PUTIEN (Mira Place Two)

因看到地鐵廣告$199可以有兩食，而且食評不錯，所以一試。星期六六點鐘去到，限時90分鐘，如無客可繼續坐。唔知係咪限時，所以佢落單，樓面同上菜都非常有效率，而且服務員亦很有禮貌。今次點了椒鹽蟶子同蒜蓉蒸蟶子兩款，但味道很一般，沒有鮮味，十分失望。 另點了做半價的百秒黃花魚，這個很滑，不錯。還有一個前菜扁肉湯，味道跟紫菜湯差不多，沒什麼特別。最後上的就是他們店的10大推介菜-福建紅菇海鮮卤面，味道不錯，但是紅菇超級多沙，他們解釋因那些菇是野生的，所以會有沙，當然這個解釋完全是攪笑，我也只能笑笑就算了。…Read More

2006年莆田成為星加坡50強餐，隨之連續兩年於2015-2016年成為「米芝蓮美食推介餐廳」，不是全無道理的。興化米粉莆田非常重視食材的質素，今次一試它的興化米粉。興化米粉以上等黃尖米為原料，再經過十幾道繁鎖的工序耐心製作而成，手藝被列入【非物質文化遺產】。莆田的興化米粉在太陽下自然曬乾，米香味十足，米粉絲細如發，柔軟而韌 😋😋😋入口真係非常幼滑👍🏻👍🏻👍🏻百秒黃花魚百秒的意思係「放入黄花鱼，燜100秒」💃🏻💃🏻💃🏻，以確保魚的鮮和嫩😋😋😋果然，魚肉入口即溶，一試難忘🥰🥰🥰…Read More

同朋友咁岩去開美麗華行街街到攰攰地夠鐘依肚就諗起莆田米芝蓮一星餐廳的福建菜餐廳叫左個百秒黃花魚果然好出色本身我好怕食魚因爲多骨同埋好怕魚肉好鞋但係呢個「百秒」既烹調煮法非常特別同有特式夠哂賣點之餘完全令我對出街怕食魚大大改觀魚好滑又彈牙用匙羹一不就起到魚肉出來骨肉好分離零腥味酥炒芋芯又一令我對芋頭改觀既一碟呢碟可以當佢甜品又得因為佢外層有層甜嘅薄脆好似冰糖胡佬嘅外層咁樣皮脆芋香福建特色海蠣煎有些似蠔餅既感覺不過呢個係福建風味的別有一番特色香蔥配上海蠣都係一個絕配九層塔香燜海蠣好惹味九層塔既味完全帶出海蠣鮮味一個選料六款選擇可揀兩食都係$188抵食到不得了興化米粉材料豐富中國紫菜好脆米粉竟然係可以好彈牙條條分明蝦又夠大隻白菜又夠新鮮仲有蜆同蝦…Read More

