Po Kee

自從同區永利清湯腩易手，波記就成為西環食燒鴨嘅不二之選。好多鋪頭齋賣燒鴨，波記就燒鵝、燒鴨都有，豐儉由人。最中意叫燒鴨瀨，多年來一直保持質素，次次食都好味！學生仲有優惠，非常抵食～…查看更多

終於來朝聖屹立西環數十年的波記~ 聽説它的燒鵝脾很不錯！然後初次到訪超可憐的，平日四點多來到甚麼燒鵝鴨脾燒肉都賣光了。第二次就趕在十二點前到達，有燒鵝脾之餘 又剛好不用等位。想品嚐燒鵝的大家 記得早一點到喔~▪️燒鵝全脾瀨 $100初初看到這個價錢 真的有點驚訝，但是米芝蓮推介 一定要嚐一嚐。鵝脾色澤超美！但鵝脾都沾到湯，未能嚐到其外皮香脆的口感。鵝脾皮下的油脂豐盈，油香十足！高湯夠熱，再滲入鵝油挺不錯。鵝肉軟腍，瀨粉爽滑 不會碎濕濕，唯獨索價百元，驚喜沒有想像中大。▪️燒鴨瀨 $37鴨肉油香雖沒鵝脾重，但肉味更濃。不過鴨皮同樣沾到湯，不太香脆。▪️燒肉燒鴨飯 $45▪️叉雞飯 $45燒肉皮脆卜卜，但稍稍偏硬。肉質香嫩有嚼勁，有一層軟腍的肥膏。叉燒偏實，麻麻地。雞肉幾滑幾入味，還不錯。整體而言，兩次吃鴨鵝瀨 都未能嚐到其外皮香脆的口感，但鵝脾油香確實豐盈，驚喜沒有想像中大。若糧尾到訪 應該會一嚐燒鴨全脾瀨 (便宜五十塊喔)。…查看更多

下午2點多, 裡面都幾多人食緊, 因為呢間老字號又出名, 所以一直都有好多人出出入入, 有熟客, 又有操普通話客.我一個人, 本來諗住坐張細台, 唔好阻住佢, 不過佢見我大份又有個大背囊, 所以叫我坐大台, 話舒服D嘛, D阿姐都幾有人情味, 好好人呀!叫左名物-- 燒鴨瀨, 唻到真係見到好多鴨呀!D鴨肉都好嫰滑, 一排係有骨, 一排係肉, 所以一碗有哂2種口味, 瀨粉都好多, 所以好夠飽.呢間都好多選擇, 好似叉燒/ 牛筋腩都有得揀.…查看更多

今日收得早5點鐘走得人，見得閒走去食番腕波記燒鴨瀨，去到唔使點等，如果食飯時間去有排等都似。有米芝連推介之後仲多人到嘔。燒鴨瀨，大件夾低食，燒鴨份量多，仲要好好味，皮帶有少少肥膏，咬落皮脆汁多，肉質夠嫩，好正呀~個瀨粉都好好味，真係好抵食呀~!如果係燒鴨脾瀨一定要更加,成隻脾食啖啖肉唔斬件可鎖住d肉汁,下次有機要食燒鴨脾or燒鵝脾瀨~!…查看更多

下午兩點到，等咗一陣就入到去《波記》，招牌鵝就已經賣哂了！唉，一場來到，唔通就甘走咩?大家又唔好唔記得人地係《燒臘粉麵店》，仲有鴨、乂燒、雞俾你選！只好叫「燒鴨瀨」食：1) 最正係佢將D燒鴨切到一片片甘，     即係每舊鴨D皮都起哂角。2) 咬落去D皮到，少少「脆脆地」甘，     個啲鴨汁就馬上流少少出來甘啦。3)成舊燒鴨都仲係好有香味！     份量仲唔少，加埋10舊都有！    甘既質素，$24一碗，物超所值！($30一碗都會考慮)    唯一我略嫌斬完既燒鴨，好似好多骨甘，    食個時要不停將骨吐出。《波記燒臘粉麵店》獲米芝蓮推介，雖然只是「車胎人美食推介」，未有打入星星榜，都好叻仔啦，佢地打拼既故事，大家上網睇番啦。小記：上咗米芝蓮，客就多，無辦法的了！間舖當日只有3、4個人做野，所以佢地採取「做完一批再一批客」既做法，所以要等一陣架。就算你一兩個人都好，唔好諗住偷雞入去先，佢會叫番你出嚟(當然唔係我啦，係我前面個個姐)，因為「做完一批再一批客」。不過，佢唔會趕上一批客走，你可以繼續坐，只係換一班新既客入來姐。…查看更多

每次嚟都想食燒鵝瀨, 但無論下晝嚟定夜晚嚟, 都係同鵝無緣, 幸好燒鴨係後補正選, 每次食完都會讚好燒鴨瀨一上枱, 即時比我驚喜, 鴨肉大件多汁但唔肥, 醃得入味唔咸, 出面食實會見到湯好油, 但呢度完全唔會有食油感覺, 所以每次我都會放肆清埋d皮, 咁吸引o既一碗燒鴨瀨, 只需要 $24, 比起前晚响 "深井x記燒鵝"食o既燒鵝燒肉瀨好十萬倍, 難怪每次等外賣時, 都會見爆場情況, 我諗我都要搵日早d嚟買招牌燒鵝瀨先得.…查看更多

波記, 不用多說. 應該都算是西環之友的一個回憶吧!搬了新址後, 常常幫襯! 並不是單單味道好, 還有$$$ 也很吸引! 進內即極速點了燒鴨瀨 (其實燒鵝瀨才是名物!) 其實, 燒鴨瀨也不是蓋的. 真的啖啖肉. (當然冇燒鵝咁好食)不過, 它亦是價錢取勝! 20蚊有找的燒鴨瀨, 在香港地真的是買少見少! (因為inflation吧==”)湯底也是「無得輸」.湯與瀨粉乃天作之合, 配埋啖啖燒鴨肉, 閣下就明白, 為何常常座無虛席.顧客的舌頭還是誠實的!…查看更多