波記燒臘粉麵店

Open Now

Now Closed

波記米芝連平民推介依度日日都大排長龍，如果去到lunch hour 外賣堂食都一定要排隊，而且營業時間係上午11點開始，賣晒就收鋪，每日大約六點收，要食就早啲去食，咁就唔駛排隊啦。波記環境就一般，而且坐位亦唔多，人多時亦坐得比較密。不過係值得嘅，我次次都叫叉燒飯，都係四十幾蚊。重點黎啦，啲叉燒肉質軟腍又唔肥，略帶玫瑰露香氣加上香甜蜜汁，鹹甜適中，真係流晒口水。🤤雖然依度最出色係鵝髀，但係價錢比較貴，所以我就冇試過。係度食最緊要快靚正，冇得慢慢坐。

開關去完兩次旅行後返到香港，搵咗一日去行港島西區，幫襯一間好出名嘅燒味店 🤗 依日去到店舖外下晝一點幾，喺狹窄嘅行人路打緊小蛇餅，小編排咗廿分鐘左右～ 🍜 叉燒燒鴨瀨粉 😋😋😋😋😋雙拼粉麵要加$8，一場嚟到梗係試多款啦 😉 揀咗幾出名嘅燒鴨，加拼叉燒，再配買少見少嘅瀨粉～ 燒鴨皮薄肉厚，鴨味好出；叉燒多瘦少肥，有厚度，蜜汁香甜 👍🏻 瀨粉爽滑，面頭嘅燒味慢慢滲入啲湯度，好正！🤤午餐 💵 約港幣$50/人💁🏻‍♀️ 觀察所見，大部分都係區內熟客，亦都有唔少後生仔女同大學生嚟幫襯 😲 有啲亦同店舖老闆他哋幾熟，見面會傾幾句～ 老店自有佢哋自己嘅規矩同態度，由於食客多，仲有外國遊客，安排入座後要順佢哋嘅次序落單，最好入去之前諗定食咩啦 😌🙆🏻‍♀️ 最後，喜歡嘅話，歡迎follow @foodirectory.hk！

和女朋友週末專突去試下這店的燒鴨脾。今天大約1300 左右到達， 去到餐廳女待應話無晒燒鴨/鵝脾（我們一共問了三次；長髮女待應二次，短髮女待應一次）。既然大局已定當然很失望，只好點了燒鵝飯和燒鴨瀨。但轉頭我地見到隔離枱剛坐下來的客人竟然有鴨脾？！！我地當然心有不甘，埋單時我地好有禮貌問長頭髮女待應多一次點解我地點單時明明講：「燒鵝鴨脾無晒」但轉頭其他人又有呢？ 該應待的回答十分精采：「脾要斬到有先有！」我諗了半天都搞不懂，如果點菜都要睇時辰，點解餐牌上又有燒脾呢個假選項給客人？ 係香港食飯真係俾錢買難受，怪不得越來越多人不願意留香港消費，香港飲食業走下坡全賴這類鋪頭食物一般，味道雖然未至於差但也不是雜誌/社交媒體網站 所講咁好，但今天所遇經歷令我絕不會再去。

聽聞波記，過來一試。呢間波記真係好好笑，餐牌明明有全脾(接受價錢貴一倍)，但嗌個時聲稱無全脾，然後好奇點解下一枱有全脾，離開時就問問店員啦，「係呀，斬到有咪有，無就答你無」！咁理直氣壯講d呢。餐廳個餐牌要黎有乜用？一係你就個客講斬到有就有，無就要等，而吾係答無？淨係講嘢食啦，味道又唔好，燒鵝上到來個皮又吾脆，又凍。加上餐牌只供參考，不知所謂，不會再有下次。食過n間餐廳，幾好食and 幾難食都好，我都未試過在openrice留評價。就知呢間野有幾騎呢。

身為燒味怪嘅我 見到呢間咁出名 終於搵到時間去食叫左叉燒鴨脾瀨食完之後成頭問號❓？？？明明個個食評都話叉燒同鴨脾好正叉燒夠淋鴨脾更加唔使講啦但我碗叉鴨瀨 叉燒普通 鴨脾好少少 個樣係靚嘅 但個皮略嫌唔夠脆 啲肉又唔夠香🥲重點黎啦！喺我食完嘅時候 竟然見到隻大過手指公嘅小強喺地下larn larn下 仲爬左過黎我張枱格離個牆 我嚇到即刻飛走 店員見我咁大反應 講左句「我知咩事啦」🤔🤔🤔errrr....出左門口個腦仲係一片空白😶‍🌫️😶‍🌫️😶‍🌫️好後悔點解冇影低🥶🥶

