏻🌟魷香肉餅飯 $37傳統砵仔蒸飯真系已經買少見少，蒸飯充滿水份，米飯飽滿，肉餅鹹香🤤👍🏻👍🏻🌟古法千層糕 $26最花時間花功夫既古早點心之一，梅花間竹層層相隔，充滿蛋黃、奶黃、椰絲等香氣🤤👍🏻👍🏻🌟老馮流沙芋泥包 $28包體鬆軟，芋香味十足，芋泥綿密🤤👍🏻👍🏻🌟老馮金沙米皇腸 $38薄薄一層米腸，搭配酥脆油炸鬼🤤👍🏻📍老馮茶居 地址：安慈路1號海寶花園地下14號舖

行完街想飲下茶，見到呢到裝修好懷舊好有特色，平時都見唔少人排隊所以就試下呢間鵪鶉蛋燒賣燒賣內餡豐富，有鮮蝦、豬肉＆鵪鶉蛋，幾有咬口，唔會好乾澀，口感豐富。老馮鮮蝦餃蝦餃皮薄足料，蝦肉大大隻，蝦咬落彈牙！ＸＯ醬蘿蔔糕蘿蔔糕煎到外脆內軟，加上ＸＯ醬少少辣，配埋蘿蔔糕食好香口好有油香。薑蔥牛柏葉牛柏葉好足料，爽口彈牙，配搭薑蔥香氣撲鼻，味道濃郁。老馮咸水角外脆內軟，外皮好脆＋煙煙韌韌，裡面餡料豐富。老馮茶居 (海寶花園)📍大埔安慈路1號海寶花園地下14號舖

位於新界區嘅特色打卡茶居，裝修設計懷舊復古，用上多個特色牆境，打造舊香港境況，時光倒流嘅感觸。點心師傅堅持沿用新鮮食材，手做傳統點心，尋回惜日風味。🫖茶芥（每位）$6🦆鮑汁柚皮鴨腳扎 $33～ 好少地方有得食柚皮，所以必定要試吓，好入味又軟腍。🦀蟹子燒皇 $35🐃薑蔥牛相葉 $33🦐老馮鮮蝦腸 $28～ 鮮蝦爽滑又彈牙，手拉製作腸粉。🥢金牌炸芋角 $18 ～炸芋頭角，好傳統廣東粵式點心，炸起來飛絲成蜂窩的形狀，外脆內軟。🥢金牌叉燒包 $18

📍 大埔海寶花園嘅老馮茶居📍🍤 鵪鶉蛋燒賣：燒賣內餡豐富，有鮮蝦、豬肉同埋鵪鶉蛋，每一口都充滿鮮味。外皮薄而不破，口感嫩滑，真係唔可以錯過。🥟 **懷舊蒸粉果**：蒸粉果內有豬肉、蝦米同冬菇 沙葛，味道香濃，外皮晶瑩剔透，口感Q彈，非常有懷舊風味。🥢 鮮竹卷：鮮竹卷用鮮嫩嘅豬肉同冬菇包裹住，外層 腐竹 蒸得柔軟清香，每一口都係極致享受。🍠 蜂巢炸芋角：芋角外層炸得金黃酥脆，內裏係綿密嘅芋蓉，每一口都令人回味無窮。🌿 即拉腸粉蝦米腸：腸粉滑溜彈牙，內有 蔥花 同蝦米，淋上豉油後更加惹味，每一口都係滿滿嘅幸福感。🥬 薑蔥牛柏葉：牛柏葉爽口彈牙，薑蔥嘅香氣撲鼻，味道濃郁，每一口都充滿濃厚嘅滋味。🌶 黑椒豬大腸：豬大腸外 軟熟 內嫩，黑椒味道香濃，唔會太辣，每一啖都係驚喜。🍵 飲茶嘅來源：飲茶源自中國南方，特別係廣東省。點心同茶一齊享用，成為「飲茶」嘅文化。「茶樓」最初係提供茶水嘅地方，隨住時間推移，慢慢演變成為提供各種點心嘅場所，成為香港飲食文化嘅重要部分

