許願樹美食 (Moved) New Location

平時較少來長沙灣，是晚有幸到訪朋友新居，肚餓但又未到用饍時間，於是在附近逛逛有否小食淺嚐。openeice內數間名列前茅的串燒店都沒有營業，走了約半小時，（終於）找到這間風評甚佳的串燒店。小店由兩個小鋪位合併而成，左為廚房（主要放置食材），右為堂食區，基本上所有串燒都在門口的燒烤爐制作。外賣客首先在門外填好點餐紙、付款，15分鐘後便可回來取貨。可選擇的食材頗多，不過老實說不太便宜。因為旨在淺嚐，故只點了其三。燒金菇肥牛卷 $25/2條店家把食物分兩層擺放，第一層是金菇牛肉卷及燒韮菜。基本上這類串燒都是吃調味料的味道，所以味道差極都有個譜。不過$25只得兩條就真的有點失望燒韮菜 $12一串有兩排完整韮菜，都算對得起價錢。韮菜比較多油及老，除此之外都算惹味。燒茄子$30放在最底層的燒茄子是我最想試的不得不讚這間的火候控制得不錯，至少茄子皮沒有被燒焦調味上用上大量蒜蓉醬，惹味之餘茄子肉亦很juicy這餐late afternoon tea 盛惠$67。價錢的確有點貴，下次可能會選擇性地試些性價比較高的燒物

有日有個老朋友同我提起喺長沙灣搵到一間串燒店又抵食又好味。跟住佢話搵日帶我一齊去試吓，如果識路嘅話喺長沙灣地鐵站行過去只需要五至7分鐘。其實都幾方便。去到既時候朋友話一定要試佢羊架同埋燒茄子！而佢嗰個茄子簡直係一流好入味 而個羊架就燒到啱啱好。之後我哋仲叫左幾款串燒。老實講我哋唔係叫咗啦好多嘢但係都已經好飽而且買單都唔使$200。其實真係好抵 呢個價錢咁嘅質素 雖然佢嘅鋪面唔係真係好靚但係食物一流。同埋佢收鋪嘅時間係凌晨 放工仲可以約埋啲朋友一齊去宵夜 所以值得推介。

朋友冇介紹錯，食物平靚正！餐店係走平民化，簡單、細、無咩靚裝修。不過總算是叫做乾企理，連我有啲啲潔癖嘅 都接受到。朋友第一次帶我去食依間，我哋10pm 開始食，keep住有人嚟有人走，就算我哋食到11:30pm走嗰陣， 仍然有新食客一行6人入去坐低食，keep住有8成半人食緊嘢。唔係Starbucks ,老麥 嗰隻淨坐齋吹，而係 堅 食 緊 嘢。所以 可想而知，正常食飯時間一定係爆棚的。我諗多人去食（多過4人），最好還是先打去訂位置。目測大部份都係2-4人枱，得一張比較大啲。不過，佢哋啲枱櫈 全部都可以調動的。所以 安排好啲 應該再多啲人都無問題。講返食物推介，一定要食嘅有太多。重點推介（如圖）一定會推薦俾朋友，一定會再同朋友去食過！

之前喺附近食野無意中見到呢間門口串燒檔，心諗佢淨係做外賣？原來唔係，隔離有間舖仔好細個門口係屬於呢間舖既，可以入去食既 入去坐低嗰刻見到有臘味飯($25)喎, 整返個同同事share先，由於主打係想食串燒，所以....飯只叫一碗。好似蛇舖食既臘味飯size，由於一黎就比我分左兩碗，所以....無相睇。臘既中間嗰層唔上色，有d飯仲係白色既，而且d飯好濕﹑ 花生好多，但係臘味又少，呢個飯麻麻。不過我地一心諗住食串燒，所以飯唔好食都無乜所謂，串燒即燒，所以要等一陣，不過都算快手，我地未食過，驚會好辣，所以全部都叫左小辣。首先有燒韮菜 (小辣)好味道(黎嗰時有枝櫼吉住架，不過我拆開左先記得要影相)燒司華力腸(小辣) 同雞腎(小辣)，我又係食到一半先記得影相，呢兩樣都好味呀！(下面深色d嗰兩舊係雞腎呀！當然佢岩岩上枱嗰時唔係得咁少啦！)燒茄子(小辣) 呢個我同同事都覺得太濕啦！如果可以燒乾d應該會好味d！上面嗰d係蒜蓉最後黎個燒雞扒(中辣) 由於不甘只係小辣，想試下中辣我地食唔食到，所以呢個叫左中辣，哇.....小辣同中辣都相差好遠下，堅辣呀！不過又幾好味喎！如果食得辣既朋友，仲有一辣同超辣可以