Daimanki Japanese Restaurant

自助餐黎講，呢間真係又抵又好食！除左壽司仲有好多燒物同料理！超多選擇！🥟🍱🍣🍜🥗🍢🍡雖然係任食，但佢啲野一啲都唔求其！叫左好多野食，好彩最後都食得哂！最推介係羊架！🐑🥩羊架最緊要有mint jelly！佢呢度係有架！佢個燒羊架一啲都唔韌，好林，又唔蘇，燒到岩岩好，好好食！之後係燒菠蘿，佢地啲菠蘿，唔係地門菠蘿！好甜，好juicy，一啲都唔乾！最鍾意佢個炙燒左口魚同炙燒三文魚，因為我本人好鍾意食呢2種刺身，對我黎講係必叫！佢呢度嗰啲唔係頂級但都算幾有水準，厚切三文魚，燒到剛好！但我覺得塊左口魚可以大塊啲！😚😚另外就係三文魚腩，好好食，啲脂肪岩岩好！推介！😋除左壽司，個蜆都好食，好肥無沙！講到底，buffet黎講呢間真係好不錯，好多選擇質素唔差，一家大細都岩，又多野飲揀，又有雪糕！🍦🍦…Read More

難得星期日同屋企人去旺角食放題，揀咗一間評語幾好嘅試吓，餐廳係用電話落單嘅，比起一般放題店更加環保同埋有效率我多數食放題都係食刺身先，刺身都幾新鮮，有三文魚、甜蝦、虎蝦、帶子、希靈魚等等，一次過滿足晒食刺身嘅願望燒物我就揀咗食海蝦同埋雞軟骨，雞軟骨食落爽脆，海蝦啖啖肉炸物選擇多，我最鍾意就係芝麻雞翼夠香脆惹味，另外叫咗地瓜芋頭球、炸榴槤球、芝士年糕，炸得時間剛剛好，每樣都好鬆脆炸榴槤球絕無欺場，食得出濃濃嘅榴槤味牛舌燒得肉質剛剛好，唔會過火燒羊鞍都算大件，而另外嘅芝士磨菇雞翼裏面嘅芝士比較牛奶味重，食落甜甜地牛肉粒正正常常，味道偏鹹燒帆立貝都唔錯我最鍾意就係今次嘅燒菠蘿，因為燒完之後仲有好多汁，好鮮甜，酸酸地好開胃呀，食完又再食除咗電話落單之外，仲有一個自取區域，可以夾其他款式嘅食物，任君選擇甜品都有好多款，總有一款啱大家口味放題來講都算唔錯，職員嘅服務態度都幾好，而且經常會嚟執枱，令大家有多啲空間放其他食物，環境乾淨企理，位於旺角夠晒方便，中午嚟食價錢亦唔貴，一家大細嚟食都算抵…Read More

同女朋友係旺角拍拖差唔多到晚飯時間，我就提議不如趁早去食放題啦。傷到去創興8樓嘅大滿喜食佢頭輪放題，果然早d上去無多人唔洗等唔洗逼，即刻就安排到位坐。餐廳入面座位都坐得幾舒服同夠光猛。坐低之後就當然tick紙叫嘢食啦。見到佢壽司同刺身都有唔少選擇，望過隔離檯嘅刺身都見到好新鮮就叫住刺身tick其他嘢食。刺身叫左三文魚、吞拿魚、北寄貝同俄羅斯甜蝦。可能因為時間尚早刺身好快就上檯。三文魚同吞拿魚都新鮮，但係最值得推介嘅係個俄羅斯甜蝦。甜蝦肉質彈牙，仲十分鮮甜。女朋友忍唔住即刻再order多幾隻。食放題當然要嗌d燒物同一品料理先得啦。羊架、一口牛、帶子呢d呢到都有。羊架每件大大份，唔洗嗌多幾次都好夠喉。一口牛炒起好香蒜味，肉質唔老。食到飽飽地叫返幾件燒菠蘿消滯。菠蘿多汁又甜又好食，同女朋友食左幾碟先再繼續戰鬥。Overall係食早場晚餐放題大滿喜係一個唔錯嘅選擇。嘢食選擇又多又新鮮，味道仲要唔錯。又因為無其他時段咁多人又可以食得舒服d無咁狼狽。旺角晚餐唔知食咩可以再食。…Read More

