Beans (Hoi Pa Street)

朋友推薦之下帶我來吃下午茶，想不到有驚喜每樣食品都很用心制作，而且「15:00-16:00」的段時間不用等位下午茶＄58包＄40以下的飲品，不用加一，但旁邊有小費信封，可自行隨意給小費，每樣食品都是即做的，全部都熱烘烘，所以相對等候的時間較長，朋友推薦這裹的自家制蛋糕，而下午茶都可以加＄25換自家製蛋糕一件，但怕太飽所以沒有加，但看別人的香蕉批好想試，下次來一定要加，店員的態度都不錯，食完後都馬上幫我們收碟子，最後還送我們出門口，哈哈…Read More

waited long even it was late afternoon, (around 15'o clock)and many small insects were there.but rose coffee was soooo good.the pasta one, was, well, not that special but can enjoyable.price was not cheap, but not expensive.…Read More

聽說荃灣有一家cafe 有名的, 是日與朋友慕名而來。當天是3時許, 人比較少, 約等了15分鐘。內裡環境還不錯, 凍櫃還有精緻甜品。Cappuccino拉花靚, 表面泡沫幼滑, 咖啡味濃, 質素不錯。凍玫瑰latte賣相一流, 表面的cream 不太甜, 咖啡味夠, 有清香玫瑰味。紅豆綠茶窩夫賣相靚, 綠茶雪糕美味, 茶味濃郁, 與紅豆味非常夾, 略嫌窩夫並非脆口, 已被雪糕沾濕。整體味道不錯。…Read More

前幾年咖啡店沒開到這麼多的時候，知道荃灣開了這間輕食咖啡店真的好開心! 久不久就會黎飲下咖啡，來客小食!.位於荃灣海壩街的「荳子 Beans 」由2013年年尾開業至今，其實小妹已幫襯過無數次了。餐廳由從前的一個較小的鋪位，到現在擴張至隔離鋪，小妹都繼續有幫襯。相都影了一堆，就是一個懶字，一直都未有在這裡分享過，所以今次的食文分享都會沿用返以前影落的一些相片，所謂「用得唔好晒嘛!」。仲記得「Beans」新開張時，每次經過都見到長長的人龍，個時唔想排隊，就為有等佢差唔多開鋪時排定隊。不過近年人流開始緩和，人龍沒以前的誇張，這樣便可以得閒去嘆返杯咖啡了，還有最重要係這裡沒有用餐時間限制，是小妹喜愛這裡的另一個原因! 雖然兩個鋪位都係同一間餐廳，但都係分開兩條龍黎排的。剛好到我地的時候得返對外的吧檯位，不想再排便坐吧。.餐廳的環境以木紋為主調，簡約舒適，看到最前方的開放式廚房，旁邊更設有蛋糕櫃，坐位多以二人坐位、向外的吧檯位、及一張大長檯為主。.以下兩張都係之前幫襯時影的「Beans」以輕食為主打，主打供應全日早餐、小食、意粉、甜品和咖啡等。咖啡更可選擇要立體拉花呢 (但不能自選圖案)，所以都吸引了不少人來潮聖。而就算是普通拉花，圖案都拉得頗清晰實淨，頗美的!.甜品方便見到他們的出品愈來愈細緻和漂亮，包括近來推出的一系列綠茶甜品，真係睇見都想食，可謂越戰越勇! 而鹹食方面都叫做一直保持到水準，值得一讚!.伯爵茶拿鐵 $27 (原價$35，跟餐-$8)大部份的拿鐵都可指明要立體拉花啊，不過等的時間就要稍耐一點。.每次黎這裡都忍不住會點立體拉花，一望到可愛的拉花就會感覺身心特別放鬆呢，真的很療瘉系啊。這裡大多數的拉花都是可愛的小熊和貓圖案，也有次試過得到走樣版既米奇拉花，真係唔知好笑定好嬲。所以感覺到他們的立體拉花唔係每次都保持到水準，要睇睇拉花師傅的心情和運氣吧。講返杯拿鐵吧，這次得到浮在杯子上的可愛小熊拉花，面頰還有粉色作點綴呢! 拿鐵入口順滑，帶有濃濃的伯爵茶香，不錯!.小食拼盤 $98這一份小食拼盤包括左啤酒洋蔥圈、肉醬薯條、焦糖雞翼和香辣雞翼，本身雞翼仲有一隻孜然口味的，餐廳話客人可在三款口味內選兩款喜歡的也可。.啤酒洋蔥圈和肉醬薯條都炸得熱辣辣，食落脆口不油膩，肉醬的份量給得滿多的，還有些芝士在內，我倆都食得津津有味!.孜然和焦糖單骨雞翼，每款味道有4條單骨。其實三款味道都好食，不過小妹就至愛焦糖雞翼那股香甜的味道，又帶少少脆口，每次黎到都會叫返份。.黑松露軟殼蟹意粉 $95喜歡這裡的軟殼蟹意粉，已經黎食過三、四次了。意粉收汁的情況剛剛好，不會太稀和太杰，入口有好重的松露味啊，裡頭也放了滿多蘑菇片。面頭還有兩三件炸得夠酥脆的軟殼蟹，好味!.焙茶燉蛋 $52用上小木砵盛載的焙茶燉蛋，客人落單時才放上紅豆茸、麻糬、鳥結糖和黑白芝麻脆片，視覺上很豐富呢!.焙茶燉蛋面層用火槍輕輕噴過，食落帶微脆，燉蛋質感好細滑，幼嫩的質感，帶有陣陣焙茶的甘醇味，味道有驚喜。另外所配的鳥結糖和麻糬，這樣的配搭還滿特別的，麻糬食落煙煙韌韌，好喜歡呢。…Read More

