Van Gogh Kitchen

🎨熊妹近排一得閒就會拉埋阿豬媽出去食好西，慰勞阿豬媽平日嘅辛勤。阿豬媽鍾意食西餐，熊妹之前同豬朋狗友去過《凡高廚房》食晚餐，環境精緻，食物味道高水準，決定帶阿豬媽今日一嚐午餐。📌《凡高廚房》喺銅鑼灣勝華樓經營咗18年，老字號屹立咗咁耐，可以話經歷住香港嘅時代變遷，食物味道有一定嘅水準先keep得住一堆捧場客。📌上到2樓入到餐廳，好似去左梵高畫廊咁，牆上掛滿了一幅幅梵高畫作🖼️，而餐廳的環境都根據畫作內容精心怖置。《夜間咖啡館》、《向日葵》、《星夜》等等都係梵高的著名畫作，中間擺放了《夜間咖啡館》的桌球枱，枱上有《向日葵》的向日葵花，各款畫作的餐枱墊，成間畫廊都色彩繽紛，五顏六色，食餐飯好似去咗藝術館咁，令人賞心悅目。餐包首先，店員會送來餐包及餐湯暖暖個胃。餐包係香草包🌿，有焗過，包邊有少少脆，香草味幾香，熊妹認為就咁食個包都夠香口，不用點湯食軟化了包的口感。野菌忌廉湯好足料喎，啖啖蘑菇碎打成的忌廉湯，味道好濃郁，質感好濃稠，夠哂雜菌味，餐湯黎講幾有水準。美國頂級西冷沙律配柚子醋沙律汁， $118話明阿豬媽黎想食牛，即刻點返個西冷牛扒沙律俾佢。嘩！粉嫩的西冷一啲血水都無，外表煎得夠熟，中間粉嫩軟淋，成件事有咬口得來又唔煙韌，入口好有牛味，午餐一份牛佷不錯！沙律菜🥗一大堆，撈上柚子黑醋酸酸開胃又健康！成件西冷沙律好岩減肥人士增肌去澱粉的概念！西班牙紅椒粉無皮雞肉串伴薯蓉，$88烤雞串係巨型版本，一串烤雞串有兩大件烤雞🐥、彩椒🫑、洋蔥🧅同蘑菇粒🍄‍🟫，件件份量好大粒，全部都烤焗過好香，有肉有菜，伴菜仲有粟米同薯蓉，五色蔬菜，營養價值豐富！兩大串串燒其實都幾夠份量，午餐夠飽肚。意式輕煎虎蝦牛肉粒意大利粉，$98阿豬媽話啲食物味道幾出色，想食埋個意粉。兩大隻煎烤蝦，阿豬媽讚口不絕，烤得好香口，又重海鮮味，蝦肉又彈牙，感受到用心白烹調，另外仲有幾粒粉嫩的牛肉粒，配料餸菜夠豐富。意粉嘅份量都好多係，煮嘅熟度係7分熟度好有咬口，唔係腍patpat，仲撈滿蒜蓉調味，簡單嘅煮法，但令人食完仲想食，廚師👩‍🍳的烹調技巧確有功架！甜品跟餐的甜品係意式奶凍，奶凍口感好幼滑，一啲都唔膠，牛奶味幾出🥛，味道唔會好甜，一杯仔飯後甜品幾滿足，估唔到甜品都做得咁出色！凍檸檬茶📌午餐套餐原來換了新menu，價錢為$88-$118，已包餐包、甜品及飲品，另加$18有野菌忌廉湯，俾以前抵食好多，今時今日好難揾到咁高質素又價值便宜的西餐廳了。希望《凡高廚房》可以繼續保持住老水準👍🏻。…查看更多

