Video
Read full review
2013-11-22
444 views
之前喺附近食野無意中見到呢間門口串燒檔，心諗佢淨係做外賣？原來唔係，隔離有間舖仔好細個門口係屬於呢間舖既，可以入去食既 入去坐低嗰刻見到有臘味飯($25)喎, 整返個同同事share先，由於主打係想食串燒，所以....飯只叫一碗。好似蛇舖食既臘味飯size，由於一黎就比我分左兩碗，所以....無相睇。臘既中間嗰層唔上色，有d飯仲係白色既，而且d飯好濕﹑ 花生好多，但係臘味又少，呢個飯麻麻。不過我地一心諗住食串燒，所以飯唔好食都無乜所謂，串燒即燒，所以要等一陣，不過都算快手，我地未食過，驚會好辣，所以全部都叫左小辣。首先有燒韮菜 (小辣)好味道(黎嗰時有枝櫼吉住架，不過我拆開左先記得要影相)燒司華力腸(小辣) 同雞腎(小辣)，我又係食到一半先記得影相，呢兩樣都好味呀！(下面深色d嗰兩舊係雞腎呀！當然佢岩岩上枱嗰時唔係得咁少啦！)燒茄子(小辣) 呢個我同同事都覺得太濕啦！如果可以燒乾d應該會好味d！上面嗰d係蒜蓉最後黎個燒雞扒(中辣) 由於不甘只係小辣，想試下中辣我地食唔食到，所以呢個叫左中辣，哇.....小辣同中辣都相差好遠下，堅辣呀！不過又幾好味喎！如果食得辣既朋友，仲有一辣同超辣可以
入去坐低嗰刻見到有臘味飯($25)喎, 整返個同同事share先，由於主打係想食串燒，所以....飯只叫一碗。好似蛇舖食既臘味飯size，由於一黎就比我分左兩碗，所以....無相睇。臘既中間嗰層唔上色，有d飯仲係白色既，而且d飯好濕﹑ 花生好多，但係臘味又少，呢個飯麻麻。
不過我地一心諗住食串燒，所以飯唔好食都無乜所謂，串燒即燒，所以要等一陣，不過都算快手，我地未食過，驚會好辣，所以全部都叫左小辣。
首先有燒韮菜 (小辣)好味道(黎嗰時有枝櫼吉住架，不過我拆開左先記得要影相)
燒司華力腸(小辣) 同雞腎(小辣)，我又係食到一半先記得影相，呢兩樣都好味呀！(下面深色d嗰兩舊係雞腎呀！當然佢岩岩上枱嗰時唔係得咁少啦！)
燒茄子(小辣) 呢個我同同事都覺得太濕啦！如果可以燒乾d應該會好味d！上面嗰d係蒜蓉
最後黎個燒雞扒(中辣) 由於不甘只係小辣，想試下中辣我地食唔食到，所以呢個叫左中辣，哇.....小辣同中辣都相差好遠下，堅辣呀！不過又幾好味喎！如果食得辣既朋友，仲有一辣同超辣可以揀。對唔住，我真係唔慣影完相先食野，所以...呢塊扒我影既時候係無左兩舊架！
Other Info. :
佢地仲有d午餐揀，$25一個包埋野飲架！幾抵食架！雞扒飯嗰d扒都係一樣即燒架~~
(The above review is the personal opinion of a user which does not represent OpenRice's point of view.)
Post