閒日到人龍店beams，一行四人都是首次到訪，看到隔離枱有3D咖啡拉花即刻心心眼！查看餐牌原來餐廳有提做即場拉花！我們四人各點了一杯咖啡和甜品，問店員是否有3D拉花咖啡可選？店員說每枱只能提供一杯3D拉花服務，大失所望的我們再問店員我們有四個人，可否要兩枱3D拉花？店員說因為制作需時，每枱只能做一杯。同行友人說你當我地兩枱客，分開單，可否為我們做兩杯3D？店員堅持不能！我們繼續說我們不趕時間，可以等架！而且在場客人不多，可以例外一下？店員繼續堅持不能。。。。 最後我們說算吧謝謝.... 我們點了兩杯rose latte和兩杯earl grey latte，rose latte先來，兩杯甜度不一，而且都過甜，明顯咖啡師下了過多的rose syrup，Rose syrup 的分量，一不小心放多一點，就容易令rose latte帶點藥水味。之後的earl grey latte，喝下不夠熱，只是微暖，估計是咖啡打的奶泡未夠熱就冲調咖啡，說真，這個不熱又不冷的溫度是最不能接受的。抹茶聖代賣相滿分！表面的忌廉幼滑充滿奶香，只是綠茶雪糕太甜，幸好內有啫喱和紅莓等，整體比xxx遜色。綠茶卷蛋賣相滿分！雖然卷蛋的綠茶蛋糕沒有綠茶味，但是中間的忌廉很出色！濃濃的綠茶又不太甜，如果蛋糕可以改良便好了！…Read More

突登搭左成個鐘既車終於到左荃灣好彩表姐已經拎左位。。。。唔係我地咁多人。。一定要等好耐我叫左個煙三文魚峴肉意粉煙三文魚新鮮，峴肉冇沙，忌廉汁夠味，份量OK最期待係佢杯ROSE LATTE，因為我自己本身就好鐘意飲飲落有好香既玫瑰味，唔太苦，鐘意既唔好錯過叫左個伯爵味焦糖燉蛋同栗子蛋糕，燉蛋唔錯，幾甜同正，最得意佢溝左伯爵味，好特別，唔會話好奇怪最後果甜品好大碟佢用左乾冰托住，好似出緊煙咁我地就係因為咁就叫左入面咩都有，雪糕，布丁，生果，WAFFLE，甜甜圈，棉花糖，大雜匯咁用料斬新鮮，但甜甜圈好似硬左少少其實係有二人既份量，但我地之前已經叫左好多野食，所以最後食唔晒環境都幾靚，野食唔錯，岩晒同朋友黎食下野…Read More