凡高廚房都算係香港比較少見既藝術主題特色餐廳🎨對住名畫食飯有一種置身係美術館嘅感覺😌絕對係一大享受呀😚我哋當日係weekday lunch黎都覺得好放鬆好寫意🤩🍝意式輕煎虎蝦蒜片意大利粉($98)有2大隻虎蝦，唔痴殼，咬落好爽口新鮮😋意大利粉份量多兼彈牙，而且蒜味幾出😚🥩美國頂級西冷沙律配柚子醋沙律汁($188)西冷已切好一條條上碟，十分貼心🤗調味方面亦好出色幾重黑椒味👍🏻唔夠味仲可以自己加鹽🧂➕$38套餐: 包沙律🥗、98%野菌忌廉湯、餐飲🥤、甜品)$38套餐幾抵食🤗先有招牌既野菌忌廉湯，質感唔係好厚嗰種，但野菌同忌廉湯味都好出好balance😋餐飲有茉莉花茶，好清新又夠特別😌不得不讚連套茶具都好靚呀😇當日是日甜品係芒果醬奶凍🥭作結，配左藍莓🫐士多啤梨🍓好fruity食完好滿足🤗畫布蛋糕🍰🎨見到menu上面仲有款好特別既蛋糕set叫畫布蛋糕🍰連餐飲，可以用提供既糖、顏色，發揮創意design個蛋糕🧑🏻‍🎨啱哂小朋友/情侶/朋友gathering又有得玩又有得食，下次唔洗趕返工會試下🤩…查看更多

開業已經15年嘅凡高餐廳，由電梯走廊到餐廳內都用心佈置，周圍放滿梵高嘅名畫，好似置身喺藝術展覽🖼️門口位置設有桌球、暖黃吊燈，配襯紅色牆身，還原咗牆上其一畫作 ❛The Night Café❜ 嘅場景；而用餐區嘅牆上亦有幅巨型 ❛Café Terrace at Night❜，喺旁邊用餐彷彿融入油畫當中，非常細緻有心思👍🏻/ Set lunch配是日頭盤或精選餐湯，加$10可同時享用！/🍈頭盤 - Parma ham配哈蜜瓜Parma ham幾有咸香味，配埋哈密瓜食，咸香中帶出一點甜味🥰旁邊有黑醋配新鮮沙律菜，非常清新幾開胃～🍄餐湯 - 蘑菇湯 (+$10由雜菜湯轉蘑菇湯)用上不同種類嘅蘑菇，如牛肝菌、大啡菇等熬製，真材實料✨大量粒粒蘑菇茸，口感不錯👍🏻充滿蘑菇香氣，非常濃郁creamy😍再配埋超鬆軟嘅黑芝麻餐包，黑芝麻味好濃好香有驚喜！浸落蘑菇湯一齊食，吸盡蘑菇湯精華，好正想飲多碗！🐟香煎格陵蘭比目魚配牛油薯蓉&自家制Salsa Sauce ($168)魚柳煎香後散發豐富魚油香味，魚肉嫩滑多汁，配上酸甜嘅莎莎醬幾解膩～薯蓉好綿密，加入牛油入口細滑，伴有蕃茄感覺冇咁滯🍅🍔美國安格斯牛肉&西班牙COREN豬肉漢堡配美式燒烤醬&香草薯角 ($178)個名夠哂長🤣好少見漢堡餡料會有兩種肉類，牛肉同豬肉各有特色😍整個漢堡份量十足，一啖咬落去有兩種風味幾特別，而且保留到肉汁，唔會令到個包太乾柴柴，夾埋芝士、配料、生菜一齊食，唔會覺得heavy，係幾有特色嘅漢堡～🍓是日甜品 - 士多啤梨奶凍奶凍口感滑溜🥰面頭有一層士多啤梨醬，不過個人認為甜度挺高，螞蟻人應該幾鐘意🙈總結：環境優雅，就連餐碟餐墊都係名畫，細節位做足💯週年紀念或者生日慶祝嚟呢到都不錯🤍…查看更多

