Isono Suisan

位於銅鑼灣的居酒屋「磯野水產」🐚，除了主打的浜燒料理🔥，為客人席前即叫即燒新鮮海鮮🦐🦪，餐廳還有提供其他日式食品，例如刺身、壽司🍣、燒物🔥、一品料理、主食🍱等，店內海產均由日本直送抵港✈️🇯🇵😍 居酒屋裝潢充滿日式氣息🏮，店內設有吧枱座位及普通座位🪑，四周掛有不少日式裝飾🎏，增添居酒屋風味✨，環境氣氛一流🎶，而且店員服務到位👍🤗✨️在Openrice訂位還有8折優惠呢😉刺身盛合八款刺身盛合包括海膽、吞拿魚腩、帶子、油甘魚、火灸左口魚邊、赤蝦、三文魚及三文魚籽🧡🧊 每款都非常新鮮呢🤩 我最喜歡海膽🧡，肉質呈淡淡橙黃色，口感厚實，味道濃厚鮮甜，回甘強💥；還有吞拿魚腩和油甘魚🐟，肉質彈性、魚油香濃，食落淡淡甘甜😋 另外，加$20 即可將赤蝦刺身的蝦頭酥炸🍤，#炸赤蝦頭 外脆內香✨磯煮鮑魚 店家用自家製醬汁浸煮🫕，味道鮮甜濃郁💛，鮑魚肉質彈牙，入口鮮嫩多汁🤤來都來了😂 要點些浜燒水產試試🔥🦐🦪店員先端上海鮮讓我打卡📸，再席前浜燒🔥😝赤蝦浜燒 赤蝦肉飽滿，肉質嫩滑彈牙💥，灑上海鹽🧂，燒後入口甘香豐腴，味道濃郁鮮味🤤活日本白貝浜燒 白貝肥大肉厚，燒完後原隻上枱，好鮮甜美味😋，我地汁都飲埋😝鐵罐酒蒸文蛤將文蛤放進鐵盒蒸架上🫕，加入清酒🍶，清酒煮滾變成蒸氣令文蛤開口✨，蒸到剛好肥美飽滿🧡，口感嫩滑多汁，還能保持文蛤的鮮味，yummy‼️鹽燒白鱔 外皮微焦酥脆🔥，肉質細嫩滑口💫，入口彈牙，鹽的簡單調味突顯白鱔本身的鮮甜🧂，油脂豐盈卻不膩😋牛舌鋤燒 牛舌面層微焦脆🔥，口感爽口彈牙，厚切卻不失柔嫩，經燒烤後散發濃郁香氣，口感豐富😋蟹皇雜炊 師傅自家拆一絲絲的蟹肉出來🦀，配搭甘香的蟹膏混入粥底，粥底濃郁鮮香🍲，入口滑順，充滿海味層次。日本卷蛋 因為我生日呢🎉，店家寫了”Happy Birthday"的甜品碟🎁 日本卷蛋口感柔軟細緻🧁，蛋香濃郁🥚，甜度恰到好處💛這一餐非常圓滿。不得不提，店家的前菜配搭自家製魚醬，魚醬是由沙甸魚和多春魚製作出來，非常鮮味。…Read More

雖然話而家去日本唔洗隔離，但可惜返黎香港仲係要，好掛住日本嘅濱燒，所以報復性飯局今次就約喺磯野，貪佢啲水產夠新鮮之外，哩排做緊清酒買一送一優惠。磯野店面唔算大，不過滿滿嘅日本風。前菜($34) - 係鯷魚醬蔬菜條，前菜係default左每枱都有，如果唔需要可以坐低後同店員講。鯷魚醬鹹鹹香香好惹味，即使蘿蔔嘅味道未必人人接受，蘸左鯷魚醬都變得好好食。鎮星黃龍($980/720ml, 買一送一) - 清酒有買一送一，我地叫左枝share飲，經店員介紹，我地揀左哩枝帶少少蜜瓜香味嘅清酒，味道比較清爽，同刺身幾夾。蔥吞拿魚腩薄脆($88) - 吞拿魚口感潤滑，配埋下面嘅薄脆一齊食，口感豐富。赤睦魚刺身($880) - 赤睦魚大約有手臂咁長，做成刺身夠四個人食。赤睦魚夠厚切，魚油甘香，食落比較爽口，幾啱而家悶熱嘅天氣食。炸魚骨 - 食完赤睦魚刺身剩返嘅魚骨都唔好浪費，師傅可以將佢炸成薄脆，炸過嘅魚骨非常酥脆，又唔會太硬或者太油，要黎餸酒一流。磯煮鮑魚($98) - 鮑魚煮得夠腍又帶啲彈口，預先界開左四小塊，方便食。火灸吞拿魚腩筋壽司($78/件) - 吞拿魚腩筋壽司用火槍輕燒過，魚油都迫晒出黎，入口即溶但又唔會太漏。西京豚腩肉($98) - 豚腩肉肥瘦適中，用西京醃漬過食落甜甜地幾好食。總結，水產好新鮮，無論係刺身定濱燒都冇令人失望，清酒仲有買一送一優惠，最啱幾個朋友一邊摸住酒杯底一邊吹水。…Read More

◦•●◉✿✿◉●•◦ Birthday month真係好幸福😆 因為試到好多美食🤤 今次朋友預訂咗呢間磯野水產🦐 餐廳主打日本海鮮為主 ⁡當然要叫個日本海膽味噌甲羅燒啦🦀蟹膏味好濃 不過都食到海膽少少清甜味蟹籽好突出 幾新鮮如果可以有器皿熱住應該會再好食dd⁡北海道馬糞海膽手卷🤤 見到個手卷即刻嘩咗出嚟D海膽多到拎起手都裝唔到😂 好鮮甜🤤 一個字～爽磯煮鮑魚 第一次食日式煮法嘅鮑魚入味得嚟又爽口☺️👍🏻⁡壽司系列🍣 三文魚腩好肥美🤤 黑松露帶子好鮮甜🤤 火炙左口魚邊壽司好肥美⁡松葉蟹肉青蘋果蟹籽沙律🍏🥗呢個沙律幾好味😋青蘋果條條好爽口蟹肉&蟹籽好鮮甜 ⁡牛舌鋤燒🐮會建議最後先叫呢個牛舌因為有大量蒜&蔥 牛舌好爽口 雖然好惹味不過真係太太濃味😂 食完之後已經覺得食其他野都無咩味😆⁡最後想介紹個前菜—野菜條沙律伴鯷魚醬👵🏻同朋友都覺得好出色 重點係個鯷魚醬 咸咸地鮮甜嘅醬配新鮮嘅野菜條 好夾🥰🧡⁡Overall覺得食物還可以海鮮幾新鮮🦀🦑🐙不過到離開個時等咗大約25-30分鐘嘅lift先落到地面 可能因為限聚令關係 差唔多全楝樓所有餐廳都收10pm呢間餐廳位於高樓層 但都入唔到lift 等到灰心諗住行樓梯走(餐廳19樓都想行落去 等到十分絕望) 但係後樓梯係污糟到好恐怖🥲 最後都死死地氣去返等lift 所以⋯大家想去嘅真係唔好等十點先走😆⁡😋: 𝟟/𝟙𝟘…Read More

