Badroom Bar & Restaurant

Thanks God, it's Friday!間唔中放工 飲反杯 放鬆一下 相信普遍香港人都有呢個習慣。今次揀左呢間 餐廳兼酒吧 寢宮 貪佢 有得食 又有得飲 場都唔洗轉 慳反啲時間薯仔雞湯好好飲 濃郁嘅湯 仲有個沙律 好新鮮美國肉眼牛扒配燒肉汁 $328 好味值: 5/5點左5成熟 牛扒 鮮嫩 多汁 連埋個配菜食 可以稱得上係錦上添花 。配菜有 四季豆 西蘭花 花椰菜 紫薯蓉 雞髀菇 茄子 青瓜 黃節瓜 黑松露焗薯 炸蓮藕片 炸芋頭片 豐富又夠營養 重點係 全部都 好好好食 慢煮西班牙黑毛豬鞍配鵝肝 $328好味值: 5/5必點 應承我 黎到一定要點呢個！ ！真係好好好 食吖 個 豬鞍 扒好厚 但仍然做到 岩岩好熟 切到最後 都仲係pink pink 的配菜都係有好多除左 焗薯轉左薯仔之外 其他都同上面一樣香蒜辣椒炒牛柳粒 跟餐小食 + $58好味值: 5/5食得辣嘅朋友 同鍾意食辣嘅朋友千祈唔好放過呢個小食 因為一定可以令到你地欲罷不能 辣辣地好惹味 Random Cocktail 跟餐價 $38好味值: 4.5/5好少女心 有樣又有內涵 係呢個環境望住呢杯咁靚嘅飲品 好chill吖 飲落酸酸 甜甜 好易人口 店員話呢款 係Random 嫁Little Creatures Dog Day’s 跟餐價 $48好味值: 4/5味道好特別有別於一般嘅啤酒 呢款充滿水果香氣 男女都岩飲呢度環境好靚 周圍都有 唔同嘅壁畫 除左一般酒吧有得玩嘅野之外 仲有韆鞦 #打卡一流 呢度仲好貼心咁 有得借叉電器唔怕玩到冇電 會encore 的店…Read More

趁住週末出嚟輕鬆下，本來想喺諾士佛臺是但搵間bar坐下，見網上推介呢間樓上酒吧，話除咗酒有特色，食物嘅質素都唔錯。酒吧地方寬敞，枱同枱之間空間好夠，有好多大枱，仲有桌球玩，好適合成班朋友開party。Flower Market係蝶豆花加檸檬，有一杯小小嘅檸檬汁加糖漿，加入後攪勻就會由藍變紫，好夢幻。蝶豆花本身冇咩味道，所以飲落檸檬味比較突出，酸酸甜甜幾清新。朋友本來想叫Thaijito，感覺好有新意，但冇香茅所以整唔到，唯有叫Mojito， 薄荷味較重，味道清爽。蒜辣雞翼條非常有驚喜，開邊雞翼經過醃製，味道香濃，外皮炸得酥脆，加上蒜粉，非常之惹味！同朋友一人點咗一份set meal，先送到嘅係簡單嘅沙律，以沙律菜同青瓜為主，淋上小量日式芝麻醬，清新開胃。南瓜湯味道濃郁，質地微稠，入口非常creamy，我同朋友都大愛。燒羊鞍質感嫩滑，幾乎入口即溶，加入香草芥末配露絲瑪莉汁，食落一啲都唔羶，如果份量大啲就完美。肉眼扒五成熟，色澤粉嫩而且一啲血絲都冇，入口肉汁豐富，肉味突出，水準唔錯，如果厚啲就更好。另外必須一讚佢嘅伴碟，炸蓮藕片非常酥脆，味道帶有絲絲微甜，食多幾塊都唔會膩。酒吧地方大又有私隱度，空間感媲美party room，同朋友開party嘅話都係一個好選擇。…Read More