話說之前喺社交媒體網站見到有人介紹哩間波記燒臘飯店🫢 所以就save低左等有機會嘅時候試🫢然後喺某個星期日，我就食左哩碗令我一試難忘嘅燒鴨瀨粉了‼️哩間老字號裝修簡約，但不乏捧場客，當日大概要等位20分鐘~~.🧡燒鴨脾瀨粉🧡 ($55)味道:😋😋😋😋😋(5個😋為滿分)真係十級推介！大大隻鴨脾🤤一咬落去啲鴨油咇出嚟，啖啖肉非常嫩滑，而且一啲都唔羶！加埋爽口瀨粉真係絕配🤩不過燒鴨皮就唔夠脆真心覺得係我暫時食過最好食嘅燒鴨瀨🧡一定會食第二次🤤.性價比:🤍🤍🤍🤍🤍翻食指數:🤍🤍🤍🤍環境:🤍🤍🤍服務:🤍🤍🤍

波記屹立西環四十幾年年，店舖多款燒味均係店舖後自家工場製作好多人話自從波記由山道搬咗落山之後跌watt… 不過無比較就無傷害，我係第一次嚟食無得 complain 今次一次過試曬呢度嘅名物，因為唔係咁多機會一次過比較鴨同鵝，所以個經驗都幾有趣🤗 排隊等咗十幾分鐘就入到，lucky 燒鵝叉燒飯，鵝肉肉質比較細緻幼嫩，油香豐富，皮脆口🪿叉燒原來係想要肥叉，佢哋推薦食半肥瘦話會好食過肥叉。嚟到又真係好食喎，香甜蜜汁，肉質腍小小肥猶如入口即化🐽 request 咗多薑蔥蓉真係好多要比 like 😂燒鴨瀨粉🦆鴨肉比較實肉味香濃有咬口，皮比較薄。湯底清瀨粉都好爽滑而且出奇地好易夾，唔會食到呢咁Hea 🤭（不過唔係好鐘意佢哋係用即棄餐具呢點）

我今次路過西環米其林波記 睇到佢開門而且冇排隊 所以入去試下「因為我聽港大啲學生講唔好食 所以一直沒買過😅」出餐都係好快 嗌佐叉燒燒鴨飯 姊姊會問你要唔要薑蓉 叉燒質素麻麻 我覺得擺佐有啲耐 肉都乾塞 佢啲調味都係好淡 叉燒啲燶邊都唔甜 中間只有少少鹹味 所以整體味道上都幾奇怪 主要就係燒味汁嘅少少鹹味 我覺得同等價錢比較不如再興 同為米其林更加係同甘牌鏞記爭好遠😅燒鴨質素OK 皮薄脆 但都係覺得擺佐好耐 肉質乾柴 不如鵝頸橋街市出名嗰間總結 我最後悔件事就係要佐姜蓉 感覺入面加佐好多MSG 味道都變佐 食佐之後好難受☹️

📍波記燒臘粉麵店🇭🇰 西環石塘咀皇后大道西425號地下P號舖呢間聽聞係香港大學學生飯堂想試好耐～因為聽講好食 好抵食 而且份量好足！熟客更加係會加料加到超豐富🤣個日終於有機會去附近中午時間去到 果然好多學生排左大概15分鐘左右就有位～😋 叉燒燒鴨瀨 $49叉燒超好食！係半肥瘦個種 好大塊 好淋佢冇燒到好燶 但係蜜汁好入味燒鴨都好多肉！個皮好脆 都好好食瀨粉相對細碗啲 但係我見隔離叫飯係好大份下次食會食燒肉飯！