難得恢復晚市，當然要「食返餐好」一下🥳 朋友鍾情海鮮，我們就選擇了主打海鮮的日式餐廳🦀餐廳的裝潢走居酒屋風，用了不少清酒的海報作裝飾👍🏻要慶祝當然少不了酒精😆 點了一枝清酒，餐廳現在有清酒買一送一優惠，可惜我們兩個人飲一枝已是極限😌食物方面，我們點了一份磯野活魚盛合，有刺身又有磯燒海鮮，兩種食法非常滿足🤩首先登場的是前菜沙律，鯷魚醬充滿咸香，食得到不少魚肉碎，配以爽甜的蔬菜條，可以遮蓋蔬菜的草青味突出甜味，不失為一個充滿鮮味的開胃菜😋盛合內第一個出場的是粒貝螺刺身，螺肉非常爽口，有淡淡螺肉的鮮甜味，作為盛合的開場非常適合。然後是金目鯛刺身🐟 自從上年從日本回來後，一直未有機會食到我最愛的魚刺身-金目鯛，心裡一直好掛念。金目鯛魚肉偏軟，咬開不是澎湃的魚油味，但吞下去之後口腔會充滿魚的鮮味，非常齒頰留香👍🏻磯煮是指用醬油、昆布等醬汁慢火炆煮，煮熟後再置於雪櫃內冷藏的做法。被醬汁包裹著鮑魚非常爽口彈牙，微甜的醬汁與鮑魚的鮮味非常合襯。接下來是一系列浜燒海鮮。首先是帆立貝，帆立貝燒得剛剛好，本身較韌的裙邊上枱時已剪開小塊，非常貼心。帆立貝不需太多調味，本身自帶的海水咸味就是最適合的調味料。松葉蟹腳蟹味非常濃郁，加上微微的焦香，令我回想起大阪心齋橋前的燒蟹香味😝浜燒鮑魚比磯煮的口感較軟，附上的柚子醬可以突出鮑魚的鮮味。黑松露牛油燒帶子是最後一道菜，亦是全晚最濃味的一道。黑松露味道非常香，配上牛油和帶子，沒有不好吃的可能。餐廳的海鮮非常新鮮，每樣食物都以簡單的烹調方法以突出海鮮自身的鮮甜味，而且店員安排上菜的時間和順序都非常合適，喜歡海鮮的朋友不能錯過👍🏻…Read More

最近疫情嚴重，困在家中多日忍不住出來走走。為食餐好改善一下心情，來到我top1喜愛的磯野水產。人一樣的多，似乎沒有受到太大影響。前菜有蔬菜條配鯷魚醬，經過特製醬汁將鯷魚腥味去掉，轉化成鮮美，令單調蔬菜條變得不平凡。這枝兵庫縣純米吟釀做promtion，$520大大枝，米味濃，配海鮮很不錯！友人另外再點了巨峰梳打及薑汽水割燒酎，如果喝太多酒都有很多選擇！今日時令西蠔來自西班牙，點了一款酸汁一款原味，個人較喜愛酸汁，少少酸味更顯生蠔的清甜！點了龍蝦海鮮拼盤，龍蝦除了刺身更做了甲羅燒。龍蝦刺身加入蟹子，口感更有趣。龍蝦肉十分鮮甜，爽囗！非常高質！剩下的龍蝦肉做了甲羅燒，毫不浪費！配餅乾一絕！鮑魚則用磯燒方法，爽囗彈牙，而且好入味，賣相好用心蟹膏用來做甲羅燒，香到不得了！creamy口感一試難忘大蜆用酒罐用上清酒燒，吸收清酒味之外又可保留蜆汁，清甜都不足以形容！帆立貝一款用清酒，保留帆立貝的鮮甜，吃的是原味！另一隻則用黑松露牛油，即燒即食，這個配搭真的好惹味！最後有海膽蟹肉炒飯，每口都吃到啖啖蟹肉，新鮮海膽加入炒飯很奢侈，但這種美味我給10分！…Read More

朋友的工作過了試用期, 便說著要帶我去吃餐好的慶祝慶祝, 原來是來磯野水產. 店裡枱與枱之間的間隔寬闊, 絲毫沒有擠逼的感覺. 中間的枱用來放工具及濱燒之用, 編排頗有心思. 先上的第一道是沙律沾鯷魚醬, 先打開胃口. 朋友知我好酒, 所以點了這款生蠔用清酒給我, 熟悉清酒的我亦未見過. 清酒的酒體柔順, 酸度高, 不會太重的花香影響蠔味, 入口像白酒多於像清酒, 十分有趣. 店員推介了北九州的下關生蠔, 看殼大隻吸引. 點了6隻一試. 蠔肉雖不夠大隻, 但鮮甜而帶微微海水味, 始終過了產季, 但質素合格有餘. 赤蝦刺身向來便宜又好吃, 這裡的赤蝦鮮甜無雪味, 沒有投訴. 吃剩的赤蝦頭, 著店員拿去酥炸, 更覺香口好吃. 盤子裡奉上今晚的海鮮大餐. 有蝦, 鮑魚, 蜆, 帆立貝, 蟹腳, 龍蝦. 豐富之極. 先上的是磯煮鮑魚而後上的是濱燒鮑魚. 肉質上磯煮較保留原汁及肉質柔軟. 濱燒較乾身但香味更突出, 沾少許柚子胡椒更好吃. 文烚蜆又大隻肉質又柔軟, 裡頭的汁特別鮮甜, 是這晚最愛吃的其中一道. 接著上的清酒及牛油濱燒活帆立貝, 清酒的酒香帶出貝類的鮮甜味. 而牛油則濃郁及香口, 上面的黑松露醬令這個帆立貝做得比清酒要出色少許!最後一道濱燒是龍蝦, 但燒的時候會加上龍蝦膏, 味道更上一層樓. 十分出色. 略經灸燒的松葉蟹腳, 味道更覺鮮甜, 肉質又足夠結實, 不錯. 最後的主食是海鮮粥, 店員預先詢問了喜歡濃稠或較稀的煮法, 十分貼心. 我們都喜愛較濃稠的, 配合著松葉蟹令粥底更鮮甜, 又熱又飽肚. 這兩款甜品都是福餅, 但味道大有不同. 醃漬櫻花是鹹點而焦糖布甸是甜. 兩款我都喜愛.極餐的海鮮水準頗高, 而店員服務水準亦很高, 大讚. …Read More

