Superior Manya Japanese Restaurant

👨🏻‍🍳御滿屋日本料理 (旺角)📍旺角彌敦道655號胡社生行1樓 「榴槤迷注意‼️仼食馬來西亞烤榴槤😆」燒菠蘿食得多，👍🏻🍽️烤榴槤仼食有幾多間餐廳有？😝呢間有！！任何組合套餐都可以任食馬來西亞烤榴槤😝微脆外皮，雖然聞落吾算好香，但系食落好香口🤤👍🏻榴槤甜品放題會食到濟，呢粒烤榴槤可以無限encore😙放題食物款式多，不過今日都系主打想食刺身、壽司😝超大隻👍🏻🍽️甜蝦，啖啖肉好fresh🤤其他三文魚、油甘魚都系厚切😋好多放題/buffets既wasabi豉油都會偏咸，但系呢間岩岩好👍🏻👍🏻🍽️花之戀好味😋迷你手卷一啖過，吾佔肚子位👍🏻熟食、其他小食不過不失🙈👍🏻🍽️推羊架！！好有羊羶味😝越羶越愛🫶🏻而且吾會好榎，調味惹味😋最後👍🏻🍽️必食雙重朱古力馬卡龍Haagen-Dazs雪糕！！吾算太甜，但系食到粒粒馬卡龍碎碎，好好食🥹👍🏻除左Haagen-Dazs仲有Movenpick雪糕😆我地系自選2小時$288加一，凈系喪食刺身壽司都回本😝👍🏻仲有仼食烤榴槤‼️隔離左右好多黎🍻乾🍻的大叔🙈呢間仲有仼飲清酒、梅酒，仲要配靚靚清酒杯🍶👍🏻系幾抵食👍🏻…Read More

年廿八去同老豆慶生揀咗特價時段去食整體食物質素以特價嚟講CP 值幾高幾抵食都拍得住中貴價的放題尤其係刺身認真不錯，幾新鮮有吞拿魚 三文魚 帶子 螺 鮑片 甜蝦 赤蝦 赤貝尤其蝦、帶子同赤貝都好食雖然難得有吞拿魚放題嗌但係吞拿魚多筋嗌咗一次就冇翻嗌可能我期望有點高牛方面整體麻麻但燒牛舌又幾ok羊架普通熟食方面ok la 不過不失但選擇唔多雪糕可以揀movenpick, haagen-dazs or dreyers走時都見佢勁多人排緊隊…Read More

地址係旺角最中心既地方，朗豪坊隔離，最可惜係樓上舖，要靠睇傳單先搵到。同一棟樓，有唔同既餐廳，就由一樓試起啦⋯⋯本身我自己已踏入中年，戰鬥力下降，唔係食得好多，食放題唔會係同佢搏命，乜都係叫少少，試多啲唔同款食物。同其他放題都差唔多，剌身係成餐既靈魂，所以點滿成盆冰上面既新鮮剌身，就最吸晴。我見隔離枱四個人，佢盆剌身呢，我諗已經值回票價啦⋯⋯是關我點果盆剌身，超新鮮，啲甜蝦，大赤蝦，泰式生蝦，閒閒地都要四五十蚊啦。何況佢地直頭鋪到見唔到冰冰乜濟。今日點既野食就多啦...但重點講講啦⋯⋯牛油果軟殻蟹壽司-的的骰骰，牛油果同軟殼蟹好夾。芝麻雞亦-炸得好香，但又唔會燶又唔會唔夠熟。羊架-有少少蘇味，重點係佢唔肥又唔瘦。啲蘇味係佢啲羊脂處，所以好易入口。我食過有啲其他地方燒羊架，燒燶晒，食碳咁。環境方面，地方都好大，有唔同既枱，有啲自成一角。最後，我最鍾意既係佢清酒梅酒任斟，太正啦⋯⋯。…Read More