心血來潮想食點心晚飯，就搵左呢間［老馮茶室］。7點去到都已經有人排隊等位，最後我哋兩人都等咗一陣就入得。環境乾淨企理，有好多六十年代嘅懷舊裝飾掛在兩旁，有時代感。臘腸滑雞飯～色澤誘人嘅臘腸整齊咁放響飯上面，肉質酥軟，油香皮嫩，輕輕一咬就食到臘腸的軟糯入味，與滑雞和米飯係絕佳配搭！魷香肉餅飯肉嫩多汁，兩煲飯份量十足，物超所值。老馮鮮蝦腸晶瑩剔透，隱約可見入面粉嫩嘅蝦肉，柔韌彈牙，吾油膩，火喉拿揑精準，既吾軟爛，又吾會生硬難嚼。古法牛肉球超大粒，顏色好鮮嫩，賣相幾好，喼汁又夠酸，好夾。老馮流沙芋泥包係一道顏值高嘅點心，3粒肥嘟嘟嘅紫色流沙包，麵包鬆軟，入口即爆。古法千層糕好有層次，上層脆口，中間夾著清香蔴蓉，有新意又非常惹味。職員服務態度充足親切，價錢合理，水滾有茶香，真係比起集團式茶樓好好多，咁高質嘅點心，實會再嚟😍

家人突然話想飲茶好耐冇飲過茶 諗起大埔有老馮茶居唔係酒樓 而係茶居☺️裝修係懷舊香港風 點心主打手工製作 即叫即製價錢親民抵食係香港真係愈黎愈少喇😎茶居裝潢彷似60年代既香港 仲有好多復古裝飾 打卡岩哂📸餐具都用上公雞茶壺杯碗 好懷舊食物係傳統手做點心 用心製作質素唔錯又抵食2個人食左6樣野連茶芥都唔駛$200😇💥老馮鮮蝦餃招牌點心之一 皮薄足料大大粒鮮蝦 肉質爽口彈牙☺️ 💥古法千層糕都係招牌點心 層次分明用上椰絲 蛋黃 香味濃郁 咸中帶甜😚💥老馮金沙米皇腸腸粉皮都係整到好薄入面有D米粉 肉 食落好脆好香好中意個口感另外仲可以點麻醬X豉油 更滋味😈💥香煎蘿蔔糕食落仲有蘿蔔絲既有口感 亦食到淡淡既蘿蔔清甜味而且煎得唔太燶 香口好味😆💥魷香肉餅飯懷舊缽仔蒸飯 個人好中意土魷肉餅佢呢個整得好出色而且飯蒸得好乾身 食落係粒粒分明加埋個肉飯 鹹香惹味😉💥薑汁桂圓紅棗糕飲茶必食甜品紅棗糕香味濃 帶少少薑味 好養生口感軟糯煙靭 滿足

呢間小店成日排長龍，今日試咗，佢D點心真係有料到。雖然塊皮唔算好薄，不過蝦餃D餡都幾新鮮，D蝦肉有彈性。佢個潮州粉果反而有驚喜，塊皮唔會黐立立一pat pat，入面嘅餡料同樣新鮮，尤其是佢個花生同埋沙葛。呢度嘅炸芋角都做得唔錯，炸得夠鬆夠脆，但係又唔會食到成口油，入面個芋蓉都幾靚。山竹牛肉係廚師推介咁就梗係要試下啦，呢個都做得出色，唔會有嗰陣梳打粉乸過嘅味，牛肉球入面啲牛肉有粗有幼，咬落去質感口感都幾好。蔥花蝦米腸夠滑，就咁點麻醬甜醬辣醬已經好正。叉燒包啲叉燒幾靚，唔會因為諗住塞喺個包入面就求其拉搵啲肉加啲叉燒醬入去就算數。鴨腳扎最勁就係有柚皮，真係好耐冇食過柚皮。

📍老馮茶居元朗 大埔 荃灣都有分店😆有多款老馮招牌懷舊點心推介古法千層糕因為整法好繁複，好多地方都食唔到呢個食落好鬆化，仲好有鹹蛋黃香味👍🏻金牌炸芋角用芋泥炸成外皮，外表酥脆，內在鹹香👍🏻唔同一般鹹水角，都係好多地方食唔到蝦醬腩仔飯唔知係咪用本地蝦醬呢？屋企有時都會煮下蝦醬炒菜，但係出面就好少食到蝦醬用五花肉切片，再用蝦醬醃肉，超級好送飯！呢個砵仔飯仲要粒粒分明👍🏻出色老馮流沙芋泥包好香芋泥味，仲要熱辣辣食係有流心效果！

今日飲茶😎！今日唔想去一般酒樓，一個人就一於去老馮茶居啦，🤣一般酒樓嘅點心都係由工廠製造，或者係大陸做好送落嚟香港，未必係最新鮮，但老馮嘅點心除咗有特色之外，味道同口感都好好而且份量好足！！！呢間野座位唔算多，通常都要等一陣先入到去，佢啲點心都幾多選擇，價錢都唔算貴，五六個點心埋單都係百零蚊😎好經濟實惠今日就只係食左蝦餃同叉燒包，蝦餃好大隻，皮又簿，好鮮味，同埋一定要配埋佢個辣油，好好食！！！📌老馮茶居🍽️大埔安慈路1號海寶花園地下14號舖