今日嚟到銅鑼灣呢間特色主題藝術餐廳，一入門口就見到充滿藝術氣息嘅掛畫同壁畫，仲有梵高最愛嘅向日葵～ 環境同氣氛都好有高級餐廳情調，適合情侶fine dining～ 我同老公揀咗各一個晚宴套餐同健康晚餐～前菜: 挪威雪蟹田園沙律/ 鮮蝦西芹沙律- 雪蟹鮮甜，沙律菜新鮮爽脆- 鮮蝦爽口彈牙，西芹切粒加入沙律醬，爽脆又唔會有草青味雜菜羅宋湯配餐包- 雜菜配料豐富，蕃茄味濃郁- 餐包暖笠笠，質感鬆軟燒美國豬肋骨配燒烤汁伴蒜蓉香草醬薯角- 豬肋骨都幾大份，加咗香草同燒烤汁燒得好香好惹味，肉質細嫩- 配菜茄子同翠玉瓜都燒得好香- 蒜蓉香草醬薯角好特別，薯角好似加咗沙律醬咁酸酸地好開胃炭燒素漢堡扒慢煮格寧蘭比目魚柳伴炭燒洋葱焗大啡菇- 比目魚外皮煎到好香脆，脆到出聲～ 魚肉鮮味，肉質細嫩無骨，完全唔會有腥味～ - 炭燒素漢堡扒食落完全唔似素漢堡，好有肉嘅質感，燒得好香- 大啡菇好厚身，加咗洋蔥焗好香好juicy- 配菜都幾出色，蘆筍爽脆，大蒜，茄子同翠玉瓜都焗得好香甜品：Natvia 法式焦糖燉蛋/ 法國慕絲窩夫- 焦糖燉蛋焦糖皮香脆焦香，燉蛋質感幼滑Creamy，仲有淡淡雲呢拿香味，配上士多啤梨，藍莓，龍珠果酸甜解膩- 窩夫賣相幾吸引，質感偏實同軟身，配上士多啤梨果醬幾香飲品：Homemade Lemonade/ 茉莉花茶- 自家製檸檬梳打好refresh，酸酸甜甜好醒胃- 茉莉花茶好香清新茉莉花味，養顏美容，個茶杯好靚好古典整體食物質素唔錯，環境好有氣氛同藝術氣息，職員都好有禮貌，喺服務客人嘅同時又唔會阻礙客人用餐，係一個唔錯嘅用餐體驗～…查看更多

位於銅鑼灣市中心嘅凡高廚房原來不經不覺已經開咗15年。一出電梯，四隻可愛嘅小鸚鵡同梵高嘅作品已經呈現眼前。餐廳入面都放滿梵高嘅畫作，猶如去咗一個迷你嘅展覽會。餐廳設有桌球、鞦韆及一系列嘅桌上遊戲可供客人舉行派對之用。老闆仲準備咗一個網紅打燈架方便打卡影相，非常之細心，怪唔得知成為包場舉行活動嘅熱門場地。食物以套餐為主，餐牌亦會定期轉換，選擇頗多😍🔶行政套餐🍽️ （$208）🥣 98%野菌忌廉湯 - 菇菌味道極濃，而且食到好多碎粒嘅菇蓉，材料十足。🥗 沙律 - 1個碟上有兩款口味：粟米吞拿魚長通粉同新鮮蔬菜配黑醋汁。🦞 莫薩里拉芝士焗龍蝦意大粉 - 香濃嘅芝士鋪滿新鮮嘅龍蝦上面。龍蝦肉質彈牙爽口，而且仲有膏！意粉al dente ， 醬汁濃郁，帶少許辣味， 十分有層次。🧁 甜品 - 迷你綠茶泡芙，配上新鮮水果🍓碟上灑上餐廳名字嘅朱古力粉，好有心思。🔶 精選午餐 🍽️ （$88）🥗 凱撒沙律 - 新鮮嘅羅馬生菜，清甜爽脆；芝士碎同埋煙肉碎令沙律增添風味。🌯 煙三文魚配芝士夾餅 - 餅皮煙靭，有陣陣焦香，餡料有煙三文魚芝士同生菜。好多時候喺外麵食到嘅夾餅個中心都係凍嘅，但係呢一個夾餅入邊都係熱辣辣，大加分！旁邊仲有好多沙律菜，健康又清新。🦪 海鮮拼盤 （+$58）我大力推薦大家order呢個海鮮拼盤👍🏻 因為拼盤非常豐富: 有一隻生蠔🦪一個翡翠螺🐚兩隻青口🦪同三隻大蝦🦐CP值極高！🍷 餐酒 （+$28）白酒雪得冰凍，比較乾身，跟海鮮非常配合。🍮 甜品 - 牛奶布甸🥛口感軟滑，配上士多啤梨汁同新鮮士多啤梨🍓及藍莓🫐，甜而不膩。💕餐廳仲有一款健康套餐供選擇，每款食物都標明卡路里，啱曬一種keep fit人士！喺鬧市中有一個寧靜嘅藝術空間，可以陶醉喺梵高嘅美術世界兼且可以享用美食，的確令人有身心靈放鬆嘅感覺。…查看更多