近年的日本放題開到成行成市，真是多到我們唔識揀，同朋友商量了幾天究竟食邊間好呢？ 到最後我揀了今次這一間御滿屋日本料理，一早上openrice訂定位，我們入場時間大約晚上八點半左右，全場滿座。 雖然這裏很多客人，但是座位寬闊坐得舒適，一坐低當然是點食物啦，我們點了刺身，壽司，海膽手捲，燒蝦，天婦羅，羊架，蟹粥，串燒， 這裏的種類非常多，食物的質素也有水準，除了有自助式飲品之外，餐廳還提供特飲可以選擇，雪糕還有movenpick和haagen Dazs。個人感覺好多間日本放題的名字都好像差不多，有陣時食過都會唔記得，但是這一間真是要好好記住，除了食物質素好之外，還沒有漏單的情況，我們一行四人都食得很開心。…Read More

蒲燒鰻魚任吃😍魚生質素下降☹️熟食不錯👍🏻星期四晚五點半，我地兩人book左位黎吃兩小時放題。今次係我第二次黎吃，發現餐牌無左 炸雙皮奶 極度失望，已經減左分。客觀而言，對熟食挺滿意，但魚生失準。星期一至四 17.30-19.30 時段：$181/人 另收10% ❌魚生：三文魚部位難咬，大蝦仲未清潔乾淨。吃左一輪魚生之後都淨係叫帶子，新鮮爽口。上次黎吃無呢啲問題。✅蒲燒鰻魚：比較多骨，但少有任吃鰻魚所以抵翻。一格等於一件，所以一次過寫10件先有咁多。👌🏻天婦羅：有蝦、蕃薯、南瓜、茄子 天婦羅，種類算多，質素唔差。✅羊架：入味，幾香。✅雪糕：每人可以揀選一杯movenpick或haggen dazz雪糕。雖然個人而言全部都太甜，但當中movenpick巧克力最好味，入面有巧克力碎，而且質感比haggen dazz滑。movenpick士多啤梨真的非常酸！🏠我地兩個人坐四人檯，夠位擺好多野食。餐廳好近旺角地鐵站出口，好方便。👳🏻‍♀️送食物速度唔慢，到後段漏多左單。到七點左右就會開始逐張檯last order。…Read More

