酒家環境古樸，但係近九成滿，亦有唔少外籍人客，估計食物水準應該有保証啦！
頭盤小食點峨嵋醉豬手、和味拍青瓜。豬手軟硬適中，帶有酒香，好好味！拍青瓜就有蒜粒混入，帶出醋香，好好味！
主菜點片皮鴨、糊椒蝦、蜜汁火方同香煎黃花魚乾。片皮鴨香軟，蜜汁火方夾雜香甜軟脆，必試！由於本人唔食海鮮，所以形容唔到糊椒蝦同香煎黃花魚乾有幾好味，只係同行朋友讚不絕口，睇都係美味之選啦！
甜品有陳波皮紅豆沙同紅豆糕，紅豆沙細滑綿有濃濃陳皮香，而紅豆糕清甜。
1
另外一提係酒家D茶亦係推介之一，我點烏龍茶，茶下咽後有回甘架！部長Jason推介我試桂花茶，果然好介紹，桂花香撲鼻，茶味清甜！
總結係，酒家食物有水準，服務亦佳佳佳佳佳，一定會再去架！
