Ching Burger (Closed)

今次經外賣店挑選左一間漢堡包小店。餐牌上好多fusion 選擇ge漢堡包，有別於傳統漢堡包店。今次點左一個店舖推介嘅咕嚕肉漢堡包🍔。但個人認為咕嚕肉同漢堡包味道唔太夾到，味道普通。另一方面點左一個經典美食慢煮牛肉漢堡包🍔。雖然聽起上嚟冇乜特別，勝在塊牛肉夠Juicy。跟餐亦都嗌咗一個師兄雞塊同埋邪惡紫薯條。雞塊味道唔錯，可以一試。而紫薯條冇乜太特別，亦都唔見得佢有幾邪惡。整體以小店來講，漢堡包餐份量同埋味道以呢個價錢來講都算唔錯喺西營盤都算出色嘅一間小店。下次會再次選擇試佢其他嘅食物。…Read More

有位為食朋友住西環，之前推介我食一間餐廳，今次又推介我食一間burger店，記起都好一段時間冇去西環食野。雖然只有4款burger，但啲款式都好有特色，有咕嚕肉排、西檸雞，更有未來肉排系for素食者。小食都吾系得平時常見嘅薯條，有鴛鴦燒賣同埋麥樂雞，飲品亦有冷泡茶提供，小小嘅burger店嘅食物都可以好特別。自己就叫咗脆炸西檸雞burger，西檸雞都系好多香港人都食過嘅食物，呢間小店更巧妙地用咗黎做burger嘅款式😁裡面嘅檸檬汁好足料，酸酸mei mei咁好開胃，雞肉好嫩滑👍🏼大大舊都好足料。小食揀咗鴛鴦燒賣，原來系炸豬肉同埋魚肉燒賣，魚肉燒賣就系平時食開戈啲，豬肉燒賣有香菇，都系另一種美味。跟住系經典慢煮牛肉漢堡，牛肉配burger向來系天作之合。慢煮都系呢家一個大趨勢，慢煮嘅食物通常都會好軟稔，呢度嘅牛肉都吾例外，裡面仲有邪惡嘅芝士🧀牛肉肉汁十分豐富，成個感覺就系juicy🤩小食揀咗麥樂雞，同某快餐店味道十分相似🤣🙊脆脆哋幾好味呀。仲配以自家製辣醬，個樣勁似豆瓣醬🤣連我吾食得辣都覺得接受到。蘋果梳打又幾好飲，吾會太甜，喺出面未見過，吾知邊度有得買😆…Read More

有少量堂食座位，好多客人都係黎買外賣🍔老闆話店舖剛開業，處於試業階段，總括左客人意見之後，會再推出正式Menu😀----------香煎未來肉排漢堡伴田園大啡菇 $85好多層好豐富，估唔到未來肉排同大啡菇差不多厚，一啖真係冇咩可能咬得晒😂漢堡包搽左牛油烘過，食落特別脆口，影相禁耐之後都冇變腍👍未來肉排係泰國品牌，係老闆精挑細選之後先揀出呢款佢認為最好食嘅植物肉，確實食落去佢味道同口感都似真正既肉😎大啡菇好juicy，加上芝士同自家製醬汁，整個漢堡都唔會乾🤗 經典美式慢煮牛肉漢堡 $85漢堡包一樣脆口，牛肉味濃郁，醬汁同未來肉排漢堡既一樣係自家製 開業優惠免費升級套餐炸薯條係有薯仔皮既粗薯條，本身係跟茄汁，加$10有黑松露醬，不過今次係老闆送比綿羊試既😂黑松露好多，點薯條好正😋 蕃薯條比起出面食既脆口，而且內外都有甜味，灑上少量甘梅粉，老闆話唔點醬係最好食😉冷泡茶 白茶 & 荔枝紅茶浸左16小時既冷泡茶，白茶姐係白牡丹，味道偏甘🙂荔枝紅茶帶有荔枝清香，又有茶味🌿…Read More

今日經過充滿懷舊既西區,感受一下西區獨有情懷.近年西區都開始活化重建,但係巷與巷之間內穿梭仲有各式各樣既小店美食.今次經過水街見到呢間漢堡小店見佢有中式fusion既口味好特別就入去試試.咕嚕肉排漢堡伴焦糖菠蘿一份一啖都未必咬得晒既重量級漢堡！將傳統既中式小菜咕嚕肉融入係漢堡包內呢個嘗試相當特別又充滿新鮮感！咕嚕肉排外層咕嚕汁味道調得剛剛好,酸味唔會過份強烈,酸酸甜甜好開胃.咕嚕肉排炸得香脆,外層炸漿唔會過厚重,內裏肉排都好厚身,肉質彈牙香軟.加上焦糖菠蘿既甜味令整體更香甜多汁,食完都唔會覺得過膩.麵包採用法包類,係港式豬扒包常用既麵包款色,食落酥脆更加有親切感.經典美式慢煮牛肉漢堡上下層都以芝麻漢堡包夾住牛肉漢堡,半溶芝士,新鮮蕃茄同生菜.漢包烘得好脆,係我食過咁多款漢堡包入面最脆.雖然烘得好脆但入口又唔會有好乾既感覺.牛肉漢堡juicy肉質唔會過柴,配上半溶芝士令牛肉味更香.生菜同蕃茄新鮮,充滿水份令漢堡包入口更多汁.蕃薯條薄薄一層糖霜面,炸得香脆唔油膩.蕃薯條外脆內帶住軟綿既蕃薯蓉,香甜又健康.師兄雞塊炸雞塊同樣配上fusion醬用黎點雞塊.2款醬汁分別係梅子醬及欖菜醬,梅子醬入口帶住濃郁既梅香,微酸減低雞塊油膩感.欖菜醬同樣濃郁,帶點鹹香醃菜味,估唔到配上雞塊都幾夾.荔枝烏龍茶&白牡丹茶師兄漢堡自家製完無添加既冷泡茶,健康又有心機.茶底香濃又唔會過澀,帶住茶葉既甘香,清香撲鼻.…Read More