2018除夕夜，約了英雄聯盟一起倒數迎接新的一年。英雄聯盟聚會要待至晚上十時才開始。尚未與一眾英雄會面之前，肯恩先行會合胖虎英雄及XO小弟來個除夕大餐，慶祝新一年的即將來臨。食店位處銅鑼灣澳門逸園中心，鄰近地鐵站，交道非常便捷。澳門逸園中心有廿七層高，當中竟有十四個樓層都是日式食店，競爭可謂相當激烈。食店主打海鮮食物，以刺身、浜燒、天婦羅等煮法的菜式都有供應。從餐牌所見，九成以上都是海鮮類菜式。海鮮盛合是食店較有趣的菜式項目之一。食客可以按個人喜好選取不同的煮法(刺身、蒸、汁煮、炸及鹽燒)去烹煮海鮮，所以就算是同一款海鮮，每次來到食店都可依據不同煮法吃出不同的味道。前菜 尚未點菜，服務員先送來鯷魚醬前菜小吃。鯷魚醬以多春魚及沙甸魚製成。由於魚醬冷了之後味道會變腥，食店特意以蠟燭台為魚醬保温，很是週到。鯷魚醬極富鹹鮮，味道比較濃重，因此較適合以蔬菜伴吃。青瓜、甘荀、西芹及沙葛條，每款蔬菜條都非常爽脆，一濃一淡兩款食物伴在一起同吃味道搭調，更能提昇魚醬的鮮味。肯恩對當中的沙葛條特別鍾情，既爽口亦夠鮮甜多汁，單吃已足夠美味。鈴鹿川純米大吟釀300ml慶祝節日總要有美酒相伴。來自鈴鹿川的純米大吟釀，酒味香淳易於入口。食店有細樽裝的清酒供應，正好滿足我們較少人數的飯局。炸蝦仔開始吃主菜之前先來少許小吃送酒。蝦仔炸得惹味香脆，沒有多餘油份，佐酒之選。烟燻蘿蔔伴芝士漬蘿蔔保留爽脆口感，蘿蔔當中的烟燻氣味與夾在其中的半融芝士香氣十分配合，另一伴酒佳品。磯野刺身盛合八款 (3ppl)是夜食店沒有吞拿魚腩供應，店員以其他鮮魚替代。八款刺身包括北寄貝、小鯛魚、深海池魚、赤鯥魚、三文魚子、三文魚腩、牡丹蝦及馬糞海膽。刺身盛合內的海鮮都是較經貴的刺身級別，質素甚高。鮮魚刺身都是厚切類型，魚鱗輕泛銀光，足見魚肉的新鮮。刺身擺盤亦一絲不苟，除了鮮花襯托，厨師亦以青瓜雕砌成花蕾或花托的模樣，賣相精美。刺身夠新鮮已經是成功的關鍵，三文魚腩已很肥美可口，其中赤鯥魚、小鯛魚更是冬季特別肥美的高級魚食，肉質爽嫩，鮮味十足。原隻上桌的北寄貝刺身爽口無渣沒有腥味，跟日式放題那些粉紅色經已煮熟的北寄貝絕對是兩碼子的事。牡丹蝦吃到最後，還可以要求食店把蝦頭拿回厨房去煮炸，變成另一道佐酒小吃。磯煮鮑魚磯煮鮑魚是冷盤菜式，每隻鮑魚都預先切開為四份。鮑魚飽滿肥美，size也很夠斤兩，每隻$98的價錢也算合理。磯煮是日本一種煮海鮮的方法，把鮑魚混合醬汁及昆布以慢火炆煮，讓鮑魚既能保持彈牙口感，亦吸滿湯汁的甘香，風味十足。鱈場蟹腳浜燒/松葉蟹腳浜燒點了兩款品種的蟹腳，一次過試勻兩款蟹腳的味道。食店在用餐區的當眼位置擺放了燒烤爐具，一來可以讓客人親歷海鮮浜燒過程，二來海鮮在浜燒過程中溢出的香味亦可讓其他客人聞到，吸引其他客人點選浜燒類菜式，是很好的廣告植入。蟹腳配以蟹醋提鮮。鱈場蟹蟹腳蟹肉豐厚，啖啖肉的滋味令人津津樂道。松葉蟹蟹肉相對較少，肉質較纖細，值得慢慢品嚐。吞拿魚腦天額浜燒這是肯恩首次嚐到的吞拿魚部位，亦是食店推介的名菜之一。腦天，是吞拿魚位於額頭部位的肉，每條吞拿魚額頭部位的肉其實比魚腩還少，是很稀有的肉，價錢亦不便宜。吞拿腦天部位魚味濃郁，油脂亦很豐富。腦天先以醬汁輕腌，之後店員即席在客人面前用火熗把腦天兩邊輕焯，熱力讓油脂從魚身迫出，即燒即吃全完能吃到魚脂的脂香及入口即化的口感，齒頰留香，令人回味再度。鐵罐酒蒸岩蠔餐牌上有數款以鐵罐酒蒸為名的菜式，煮法頗為新穎，於是亦點了其中一款鐵罐菜式來一探究竟。岩蠔即席在客人面前煮製，店員先端來注入清酒的金屬容器加熱，待容器內的清酒煮滾後立即以火槍讓清酒燃燒起來。趁著火光熊熊之際，店員立即把岩蠔放入罐中蒸煮。罐中清酒燃燒起來形成的藍色火焰離罐足有一尺高，肯恩看見店員把岩蠔放入罐內時也不禁要替他掐一把汗。不過這裡的店員已經訓練有素，對整個侍餐煮製流程胸有成竹。在密閉的環境中難以目測食物是否已經煮熟，店員需要依賴沙漏的協助去計算岩蠔蒸煮的時間。經過精確時間的蒸煮，岩蠔依舊保留充盈的肉汁及軟滑飽滿的質感，經過閉封的清酒蒸煮後更吸滿陣陣馥郁酒香，味道醉人。響螺浜燒活響螺原先打算作刺身享用，不過之前已經吃過北寄貝刺身，店員提議改作浜燒煮理。活響螺以昆布及燒酒去烹煮，煮出的響螺肉肉質份外彈牙可口，連帶煮汁都滿有螺肉鮮味，全部一拼吃掉不要放過。牛舌鋤燒除了海鮮，也點了一些非海鮮項目，一試厨房厨師的功架。牛舌煮得半熟後連鐵板直接上桌，上桌時牛台仍繼續在鐵板上被烹燒，熱力讓香氣四溢。牛舌薄切，不用煮太久已可品嚐。牛舌略帶少許嚼勁，脂香豐富，配搭葱粒及炸蒜粒，惹味可口。燒自家製免治雞蟹肉棒以免治做法，把雞肉與雞軟骨攪碎再混入洋葱粒、葱花製成。雞肉棒厚度相當，內裡裏着蟹肉，蘸上蛋漿同吃，更覺香滑。雞肉棒嚼感豐富，風味十足，令人回味。海膽野菜天婦羅海膽通常是當作刺身直接去吃，用海膽作熱食料理，肯恩還是首次。海膽經炸後，口感頓時變得不一樣。有點吃著多春魚籽的口感，卻又有着海膽獨特的香味，新鮮感十足。若果能把海膽煮炸的時間稍為縮短，讓海膽保留那種半creamy的狀態口感應會更佳。日本蠔粥全晚最後以一道粥品作結，不要少看一道粥品，店員可是花最多的時間去煮製這道粥品。粥品現場即製，店員先讓大米與甘荀、西芹及菇粒煮滾再慢熬，期間要不斷翻動粥品讓熱力均勻傳到食材當中。當粥品煮而半途再添入雞蛋、葱粒及生蠔，一道海鮮粥品漸漸成形。一道粥品大概要花廿分鐘方能煮起，店員按步就班地製作，煮出的粥品質感軟綿，配搭飽滿蠔肉，嚼感豐富，香氣四溢，吃完份外覺得飽足。柚子雪葩椰子雪糕吃過晚餐後再品嚐甜品。甜品種類較少，只有柚子雪葩及椰子雪糕兩款。雖然甜品選擇較少， 但都是由日本直接進口，質素自有保證。吃前宜先把雪葩擱置在室温環境下五至十分鐘，以最佳口感享用。這頓除夕大餐吃了差不多三個小時，在節日氣氛下大家的胃口都出奇地好。晚餐最後開了兩瓶酒，吃了十多道菜，埋單每位要過千元。價格雖然不算便宜，不過食店從刺身海鮮以至厨房的料理味道都很有水準，當中的粥品及鐵罐菜式都是很值得一試。在全晚滿座的情况下員工的協調亦做得很好，沒有待慢客人的情况出現。若果想一次過品嚐不同日系煮法的海鮮料理，這裏是不錯的選擇。…Read More