平時見門口有長龍，一直想試都打消念頭。今天本來去泰國餐廳，點知無意中見到Bean 冇人龍，立即入去試 果然不負所望，下午時間沒什麼人 猶喜歡他們牆上的黑板介紹了綠茶紅豆蛋糕，咖啡的資料，很有原始感。 整體食物質素都很好，不算貴只是我們叫了幾樣，枱面太小不夠放，枱與枱之間距離太近，應該是生意太好了吧無論飲料，蛋糕及 肉醬長通粉都很好吃值得一等…Read More

今次過咗九點至嚟，果然唔洗點等。上次提到落地玻璃向街仲要高凳，令著裙唔方便的情況，今次影張相畀大家睇睇。個cream好杰身，香香哋但係冇咩奶味。咖啡底幾ok，起碼飲得出係latte。女友話好香玫瑰味，我問佢會唔會係香精，佢話應該係玫瑰糖漿嘅味。我飲咗一啖，唔難飲。秀珍菇同雞髀菇炒得剛好，有汁唔過火。份蛋幾大份，目測落咗兩三隻蛋，炒到半滑，有黑松露味。腸仔好重香料味。茄汁豆正常罐頭味。煙三文魚鹹而腥，但係我頂得住。蕃茄切開六小件食熱辣辣好過癮。煙肉煎香咗但極鹹。兩件窩夫水準依然，可惜呢一set冇配埋蜂蜜，單調咗啲。坐正甜品櫃邊，順便影幾張相引誘吓大家。我對有針筒果件東西好有興趣，可惜女友嗌飽，下次先啦！…Read More

是晚同朋友一行幾個人去晚餐，就見尼間冇人排隊…而且食評又唔錯…就入去左食啦我地點左有忌廉汁蟹肉海棒意粉，焦糖單骨雞翼，雜菌意大利飯，蝦餅，rose latte，芝士三文魚薄餅…凍朱古力咖啡，熱榛子咖啡忌廉蟹棒意粉… 好食…夠磨菇同汁…又唔乾…必食三文魚薄餅…好食呀…佢個醬襯到三文魚…必食焦糖單骨雞翼…又係必食跟餐加15蚊就有既蝦餅…中間位好軟林林…好食雜菌意大利飯…多蘑菇，不過飯比軟乾，一般Rose latte 見個個都讚就試啦…不過本人覺得一般…玫瑰味比較少，唔濃榛子咖啡…好香榛子味凍朱古力咖啡…等左成兩個字先到既一杯咖啡…朋友話一般啦…Read More

一直都聽聞荃灣既BEANS 好正，今日假期就特登約左住朋友黎一齊試下。我地大概四點半到，見到佢有兩間，我地選擇左排新果間（the corner) 等左十五分鐘就入得喇😁兩個人點左兩杯飲品同兩樣野食。我地兩個都點左熱既rose latte. 賣相一流一拎到黎已經忍唔住係咁影相😂 我唔係好好咖啡，不過呢杯latte 好易入口仲有淡淡玫瑰花香，正👍跟住到食物喇，個eggs royale 都唔錯. D salmon 味道岩岩好.至於個hollandaise sauce 我就覺得好似太酸同埋個蛋都唔夠流心，但整體黎講都算唔錯。最後到戲肉，就係個玫瑰蜂蜜花型waffle 喇！呢個係期間限定既，真係好好食，賣相又好掂，一路食出邊街既路人都望住我地個waffle lol 唯一不足之處就係太多cream..我同朋友都係咁整走d cream 哈哈整體而言beans既食物水准同環境都唔錯，值得再去😁…Read More

