Prince Court Restaurant

今晚好開心，6月媽媽的邀請參加BB的百日宴，呢二日媽咪家樓上裝修，大整昨日已經嘈咗一日，今日忍唔住怕BB會嚇親，執咗啲餸，BB用品去咗奶奶家，好彩爺爺放假過嚟車我哋過去，囡囡今日就好乖可能唔同地方就無咩點嘈，我就好順利完成一日的工作，她們都知我出尖沙咀食飯，差唔多6點搞掂哂啲嘢，有奶奶幫手我就安心收工，去到差唔多7點剛剛好，個幾月無見BB大咗好多剛食奶我就幫手餵, 他爸爸話而家食得好快10分鐘就食完，但我餵阿仔可能想我抱多陣飲咗半個鐘，他們就話阿仔你搞咩食咁耐，食以為他會瞓點知眼仔碌碌，可能太開心太嘈瞓唔到，跟住見他唔嘈都放咗落車仔，今晚個媽咪專登搵呢間，因為話普通一家人食飯，又唔想酒樓嘢，呢度食啲嘢特別些少，我都係第一次嚟，之前的餐前小食只食過雞絲粉皮，跟住都有好多嘢食，她的姑奶推薦芝麻雞，蜜汁火腿脆脆同生菜包要加他們自家制的XO醬就更好味，完餐後加媽咪定的蛋糕再自己DIY裝飾，好開心的一餐…Read More

年近歲晚，相約幾位好朋友食團年飯，其中一位識飲識朋友推介福滿樓，所以就一行五人去試試！酒家環境古樸，但係近九成滿，亦有唔少外籍人客，估計食物水準應該有保証啦！頭盤小食點峨嵋醉豬手、和味拍青瓜。豬手軟硬適中，帶有酒香，好好味！拍青瓜就有蒜粒混入，帶出醋香，好好味！主菜點片皮鴨、糊椒蝦、蜜汁火方同香煎黃花魚乾。片皮鴨香軟，蜜汁火方夾雜香甜軟脆，必試！由於本人唔食海鮮，所以形容唔到糊椒蝦同香煎黃花魚乾有幾好味，只係同行朋友讚不絕口，睇都係美味之選啦！甜品有陳波皮紅豆沙同紅豆糕，紅豆沙細滑綿有濃濃陳皮香，而紅豆糕清甜。另外一提係酒家D茶亦係推介之一，我點烏龍茶，茶下咽後有回甘架！部長Jason推介我試桂花茶，果然好介紹，桂花香撲鼻，茶味清甜！總結係，酒家食物有水準，服務亦佳佳佳佳佳，一定會再去架！…Read More