"Starry, starry nightPaint your palette blue and grayLook out on a summer's dayWith eyes that know the darkness in my soul"梵高的畫作以大膽的色彩和濃重的筆觸所聞名，訴說著蒼凉孤寂的一生，想當年讀書時曾經一訪位於荷蘭阿姆斯特丹的梵高博物館，即使事隔多年依然令我念念不忘，其實在香港銅鑼灣也有一間Vincent Van Gogh主題餐廳 - 凡高廚房。一踏進這間別緻的小餐館，一張英式桌球檯及一室磚紅色的牆身，猶如親歷Vincent Van Gogh的作品《The Night Café》中的場景。於昏黃燈光映照下，裝修風格甚具懷舊的歐陸情懷，瀰漫著令人迷醉的浪漫氣氛。大牆壁畫還以梵高名作《Cafe Terrace at Night》作佈置，仿如置身其境，於這種文藝氛圍進餐，閑靜畫意不禁令人放鬆心情。大壁畫加上花海片片的古典千秋椅美不勝收，尤其適合影相打卡。Set Dinner 總共有六款選擇，每份就已包括餐包、餐湯、前菜、主菜、甜品及飲品。凡惠顧晚市套餐更可以優惠價選購特飲、甜品及花茶。是日餐湯為雜菜湯，配上微溫餐包。湯頭真材實料超多雜菜，酸酸蕃茄味尤其開胃。餐包質感鬆軟，拌以牛油。歐陸式前菜小食為Parma Ham 伴蜜瓜，火腿鹹度適中，肉質細緻有餘香，蜜瓜天然香甜。火焰美國Prime護心肉牛柳串配牛肉燒汁伴蒜蓉香草醬薯角 $328上桌時會淋酒，剎那間於暗黑之中閃出藍藍火焰，甚有氣勢。串燒雖然看似是簡單直接的烹調技巧，但其實難在如何控制以高溫烤熟食物又不傷食材，這裡的牛柳串相當厚肉，份量十足。牛柳中心呈鮮嫩粉紅色，火喉控制得剛好，肉質細嫩鬆軟，保留飽滿肉汁。燒美國豬肋骨配燒烤汁伴蒜蓉香草醬薯角 $268豬肋骨色澤鮮亮帶焦香，沾滿酸甜的燒烤醬，令人胃口大開，色香味俱全。豬肋骨咬一口肉輕易便離骨，不會過韌，脂肪不多，所以吃完也沒有肥膩的感覺。薯角雖然只是配角，卻是出乎意料之外地有驚喜，表面微微燒過略帶香脆，內裡質地粉糯，相比平時的炸薯角肉心更加軟綿細密。是日甜品則有焦糖燉蛋和朱古力芝士餅，隨晚餐附送。燉蛋與熱糖衣呈現溫差的對比，還有那一嫩一脆的極端質感，焦糖燒得香脆，下層的燉蛋入口綿柔。朱古力芝士蛋糕口感濕潤綿密，甜度剛剛好，不會過膩。朱古力心太軟 $48作為朱古力控，當然不放過以優惠價追加心太軟，擺盤賣相精緻誘人。切下脆脆的表層就會緩緩地流出朱古力醬溶漿，不會變成固體，伴雪糕吃，一冷一熱，就是最高享受。花茶二重奏 $38自選混合兩款花茶- 玫瑰花茶及桂花茶，滲出含蓄清雅的花香，消滯解膩。青蔥米蘭 $28即是青蘋果梳打，配上一球雲尼拿雪糕，冰爽透心涼。…查看更多