大除夕晚約咗兩位真假阿哥去倒數，因為啱啱去完東京大玩大食後仍意猶未盡，晚飯就決定繼續食日本野，並由K哥揀咗去「磯野水產」。聖誕節剛過，店子內外仲可以見到不少燈飾擺設，小肥最愛就係吧位中央隻聖誕招財貓，節日氣氛濃厚，班哥哥仔又幽默好客喎，感覺當真輕鬆自在。點菜全權交由兩位哥哥負責，好飲爛玩o既XO仔埋位即從兩頁飲品牌搵酒飲。有意轉場後飲香檳，所以開頭就好保守地叫咗枝米味濃郁啲o既細樽裝「鈴鹿川純米大吟釀」（$328）。三口子邊飲邊回顧及分享2018個別o既餐飲歷程，更互相祝賀「長飲長有，日日有食神！」野菜條沙律伴鯷魚醬（$30）：週一乃小弟免食蔬菜之假期，但眼見鯷魚醬以小蠟燭暖住，所以就試咗條K哥一再讚嘆o既沙葛。白雪雪o既沙葛爽脆多汁，點上濃味o既鯷魚醬能增添鮮香，幾有驚喜。炸蝦仔（$78）：蒙面哥哥極力推介o既小食炸蝦仔不單顏色鮮橙吸睛，炸得又夠乾巧惹味，食落脆卜卜，連同蝦頭、蝦尾、蝦腳、蝦眼食真係一啲渣都冇，送酒一流！磯煮鮑魚（$98/隻）：凍食o既磯煮鮑魚軟腍甜美，簡單可口。磯野刺身盛合七款（$1,347/三人前）：寫餸時得悉三人想點二人份o既七色刺身拼盤，但又怕魚生唔夠分，蒙面哥哥好好人地話包喺佢身上！嘻嘻，二人前升呢成三人前後，數數吓仲發現刺身竟然有成八款咁多，佢仲幽默地答話「七星又點都要搵返個月陪吓o既」，認真搞笑。刺身拼盤左起分別為牡丹蝦、三文魚腩、三文魚籽、赤鯥魚、小鯛魚、深海池魚、北海道馬糞海膽及北寄貝，色彩繽紛得堅有台型架。牡丹蝦唔止有姿勢，蝦身爽潤滑溜，且極富彈性，絕對有埋實際！三文魚腩鮮美潤澤。粒粒三文魚籽爆於口中，濃烈o既鮮味即洋溢口腔，！赤鯥魚魚皮香濃帶脆，肉質柔潤中帶微微嚼勁。銀光閃閃o既深海池魚厚潤肥美。北海道馬糞海膽鮮甜幼嫩。成個拳頭咁大o既北寄貝連殼上，爽脆清甜，冇得頂呀！吞拿魚腦天額浜燒（$298）：席上只有小肥一人食過浜燒吞拿魚腦天額，仲要係一試難忘嗰隻喎，當然係要推介俾大哥們啦！蒙面哥哥喺大家面前以火槍燒製吞拿魚腦天額，保證真材實料。看似厚厚o既吞拿魚腦天額半溶於舌上，質感幼滑軟嫩，鮮香慢慢滲進味蕾，食過包保返尋味！食到一半左右，話咁快就已經飲完第一樽小瓶裝清酒。。。眼見仲有成四個鐘先轉香檳喎，XO仔就應建議點多枝清香啲o既細樽裝「京姬一酌一景大吟釀」（$258）。由於餐桌上位置有限，其中兩款鱈場蟹腳浜燒及松葉蟹腳浜燒就由哥哥仔喺側旁慢燒。俾人燒前，靚蟹當然係要亮一亮相，露一露腿啦！以下相片中之生蟹腳，上為松葉蟹腳，下為鱈場蟹腳。兩款蟹腳均可點上醋汁食用，但係個人覺得原汁原味最為美味！鱈場蟹腳浜燒（$268）：長長o既鱈場蟹腳燒好後一分為三，肉厚鬆爽，不用多點汁液已夠鮮甜。松葉蟹腳浜燒（$108）：相比起下，松葉蟹腳肉質更為白滑幼細，但就同樣鮮美，各有特色，不過單睇價錢，下次一定會主攻松葉蟹腳。活響螺浜燒（$328）：浜燒最後一道活響螺切成粒粒以碗仔上，螺肉濕潤輕巧，煙韌脆口，鮮香味佳。鐵罐酒蒸岩蠔（$198/三隻）：深知兩位哥哥均愛好攝影拍片，又記得餐店o既鐵罐酒蒸岩蠔有大鐵罐火舞表演場面，一客剛好有三隻，所以就提議點黎食。大大隻生岩蠔放進藍火清酒鐵罐內蒸煮後，再於橙紅火海中開殼兼撈出，過程相當精彩。堂蒸時，四周已被酒香包圍，到真係有得食時就知岩蠔肥潤軟滑，甘香醇厚。燒自家製免治雞蟹肉棒（$98）：月見免治雞肉棒就食唔少，「磯野水產」好有心思地喺雞肉棒中間加入蟹肉，個人覺得組合好夾。自家製免治雞蟹肉棒香口嫩脆，本身又鮮又甜，混入秘製日本生雞蛋醬油食則更為香滑。牛舌鋤燒（$98）：薄切牛脷以鐵板燒住呈上，熱力十足！快速影完相後，六成熟o既牛脷爽薄香脆，連同頂面o既蔥花及蒜片食用即倍感惹味，掂呀！日本蠔粥（$188）：蒙面廚神淨係招呼我地三個壯漢已夠佢忙碌，燒完吞拿魚腦天額，再蒸埋鐵罐酒蒸岩蠔，單尾仲要佢玩埋煲粥仔，真係辛苦哂！廚神喺面前將一鍋清湯煲滾後，好有心機地逐步混入米飯、蛋黃汁、日本生蠔、碎蔥慢慢攪，可真絕無欺場！嘩，真係冇諗過堂煲蠔粥不單暖胃窩心，而且極其軟綿，蠔隻好似冇縮過水咁，肥嘟嘟、滑捋捋，鮮香甜濃，唔食真係走寶！日本直送柚子雪葩（$48）：原個柚子殼上o既雪葩清新微甜，清涼討好。大除夕晚與兩位真假阿哥於「磯野水產」晚聚，豪拆日式海鮮大餐慶賀一番。餐店o既聖誕佈置極有氣氛，年輕o既服務生更加係落力又風趣，效率高，煮得又傾得，感覺很是輕鬆。日本料理有魚生、浜燒、鋤燒、串燒、鍋物等咁多範，好難得廚房樓面內外都可以請到一隊咁高質素o既班底，可將不同海鮮及肉類食材烹調得如此多元化及出色美味，XO仔超級支持你！…Read More

