坤記煲仔小菜

呢間餐廳主打以瓷煲同火山石炮製嘅煲仔飯，全部由老闆親自掌爐，亦有多款煲仔小菜🔥💗油鴨鴛鴦腸煲仔飯 ($145)煲仔飯混以三種米，先用猛火煲飯，飯粒乾透後再加配料，煮熟後再轉慢火焗熟，煮出來嘅飯粒粒粒分明，而且好有米香，飯焦平均分佈成個鍋底，焦香脆卜卜，淋埋甜豉油撈埋一齊食🍚臘鴨、潤腸、臘腸嘅油香滲哂入飯到，尤其潤腸食落好甘香帶陣陣酒香🤤💗白鱔排骨煲仔飯 ($125)豉汁白鱔肉爽肥美，完全無腥味同泥味🪱另外加埋同豉汁非常夾嘅排骨，好嫩滑而且唔會淨係得骨🐷💗臘腸滑雞煲仔飯 ($110)飯面舖上嫩滑嘅雞件，再加埋臘腸嘅油香令成煲飯更惹味🐔💗椒鹽鮮魷 ($118)鮮魷爽口彈牙，炸皮夠薄又夠金黃香脆，椒鹽惹味鹹香🦑…Read More

係坤記呀！😍第一次食坤記當然食招牌煲仔飯，今次叫了兩款，白鱔排骨和臘味牛肉！兩煲無論餸或飯量都很足，招牌白鱔幾厚上面鋪了一層豆豉醬，非常惹味。臘味有齊臘腸、膶腸和臘肉，牛肉則是滑牛，夠嫩無筋，撈埋特製的豉油更出色。不過煲仔飯的靈魂，當然是飯焦！金黃色又夠脆，火侯剛好👍⁡雖然餐廳晚上6時開門，不過5:40來排隊都要7時入座，如果想食頭輪的話，建議5點半或之前開始排隊⏰個人覺得都值得排隊，因為坤記的質素比廟街煲仔飯真的出色太多👍價錢較貴，但絕對值得一試！…Read More

坤記煲仔飯在上環一帶很有名，但平常真的很少機會去那一帶吃飯。今次碰巧去孫逸山運動場比賽，贏波，去食煲仔飯慶祝！心想就算要等位都是值得。誰知不用等位！開心！不過因為好多人，其實都坐得幾逼～ 但是不要緊啦，坐外面很有大排檔風味！第一次食白鱔煲仔飯，是餐廳的招牌菜，但我怕魚腥味，所以特地叫了雙拼白鱔排骨煲仔飯。煲仔飯一打開好香，熱辣辣！秋風起，真係一流！喜歡吃飯焦的一定很開心！脆卜卜！不過飯焦部分差不多佔了飯的1/3，變相白飯很少。第一次食白鱔，原來有點像鰻魚，肥肥的！正！醬料是豆豉，帶一點點陳皮味，很香！除腥味，去油膩感！排骨都很出色，很滑很入味！不過只有四件，有點少。另外吃了一碟腐乳通菜，夠鑊氣！天氣凍凍地，想叫同樣很有名的羊腩煲，但價錢太貴$288，還有只有我和男友，於是我們改叫枝竹牛腩煲，一樣熱燙燙，咘露咘露，正！懷舊風味枝裝可樂一定要叫吧～ …Read More