今次book 了9:30去食放題， 價錢超值， 只需$170 埸內任飲任食， 對於有選擇困難證既朋友就岩哂啦， 呢度各式各樣既熟食， 刺身，及壽司都有齊Dinner 等到9:30確實係幾肚餓， 所以未點野食前去水吧睇睇有無d 可以即食既小食， 朋友拎左呢個辣味雞翼， 味道有點似口水雞， 不算很辣但好開胃刺身方面又點少得甜蝦， 帶子 , 三文魚呢，刺身新鮮好味，朋友們手有手慢無呢壽司有咁多款， 隨便點了幾款， 由於大家太肚餓的關係， 幾乎是秒殺各迷海膽迷絕對唔可以錯過的[海膽手卷], 飯不會太好， 海膽甘甜， 入口即溶， 而且唔怕好濟， 可以多吃幾個， 哈哈天婦羅～好吸引呢，只是怕太熱氣， 不敢點太多！炸物方面最難忘是炸芝士年糕及炸榴槤， 可惜有朋友唔食榴槤， 不明白當中的美味最後還點了其他熟食， 大家一致覺得燒菠蘿好正， 大大件， 經燒烤過的菠蘿原來特別鮮甜， 原汁原味最後，雖然大家都好飽肚， 但仲想order 一個海鮮粥， 真材實料， 咁大隻蟹tim, 大滿足！…Read More

今晚和好朋友吃團年飯，團年飯當然要吃好吃豐富，放題是個好選擇。由沙律、小食、刺身、壽司、卷物、手卷、天婦羅、燒物、主食、煮物、甜品，什麼都有。吃飽飽準備過肥年。每枱客人一本厚厚的記事本，裡面全是點菜單。寫著寫著讓我想起讀書時每年都寫的記事本。哈哈。 這裡的壽司，我特別喜歡帶子和左口魚。北海道帶子夠甜夠鮮。左口魚配上柚子，感覺很配。壽司飯的份量小小的，超適合女生，多選幾款也不怕。 嘩！手卷一上時，我和朋友都忍不住叫了出來，因為我們點菜時沒有留意是迷你手卷。實在太可愛！跟壽司一樣大的手卷，不會讓大家只是吃米飯吃飽，儘管在吃放題時，也可以盡情點，好貼心。刺身賣相吸引外，也很新鮮。特別喜歡是大的蝦和油甘魚，夠甜夠肥美。我們左右兩枱的都在瘋狂encore。哈哈黃金蝦也是我喜歡的，外面炸得脆脆，蛋黃好味道，要試試。芝麻雞翼都要試，外脆內嫩，加上芝麻香，不會整個咀巴都是油，女生可以放心。 喜歡燒菠蘿的要點，酸酸甜甜又多汁，不會令你失望。日式鱈場蟹腳粥有粟米和蛋白，粥底夠綿，份量挺多，如果多幾個朋友可以點來試試。其實這裡的食物選擇很多很多。除了菜單上有的，還有大大個雪櫃放滿各種飲品和雪糕。另外要讚的是，這裡上菜很快，而且侍應會提醒我們最後點菜時間和跟進所有食物是否上齊，不會有消失的單（有吃過放題的都可能會有過這經驗，哈哈）。…Read More