好耐未食過。。所以有日經過就去食。。一叫就鵝脾瀨（招牌菜），105元，都幾貴，味道可以的，但未去到驚嘆。甜酸醬係買現貨，呢個無誠意。。另外也點了油雞瀨，雞無味，不太推薦，40元左右，算了吧。。但環境就真係唔得。。有一陣臭味，厠所在旁邊。。真的不太理想。。空調開得好大，可能用來蓋過啲氣味。。不明白點解過到食環。。如果真係好想食，真心建議外賣，但我就唔會再去啦，真係一路食，都驚肚痛。。呢個價錢，我諗可以試多啲其他嘅。。

這家茶餐廳裝潢保留了舊時的傳統風格，帶給人們一種時光倒流的感覺。而叉燒瀨粉更給了我一個驚喜。叉燒的狀況完美，色澤金黃，表面微微焦脆，叉燒肉配上蜜汁醬汁。它的濃郁豬肉香氣，配上甜中帶咸的口感，令人忍不住一口接一口。而瀨粉的韌勁和湯頭的風味，更是完美的協同作用。最後，這道美食的配料也是非常重要的。除了叉燒和瀨粉，還可以加入一些香蔥，增加了食物的口感和新鮮感。這些配料和湯底的結合，使得整道美食更加豐富和平衡。

最近去咗西環嘅波記燒味店食佢馳名嘅燒味🫶🏻相當高質🥰⋆ ⋆ ⋆ ⋆ ⋆叉燒燒鵝瀨粉🍜8.3/10叉燒半肥瘦🫶🏻燒得好香好juicy😋仲可以request燶邊🥹燒鵝外皮好脆好鬆化🥳食落卜卜脆🥰而且好肥美好有油香😋配埋湯瀨粉唔會太油膩🥳•叉燒燒鴨髀飯 🍲8.2/10叉燒again 好正🥳鴨髀大大隻🥰燒鴨外皮燒得好脆😋 好味到啲飯都唔夠😆

西环又一家长期排队的小店，也是米芝莲推荐。不爱吃烧腊的我想着在搬走前还是来吃一下吧，本来打算吃烧鹅，结果看到门口贴的采访报道，又临时改变主意点了烧鸭。·【烧鸭濑粉】39蚊能有这么多扎实的肉！油润发亮、皮脆多汁，靠近鸭腿的部位更是松脆到发酥，能感受到丰盈而罪恶的油脂在嘴里噼里啪啦爆开。·鸭肉嚼劲紧致，肉质对得起价格。第一次吃濑粉，口感可以接受，但喜欢不起来，有点夹生的感觉。清淡的汤底化解了烧味的油腻，整体不错，感受最佳口感一定堂食！·桌上各种自助调味都有，大概因为拼桌，隔板这头的我没看到梅子酱。搭配辣椒酱其实也不错啊哈哈，而且这里的辣椒酱舍得用余均益——上次吃家全七福也是这款。·米其林推荐的几家烧味其实要比那两家一星烧味靠谱的，赢在性价比，省在排队时间，也能领略到本地街坊店的风味。·十一点半来不用排队，不过态度就不必报有预期了，点菜犹豫下就显得不耐烦，刚放下筷子就把碗收走了，可能生意确实好到店家一分钟都不想你多耽搁吧。

#chowweisik鹹#chowweisik西環一🐾燒鴨瀨粉｜$39燒鴨啖啖肉份量非常慷慨鋪滿瀨粉上面肉味濃 保持到肉汁瀨粉爽口，亦都唔會過分碎一🐾 叉燒瀨粉｜$39叉燒屬於半肥瘦充滿蜜汁帶油香鍾意佢有燶邊！！而且切成一定嘅厚度充滿口感一 🚏 波記燒臘粉麵店 (西環)西環石塘咀皇后大道西425號P舖地舖一咁啱喺收鋪之前趕到，所以已經賣晒燒鵝～ 估唔到叉燒嘅蜜汁都幾好食，下次可以嚟再試埋燒鵝～ 而依個價錢同埋質量來講都真係性價比不錯👍🏽🤩

I visited this restaurant following a recommendation, however I was left disappointed. I went for the roast goose with ‘lai fun’ noodles. Had to walk fairly far to come to this restaurant given not particularly close to any mtr station.Service was very quick and the soup was pipping hot. Noodles were nice however I came for their roast goose which i found extremely tough almost to the point I couldn’t bite it. Extremely disappointed and won’t be recommending this to anyone