呢排真是很忙碌，每日返學放學，都冇乜出街食好西，適逢朋友就快生日，終於有時間去relax～ 呢間酒吧位於尖沙咀諾士佛臺樓上，環境相對乾淨，而且冇煙味😍啱我呢啲唔食煙嘅朋友仔，朋友們不好飲酒，所以主要叫返嘢食～——————————🔸美國肉眼牛扒配燒肉汁 $328 牛扒揀咗五成熟，煎得剛剛好，外層微微金黃色，裏面保持紅潤🥰 食落牛味濃，軟腍多汁，不會太厚身，嘴細嘅朋友就啱晒🔹香草芥末燒羊鞍配露絲瑪莉汁 $318朋友鍾意食羊鞍，原來都有三大嚿😍絕對夠晒食！羊肉有些少膻味，但不會令人抗拒～肉質很腍，沒有肥膏，配埋沙律和微微煎過的的茄子🍆好好食🔸香煎芝麻吞拿魚柳 +$58想不到吞拿魚可以咁樣食🤪一咬外層的芝麻粒，味道似煎過的豬肉，裏面吞拿魚柳一啲都唔腥，蘸上wasabi鼓油，鹹鹹香香，不錯～🔹黑松露芝士薯條 +$38依家食薯條，特別喜歡配黑松露！這裏的薯條真是剛剛炸起，識落好香脆但有點油膩，作為配酒小食very good~…Read More

諾士佛臺是九龍版的蘭桂坊，這裡的酒吧不像太子旺角的劈場，酒客都以外藉人士或上班族為主，除了酒吧，近年樓上都多了很多酒吧餐廳，不止飲酒食小吃，同時也有晚餐供應。＊＊＊＊＊＊＊＊＊＊＊＊＊＊寢宮是諾士佛臺內其中一間酒吧餐廳，會來這裡是因為朋友介紹這裡的食物大份又抵吃，而且味道也不錯。店內有私密度較高的梳化座和普通高枱高凳，亦有beer pong、桌球和飛標機等設施。先來兩杯Mocktail，定價不便宜，跟Cocktail價錢差不多。左:  Shirley Temple 2nd($78)由石榴、青檸、橙汁和檸檬汁調成的Mocktail，糖漿下得較重，酸酸甜甜幾好飲。右: Mango Mule($78)以芒果、青刺和薑啤調成，因為加了薑啤，較多汽，以芒果甜味為主。晚餐由$168至$328，包沙律、餐湯和主菜，並可以加錢加配多款小吃。沙律沙鮮菜新鮮，不過略嫌沙律醬太少。雜菌湯雜菌湯很creamy，菌味都幾香濃。香蒜辣椒檸檬汁炒蝦(跟餐+$58)炒蝦炒肉結實，香香辣辣幾惹味，不過碟底就比較多油。香蒜辣椒炒牛柳粒(跟餐+$58)牛柳粒肥瘦適中不過韌，同樣香辣惹味。香煎大蝦配辣椒蒜香意粉($238)大蝦幾大隻，意粉軟硬適中，墊底還有大啡菇、脆肉款和露筍。美國肉眼牛扒配燒肉汁($328)肉眼扒足有成款面咁大，份量十足，旁邊還有番茄、脆肉瓜、冬菇、西蘭花和紫薯蓉，份量足夠二人分吃。紫薯蓉很香紫薯味。肉眼點了五成熟，實際有七成熟，但口感還可以。總結，食物中規中舉，勝在份量十足夠抵食，基本上兩個人點一個餐或三個人點兩個餐就可以。…Read More

一聽到寢宮呢個名，感覺似係食中菜，點知望真d原來入面大有乾坤一行入去就覺得好似酒吧格局，又有桌球枱，而且仲有可以比你坐比你玩既搖搖櫈，用來打卡一流呀叫左2個dinner set, 首先食個頭盤，新鮮青瓜沙律，配埋紅白蘿蔔絲同埋烘多士粒，口感又脆又爽而且好fresh餐湯飲得出絕對唔係用粉開出黎，而且非常足料香蒜辣椒檸檬汁炒蝦 - $128叫左dinner set 之後想加d 小食，侍應哥哥話呢款佢自己都鍾意食，相信下佢，大大隻鮮甜爽滑大蝦配埋辣椒汁檸檬汁，刺激味蕾，醒神又開胃蒜辣雞翼條 - $88雞皮炸至金黃色，賣相已令人垂涎，炸粉厚度適中，食落不算油膩，配埋惹味蒜辣粒，令人一食難忘美國肉眼牛扒配燒肉汁 - $328一塊靚既牛扒係唔洗太熟架，所以叫左5成就剛剛好，d鮮嫩肉汁鎖晒喺入面，一切開香氣瞬間爆發，口滑更加係嫩滑無比香煎盲鰽魚柳保雲絲 - $258鍾意食煎魚既朋友一定唔可以放過呢個盲鰽喇，煎得香脆之餘又唔會dry, 值得一提係上面既香脆甜薯片同埋香芋薄片，非常有心思最後飲埋餐茶就走喇…Read More