其實好耐之前已經係莆田的常客，午餐晚餐, 又或是元朗荃灣店都經常去。想吃中菜，但對粵菜 厭倦，莆田就是我不二之選，而且 以平民價錢 就可品嘗米芝蓮一星餐廳, 實屬抵食。今次去了尖沙咀店用餐，主要係因為海蠣當造,每年冬天到三月上下旬, 是海蠣最盛產季節, 海蠣養了三百多天， 正是最肥美的季節， 而且 興化灣屬淺海區， 海域水質優越， 海蠣的肉質因而鮮甜。 依季節而吃東西是常識吧，所以這天 就是了聞名的莆田海蠣。-九層塔香燜海蠣海蠣輕輕走過油, 再用九層塔以及蒜子乾燜, 上枱時仲係滋滋聲 , 九層塔的香氣 即刻飄入嚟 。第一粒海底除咗有自己鮮嫩嘅味道之外， 仲有九層塔嘅香味cover晒每一粒蠣， 入口q彈滑嫩，好味！-頭水紫菜海蠣煎蛋頭水紫菜來自小麥島。所謂 頭水紫菜 是指第一次長成及頭次采割的紫菜，頭次采割。 比其他紫菜 蘊含 更多豐富營養 ，如多糖、高不飽和脂肪酸等等。 頭水紫菜一向都係蒲田必食之品，加埋 此時當造的海蠣， 原來海裏嘅產品與雞蛋都可以咁match！ 蛋邊煎的香脆，而海蠣與頭水紫菜的份量實在有夠多！ 實在讓人回味.-興化米粉去食茶餐廳早餐通常都係東莞米粉，而 台灣盛產的通常是新竹米粉， 但兩者都算粗身。來自興化的米粉 實在驚為天人，粉質輕身又鬆化之餘， 幼滑如絲 ，帶有米的香氣。 且材料配搭， 如花生、頭水紫菜、蝦、蜆 ，讓味道和口感 更上一層樓。-百秒黃花魚福建另一個城市「寧德」， 被稱為"大黃花魚之鄉"。 蒲田的百秒黃花魚， 只用100秒就把魚煮熟，魚肉煮得得嫩滑，鮮嫩味美。-酥炒芋心這道菜有點像潮式的反沙芋，但 芋頭外層 比反沙芋更金黃 更脆皮。外面以糖封皮，香脆甘香， 芋頭裏面好粉好嫩， 香脆內軟 ， 最重要是香甜而不膩。-總括而言蒲田食品出色，服務周到， 果然是米芝蓮一星的餐廳。…Read More

上個月帶了老媽來「齊齊撈起」，又玩得又食得，她不知幾開心。老爸睇完我的食評之後又嚷着要吃，明明是他當日爽約，理應給他教訓，但愛他的我必定心軟，結果……今晚就帶了他來。裝潢當然沒有改變，但菜式就不同。新年菜式和套餐都沒有了，當然上次和老媽吃的鴻運發財撈起都沒有。但也不緊要！還記得仍有很多菜式想吃，今晚一於盡情點。除了餐簿內的前菜、海鮮、肉類、蔬菜、靚湯、主食和甜品外，還有海蠣節一系列菜式，真是選擇多多。***********************還未點菜，店員便端上餐前小吃。咦！？今次除了有碟醋酸微辣的爽口小雲耳外，還有兩個枇杷。原來適逢枇杷當造時節，餐廳送給各客人品嚐，真窩心！大家知不知道莆田有那四大名果呢？店員略略提及，分別是龍眼、荔枝、枇杷和文柦柚。枇杷只送十天，我地真好運。店員還細心教客人如何處理枇杷，原來要先將皮肉分離，用筷子就得架啦！然後才剝皮。肉厚多汁，清甜潤喉，不錯！***********************適逢莆田海蠣節，以優惠價在6種吃法一次點倆（$188），抵！六款都各具特色，好難揀，一人揀一款吧！我選了頭水紫菜海蠣煎蛋，貪佢加了頭水紫菜，特別啲！雞蛋煎得香，每件都滿佈鮮香的海蠣仔和頭水紫菜，份量好足，三者很匹配，亦稍稍加了些清爽的洋蔥粒和紅椒粒豐富口感，加上少油少鹽，岩晒我口味。老爸點了一碢江口家鄉海蠣湯，熱辣辣上枱，陣陣胡椒香直湧味蕾。湯身黏滑，其實是湯羮，濃濃的胡椒味，味道略為鹹了一點。湯料也挺豐富，除了有多隻鮮香肥美的海蠣仔外，還有番茄、散花、腐竹、蔥段等，配搭特別。***********************老爸常買黃花魚回家做餸，對它情有獨鍾，所以一見到必吃10醉之一的百秒黃花魚 “100-Second” Stewed Yellow Croaker($69/位）就唔放過。賣相特別，魚頭昂起，好生猛咁！以薑蔥炮製，簡單的調味更能嚐到魚鮮味，亦沒有腥味，而肉質又嫩又鮮甜，特別是魚腩位置，相當滑溜，正！老爸話要回家試整，看來都好難.....這是百秒黃花，他卻十分鐘黃花，每次都蒸十分鐘，暈了！***********************興化炒米粉 Fried Heng Hwa Bee Hoon($82)有別於一般米粉，其比較幼身，稍稍黏口，米香十足，吃時加些辣媽醬，酸酸辣辣，更添美味。配料有蝦仁、蜆仔、菜、冬菇、豬肉、花生、炸紫菜和炸蒜片，都幾豐富。***********************上次已跟老媽吃過酥炒芋芯 Stir-Fried Yam ($89)，也打包了一些回家給老爸試，估不到他今次又點這道菜，他話要即炒即食才好吃。的確是！當然沒有令他失望，入口暖暖地，外層糖皮夠薄且酥脆，內裏粉綿，滿有芋香，甜度剛好，完全不甜膩，很討我歡喜。------------------------------老媽覺得得意（撈起），老爸就好鍾意，而我再來品嚐，仍很滿意，可惜胃仔有限，還有幾款心水菜式想吃。現在老媽已吃了，老爸都吃了，點好？下次一於帶老友來，但其實我估兩老都想再來，哈！…Read More