男友大人一向喺坤記附近返工，佢話幾年前呢度係佢食晏飯堂，不過近年越嚟越多人幫親，成日都等唔到位，所以少咗去，但係佢都成日同我講坤記啲煲仔飯真係好正，所以相約好今日去會吓啲煲仔飯。佢一早親身走去BOOK枱都話要去到下個星期，好彩男友大人以前經常幫親，同啲資深阿姐+老板娘有兩嘴好辦事，不過都成7:30先有枱。到6:30...因為見有微雨，不如早啲去博吓可唔可以有位啦。一去到唔好講笑，真係坐冇虛席，連門口位都排到滿滿咁，男友大人又搭膊頭，等咗大概15分鐘就可以坐底啦，GOOD!本應一心打算試白鱔田雞煲仔飯，不過最後我要咗田雞煲仔飯，大人就要白鱔排骨煲仔飯，再叫我一向至愛嘅椒鹽九肚魚，加多個蒜蓉炒西蘭花。大概15-20分鐘個西蘭花同椒鹽九肚魚先後上枱，個西蘭花一食落去就知係先烚後炒而唔係生炒，然後灑上現成乾蒜蓉，冇口感，而且只有咸味，蒜蓉味欠奉。椒鹽九肚魚炸得唔過火，乾身唔油，而且好香椒鹽味，魚肉質唔會一夾就散，佐酒一流。再過多15分鐘，田雞煲仔飯同白鱔排骨煲仔飯都分別嚟啦，田雞肉好滑，而且飯質粒粒分明有飯香，煙煙靭靭又彈牙，不過可能田雞本身冇咩味，個人嚟講真係要加上大量豉油，但係一讚係田雞除咗脾位，個身起晒骨，食落方便好多。白鱔排骨煲仔飯啲排骨中上，白鱔油香都ok，冇想像咁肥美，但係可能因為白鱔用咗豆豉調味，所以個飯食起嚟比較有味道。食到咁上下，刮啲飯焦出嚟，又香又脆，建議大家唔好食到尾先刮啲飯焦，因為個煲仔啲餘溫會令啲飯焦燶，所以中段開始食啲飯焦就prefect啦。(小插曲 - 之前落order嗰時有個阿姐已經放低咗一碗仔豉油for煲仔飯。而送田雞煲仔飯嚟嗰時個阿叔本應想再俾碗豉油我哋，不過佢可能見枱上經已有一碗，又或者佢以為我哋只係叫一個煲仔飯，所以佢順手收番原先佢想放低嗰碗，因為我本人食煲仔飯鍾意多豉油，咁我同男友大人異口同聲麻煩佢俾埋碗豉油我哋啦，點知佢超冇禮貌勁大聲咁話: 俾埋你食唔晒我哋要倒架。佢放低咗之後一邊講一邊走，嗰刻我哋倆個呆咗完全反應唔到加勁唔好受，事關當時好多其他食客都望住我哋:()成晚飲咗兩支大藍妹，埋單$207~下次想試吓羊腩煲同小炒皇，因為是晚好多食客叫呢兩味~…Read More

平安夜這種特別日子，想食餐好的非常困難，聖誕大餐往往需花費四五百元，吃的除了應節的火雞外，又不是甚麼珍貴佳餚，抵食與否真的見仁見智。為免被人鋸至一頸血，亦唔想在鬧市同人迫，於是將節目的慶祝還原基本步，和女友去西環坤記食暖笠笠的煲仔飯，別有一番感覺。坤記這間街坊菜館在區內人氣極高，總是人來人往的，平安夜也不例外，晚上六點半到達，剛好可以搭檯，有點行運，因為再遲一步的話就要等位了。全店座無虛席，幾名侍應做到踢晒腳，落單前請先想好菜式，不要左挑右選，有時老闆娘可能會粗聲粗氣，但其實無乜惡意，做事仲好有效率。本想叫一窩時令羊腩煲，但二人胃口不大，最後叫了沙爹芥蘭牛肉 ($45) 及白鱔排骨飯 ($48)，老闆娘循例的說：「要等三十分鐘，食住菜先啦」，當然無問題！ 不用多久，沙爹芥蘭牛肉率先送到，份量甚足，沙爹汁掛在牛肉上，再加上菠蘿粒，相當惹味，牛肉肉質腍滑，芥蘭亦新鮮當造，入口鮮甜，此刻心想，如果這碟沙爹牛肉加入河粉炒，或面前有碗「靚仔」，就更好了。一邊看新聞一邊等，不知不覺間，新鮮熱辣的白鱔排骨飯 ($48) 已經呈上，男侍應竟手快快的拿走煲蓋，連用來剷起飯焦的鐵匙羹也比漏了，幸好，飯焦仍然比比皆是。先倒下甜豉油，再輕輕從煲起一剷，「禾虫狀飯焦」應聲而起，數量奇多，坤記馳名的飯焦水準確是無出奇右，十分香口，感覺奇脆，加上質素極佳的甜豉油，簡直是無可挑剔！材料配搭也不錯，白鱔肉質滑溜肥美；豉汁肉排亦相當入味，啖啖肉極有水準。最後飲番罐可樂埋尾，一百零三蚊的聖誕大餐，絕對超值。飯後，沿電車路慢慢行出中環，先去 IFC 影影相，再去蘭桂坊食甜品，順道感受一下佳節氣氛，快樂，就是這麼簡單！…Read More