皇帝之睡房內藏甚麼玄機？玄機就稱不上，不過我猜想皇帝終究都只想要一個舒服自在，無拘無束的空間。一間坐落於香港著名酒吧街的酒吧以「寢宮」為名，不禁令人對此地有無限聯想，那日相約在尖沙咀下班的朋友到該酒吧探個究竟，發現想擁有皇帝般的舒適自在，與三五知已歡談𣈱聚，此處乃是好選擇！甫進寢宮隨即見到酒吧必玩遊戲，枱上杯子已斟了酒準備各人大駕光臨而酒吧中央為高枱高椅子，電視高高掛不論坐那裡都能觀賞賽事高枱高椅旁更有桌球及飛標可作娛樂我倆一於盡皇帝般享受二人獨霸一個小包箱，在昏暗的燈光下，每枱之小枱燈確實有用武之地。服務員隨即遞上餐牌，有主餐牌及水煙餐牌供選擇，剛下班的我們點了2個精選套餐，填滿我們空檔的肚皮套餐包括沙津及餐湯，沙津也是一般沙津菜、青瓜、番茄、多士麵包粒及芝麻醬的撈拌，食材新鮮，尚算爽口多汁是日餐湯為番茄湯，湯質地豐厚，偶爾吃到番茄籽，番茄味道濃縮，相信該味道主要原於茄膏剛呈上時還被外表欺騙以為酒樓蒸排骨。每顆牛柳粒大約五成熟，所以肉質嫩滑，在幽香牛油味中帶有少許蒜蓉及辣味，加上黑椒的點綴確實野味不而！6片吞拿魚的吞拿魚味未能因煎後更突出，反被芝麻味覆蓋著，但芝麻卻增加了口感，使表皮更脆口，沾上檸檬汁後有助帶出魚鮮味，令整片吞拿魚有口感同時不失鮮味實不相瞞，小女子係第一次食酥皮羊扒，它的出現讓我對此菜式留下美好印象，雖然酥皮不似所預期的鬆脆層次分明，而是薄如春卷皮，但同樣吸收到羊扒肉汁，加上發現內裡有三文魚碎，增加層次感和魚鮮味，兩者包裹著帶有陣陣羊羶香味的羊肉，脂肪甚少但肉質鬆嫩，這個似曾相識的整作方法難道就是威靈頓牛柳的番外篇？旁邊伴菜有燒南瓜、翠玉瓜、茄子、番茄、薯仔及椰菜花，還加上香口炸蓮藕和芋條，比起薯條更可口更別緻肉眼扒比起手掌還要大，配上跟上述同樣之配菜並多加紫薯蓉五成熟之牛扒呈粉紅色，肉質嫩滑肥膏不多，煎後仍保留到肉汁，牛扒只有簡單鹽巴作調味，這更能突出到牛鮮味，而燒汁可令牛味更明顯。可能由於牛扒較大塊，其後會漸覺飽肚及油膩，若配上旁邊的紫薯蓉有助減低油膩感餐牌上說明飲品中含有青檸、芒果蓉及薑啤，味道偏甜，較似芒果精開出的飲品，榨取杯上掛著的青檸到飲品中有助減低甜度，並增加果鮮與開胃，相信該甜度加了酒精變雞尾酒後會變中和內裡有藍莓、薄荷葉及忌廉梳打，濃烈薄荷葉味中帶有藍莓精味，略嫌梳打不足，同樣偏甜，適合作調雞尾酒與朋友飲返數杯之餘還可吃飽肚高質主食，更可偶然來一場不論桌球、飛標或drinking game 的友誼賽，確是消磨時間的好地方！…Read More