今晚同朋友特別來食海蠣，因為餐廳專門養殖，而且每日直送海蠣到港，非常新鮮。而且其他菜式都是用料講究，會食到當季食材，會定期轉換當季菜式。菊花泡茶清香微暖，味道溫和，仲可消膩。餐前小食的薄脆，有點似脆麻花，甜甜地好酥香鬆脆。酥炸芋芯賣相吸引，芋芯外層脆薄，中間的芋芯粉綿香軟。有點似反沙芋，但唔會好甜亦不膩，外面只是微甜帶咸仲好脆口，味道好好。「莆田海蠣鮮，養足300天」，海蠣有6種食法 $188 (6選2)，價錢吸引，幾款選擇唔怕食到悶，下次再食其他款。今次揀左香口惹味的炆海蠣及煎海蠣。當季主推 NO.1 的 九層塔香燜海蠣海蠣的份量很多，細細粒脹卜卜，養足300日的海蠣好肥美，先炸脆海蠣再加入九層塔及蒜子在砂鍋中乾燜，好香好惹味。海蠣炸過再燜，不但唔會好乾，海蠣仲保持飽滿多汁。頭水紫菜海蠣煎蛋特別矜貴的頭水紫菜，是每年第一次長成的紫菜頭次採割，所以而得此名，產量極少，是紫菜中的黃金。海蠣煎蛋加入了頭水紫菜，味道更鮮甜，每粒海蠣都被蛋汁包著，所以肉質仍嫩滑juicy。百秒黃花魚來自福建的黃花魚，需要180-200g內大細適中，才做到100秒蒸熟魚肉，將魚開邊更易快熟，菜式也好考廚師的技巧才做到。黃花魚肉質細嫩，開邊切已經起左兩邊魚肉，食落啖啖肉，魚香油潤味道十分好，魚汁更是鮮甜至極。興化米粉用黃尖米製成，放在太陽下自然風乾，白如雪、細如絲，米粉的確幼細得黎米粉又微彈帶爽，口感獨特。仲用蝦肉、蜆、五花肉、小白菜、韮菜、花生及頭水紫菜等等配料味道更豐富，米粉亦炒得夠乾身又香，而且不油膩。…Read More

