EXP

睇完戲後好肚餓，找個地方近近地食晚飯，見到EXP不用候位，就決定是它了！炭燒澳洲M3和牛西冷 (10 Oz) 配松露蛋黃醬薯條，餐牌上註明製作需時20分鐘，結果好快就上桌！牛扒大塊，充滿炭燒香氣，不會燒得太乾身，仍保持肉汁。薯條熱焫焫夠香脆，蘸香濃的松露蛋黃醬，好好食！24個月西班牙火腿燈籠椒薄餅，pizza以火腿圍邊，中間有燈籠椒、蘑菇片及芝士。火腿有光澤，微微鹹香之中又帶點甜味。Pizza餅底稍稍硬身了一點，若脆口些會更好吃。封門牛柳紅酒燒汁蛋包香菇飯，見到嫩滑的蛋就好吸睛了！封門牛柳肉質軟稔，牛味濃郁，配紅酒燒汁好惹味。香菇飯充滿菇菌香，與嫩滑帶蛋汁的炒蛋同食，正！燒帶子墨魚忌廉汁意粉，墨魚汁意粉爽滑彈牙，味道又香濃！燒帶子的熟度恰好，帶子依然軟嫩。日本溫泉蛋肉醬意粉，意粉份量好少，肉醬意粉的蕃茄醬汁味香甜，與溫泉蛋拌勻來吃，味道不錯。甜品是麵包布甸配綠茶雪糕，麵包布甸帶麵包的香脆又有布甸的柔軟，甜度適中。熱烘烘的麵包布甸，與冰凍甘濃的綠茶雪糕，冰火交融！EXP是一家上菜速度好快的餐廳，有幾道菜式的味道令人滿意，只是每道菜的份量不算多，男生要多吃幾款才夠飽。…Read More

去睇戲前喺又一城搵嘢食️，成日經過都會見到呢間好多人排隊，五點幾果時唔算好多人就入去試吓☺️ 望住溜冰場食飯都有趣🛼♥燒帶子墨魚忌廉汁意粉 $112帶子有三粒燒得時間岩岩好，唔會好韌😋 食落忌廉汁配搭好夾 意粉都煮得啱啱好，好有咬感唔會太淋。♥巴馬火腿菠蘿Pizza🍕 半份$72肥妹食pizza一定要食有菠蘿嘅🍍，有冇人同我一樣🤣🤣🤣 Pizza有得揀半份，有4塊兩個人食啱啱好，有芝士但係食完唔會好滯♥梳乎厘奄列 $72開頭食落夠鬆軟，但係食到中間覺得比較流質唔算太熟，不過知道好多梳乎厘為咗做鬆軟感覺都會有呢個問題🙈 味道都OK嘅😋♡兩個人本身唔算太肚餓，Total食左3樣野岩岩好，Pizza有得俾人揀半份要加分🥰 如果多人食都可以嗌多幾款🥳 如果六點後開始要等位…Read More

星期五happy Friday, 特登同朋友黎食飯睇戲。見到呢間好似唔錯就揀左黎食。7點左右排15分鐘就入得去嗌，格離仲有溜冰睇，感覺等得唔耐。入到去既格局係幾靚既，坐落亦都舒服，雖然帶用餐時間90分鐘，但好多位應該唔會趕人走既。但係食物方面就不敢恭維啦。先黎左個燒汁牛柳粒。我估計佢係想好似啲西餐咁擺算，但咁既樣...我只會係覺得比人食左一半咁，但食落係算幾腍既。跟著到main dish既意粉先嬲，嗌左個最貴既帶子墨汁意粉，個意粉一望已經知一般。啲汁完全掛唔到上意粉，又一灘咁係碟度。食落去完全無墨汁味，得好重既忌廉味。帶子又無乜味。朋友嗌左軟殼蟹炒意粉，但好奇怪食落去居然係蕃茄汁咁酸酸地，但又見唔到蕃茄，可能fusion既野我唔太熟悉啦😂員工服務態度都好一般，下次食樓上simply life 話者food court好過！…Read More

燒帶子墨魚忌廉汁意粉 💲104橙汁燒鴨冷烏冬 💲82煙三文魚紅蔥薄餅 💲98✅ 烏冬煙韌 配埋醬汁好開胃😋❔ 佢用既墨魚忌廉汁mix埋味道少怪🦑❔ Pizza烤得過燶 而且切得唔方便食🍕👅Taste：3.25/5💰CP值：3/5🙋🏻‍♀️Service：3/5👁‍🗨Stylishness：3/5…Read More