又到星期三，放工後和女朋友到諾士佛臺Happy Hour加晚餐，發現這家寢宮名字頗特別，就來試一試。餐廳環境裝潢獨特，有不同的主題區域，十分適合來打卡，燈光柔和，環境有情調。餐廳晚餐提供精選套餐，主菜有豬牛羊鴨魚，任君選擇 ，跟餐有沙律及餐湯，價位豐憸由人，另亦可跟餐加配小食，十分抵食。餐牌主打中式的Signature Cocktail，以新穎玩味的方式做出不同的風味。King Mud Lun Yam/西施十分有玩味以功夫茶的造型盛載的特色Cocktail，King Mud Lun Yam以whiskey及Bianco作底酒，入口有青檸輕輕的酸甜味，而西施用上Rum作為底酒，配以蜜桃及橙汁，入口香甜適度。香煎芝麻吞拿魚柳加點的前菜先上枱，吞拿魚柳外層輕輕煎香，肉質滑膩柔美，火喉拿捏精準，加入一點檸檬汁作點綴，十分開胃。黑松露芝士薯條芝士薯條份量十分慷慨，熱辣辣的魅力和香脆的口感，加上黑松露醬，香味撲鼻，刺激味蕾，相當惹味。跟餐沙律新鮮的沙律菜，配上其他的配料，口感豐富，味道清新可口，輕怡開胃。跟餐餐湯餐湯蕃茄濃湯，口感濃郁綿密，有著迷人的蕃茄鮮味，酸甜上口帶有層次感。慢煮西班牙黑毛豬鞍配鵝肝豬鞍是帶骨的位置，豬鞍的脂肪豐富，油花分佈均勻，慢煮的做法令肉汁流失減至最低，所以一咬肉汁豐盈，甘腴可口，入口肉味濃郁，肉質軟腍，伴上入口即融的鵝肝，配撘一流。美國肉眼牛扒配燒肉汁這份的肉眼牛扒外層烤得焦香，內裡生熟程度拿捏精準，入口肉汁豐腴、脂肪豐富，肉質軟腍嫰滑同時牛肉味濃郁厚實，水準比坊間一些所謂扒房還要高。…Read More

雖然未到Happy Friday，但我同閨蜜K真係好需要Relax下，所以放工就相約去諾士佛臺酒吧餐廳到飲飲食食⋯ 呢間酒吧好新淨，而且又唔雜，環境好舒服。一早去到未肚餓，當然飲下酒先啦～ 呢到有好多款雞尾酒，而我們叫左以貴妃名為命名的特色Cocktail。楊貴妃以荔枝酒、Tequila為Base，再加入新鮮西柚。由於有荔枝酒，所以飲落遍甜，加埋一絲絲帶少少酸苦的西柚肉去平衡個甜味。我自己就好鍾意，不過朋友就比較鍾意佢個杯西施。西施同樣用中式的茶杯載住，以Rum酒一種酒做Base，再加入橙汁及桃蓉，飲落以甜味為主。有酒當然要有小食先至Perfect啦，我們不約而同地想食香蒜辣椒檸檬汁炒蝦(餐+$58/份)。雖然唔係用香蒜辣油浸住，不過每隻蝦都沾滿個汁，食落非常惹味。擁有黑松露+芝士的炸薯條(餐+$38/份)，係好多人的最愛的邪惡組合。粗薯條炸至外脆內軟，雖然芝士唔多，但大家仲可以點黑松露沙律醬，味道同樣出色。傾左成粒鐘，係時候要食埋Dinner⋯ 原來每個Meal都會有埋湯及沙律。呢份青豆湯無草青味，而且入口都幾滑。沙律上加了兩片凍鴨胸⋯ 但沙津唔係落左好多醋，所以唔多夠味～我本身有諗過叫一份羊，但原來朋友唔食羊，所以我們揀左一份意粉及一份牛排。呢個香煎大蝦配辣椒蒜香意粉真係幾香，而且辣得香口又惹味，佢D辣係入口等幾秒先滲出黎。只係食得譚仔清湯的我，就覺得辣左少少，不過我相信呢個會係好多人的心水。美國肉眼牛扒配燒肉汁的牛排比相像中大塊，下面放著娃娃菜及甜薯蓉。雖然唔係特別咩的牛種或級別，但牛肉的脂肪都算均勻，牛味都幾香，整體不錯的。好多的酒吧餐廳都有提供不同的食物，但水準參差。呢間位於諾士佛臺的樓上的酒吧，整體的水準都不錯。加上場內仲有Beer Pong、飛標等玩意，無論幾個閨蜜邊下野，定一大班朋友去玩都好適合。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…Read More