今日放假，同男人去左尖沙咀莆田食晚飯，記得N年前係某一間莆田食過，個時覺得佢地d食物麻麻地，一年後既今日再食番，發覺食物水準好左好多今晚都好多人，好彩我地之前訂左位食飯，因為聽到walk in已經冇位，大約要等到9點先有枱，十分旺場，所以小妹都建議大家訂枱穩陣d，不然好易冇位，因為地方不是很大，好快就滿坐~一坐低，待應就比左一碟前菜和開了一壼菊花茶比我地~d茶好香菊花味前菜: 蠶豆這個不過不失，味道粉粉咸咸的~莆田做緊海蠣推廣$188， 6選2海蠣原來就係蠔，我地都鐘意食蠔就揀左2樣1. 福建特色海蠣煎煎海蠣，面頭布滿蔥花同蠔仔，口感煙韌，味道不錯，不會太粉，好吃如果有醬點埋就完美嗱2. 江口家鄉海蠣湯這個有海蠣、蕃茄、腐竹和芫茜~碗湯都有好多蠔仔，而且蠔仔味道都好出，再加入蕃茄去煲，味道帶點微酸，好開胃興化米粉N年前係某間莆田食過，個時覺得味道好啖今次食番，覺得味道又ok wor,冇之前咁啖~佢地既米粉好幼身，其實都幾岩老人家同小朋友食🤗百秒黃花魚這個魚肉好滑，湯底清甜酥炒芋芯呢個一上枱個時覺得味道怪怪，因為聞落去酸酸地，但食落去又好好味，因為我好鐘意芋香味，芋芯外脆內軟，甜甜芋香味，服務員態度有善，食物味道不錯性價比高~…Read More

每次莆田出新主題都心思思想黎，海蠣節感覺幾岩屋企人口味，就帶佢地黎見識下米芝連推介餐廳既新作。酥炸椒鹽海蠣 ($188/2) 六選二海蠣比想像中細粒，酥炸方式有少少似鹽酥雞既整法，甘香酥脆又難得地唔會好厚粉，仲隱約透出蠔仔既鮮味。 太香口既關係，一口接一口好快就清碟。頭水紫菜海蠣煎蛋 ($188/2)上次到訪對頭水紫菜既冷盤一試難諗，今次混入蛋漿中煎熟，紫菜香味反而唔太鮮明，只有淡淡香氣。 反而幾鐘意僅僅熟既煎蛋同蠔仔呢個組合，兩者都軟糯香甜又濕潤，口感同味道都好夾，係簡樸既美味。福建特色海蠣煎 ($188/2)台式蚵仔煎就食得多，福建整法賣相似普通煎蛋，原來內裡好似蚵仔煎咁落左生粉黎黏合蠔仔，口感有點奇妙，家鄉野特色野我唔係咁識欣賞，但材料係新鮮既。九層塔香燜海蠣 ($188/2)九層塔既香味經煲仔燜煮過後完全發揮到出黎，海蠣炸完拌入醬汁同香料猛火快炒，每一啖都係九層塔既香氣。 香就夠香喇，但燜煮做法令炸皮都吸哂汁淋哂，個人鐘意酥炸版本多d。酥炒芋芯 ($89)依然保持到水準，芋芯夠鬆化軟熟，外皮半煎炸至微脆帶甜，食極都唔厭。百秒黃花魚 ($69)雖然屋企食開細條黃花魚，見到king size百秒黃花魚依然係爭住食，唔知點解比平時食開既更加鮮味，咁大條都整得好滑，連薑一齊熬出既湯汁都飲埋。興化炒米粉 ($82)本來只係填肚之選，原來比平時食開既米粉幼身同鬆軟，感覺似軟身粉絲多d，重點係炒出黎完全唔油好乾身。 蝦、蜆仔、紫菜、芹菜等口感同香味都好豐富，幾有驚喜。今晚屋企人都幾滿意，佈置幾有新年氣氛亦夠體面，提早食個開年飯感覺不錯。…Read More