呢度好好甜品可以寫字，正到爆！好岩生日🎂週年紀念去，可以影相！又可以比驚喜另一半！今次叫左三個主菜，三文魚好香一切開啲魚油流出嚟，唔會乾身，但外面超級脆，我最喜歡呢個菜😍😍😍😍😍其他都不錯👌🏽，意粉不會太水，個汁剛剛好！但我麻麻地上面啲菜🙊🙊最後個豬肋骨都出色肉骨分離👍🏼好大份，一家要同人分享！如果兩人去食一份加小食都夠🤣🤣總結：4個人食3個送都可以！🤣🤣🤣🤣🤣…查看更多

繁忙的工作過後，老公突然來接我收工，二話不說就帶到我來銅鑼灣一路走來說他賣什麼關子，然後來到這裡老實說來到的時候有點嚇一跳因為差不多8點45,看到餐牌後覺得有點"濟"（老公沒有心理準備下我吃了一大包薯條打底）不過，看到餐牌上的羊架後胃口大開首先來了主菜老公另外加的鵝肝，本來完全對鵝肝不感興趣的我都覺得煎得很好吃，吃了兩口最喜歡的蘑菇湯然後最重點的羊架出場！！！很好吃，不蘇最後是甜品雖然看得出師很用心製作，賣相非常好👍但我覺得窩夫有點硬…查看更多

猶記得第一次嚟呢間餐廳應該係八年前，工作 上司請的晚宴， 當時覺得哪桌球枱及千秋很美， 今次再度光臨， 反而喜歡細看哪複印的名畫作及其他裝飾， 年紀改變， 著眼點亦改變了一點。當晚是星期三， 令人驚喜嘅係有位歌手自彈自唱， 結他配合磁性柔和嘅嗓音， 令人不期然想放慢腳步，好感受一下此情此景。 聽他的自我介紹，今晚係佢第一晚係凡高演唱， 亦將會佢固定星期三，四駐場。我們兩人分別點了法式牛扒餐，青口扁意粉餐，同是 4course set dinner， 有湯，前菜，主菜，甜品。 當然牛扒餐比較貴，428蚊,意粉套餐228,另外我亦加了48蚊朱古力心太軟。先上前菜，分別是意大利蛋餅，煙三文魚蘋果沙律。意大利蛋餅是一道意大利人一款簡單的家常菜，配料方面很隨意，一些雜菜、腸仔、火腿，甚至可放飯、通粉等，加上蛋液，牛奶，忌廉等焗制而成，香滑有蛋味。煙三文魚沙律就較常見，但加上切粒的蘋果，令人感覺清新除前菜外，湯亦有平貴分別，貴餐的湯係好飲d,大碟d...但平價的雜菜湯都唔錯。面包點欖油及醋，一向非我杯茶(牛油面包主意者)，但都好味,而且是健康點..終於到主菜，bb青口意粉，這個相當有驚喜，用橄欖油，蒜頭，黑椒，等簡單的調味整出意粉非常出名，不油膩，彈牙。而且青口只是輕輕chek 熟，非常嫰滑，我fd話有食生蠔的感覺，而且分量多，有十來隻。牛扒亦很出色，少根，唔過熟，要求5成就真的有5成，附有牛扒汁，不需另點芥末醬。配搭的烤蔬菜及薯粒都很美味。甜品方面有士多啤梨cheese cake, waffle,仲有心太軟，我本身以為係其中一個甜品被升級轉，但原來係另加一個，大驚喜。而且全部都很美味，有酒店級的水準。如果大家有咩特別節日，仲可以叫佢係甜品寫字，因為當日有人生日，見佢甜品有字，而且演唱者仲會唱歌俾佢，唔會好似跑馬地嗰間知名西餐咁圍住佢唱咁尷尬，係好大方咁係台上祝福佢。餐飲方面我叫了花茶rosemary,所用的杯是藍白彷骨瓷杯，很有格調。今餐一邊聽歌，一邊細嚼美食，不經意已2個多小時，寫意的時間亦可由一頓晚餐帶出，很圓滿。…查看更多