Happy Friday緊係要約埋啲朋友仔食吓吹吓，玩吓呻吓啦！大家都想選擇多又想份量剛好，噤就去放題喇，食幾多都係自己話事好彩準時放工，去到放題度都未開始多人，即時入得，入到去就兵分兩路，一邊就係 order嘢食，另一邊就係出去拎嘢飲，嘢飲太多選擇，眼花瞭亂！但竟然有韓國嘅忌廉溝鮮奶即時拎番幾罐，之後我仲發現咗原來甜品都係自助嘅！見到真係好驚喜雪糕並唔係得雀巢揀，仲有我細時成日食嘅大腳白同牛奶樂橫掂 order完食物都要等送到，所以即時拎咗兩款入去食住等！其實款式都幾多，當然第一 round就一定係刺食啦！三文魚又多又厚，全部都係肥美嫁甜蝦最怕就係肉霉，但呢度個啲係新鮮無問題，仲好甜添！冰山貝爽口，比白鳥貝更爽！象拔蚌刺身就真係唔係度度有喇，食落彈牙鮮味！蛋就可以接受，如果可以係表面加上糖再燒一燒就更好喇！總括嚟講，刺身都係多選擇，但獨欠帶子就有欠完美！其實當日我地都 encore咗３~４次刺身，可見對刺身追捧程度可讚嘅係雖然人多，卻沒有流單同份量不足嘅問題！串燒系列，我試咗燒雞軟骨同燒菠蘿！朋友說我很奇怪，竟然係放題嘅時間食燒菠蘿，我覺得燒菠蘿真係好正，平時普通菠蘿我係唔食嘅，但燒完之後，菠蘿會變得成甜，本應有嘅酸，變得微酸辣酒煮風螺入味好食，一份4個啱啱好，多啲辣味就更好壽司都 ok，啲飯唔會大大舊，唔係想你快啲飽個款！特別推介黑松露牡丹蝦，黑松露香味十足食到停唔到口以蝦嚟講，竟然食壽司多過刺食，真誇張！天婦羅都可以，個人比較鍾意吉列一口芝士，中間嘅芝士好濃好杰，唔係水汪汪個啲，一唔小心又會燙到，太水又欠缺芝士味！呢個一口芝士嘅芝士味好正！燒物方面，比較推介燒羊鞍都係回本之作，啖啖肉，有陣陣香草味，值得一叫再叫最後 encore咗啲甜品，外加咗一個北海道3.6奶凍，牛乳味好重，奶香滑都有齊，但就太細兜喇，唯有叫多兩碗滿足吓自己！唉，今次就叫唔同燉湯喇，不過見到隔黎檯有人成功 order到，昅到啲料都幾足嫁！如果下去，都不妨一試！Overall嚟講，以服務、出餐同食物方面，以放題嚟講，可以試試…Read More

日日諗要食中西日定韓，今日食放題算了。身處旺角，搜OPENRICE搵到呢間， 近近地， 係旺角E出口向油麻地方向直走就到了。實在就係信和對面的創興廣場。又見到有將多LIKE就上左去了。2個人係易D有位的，因為一到就被優先領入座了。人多的話，真的要預先訂位呢！入左店先留意番每位都只係＄188加一，飲品同雪糕係自助去拎的。為左惜飲惜食，所以每次都係A至J 十大主題下落3張食物紙，食完再落另外3張。有2個鐘食GA，加上上菜速度都快，所以都有好充裕的時間可以慢慢食， 一件不浪費。刺身最快上，冰底伴以假花，出餐的每盤皆是如此，而當然的，唔錯。所以每次的加單都會加刺身，可怕並不是每次落單幾多就有幾多，每次的量都是愈來愈少。我是真心的喜歡食赤貝，可惜就算寫到20都只係得3﹣4片。。真係唔夠＞＜SUSHI我們點得不多，因為有飯，怕太快飽，想食多D其他野，而火炙的唔錯。飽肚的我們有點牛柳粒，炒蝦同羊扒。不得不提沒有影到的羊扒，肉質嫩滑，調味很足，明顯可以見到好多香料， 正！！炸物：我們只點了芝麻雞翼，芝心年糕同紫芋薯丸。全部都好正，新鮮熱辣，脆卜卜。特別係紫芋薯丸，絕對係ENCORE之選。還有很多其他食物都幾OK，但重覆ENCORE之選還有燒菠蘿，超正。係一餐稍後的時間先點亦可作為甜品，鮮甜多汁，進食時可食到少少鹽，應是增進甜味用。總之就係正。下次唔知食咩，樣樣想試，就到大滿喜吧！YUMMY！！…Read More

平日book左5:30pm,5:15pm已經上到去,估唔到已經有二三十人嚮度等緊...但餐廳都堅持5:30pm先放人入去..其實可以早d俾人入去坐住先囉,最多唔嗌野食住先既o者...入到去就即刻剔野食,都係剔返我地鍾意食既野...各樣食物黎既速度都幾快,而且最重要係無乜漏過單,只係刺身既天使蝦永遠數量減半,我前後剔左三次(8/8/4),但佢地黎既係4/4/2...但其他刺身又有多無少架bor...唔明.嚮facebook print埋coupon(其實佢樓下附近都有人派,想去食既可以留意下),7:30pm前埋單每人平$20,感覺抵D呢.…Read More