莆田近年多了很多分店，之前吃過都很不錯，今晚Happy Friday，與兩位友人決去試試尖沙咀美麗華分店。看到最新推介「莆田海蠣節」，$188可選兩款海蠣菜色，友人們都很有興趣。海蠣原來是類似台灣的「蚵仔」，莆田的海蠣是養足300天的，冬天至三月是時令季節，正所謂不時不食，就食這個吧！「九層塔香燜海蠣」味道像中式的燜蠔，口感像蚵仔但更Q彈肥美，十分惹味，很適合送飯～「福建特色海蠣煎」就像台灣蚵仔煎，不過比較乾爽，不像台灣的那種黏口。海蠣煎比想像中要來得大塊，而且海蠣分量很多，每一口都有肥美的海蠣，香脆可口，個人覺得煎的時間如果短一點就更好，因為太燶的話吃得太多會很熱氣LOL之前吃過「酥炒芋芯」覺得很好吃，今次都再點了，外面是薄薄的甜脆感覺，裡面是芋頭芯，所以特別鬆化軟綿，是「莆田十醉」之一。「百秒黃花魚」也是必食菜色，顧名思義100秒便煮熟，剛熟的鮮魚口感好嫩滑！黃花魚出名鮮甜，真的是每次吃都沒令人失望！最後來的「興化炒米粉」，據說是已有千年歷史的「非物質遺產」，利用黃尖米製作及生曬，比一般米粉幼很多，但綿密而帶點彈牙，口感很特別，沒吃過的很值得一試啊。最欣賞莆田提供的不是茶水，而是杞子菊花水，吃完小菜再喝可以清熱明目，又清清味蕾，真是滿足的Happy Friday～------------------------------By alvahana…Read More

年近新年，掃貨裝身大出血，跟朋友在尖沙咀血拼完畢，順道晚飯聊聊近況。莆田是我們喜愛餐廳收藏系列，而且總有一間在左近，實在沒有過門不入的理由。先上杞子菊花茶，要多浸一會更出味，清清的茶香。前菜是香菇豆，很少見的豆，質地是淋身粉粉的，味道像瓜子。而開胃菜係酸酸地既黑木耳，唔太酸，係幾好味既開胃菜。餐牌話用養足300日嘅海蠣，每日產地直送到港，仲有6款煮法，只系$188，就可以任選2款菜式，當然試試佢啦!係店員推介下，我們點了最出名既必選: 酥炒芋芯，百秒黃花魚(1條)，興化炒米粉同埋自選2款: 1. 九層塔香燜海蠣2. 江口家鄉海蠣湯3. 酥炸椒鹽海蠣4. 頭水紫菜海蠣煎蛋5. 福建特色海蠣煎興化炒米粉: 興化米粉幼如絲，軟如綿；鮮蝦、紫菜、花生、小唐菜等，豐富了它的色彩跟味道，份量還不少啊，一句到尾，抵食！炒米粉足料，乾身嘅米粉，又唔滯而且仲有大蝦同蜆，絕對夠食!福建特色海蠣煎: 有好多海蠣、蔥和蛋。與潮洲式的蠔餅很不一樣，個質感食落係會漿住個口咁。百秒黃花魚: 莆田名菜，用100秒煮出一尾小黃魚，魚肉嫩滑，湯底鮮味，沒有魚腥味，加分!另外叫了個江口家鄉海蠣湯 :材料豐富，主角海蠣當然少不了，還有蛋花、蕃茄、椰菜花、白菜等等……，味道很好，有點像豪華版的蕃茄蛋花雜菜湯 酥炒芋芯 :外層炸得香脆，有糖衣吊味，芋心鬆化，熱食更佳。佢Menu上面介紹咗要配佢哋嘅《莆田辣媽醬》，呢款莆田辣媽醬既味道好似沾泰國生蝦果隻辣汁，酸酸地，辣就唔太辣既配米粉食一流!…Read More