前陣子有梵高電影上演，恰巧在網上被這間「凡高」吸引，於是就約友人到這裡晚餐。歐陸式的門口，已佈置了聖誕裝飾。一入內，就見到有張桌球枱，又有韆鞦，原來這裡吃喝玩樂都一應俱全 而且周圍都滿佈了梵高的作品，富有藝術氣息。 餐牌亦花心思......太多選擇喇！最終揀了兩款不同的套餐 ("Today Chef Special" & "Set Dinner")，可食多些不同種類的食物 歐陸式小食~意式血腸，第一次食，其貌不揚，味道不太濃郁，OK！鮮蝦煙三文魚卷，配上酸酸甜甜的醬汁及新鮮的蔬菜，開胃！兩款餐湯均足料味濃！炭燒美國頂級 Prime 牛肉眼，七成熟，真的如圖所說，肉質嫩滑，味道濃郁 燒美國豬肋骨配燒烤汁，外層香脆，內裡軟腍，再配燒烤汁，很入味！甜品是焦糖燉蛋，燉蛋質感細滑，不太甜！最驚喜是這款甜品，很美的「作品」，為這頓晚餐畫上完美的句號 ^_^…查看更多

港島篇，今日主子帶我去一間浪漫既餐廳，一入到去 覺得間餐廳嘅環境幾靚，好浪漫，環境比較靜，適合拍緊拖嘅情侶談談情！主子叫左個澳洲刺身級帶子及虎蝦墨魚汁扁意粉，超鍾意食墨魚汁再加上勁香嘅蒜蓉味、正珍寶生蠔拼盤，有六隻時令生蠔、六隻翡翠螺，生蠔好新鮮，食到有喊喊嘅海水味加鮮甜味，翡翠螺出奇地爽脆鮮甜，同裡面嘅內臟廚師一早幫你清潔好，非常細心，個頭盤係炸芝士，出面炸得好香脆，裏邊軟粒粒，好好味，我哋只係叫咗一個套餐，餐廳另外仲送多一個甜品俾我哋，餐廳超級好人…查看更多