滿屋，是小妹曾多次到過的放題餐廳之中還是覺得是最好的地方。至此滿屋旗下的多間分店，一有時間，小妹自必然會帶媽媽去刷反餐好的。上次吃過至尊滿屋，今次便決定吃御滿屋。價錢方面，晚市分有兩段時間，分別為17:30-20:30和20:45-23:15，星期一至三晚，成人$228，星期四晚，成人$238，星期五、六、日及假期前夕，成人$248，星期日及公眾假期，第一段時間，成人$248，第二段時間，則$228。至於小童，任何時間日子，一律$148。餐廳設有自助飲品區，兩大雪櫃裡面有著各款飲料，如可樂、果汁先生、荔枝紅茶、蘋果紅茶、烏龍茶、芒果汁、蘆薈汁、蜜桃汁、忌廉溝鮮奶、CC Lemon、維他/陽光檸檬茶、維他奶、蜂蜜柚子、咸柑桔、有汽提子汁、更有啤酒類如韓國Hite、Ice、Max等。即使不愛冰飲，可以選擇日式桂花茶和熱茶。同場設有自助沙律小食區，湯飲有日式粟米羹、花生糊、朱古力噴泉、各式馬卡龍及生果盤。至於兩大雪櫃，分別放有的骰的甜品、例如木糠布甸、啫喱、咖啡慕思、明月冰卷、水晶紅豆卷、芒果布丁、奶皇卷、朱古力泡芙、牛奶布甸等。沿著路口而行，設有刺身區和鐵板燒區，可離遠望到廚師接收order之後密密地做的境況。以點菜紙形式落單，款式包有小食、燒物、炸物、天婦羅、一品料理、鐵板燒、主食、刺身、壽司、創作壽司、卷物、手卷/軍艦等。另外，可加$68大洋升級日式煮鮑魚、凍鵝肝、鐵板鵝肝、鐵板牛油香菇焗活蝦、金目鯛壽司、海膽刺身、池魚王刺身、芝士燒松葉蟹腳。不過，不過升級的美食款式已經豐富得很，刺身方面，包括有三文魚、帶子、油甘魚、北寄貝、鮑魚片、劍魚腩、希靈魚、章紅魚、赤貝、甜蝦及赤蝦刺身。款式多羅羅，餐廳特別著重刺身的擺設，除了有大量冰碎墊底以保持冰鮮之外，更有不同膠花「園藝」裝飾，不論叫多或叫少，裝飾均一重視。小妹淺嘗幾款，當中三文魚切得厚身，但口感較冰未算能吃到最鮮香的魚脂。帶子柔軟透白，清甜鮮美。其中以甜蝦和赤蝦作對比，赤蝦足足大前者一倍有多，蝦膏鮮味和柔軟程度都要比甜蝦還要正，聰明的你一定識點揀！小妹眼闊肚窄，所以壽司不能多點，多吃便會很快飽肚。幸好，這裡的壽司全部都的骰小巧，每件壽司只有大概手指根的厚度，便能順利多吃幾款不同口味的壽司。火炙蟹棒襯的不是芝士，而是千島醬，香甜的蟹肉配搭清新的千島醬，感覺又幾得意。由於媽媽不吃生的食物，但經火炙後的三文魚，令魚肉變深，油脂爆出的柔軟油潤度大增，令媽媽接受程度也相對提高。小食方面，泰式鳳爪竟然帶給媽咪驚喜。鳳爪爽脆無骨，醃料醃得入味，辣中有酸，酸中醒胃，媽咪不禁要求我再落單翻兜。清酒煮扇貝，感覺不太有清酒味的扇貝，一客有五粒，專攻純白色的帶子肉，口感柔軟既清甜。燒物方面，燒菠蘿和日本蕃薯仔從來是放題中的encore之列，蕃薯仔香甜軟糯，即使吃到飽，仍然瘋狂地一粒又一粒，不自主地大啖放入口。不過，今次的菠蘿似乎太生，即刻有明顯的烤紋，但入口仍然偏酸，結果要被迫放棄。鹽燒牛舌十分爽口，和燒紐西蘭羊架烤得香口又鬆化，羊架羶味不重，灑上黑椒調味，令肉香更加鮮明。鹽燒雞軟骨，炸得脆口而軟骨充滿「爽爽」聲，襯上淮鹽，更加香口。炸物方面，員工一早已提示當晚沒有榴槤炸彈供應，沒有媽媽喜愛的榴槤，唯有轉攻其他。炸紫心香芋丸，流心成蓉的質地，入口熱燙燙，香芋味很濃，當甜品炸物來吃簡直一流。至於芝士年糕，流心程度和紫心香芋丸不相伯仲。不過芝士味道很重，咸惹得得，吃完一整件便覺得有點膩了。避免吃得過份熱氣，所以在天婦羅之中只選綠葉蝦天婦羅和日式蕃薯。蕃薯天然的香甜鬆腍包有炸脆的口感，正好追上紫薯大熱的潮流，口感相對健身，吃完感覺沒有太大內疚感。至於綠葉蝦，英文釋文為green tea，但與想像中的綠茶是沒有關係的，但綠葉有種吸油的效果，令炸蝦吃起來未有太大油膩感，味道還挺鮮香的。鐵板燒方面，牛油香蒜帆立貝和牛柳粒簡直是必點之列。帆立貝煎過之後體積未有縮水，潔白的肉質軟熟而群邊爽口，也帶來一股牛油香和油潤感。牛柳粒未有煎至熟透，反而肉裡仍帶少點粉嫩未熟，肉厚紥實，加入黑椒調味，再配合可口的炸蒜，非常惹味。自取甜品，每件款品只有兩啖的size，最適合花心想試不同款式的人。木糠布甸尤其做得出色，忌廉奶油輕盈，味道不太甜，瑪利餅碎仍然保持乾爽。咖啡慕思，軟柔而咖啡味超濃，推介必食。最後甜品送上每人一客movenpick雪糕，對每位客人來說是最大滿足的結束吧。…Read More