已經不是第一次光顧此店，真的值得再試！點了雞奕和薄餅，味道一般！不過飲品質素一流：Red Bean Green Tea Smoothies: 綠茶味濃，紅豆夠，沙冰滑！Rose Latte：玫瑰味好香，咖啡好滑，正！…Read More

是晚友人為我慶生，我選擇了此店。由早前一間店到現在擴張至兩間相連店，終於有機會去拜訪。時間七點鐘，兩鋪既食客不多，我選擇去鋪面稍為大些少既新店，全因店內裝潢更有格調。想入餐廳之際，但我居然揾唔到個入口…因為好難分辨店內既木板裝潢同木門入口！店員見我眼望望，就出手打救，並指示開自動門既按鈕。睇左一輪餐牌，樣樣都好吸引，但因為唔太肚餓，卒之同友人點左：１）All Day Breakfast Deluxe、２）抹茶吐司、３）Rose Latte１） All Day Breakfast Deluxe：All Day Breakfast一向都係最吸引既一款食物，亦容易成為眾人目標，因為材料豐富，難食極都有限。但今次認為呢份All Day Breakfast既炒菇比較乾身同淡味；炒蛋都比較乾；腸仔全屬同一類，會比較單調，起碼坊間有店鋪混合多款腸以供客人選擇；其他食物只屬一般。 不過，唯獨個鬆餅令我喜出望外！！！一開始以為係又乾又硬，點知食落…十分鬆軟而不乾，新鮮烘製果然係唔同Ｄ！如果可以，淨係單點呢份鬆餅都唔錯！ ２） 抹茶吐司：吐司搽上綠茶粉加錬奶，配上終茶雪糕球，一凍一熱都唔錯，但始終欠缺什麼… ３） Rose Latte：配上拉花既Rose Latte充滿玫瑰味，飲一啖，感覺好舒服。  …Read More

聽聞 Beans 很久了，但每次經過都見到很多人排隊，所以一直都無試過。上個 weekend 因為早吃飯，決定要一試 Beans 的威力。去到看見為什麼有兩個門口？！一問原來吃的東西是一樣的。。。那為什麼要分開排隊？好在時間還早，一下子就到我們啦。餐牌上每樣東西都好似好好味 最後決定叫了玫瑰拿鐵+巧克力窩夫。拿鐵有淡淡的玫瑰味，喝下去很舒服的幸福感。巧克力窩夫有點普通，但係靚靚的外表看上去仍然覺得開心。如果係一塊長方形的窩夫，我應該會再開心D。…Read More