朋友係外國遠道而來，難得可以見面就帶朋友食好一點，留下一個好回憶。磯野火炙沙律食海鮮前先黎一個沙律開開胃，雖然係開胃菜但是一點也不馬虎，又大又厚的三文魚火炙後，半生半熟既質感更加豐富。另外沙律菜十分新鮮，入口都十分爽脆。更少不了的是惹味非常的醬汁，提升了沙律的味道。鐵鑵酒蒸白貝蒸煮時在旁邊即煮，也可以看到即場既火炎表現，真可算是娛樂及味道也兼備。白貝方面因為酒精揮發了只剩下酒香，而白貝的味道十分清甜。加上餘下來的酒香更是令白貝香及清甜。磯煮鮑魚個人都挺喜歡的一道菜，磯煮後再冷藏，醬汁深深地讓鮑魚吸收了，加上有冷冷的感覺，在還是有點熱的天氣是另一種享受，而冷凍也令鮑魚肉質更好地保存了。另外一提的是上菜的碟也十分美觀。松葉蟹腳粥即煮的松葉蟹腳粥，先寫熟了蟹腳後先上碟，可以先品嚐蟹腳的味道，沒有令我們失望，肉質鮮而甜，不用調味也十分美味。粥方面吸收了部份蟹的鮮味，十分鮮甜美味。最後食了一碗如此美味的粥，是整晚好好的結尾。…Read More

身痕又想食浜燒野菜配鯷魚醬一路keep住溫度嘅鯷魚醬真係好好味，魚味濃郁，就算啲野菜條食晒，但一刻個鯷魚醬未食完，都唔可以拎走佢！！！和牛他他蓉沙律 ($188)配上羅馬生菜及紫菜，嫩滑嘅生和牛肉入面有青瓜粒、生洋蔥粒及黑椒，用羅馬生菜或紫菜包住食，前者索索聲好爽口，後者都係索索聲不過口感細膩啲；就算我唔鍾意食生牛肉，用呢個方法包住食感覺會冇咁raw，非常易入口金目鯛刺身 ($128)肉色偏紅，輕輕炙過嘅外層必晒啲魚油出嚟，食落有魚油香又夠厚身，好滿足時令活蠔刺身 ($158)比較少食西非蠔，食落好Creamy，海水味唔濃淡，肉身夠肥！北寄貝濱燒 ($198)之前喺樓下食過濱燒北寄貝，超級鍾意！所以訂位嗰陣訂埋要兩隻，煮熟後啲肉吸晒酒味，鮮味更突出，口感爽口彈牙磯野海鮮盛合 寶 ($998)鹽燒葫鯛聽都未聽過呢種魚，大廚用一夜干呢個方法處理，所以條魚嘅鮮味依然非常非常突出，肉質結實；魚皮嘅口感好得意，理論上鹽燒後係應該好脆㗎嘛，但佢偏煙韌，要用少少力先切得開，食落鹹鹹哋，好好味！濱燒白貝肉厚口感鮮嫩，無砂無渣鮑魚分別磯煮及濱燒，前者睇落好深色，但入味得嚟唔會好鹹，呢個主要係食鮑魚嘅軟綿質感；後者淺色啲，主要食鮑魚嘅鮮甜帶子分別用清酒煮及黑松露煮，前者超鮮甜，帶少少酒香；後者無可否認係好香，較重口味啲，雖然黑松露味道唔過火，但都會蓋過咗帶子嘅鮮甜，我自己都係鍾意清酒煮多啲！大蝦天婦羅係新鮮即炸，顏色金黃，炸漿唔算厚又唔會好油，蝦非常大隻而且重蝦味，雖然我麻麻天婦羅不過都覺得唔錯！松葉蟹腳 加咗$100煲粥！喺即場煮之前店員會先問吓我哋要唔要蔥及粥身要幾濃。味道超級鮮甜，蟹肉都好完整芝士蛋糕 ($48)今次終於有新甜品喇！梗係要試芝士蛋糕啦，不過我覺得佢唔夠硬身，雖然芝士味非常濃郁椰子雪糕 ($38)有啲似呢度另一種招牌甜品-蕃薯雪糕。呢個雪糕杯係半個椰子殼，食落好滑而且椰子味都超重由一坐低直到走，呢度都係播緊日文歌，但最好笑係我識唱㗎喎！原來係位後生店員專門搜羅一啲我哋熟悉嘅廣東話歌及台灣歌嘅日文版，好正！一路食一路唱！…Read More