第一次食莆田是半推半就被友人K拉過來的對新加坡的福建菜沒有什麼概念，也不想中伏但意想不到水準如此高，自此就成為本人飯堂前菜小菜－菜脯 $9很爽脆，不辣一坐下便會放一碟隨機小食，通常有兩三款可選如果不想食可叫侍應拿走便可慳回$9芥錢蝦苗拌頭水紫菜 $52頭水紫菜是指初輪收割的紫菜，量少而珍貴入口幼滑，香醋的酸味令人很開胃水晶豬蹄凍 $59麻辣中的麻香味很突出，不算很辣不食辣的人士亦可接受，口感彈牙，本人頗喜歡百秒黃花魚 $69以一百秒煮熟一條黃花魚為噱頭，的確吸引魚肉很嫩滑，魚湯亦很鮮甜但黃花魚本身很多骨，不建議怕魚骨人士點金湯時蔬 $75冬季的時蔬為本人最愛的豆苗，不能不試豆苗幼嫩新鮮，鹹蛋黃完全融入上湯中，不會食到起沙食起連上湯一齊飲，陣陣蛋黃香便會在口徘徊興化米粉 $82米粉質感幼如絲，米粉乾爽度拿捏得剛好入口很軟綿，不會很乾愛辣人士建議加少許辣椒醬酸酸辣辣，為米粉添加清新的味道總括而言，其食物質素無愧米芝蓮一星的殊榮菜式別出心裁，百秒黃花魚和頭水紫菜都令人印象深刻服務方面，難得在尖沙咀的食肆，客似如雲的情況下侍應大姐也很好笑容，在看菜單時亦熱情地推介菜式點了三四道菜式後還溫馨提示「二人的話菜式數量差不多，點多道主食便夠了」而且價錢合理，聚餐不錯選擇，本人一直鍾愛至今…Read More

經過美麗華又未食晏，見到有個海蠣主題餐牌立即心癢癢，而且未食過莆田一路都想試下，機會黎喇。✨標榜養足300日，所以會更加肥美。飼養環境嘅海水鹹度比一般既低，海蠣腥味會少d, 肉質都會更甜，望落好似好勁。✨居然有菊花茶，啱晒我呢d 熱底人清下毒，個茶包仲要超大。✨百秒黃花魚：平時唔係好食魚，但黃花魚係我會食既其中一種。個魚超嫩滑同新鮮，食到魚既原汁原味。連個魚汁都好正，薑味重得黎好鮮甜。✨江口家鄉海蠣湯：個湯既配搭好得意，有蕃茄，椰菜花，蛋花。飲落酸酸地得黎又有d 薑味同蠔香。海蠣好鮮嫩，一d 腥味都無。✨酥炒芋芯：外皮用糖炒過脆卜卜，裏面既芋頭好香，呢個真係超好食，如果芋頭可以腍身d 就更加正。✨褔建特式海蠣煎蛋：海蠣超多，個蛋煎出黎唔會乾，加埋d 蔥花都幾香，不過個質感食落係會漿住個口咁。✨興化炒米粉：未食過d 米粉係咁幼，食落感覺好鬆化好軟綿，而且好入味。入面d 紫菜脆脆地勁香，材料仲有蝦，花生，蜆，瑤柱。平時唔鍾意食米粉既我都覺得好好味，一定要試。…Read More