閒時愛蒲咖啡館，為的可以是一杯香濃咖啡, 一件餅, 又或是沒特別目的, 純粹想逃離煩悶, 跳入寧靜的氛圍, 真正躲懶一會兒。 要是咖啡有漂亮的拉花, 定會大大加分，好感倍增。記得初時對荃灣的路真的很陌生, 基本上遠離鐵路站後, 就不知怎樣走, 多會迷路, 人也迷惘起來, 但現在已不用怕, 出動次數多了, 對周邊的環境開始熟悉。 這區隱躲的美食一向不少, 但像這樣閒適的小店, 真沒多少家呢? 說小店的人氣強勁, 該沒人會反對的, 位子不多, 只容納二三十人左右, 等位是意料中事。 不想餓著在呆等, 就要想法子避開些黃金時段，以晚市為例, 最好別遲過六時半，或可博得即時入座的機會。 如若錯過了, 那就只能在門外輕嘆  。地方真的狹迫, 站在門外已可看清一切, 靠近窗旁的那些高腳吧位, 置了些綠色小盆栽, 空氣像入外清新, 人也馬上有回生氣。 二人在排排坐 靠得緊緊的, 俏俏話, 跟日光接觸最多, 呆望著街道, 不受拘束, 路人或是等位者的目光嘛? 且先不管吧!正中間的區域窩進去似的, 打造成茶座模樣, 擺放著草綠色的獨立沙發和小桌子, 很自然和諧的味道 , 軟熟闊落，貼近椅背而坐, 將身子放軟，只是進食時要彎低身，有點不便啦！左右兩旁靠牆則由小方檯所組成, 到時侯再按人數作調動, 只不過之間的距離實在小, 可以說是零 , 動手拉開一點點其實沒多幫助, 不時會將人家的對話收入耳中, 而自己所傾談的則被分享開去, 是不夠暢快的, 但沒辦法了。六時多仍未覺太餓, 就放軟手腳, 從頭至尾慢慢研究個飽, 純文字式的餐牌似乎魅力欠奉, 要自行發揮些想像力。好奇心滿瀉的我早已做足功課, 參考人家所吃所喝的, 心思思什麼也想點一通。鹹食和甜點的選擇同樣豐富，沒側重於一方，前者沒意思做得隨便，沒隨便以咖喱角、春卷、三文治等充當, 鹹食也可以予人驚喜, 小食、沙律、意粉、all day breakfast, 那份誠意值得加分, 要找對胃口絕是不是難事。香口的東西特別受人歡迎, 人丁單薄又心多多, Beans小食拼盤($88)集雞翼和薯條於一身, 正正是為我倆而設 , 想不到要放棄的理由。 碟子被擠得滿滿的, 也許是焗製需時的關係, 比意粉還要遲出場, 愈等愈餓, 愈等愈心急。香氣飄飄, 精神隨即為之一振, 單骨雞翼小巧的骰, 挺方便吃, 儀態得以保持, 又吃得盡情。 三款口味各有賣點, 先從焦糖出發，外層帶點剔透, 結成薄薄的脆衣, 糖膠呈幼細的絲狀, 皮脆內嫩 , 藏著豐富的油脂, 肉汁得以封鎖, 甜味和肉香來得協調, 比起單塗蜜糖更好吃, 個人大愛。孜然味沒沾上任何醬汁, 單靠香料醃味, 貴為靈魂的孜然粉帶著新疆風情, 裡頭的雞肉亦夠入味, 不感乾鞋, 輕咬已離骨。 香辣, 真以為像是染成橙紅色像水牛雞翼的模樣, 刺激度稍遜, 以辣椒粉輕輕調味, 奇怪為何會帶孜然的氣味? 不費吹灰之力, 轉眼間雞翼已被吃清光 , 轉戰在旁的肉醬薯條。 份量挺多, 條條肥大粗厚, 沒連著皮，炸的時間剛好, 脆而不硬, 粉糯且富薯香，教人震奮的是面層舖滿大量肉醬和芝士 ，半溶化的狀態更顯迷人, 水牛芝士奶味濃郁，拉出的絲欲斷難斷, 番茄醬酸咪咪, 沒一下子將薯條變腍, 只是動作得快一點, 不然冷掉結塊, 滋味會有減呢!