好喜歡食海鮮，尤其係日本濱燒，所以又來呢間前菜 $30好開胃嘅前菜，雜菜(青瓜、西芹、白蘿蔔、紅蘿蔔、生菜)切成一條條，再點鯷魚醬，呢個醬混合咗沙甸魚同多春魚做成，小小咸香，好好味，一邊食，一邊聽店員介紹當天嘅新鲜食材和牛他他蓉沙律 $188和牛他他配上羅馬生菜同紫菜，嫩滑嘅生牛肉加入咗青瓜粒、生洋蔥粒同黑椒，可以分別放响羅馬生菜或紫菜上面食，兩者口感好不同，羅馬生菜好爽口，紫菜好有食刺身嘅感覺，我就比較喜歡夾紫菜金目鯛刺生 $128厚切嘅金目鯛，肉色白裡透紅，外皮輕輕炙過，魚油出了，好香口，仲有小小炭燒香，時令活蠔刺身 $158來自西非嘅蠔，有些Creamy，海水味淡，非常爽甜，幾滴檸檬汁，提升鮮味北寄貝濱燒 $198之前响另一間食過濱燒北寄貝，一試難忘，今日要再試，白寄貝加入昆布同清酒，北寄貝吸咗酒味，好鮮甜，仲好爽口彈牙又添磯野海鮮盛合 – 寶 $998今次都係食呢個，而今日嘅季節活魚係葫鯛，會鹽燒，白貝就選了濱燒，帶子一隻清酒煮，另一隻牛油黑松露煮、鮑魚就一隻磯煮，一隻濱燒、赤蝦選了天婦羅、蟹加咗$100做粥，鹽燒葫鯛第一次食呢隻魚，用了一夜干呢個方法處理，一夜干係日本北海道漁夫發明的嘅一個保存魚嘅方法，先將鮮魚剖開、清除內臟，再浸泡响與海水濃度近似的鹽水中，再風乾一夜，咁條魚嘅肉味仲可以保持鮮香，而且肉質更結實，呢條魚就完全做到，亦由於係鹽燒，所以已經好入味，唔點汁都已經好夠味濱燒白貝好新鮮嘅白貝，配埋清酒一齊燒，店員沒有將佢燒得好熟，半生熟咁，肉質鮮嫩，而且肉厚有口感，好鮮甜、有小小酒味、亦無砂帶子分別選擇咗兩種煮法，清酒煮同牛油黑松露煮，清酒煮嘅鮮甜，帶有酒香，牛油黑松露煮嘅就好香，帶子群邊有嚼勁，帶子肉彈牙，店員仲好細心，已經剪細細件，仲提醒我哋要食咗裙邊先，因為比較快凍鮑魚一隻磯煮，一隻濱燒，兩隻都好大隻，又厚身，磯煮嘅好入味，不太鹹，仲帶點甜味，濱燒嘅就好爽口彈牙，配上柚子胡椒，更覺鮮甜赤蝦天婦羅赤蝦，一望已經見到粉漿好薄，入口已經好入味，應該係個粉漿本身已經調咗味，蝦亦好新鮮彈牙松葉蟹腳 加咗$100 整粥煲粥嘅工具送到枱上，店員立即問我哋有咩要求，要唔要蔥，粥嘅濃杰，然後就開始煮，先放蟹腳及蟹身，煮熟上碟，真係好鮮甜，然後再加入餘下嘅蟹肉、煲一陣，加蛋，熄火，再加蔥，我同朋友都喜歡比較杰嘅粥，佢哋煮到我哋嘅要求，仲好鮮甜，好鮮甜，完全保存咗蟹肉嘅鮮甜，珍珠米亦好咬口。店員話有新甜品，分別係芝士蛋糕同椰子雪糕，就每樣一個芝士蛋糕 $48芝士蛋糕係我最喜歡嘅硬身芝士蛋糕，有些似New York Cheesecake，仲有好濃郁嘅芝士味椰子雪糕 $38個雪糕杯就係半個椰殼，好滑，亦好重椰子味八千代 ~ 芋燒酎  $68一向都係飲開果酒，今次就試咗一杯芋燒酎，燒酎即係蒸餾酒，芋即係蕃薯，酒精濃度比平時飲開嘅高，有些烈酒嘅感覺上一次去係坐 BAR 枱，店員就响你旁邊燒，仲可以同店員交流吓，今次坐咗另一邊，中間有一張大枱比店員做濱燒，餐枱就圍住呢張枱，雖然無得交流，不過可以同朋友傾吓計，離開時身上亦都無燒烤味，我就覺得第一次去可以坐BAR 枱，可以聽多些食材嘅介紹，之後去就可以按自己喜好去選擇大部分餐廳都無播放音樂，日本餐廳就然係播日文歌，呢間都係播日文歌，最特別嘅係呢到所播嘅日文歌就算你唔識都會有熟識嘅感覺，好自然會跟往唱佢嘅廣東話或者普通話版，最驚喜嘅係居然有BEYOND嘅海闊天空，一問之下，原來係其中一位店員諗出來，真係好有心思！…Read More