今晚和家人太餓的關係，點了三個set dinner：Set B 燒澳洲刺身級帶子及虎蝦伴鮮墨魚汁，扁意大利粉，Set C 意式馬賽海鮮飯，Set D 燒美國豬肋骨配燒烤汁伴蒜蓉香草醬薯角。頭盤是金文不炸芝士。金文不炸芝士炸至金黃色，外型像魚片頭呈三角形。點上碟上的士多啤梨果jim沾，果沾的酸甜配上芝士的咸味，十分搭配。接着是椰菜花忌薕湯。用湯匙試着尋找椰菜花的蹤影，怎麼找也找不到。細看才發現原來椰菜花給弄碎成蓉！椰菜花蓉搭配忌薕，入囗綿滑。椰菜花味道清新突出。餐湯附送脆皮硬麵包。牛油混入了香草，塗在麵包上，入口嚐到香草的味道，十分香口。Set B：燒澳洲刺身級帶子及虎蝦伴鮮墨魚汁，扁意大利粉意大利粉的墨魚汁味道濃郁，蒜給切成薄片，因此入口充滿蒜香。帶子和虎蝦完全不腥。兩粒帶子味道鮮甜，不像雪藏。一粒帶子份量十足，我也要分四次才吃完，十分抵吃！虎蝦共有三隻，份量足。Set C：意式馬賽海鮮飯海鮮飯用煲盛着，上菜時「炸炸聲」，像煲仔飯一樣，很有港式風味！聽到「炸炸聲」讓人有種「新鮮滾熱辣」的感覺。先說飯。米分開一粒粒，煙韌有咬口，吃落很實在。飯吃下去嚐到是酸酸的，十分開胃！海鮮水準不錯。青口充滿鮮味。蝦新鮮入味。嚐到有黑椒味，很香口。Set D：燒美國豬肋骨豬肋骨共可分成五件。豬肋骨不會太肥，恰到好處。肉有質感，有咬口，不會太腍。肉和骨相連，讓人感覺新鮮。薯角外脆內軟，熱乎乎的。吃得膩了可以吃伴碟的沙津菜解解油。值得一讚的是餐廳的音樂和裝潢擺設十分用心。音樂配合餐廳。裝潢擺設配合餐廳主題「凡高」。擺設了多福凡高的畫作，感覺高雅。入口處放置了一個桌球枱，技癢時可以與友人同玩。桌球枱旁放置了吊椅，充滿歐陸風情。此處是影相位，很多顧客在此拍照留念。…查看更多

請太座吃飯. 約8點鐘到, 只坐了4,5桌人, 尚算安靜.早已飢腸蹗蹗, 就點了一個最大份的二人餐. $998+1, 紅酒+特飲:沙律:  太座對甜虾贊不絶口.餐包: 溫熱的. 不錯.pizza: ok餐湯: 98%菇湯 (什麽意思? 量化?)  我中意! 鵝肝: good.  不過想到是100%脂肪....就..燒牛柳:   今餐我最愛和羊羊架: 餐廳主打之一.  ok.甜品:  好味!  主理走來介紹話佢特登整得不太甜, 因他本人口味不中意太甜. me too !服務態度:  waiter/waitress---  good.  餐廳主理(老闆?)也幾好人.…查看更多

同個fd o係呢日慶祝我地o既相識紀念日 佢又鐘意食意大利菜 所以就去左凡高廚房啦book左7pm 6:45pm左右佢地打黎叫我遲少少先黎 因為o岩o岩跳左大掣 全間餐廳冇電 所以我就7:30pm先去到啦一出"車立" 見到佢地開左大門 成間野黑哂 猶豫緊入唔去到o個陣 manager就話5分鐘後就會有番電 好啦 入啦見到入面本身已經有2枱人啦 大家都係靠住枱面微弱o係蠟燭同街外面o既燈睇menu... 5分鐘後 真係有番燈啦入正題lu~我地食左有龍蝦o個個set 因為manager推介lobster好味的 就聽佢講了appetizer 其實唔係幾知係咩黎架 不過都ok好味湯 忌廉粟米 有d過甜了main course lobster+risotto 龍蝦真係幾好味呀!!! 不過可能係我tea o個陣飲左杯朋友o係starbucks親手整o既iced caramel+勁多cream 所以唔係好肚餓 都食唔哂個飯甜品 明明記得係啤梨cheese cake 但又唔係黎o個個喎 fd就話算 好啦 我地照食 之後俾個眼利o既waitress見到同個manager講 佢又黎番cheese cake 哈 咁我地就賺左了 2個都好好食 特別係cheese cake食完野周圍影下相 manager都好熱心幫手 因為我係用即影即有 佢又問我地想張相打橫定打直 服務十分好 p.s. 有張食滿$500減$100的coupon 所以只係食左$490 je~…查看更多