真的不敢相信眼前的就是卡邦尼煙肉意大利粉($72), 意識中的模樣是充斥淡黃又濃稠的醬汁, 將麵條重重覆蓋, 何解這碟偏乾, 似炒製多點 ? 抱著懷疑的心品嚐, 意粉仍富咬口, 爽彈有力, 但真的不感受到有多少醬汁在其中, 欠了應有的黏咀和濃奶香, 配上蘑菇和煙肉, 還有洋葱, 改了淡口的形象示人 , 質素真的平平, 僅作為填肚之用, 不想給它合格啊!凡點食品轉配其他飲品, 都可享減$8優惠, 有藉口將原本跟餐的薑母茶、普通咖啡、檸蜜捨棄。 不敢說喝咖啡完全為了拉花, 但要是畫得漂亮的話, 就一定會加分。 想一睹立體拉花很久了, 機會如今便有, 糖漿的花款蠻多，有茉莉、tiramisu、cream brulee、榛子等, 很難選啊!感覺花香誘人, 遂要了杯玫瑰拿鐵($35-$8), 熱得燙咀, 店有個不明文的規定, 每檯只可有一人要求立體拉花, 能近距離欣賞朋友的已心足了。 這孖心圖案很眼熟, 細緻而工整, 灑上粉色的玫瑰花瓣碎, 瀰漫一片浪漫。質感滿對辦, 豐厚香甜, 咖啡濃而不澀, 跟花香融和, 沒嚐到造作的香精味道, 甜得不過份, 順喉好喝, 令人放鬆下來。真想說她跟我很談得來, 愛吃愛拍更思甜, 口味相近, 同時亦是個台灣迷, 有著童真爽直, 碰到可愛造型的食品時, 會興奮得大叫。 她的茉莉拿鐵($35-$8)姍姍來遲, 面頭有隻小貓伏著 , 面露甜笑, 但身子似在往下沉, 懶洋洋的十分他條。奶泡厚且挺身, 得咖啡師的巧手, 添加了酒窩、眼仔、耳朵和嘴巴, 頓時栩栩如生, 怎會不博得我倆一笑? 同屬花香為主, 但茉莉味卻微弱，比普通的拿鐵咖啡多份甜香而已, 觀賞價值較高。兩隻甜魔到此一甜, 不點上兩三款確實難交代。 大家同樣超愛流心的東西, 原味吃得多, 是晚就將機會讓給綠茶白朱古力流心蛋糕($48)吧! 外邊留有明顯的焦色烘痕, 高高的很完整, 破開脆皮, 有黠小厚, 扎實卻不過乾, 陣陣甘香在口中不散, 淡綠色的「岩漿」緩緩流出, 未太水狀。流心溫熱, 質感細滑, 只可惜牛油溶液滲了出來, 白朱古力味又太霸道, 將本是主角的綠茶風頭搶去, 甜味蓋過茶的甘醇, 幸多得雲呢拿雪糕, 沒夾雜碎冰, 一冷一熱反差大, 將膩感沖淡。香草梳乎厘($45)大大個, 表層的薄膜烘至焦黃色, 飄來陣陣蛋奶香 , 未吃已滿有好感。 成品膨漲得不俗, 升得比焗盎還要高, 將盎口完全覆蓋, 真期待啊! 表層很快已被濕氣所拖垮, 不再脆, 反有點韌, 中心部份軟綿綿, 偏挺實, 未太像風般空洞, 甜膩感重, 合二人之力也沒法清掉。壓軸出場的雲呢拿草莓奶凍($45)盛在流線形的玻璃杯內, 甚富美感, 跟這類層次豐富的甜品極為相襯。 底層的原味奶凍水潤Q彈 , 每口都是忌廉香, 比慕絲挺實, 滑不溜口, 襯上鮮嫩的草莓果肉和果醬, 酸酸的很清新, 莓味十足, 成功將我心拉回來, 混著雪糕同吃, 甜美得直接, 但我想可以再大球和渾圓一點吧?得聞店子最近決心擴充, 將勢力延至隔離的舖位, 一室亮麗的原木色系, 跟自然光來個大接觸。 週六有好節目, 以最急速的步伐前行, 走近看竟有這麼多人在等? 還以為開了新店可舒緩等位的壓力...也許我們實在太「走運」 , 遇上電力故障, 要不另找目標, 不然就只能乖乖的跟著排, 我們的決定是…踏入十月份, 已不再悶熱, 間中吹來涼風, 個多小時的等待才不至於太苦!