近幾年進駐左好多間食日式水產嘅食店, 其中位於銅鑼灣嘅澳門逸園中心已經有幾間, 澳門逸園中心係Sogo隔離, 由銅鑼灣地鐵站一出就到, 係呢度搵食非常方便。👍今日約左堂哥放工去銅鑼灣聚聚, 我book左澳門逸園中心19樓呢間磯野水產, 之前同老婆去過一次, d海鮮好出色, 所以今日帶超鍾意食海鮮嘅堂哥黎食, 佢一定滿意。😁我地7點未到就去到餐廳, 估唔到咁早已經差唔多坐滿食客, 餐廳裝修以木色為主, 配合好多日式裝飾, 非常有日本居酒屋嘅感覺。未點菜之前我地先點左杯梅酒, 邊飲梅酒邊嘆住個前菜, 再揀今日食邊款海鮮盛合。😆柚子×梅酒 $65呢款梅酒味道好清新自然, 柚子味濃, 入口香甜, 餐前飲一杯, 非常醒胃。😙野菜條沙律伴鯷魚醬 $30是日前菜係原價$78嘅鯷魚醬, 鯷魚醬富有咸香, 非常鮮味, 用爽甜嘅野菜條沾上食, 味道非常配。👍磯野海鮮盛合 · 寶(2人前) $898餐廳有幾款2人前嘅海鮮盛合選擇, 主要分別係響螺, 龍蝦定係活魚, 我地最後揀左磯野海鮮盛合 · 寶, 呢個盛合包括有6款時令海鮮: 季節活魚, 蟹, 帶子, 鮑魚, 赤蝦同白貝, 全部海鮮都係空運直送, 每款海鮮都可選用不同方法調理。季節活魚: 櫻鯛師傅係我地面前將原條櫻鯛起骨製成活魚刺身, 櫻鯛肉質軟腍, 魚肉好鮮甜, 而且櫻鯛都幾大條, 兩個人share都好夠食。😋松葉蟹濱燒松葉蟹燒好之後店員會將蟹剪開, 食得好方便, 松葉蟹蟹肉飽滿, 蟹肉帶有一點烤香, 肉質非常鮮甜。😍清酒濱燒活帶子 & 黑松露牛油濱燒活帶子店員將兩隻活帶子以兩款唔同配料濱燒調理, 兩款都好鮮甜, 而且帶子口感爽彈, 我比較鍾意食黑松露牛油濱燒, 味道更加濃郁。👍磯煮鮑魚 & 鮑魚濱燒兩款鮑魚各有特色, 磯煮鮑魚比較軟腍入味, 濱燒的就比較爽口, 沾上柚子胡椒令鮮味更突出。😋赤蝦天婦羅赤蝦天婦羅炸得非常酥脆, 連蝦頭都可以整個食完, 沾上蘿蔔蓉天婦羅汁, 非常惹味。👍酒蒸白貝呢款白貝會放進煮熱的清酒再點火煮熟, 酒味好香, 而且白貝好鮮甜彈牙, 味道唔錯。椰子雪糕 $48最後食埋以裝滿在椰殼的椰子雪糕, 呢餐非常滿足。😚…Read More

好友生日當然要同佢去食好D食豪D啦!!早前去過同一集團既烏居同漁獲浜燒居酒屋食過, 兩間都好正, 今次再去埋佢地集團另一居酒屋就係磯野水產幫我朋友慶生, 餐廳沒有花巧既裝修, 以棕色為主, 走簡約日式居酒屋風格, 燈光較昏暗幾有格調的~~食物同酒類選擇都不少, 但今次我地主要黎係食海鮮, 因為大家都係海鮮控~~先黎個前菜小食係野菜條沙律伴鯷魚醬, 呢個鯷魚醬係用沙甸魚同多春魚蓉混成的, 味道帶鹹香, 配合埋野菜條食, 感覺清新得黎又有層次, 非常特別呀!! 極盛盒 (喜)        HK$1498呢個極盛盒 (喜)絕對可以滿足到貪心既我地, 而且個賣相又夠震撼, 非常呃Like呀!! 個盛盒分別有一條喜之次, 兩隻赤蝦, 兩隻南非鮑魚, 兩隻帆立貝, 一隻嚮螺及松葉蟹, 每樣食料都可以選擇唔同既調理方法, 由於我地始終唔係太專業, 所以都係聽從店員既建議去整~~ 赤蝦刺身赤蝦非常大隻, 肉質結實, 而且好鮮甜同彈牙~~磯煮鮑魚磯煮係日本一種煮海鮮既方法, 主要係用醬汁同昆布慢火去炆, 唔洗煮太耐, 甘整唔單止可以令肉質保持鮮嫩彈牙, 而且仲可以鎖住D 汁係鮑魚入面, 唔會變得乾身, 正~~嚮螺刺身嚮螺切得好薄身, 份量都唔少, 食落仲好鮮甜爽脆~~ 鹽燒喜之次喜之次矜貴之處係全因為用網係捕釣唔到的, 唯獨只有用手釣先可以保持魚體完整, 所以得來不易呀!! 師傅用傳統岩鹽燒烤, 令喜之次最為原汁原味!! 而且外皮燒得乾脆, 但食落肉質何其嫩滑, 正~~牛油活帆立貝濱燒帆立貝非常大隻同肥美, 配以牛油連殼原隻去燒, 等佢鎖返住D汁加牛油係入面, 食落好香好濃牛油味而且好鮮甜呀, 仲啖啖肉~~清酒活帆立貝濱燒另一帆立貝用上清酒去燒, 陣陣酒香樸鼻, 食落完全同用牛油燒不同, 清酒突顯左帆立貝既鮮甜, 肉質又夠彈牙~~蟹粥用松葉蟹煮出黎既粥真係特別甜呀!! 蟹肉另外上, 食落都同樣鮮甜!! 留意蟹粥係需要另外加HK$100加工費的!! 雪場蟹腳         HK$268身為一個蟹痴一個蟹粥點能夠滿足到我地呀!! 所以叫多左一隻雪場蟹腳 , 食左甘耐起身郁下睇睇師傅既英姿先, 企係旁邊睇, 未食已經流晒口水呀, 仲要燒得甘香!! 上枱時已經高速甘KO了, 食落好香口, 係想追食落去的~~日本海膽味噌甲羅燒         HK$268因為時間關係未能安排生日蛋糕比朋友, 唯有用日本海膽味噌甲羅燒頂上!! 蟹膏本身蟹味十足, 入口軟滑綿綿, 混入埋大大粒既三文魚籽放上青瓜或餅乾同食, 倍感滋味呀~~蕃薯雪榚 HK$58 及柚子雪葩 HK$48最後緊係唔少得食雪糕啦! 柚子雪葩就食得多, 但蕃薯雪榚都係第一次食, 食落真係好似食緊蕃薯甘呀!! 除雪糕個PART, 其實整個用黎托住雪糕既蕃薯都食得的, 但因為太飽既關係, 我只係咬左幾啖, 不過已經好滿足了~~…Read More