係香港食閩菜（福建菜）中， 以「莆田」為數一數二！😋 12月季節限定推出了「莆田海蠣節」， 有六款不同風味嘅海蠣菜餚， 小編最鐘意食蠔， 梗係唔可以錯過啦！😏 季節限定嘅海蠣主題菜式， 以優惠價$188就可以任選兩款，幾抵食喎！☺️ 漁民鹽漬海蠣（原價$98） 話明鹽漬，鹹度確實比較高， 但鮮味也來得強烈， 海蠣個頭雖少，但勝在粒粒飽滿，裙邊爽脆，口感豐富， 送飯送粥一流！😆 福建特色海蠣煎（原價$108） 簡單的一道海蠣煎， 既有海蠣嘅嫩滑，又有雞蛋嘅香酥，喚來家的感覺～😌 每次黎「莆田」，都必定食百秒黃花魚（$69） 顧名思義就係用左剛剛好100秒嘅時間燘煮呢條黃花魚， 黃花魚煮得剛好，魚肉超滑，魚香十足！😋 酥炒芋芯（$89） 外層包着薄脆嘅糖衣， 外酥內糯， 喜歡芋頭嘅foodie不可錯過呀！😏 興化炒米粉（$78） 唔好以為l只係一碟普通嘅炒米粉， 其實佢大有來頭，係經典福建菜， 仲被列入「非物質文化遺產」！😳 米粉炒得均匀，唔會太dry或太濕， 味濃鮮美，配料豐富， 有多款海鮮如干貝、蜆肉、蝦等， 仲有冬菇片、紫菜、花生、炸蒜得調味配料， 把所有配料拌起來一起吃， 味道和口感都相當有層次， 係小編食過最數一數二嘅炒米粉！推薦！👍🏾 …Read More

今期莆田又有新食材 - 莆田海蠣節!莆田的海蠣會養300日才推出市面, 而且係富有微生物及由山上流下的山泉水的海洋中養殖, 無污染! 仲會減少腥味添!今次莆田海蠣節有1個價錢食到2款不同的海蠣美食! 優惠價$188可以六選二! 我揀左福建特色海蠣煎 & 九層塔香燜海蠣.福建特色海蠣煎 - 用海蠣加蛋煎香, 十分似台式的柯仔煎, 海蠣有大有小的, 粒粒都飽滿脹卜卜, 海蠣先調味煎香, 再倒入蛋醬, 可以食到海蠣的原味, 好鮮甜, 蛋又岩小朋友食!九層塔香燜海蠣 - 十分香, 十分野味!!! 九層塔把海蠣帶到另一境界!! 海蠣用粉包好炸香, 再加入九層塔去燜, 味道濃郁, 海蠣更有口感! 食唔停口呀!!!除左海蠣, 仲有其他名菜:酥炸芋芯 - 睇落好似甜品, 外脆內軟, 口感特別, 只取芋芯部份黎做, 原來係莆田家鄉風味代表作之一!百秒黃花魚 - 黎莆田必食, 十分鮮滑, 魚肉滑不留口, 飲埋魚湯先識食, 精華所在!興化炒米粉 - 莆田米粉被譽為「白如雪，細如絲」, 極幼細的米粉, 有煙韌的口感, 再加上十分豐富的配料, 有蝦/蜆/肉/花生/蛋/菜/紫菜等等, 回味!…Read More

因為喜歡福建菜，間中都會去莆田，最近它們在做一個海蠣節的推廣，特意到尖沙咀店一試莆田的海蠣之所以那麼蠣害全因它們被海水養足三百天（一般只養一百二十天），長勢肥美！飼養的海域海水䶨度比較低，因此腥味更小，肉質更鮮甜！而且是捕撈當天現撬、每天直送門市、全程冷鮮運輸不泡水既然那麼蠣害，就要了他們$188六種吃法、一次點倆的優惠！挑了酥炸椒鹽海蠣及江口家鄕海蠣湯椒鹽海蠣炸得十分香囗，送酒佳品海蠣湯中的白醋和胡椒粉帶出海蠣的鮮味，食慾大增精美四小拼有水晶豬蹄湯、蝦頭拌頭水紫菜、滷水嫩豆腐及必吃的九轉小腸酥炸芋芯外酥內軟，不會太甜，難怪成為莆田十醉之一另一招牌菜，百秒黃花魚只用一百秒蒸熟一條魚，味道鮮甜嫩滑，我連湯都喝掉呢主菜興化炒米粉貴為非物質文化遺產，米粉在太陽下自然曬乾，粉條幼細，米香味十足，鮮鹹略帶焦香搭配莆田辣媽醬，酸辣好吃這𥚃還有紀念禮品售賣，當手信送給外國的友人一流…Read More