餐點有這麼驚喜位, 意粉選擇多了, 蛋糕亦換上新裝, 舊有的伯爵茶蛋糕還未試啊! 鳴鳴…留意到甜品欄位多了兩位限定的成員, 分別為熱爆全城的花形窩夫和甜版漢堡包, 各有看頭, 真想看看實物。一心想重溫玫瑰拿鐵($35-$8)之味, 不客氣的要求立體拉花, 圖案隨心的, 前兩次都是小貓, 故極渴望這次會很不一樣, 小豬好, 狗仔也好, 小熊就更好。千呼萬喚始出來, 看似是米老鼠? 面目頗為猙獰, 帶著殺氣似的 , 真不知是手藝問題或是花時間作裝飾, 奶泡快要下沉, 扁塌欠光澤, 勉強也笑不出來。咖啡油脂在面頭游走, 是好事, 奈何不夠熱, 帶不出香氣來, 質地偏稀薄, 玫瑰香流於表面, 各顧各的, 未能真正地合拍, 而甜度亦重手了。等了又等, 凍朱古力曲奇拿鐵($38-$8)才肯出現。 用上跟奶凍相同的杯子, 透明感十足, 擠成花形的忌廉跟咖啡和糖漿重重相間, 一副冰涼透心的模樣。喝時再多拌數下, 咖啡本身有微微的酸味, 甘香持久, 然而撞上香甜的朱古力曲奇, 兩者之間擦出火花, 可可味沒mocha濃重, 冰塊沒下得猛, 甜味輕盈不膩, 沒多負擔。得聞新作忌廉汁鮮蟹肉蟹棒蟹籽意大利粉($78)的反應不錯, 那就試試看。 碟邊刻有店的名號, 是生招牌嗎? 麵條條條分明, 鬆彈有力 , 用叉子捲起時, 硬度更是明顯, 汁料未夠完美, 忌廉應有的漿狀失了影蹤中, 反有點稀薄, 還是喜歡黏咀的版本。夾雜爽甜的洋䓤和蘑菇, 混和鮮蟹肉後更添鮮美, 軟綿沒腥味, 蟹籽咬落帶卜卜的聲響, 蟹柳棒粗厚柔軟, 一梳梳的, 泛著實在的海水鹹味, 引得我密密添吃。另一款鹹食鎖定為沙樂美腸三色椒薄餅($58)，即點即烘, 還有有意粉相伴先行醫肚。 直徑約有七寸，幾乎跟手張至最大的相近, 批底不像餅乾般薄身, 略帶厚度，邊緣烘至鬆脆, 不會乾巴巴易涸喉，批心軟熟富彈性 ，氣孔非如一，具發酵過應有的柔韌。饀料佔據整個批面， 意想不到塗底的會是普通茄汁而不是番茄醬, 出奇地搶鏡, 空得個酸字, 沙樂美腸富鹹香, 邊咬邊在承接絲狀的水牛芝士, 惹味細緻, 但茄汁確是出了岔子, 感覺單一, 誠意分給不上, 破壞了美好的餅底, 太可惜啦!除了享有飲品扣減外, 加配指定口味的蛋糕也只需$20, 當然不能錯過。 再度鍾情於烏卒卒的東西,竹炭紫薯卷($38)嬌滴滴, 神秘又美麗。 蛋糕體濕潤, 綿度相當高, 比普通卷蛋少點鬆泡, 蛋味輕,裹著幼滑的忌廉, 紫薯粒粉糯富咬感, 唯薯味淡口, 不是想像中的理想。早看中了盆栽木糠布丁($48), 玩味和創意兼備, 很貼合潮流, 先說賣相, 儼如一盆小植物, 表面舖有大量泥土碎屑, 像真度極高, 足以騙人。 花盆本身也可吃, 用上甜批專用的塔皮, 鬆化但不太香脆, 牛油味滿瀉, 心急要剖開內層, 被餅乾碎和忌廉所填滿, 兩者大玩層層疊, 柔滑輕巧 , 忌廉比例重, 伴著oreo餅和燕麥扮成的泥巴, 香甜動人, 還不錯。記得最初對店子是有所偏見的, 直覺在模仿別家café, 但後來明白到很難評論說在抄襲誰, 又得靠自己去開發和創造, 少點心思和內涵也會站不住腳。 短短數個月內, 能吸引到我回頭, 不時又會生掛牽掛, 是有充分理由去支持。…Read More