星期五的晚上當然要放縱自己，來了久違的諾士佛臺的樓上酒吧餐廳飲杯酒吃美食！我們點了兩個set dinner，隨餐附送沙律和餐湯外，還可以差不多半價的價錢追加小食呢。首先來了兩客鴨胸沙律。充滿柚子醋的沙律菜加上兩片烤鴨胸，非常開胃又為我們展開了一個好開始！接著就是扁豆薯蓉湯。弱弱的說這是我們第一次開這兩個食物組合的湯呢，一開始感覺有點怪怪的，質感是扁豆薯蓉打磨後的比較黏稠，不過多喝幾口後又覺得挺清新不錯的。第一個小食香蒜檸檬汁炒蝦就是走泰式風味，混合了檸檬汁和辣椒蒜頭，酸酸辣辣的很過癮，而蝦的表面微微燒焦，肉質非常爽口彈牙呢！另一個香草炸魚條配檸檬汁乍看之下外型好像炸魷魚，實際是香脆可口又肉質鮮嫩的炸白飯魚。蘸著檸檬汁和沙律醬，忍不住一條接著一條呢。我們這晚都做了食肉獸 哈哈！男友點的美國肉眼牛扒配燒肉汁相當大塊，帶有點點肥膏。Medium煎的剛剛好，保存著香濃牛肉味，肉汁豐腴鮮美！配料亦很豐富，有焗薯、紫薯蓉、茄子、白菜和蕃茄等等。我選的是慢煮西班牙黑毛豬鞍配鵝肝。豬鞍的size亦不小大又挺厚身的。透過恰當的慢煮烹調方法，做到肉質粉嫩鬆軟又充滿肉汁！而鵝肝煎的外脆內軟，滿滿油香滋味非常！其他蔬菜配料就跟牛扒差不多。:)…Read More

Badroom  Good  Food@尖沙咀喺諾士佛臺有一間叫寢宮嘅酒吧餐廳，除咗飲得食得重睇得。入面大走華麗宮廷風，非常 grand Drink Menu 除咗有一般cocktails 之外，入面重有寢宮主題嘅 cocktails，啲名好得意 我哋叫咗杯 King Mud Lun Yam ，入面係 Whisky、Bianco、Fresh Lime 同 Soda，用茶杯同木盆裝住，非常貴氣～ 飲落入口清新舒服，充滿青檸香。呢杯王昭君（落雁）都好靚阿，用Gin、St. Germain、Fenne 同 Cranberry Juice去調配，好似紅寶石咁。呢杯好啱女仔飲，清甜易入口 晚餐時間嚟所以重嗌咗啲野食，食物水準幾好，Set Dinner 已經包括沙律、湯同主菜 是日沙律係鴨胸沙律，沙律菜新鮮爽脆，而忌廉湯有拉花添㗎，飲落好 creamy。跟餐可以加錢點小食，一款揀咗香蒜辣椒炒牛柳粒，另一碟係蒜香雞翼條。估唔到份量都幾多，牛柳粒辣辣地好開胃，而雞翼條開咗邊方便食，新鮮炸起脆卜卜，連埋啲蒜粒食好惹味～主菜係美國肉眼牛扒配燒肉汁，好大碟而且賣相一流，切開係粉嫩嘅顏色，重有Juicy 肉汁，牛味濃郁。另一個主菜點咗香煎大蝦配辣椒蒜香意粉，大蝦厚肉彈牙，意粉煮得啱啱好，有 al dente 嘅口感，好吃 值得一讚係配菜都好豐富，有番茄、瓜菜、青椒同炸芋頭片等等，色彩繽紛之餘重健康好味道～…Read More