好想食海鮮好想食海鮮好想食海鮮好想食海鮮好想食海鮮!!!!!鯷魚醬即係沙甸魚及多春魚醬，好有鹹香又有啲魚碎，口感唔錯，用個火慶住保暖，再用啲沙葛、紅蘿蔔、菜點嚟食，又熱又凍係非常特別嘅前菜 純米大吟釀 ($348)朋友叫咗一支自己飲，果然女中豪傑。我飲咗一小啖，哇果味濃郁，亦都冇咗平時sake嗰種嗆喉感，正！磯野火炙刺身沙律 ($178)平時梗係刺身還刺身，沙律還沙律，今次試吓兩樣加埋一齊會點？！好想講，真係好味到喊，有金目鯛、深海池魚、三文魚、蝦刺身，燒過之後啲油香爆晒出嚟，啲菜完全吸晒魚油精華，再加上本身啲蔬菜好新鮮，整體香甜到不得了！黑松露明太子玉子燒 ($98)可惜啲蛋唔夠滑，雖然入面嘅黑松露醬及明太子充足，味道香濃，不過玉子燒好驟忌啲蛋唔夠滑，如果滑返啲就真係完美喇燒自家製一夜干雞翼 ($88)風乾原隻雞翼一晚後再燒，外皮香脆到不得了，入面嘅肉質juicy鮮嫩，好正！磯野海鮮盛合 – 寶 ($898)有季節活魚、蟹、2隻帶子、2隻鮑魚、2隻赤蝦、2隻白貝，有別於平時食開嗰啲燒海鮮，呢度嘅每種海鮮都可以自由選擇煮法季節活魚原條羽太魚起肉做刺身，搭配酸汁，食起上嚟魚鮮味更突出，口感微脆磯煮鮑魚鮑魚size夠大又厚身，雖然個樣似好韌，但肉質柔嫩彈牙，味道帶甜又唔鹹，好味！鐵罐酒蒸白貝細心嘅店員提醒我哋要小心，亦都唔好錯過佢哋呢個咁特別嘅煮法。旁邊有一大個鐵罐，入面放滿清酒、昆布及兩隻白貝，滾起後喺罐上加火，之後係點唔洗講啦，咁壯觀梗係要影相留念啦！一開返蓋，睇到入面浮吓浮吓嘅白貝，口水都流！肉質非常鮮嫩又鮮甜，盡級清酒嘅精華，又冇沙，可惜得兩隻唔夠食燒赤蝦食最原始嘅風味，就係鹽燒！大大隻蝦已經開咗邊，味道鮮甜彈牙，連我麻麻蝦嘅都覺得好好味！帶子分別叫咗清酒及牛油黑松露兩種煮法，清酒嗰種好鮮甜，仲有少少酒香；牛油黑松露嗰隻嘅香味更加突出，真係一上菜就已經聞到，帶子肉仲好彈牙燒龍蝦睇住魚缸入面嘅龍蝦游吓游吓，忍唔住叫隻燒嚟食！開邊後加上用味噌及蝦肉煮成嘅醬，鹹鹹哋又好有鮮蝦味，好惹味，入面嘅肉仲超多添，但可惜隻碟太細，唔落手食有啲麻煩，如果係都要用刀叉的話就需要啲時間慢慢切了松葉蟹腳 無米氣真係唔得，加$100要個蟹粥試吓。店員先喺我哋面前煮蟹腳，跟住撈上嚟再放埋其餘啲蟹肉再煲煲佢，最正就係加隻蛋，搞搞佢，全部米粒及蟹肉都沾滿蛋白及蛋黃，睇見聞到都想快快快食！果然煮蟹嘅方法完全唔需要花巧，最緊要就係夠新鮮！松葉蟹腳嗰種鮮，同清淡嘅粥簡直係天作之合，勁好味！柚子雪葩 ($48)第3次食呢個甜品㗎喇，我都係第3次再講，呢個太清甜了，我都係最愛蕃薯多啲！蕃薯雪糕 ($58)第3次食呢個甜品，之前頭2次都心諗究竟係每次太遲拎出嚟所以好凍吖，定係除咗雪糕之外，其餘嘅蕃薯肉都唔食得㗎呢？今次專登叫店員早啲拎定出嚟，雪糕嘅質感就啱啱好喇，又creamy又唔會好凍好冰食到牙都痹！今次都好努力咁撬啲蕃薯肉出嚟食，不過真係有啲難度，如果餐廳可以研究吓點樣起埋其餘啲蕃薯肉出嚟，咁就真係超級完美喇！服務非常細心又有禮貌，喺度食野絕對係一個愉快嘅經歷！…Read More

我帶咗個朋友去一間我都比較鍾意嘅日本餐廳洗塵，呢間係喺銅鑼灣 軒尼詩道525號 嘅磯野水產。我鍾意嘅係呢度啲水產非常新鮮， 我叫咗個二人套餐再加隻活生生嘅龍蝦和一些小食。一開始佢哋將成盤水產連埋隻龍蝦拿上嚟畀我哋睇。 賣相好靚，最搞笑嘅就係當我地影影下相時，隻食龍蝦突然間飛奔向前， 跳咗出嚟令到我哋嚇咗一嚇，也抱腹大笑。。。赤蝦刺身非常鮮甜，彈口。 個蝦頭攞咗去炸，非常脆口。蝦膏超多好甘香。鮑魚好鮮甜，不用汁也好好味。佢有兩種食法，一種係磯煮， 不太鹹並帶點甜味。第二種係濱燒， 口感有點乾但係鮮甜度並不減弱。味噌蟹甲羅燒， 即係燒蟹蓋。超好味! 佢哋將蟹膏用火燒熟， 並且以青瓜配襯一齊食。又香又甜又惹味，食完一份真係好想再食第二份!活帆立貝濱燒，加埋啲牛油醬汁，又彈牙又可口。 牛油和帆立貝真係絕配!最值得一提就係個活龍蝦刺身同埋甲羅燒龍蝦頭。 刺身鮮甜唔使講。最有賣點就係佢哋嘅甲羅燒龍蝦頭。 醬汁，龍蝦膏再加少少龍蝦肉一齊真係絕配! 好好味啊!最後佢哋嘅番薯雪糕非常香甜，令我諗番起以前喺北海道食嘅日本燴番薯。呢間餐廳真係非常值得再來。雖然價錢有點貴，但係物有所值，我會再來。…Read More