十一假期同best friend去左行城門水塘, 呼吸新鮮空氣 因為多親戚住荃灣, 所以我都成日黎呢區飲茶食飯~ 茶樓去得最多, 比較少試其他餐廳...一早聽過BEANS既大名, 奈何唔會同一班親戚去食, 只有耐心等待機會先試!  今日終於係喇!!!  行完山, 小巴係荃灣落車, 而且都係6點半度, 時間尚早就決定去睇下多唔多人, 幸好2邊門都只有各一張枱等緊, 食下午茶既人又陸續離開, 都係等左5分鐘就可以入去喇! BEANS既裝修都係行簡約風, 不過就有種綠色健康同清新既感覺, 非常適合食早餐! menu上真係有多款all-day breakfast供人選擇, simple, deluxe, egg benedict...etc  當然還有其他主菜好似pasta, pizza, 相對地無早餐咁吸引! 另外仲有2張menu係甜品同飲品, 未開始食飯睇到甜品已經好想食! 有幾款綠茶架啦, 又有waffle蛋糕 礙於我地真係幾肚餓, 最後叫左一個pasta+一個breakfast~ 忌廉汁蟹肉蟹棒意粉, 賣相唔錯, 見到好多蟹棒係面, 不過我就覺得汁唔夠濃好水, 成個意粉帶少少咸味, 清清地唔膩, 整體都ok唔會食到好濟! Deluxe All-day Breakfast, 呢個真係我食過all-day以來最超值既! 一開始見到menu有2個full set all-day breakfast, 心諗deluxe應該幾貴下...  點知都係$88, 唔貴得黎仲有齊炒蛋腸仔茄汁豆煙肉包, 重點係連煙三文魚都有!!! 真係好抵食! 見到旁邊幾枱都有叫 比高包熱辣辣好脆, 夾住三文魚食好正! 唯一麻麻既係炒蛋太老, 已經變左一舊舊, 無左滑蛋... 其他磨菇腸仔都係一般, 味道唔會話好咸~所有主菜都包一杯普通茶或咖啡, 當然都可以加錢叫特色飲品! 我叫左杯rose latte, 因為知道甜品會食綠茶, 所以飲品就唔飲綠茶類喇...  之前係habitu飲過rose latte, 其實都係latte加左花香甜甜地, 唔會好似coffee咁苦, beans既呢杯同habitu既都幾似, 不過不失~閏蜜唔飲咖啡既都無咩選擇, 所以最後揀左杯紅豆抺茶冰沙(呢杯飲品真係等左好耐...), 我覺得綠茶味唔夠濃, 偏淡...  而且飲唔到紅豆, 要到最後差唔多飲晒先可以食到~食完正餐喇, 終於食甜品喇!!!   叫左甜品後, 侍應幫我地換上小型木製餐具~綠茶梳乎厘! 見到有人推介呢個, 又咁岩食緊主菜個時見到其他人食, 梳乎厘有咁大個真係幾吸引, 所以我地都試返個先! 有d期望過高添... 略欠綠茶味, 只有表而既綠茶粉, 而且太甜, 仲有見到碗邊有糖粒, 食食下好似食沙糖咁... 朱古力流心蛋糕, 一開始睇menu見到流心蛋糕以為係咩新產品, 諗諗下突然醒覺應該係心太軟 因為頭先食左綠茶, 所以心太軟就無叫綠茶揀食朱古力~ 黎到個時見到個蛋糕焗爆左少少, 以為都可以唔流lu, 不過切開都仲有朱古力漿流出黎, 唔錯! 呢個心太軟都算係食過以黎比較比較無咁膩既, 唔會話食到好濟, 不過我唔係好中意食太多朱古力, 都係留返比閏蜜食啦~係beans坐左都差不多2粒鐘, cafe黎講佢無限時可以慢慢傾慢慢食, 而且座位都算寬敞舒服, 真係幾適合三五知己黎閒話家常! 食物又唔錯收費公道, 侍應態度又唔差, 留下左一個美好的回憶~…Read More