同小朋友開完學校聖誕聯歡會🎉行去附近九龍塘食個晚飯先走同小朋友一齊食嘢又唔可以食辣，又唔可以食太熱氣行吓行吓都係行咗入EXP🤤除咗佢哋嘅食物小朋友都啱食最緊要係有溜冰睇咁小朋友就會坐定定食完餐飯啦EXP唔係第一次食所以都有啲口袋餐單😊我一定會食嘅係燒帶子墨魚忌廉汁意粉由於我老公鍾意食辣野就點左芝士泡菜豬肉炒飯 上碟賣相唔錯炒飯炒得夠乾身而且味道香辣辣度亦剛剛好，唔會掩蓋飯嘅味道但係略嫌芝士唔夠濃味墨魚忌廉汁濃厚，帶子燒得好嫩忌廉汁稠身而且份量多唔會食到最後冇晒汁唔覺唔覺就食晒成份🤤👍🏻…Read More

每次到又一城吃飯，第一時間總是想起 EXP。因為餐廳無論食物質素、分量、價錢、以及環境舒適度都是中上水準。唯一美中不足（對本人家庭而言），就是沒有幼兒餐椅喇！眾多菜式之中，大蝦蕎麥麵（開胃之選）、軟殼蟹沙律（即叫即製）、和龍蝦汁魚柳焗飯均是我們每次必點菜式。而飲品方面我就最愛熱青檸薑蜜！另外，餐廳的鮮榨果汁也是我們的最愛，不過由於堂食要加一，所以我們一般也是離開餐廳時才在外面外帶一杯。今次和家人一行6人（5大1小）用餐，點了以下菜式：…Read More

突然之間戲癮再現，好想睇一套電影，但係又唔想自己一個睇咁孤獨，所以搵埋舊同事夾時間。點知佢黎梗放大假唔係香港，因為驚等佢返黎香港既時候，套戲都落畫，所以要趁佢仲係香港就約佢去睇戲。因為大家都係返輪班，所以雖然禮拜六下晝有野做，但係夾到朝早有時間又有早場都照約去睇戲。黎到戲院先發現原來宜家都幾多人會黎睇早場喎，可能平D啩~睇完戲，好自然就去搵野食。之前中學既時候食過EXP，記得印象好唔錯，所以就揀咗呢間。可能時間仲早，一入去就有位。間餐廳係溜冰場隔離，坐低覺得有少少凍，好彩有帶外套。兩個女仔就唔食太多啦，只係叫咗兩樣。其實叫呢個燒帶子墨魚忌廉汁意粉 ($98)之前，心裏面係有少少掙扎，因為食完墨汁乜乜都會染到掤牙黑哂，搞到好樣衰。但係我見到燒帶子好吸引，所以就叫咗呢樣。帶子燒得好好味，仲有D蟹子係上面，D墨魚忌廉汁唔係好濃，但係配襯起D軟硬適中既意粉，味道啱啱好。第二樣就係波菜意式煙肉薄餅 (好似係九十幾蚊)。形狀係不規則，食落去唔覺餅皮好厚，D波菜好味(不過分量唔多)，但係D煙肉有D咸，所以夾埋餅皮一齊食係可以中和返D味道。唔知係咪我記錯，我印象中，中學時期黎既時候，D水係檸檬水，好好飲ga!!但係宜家只係普通水......><不過係又一城食到咁既質素又唔貴既餐廳，係唔錯既！…Read More

久不久總有三兩天會掛念這裏的薄餅，今天便是其中一天了。下班後拖著疲累的身軀，沒有想走遠的意欲，我們來到了我倆的中間點。九龍塘永遠是個很方便的地方，不過也只有又一城可以逛逛，附近別無他的。而又一城的定價相對也較高，除了food court和麥當奴外，EXP是一個親民得來又有水準的餐廳，永遠多捧場客。平日的晚上約七時到達，匆匆的乘扶手電梯上來，竟然沒有排隊的長龍，也真是幸運。用餐時間限一個半小時，以這裡上菜快的效率來說，倒也足夠。除了薄餅已在到來前選定之外，之前吃過招牌的#帶子墨魚汁意粉很好吃，但蝦汁魚柳焗飯則一般般，所以想再試一點新的東西。老實說，餐牌上的appetiser比主菜更吸引，不過我倆胃口大，還是點了一個主菜，想著不夠才吃甜品或多點小食。總是不會令我失望，而且吃過其他薄餅口味#後，還是要回頭於這個大蝦牛油果醬味。每一片切開的薄餅件也有一隻大蝦，爽脆得來不會被“那”至無味，帶點微微的鮮甜，加上灑在面上不吝嗇的魚子更能提鮮。牛油果100%熟透，壓成醬非常creamy。menu上並沒有寫有蛋沙律，但加添了與牛油果醬相輔相成。薄餅又怎能少得芝士，大量芝士一咬一切必能拉出芝士絲，與較淡味的配料一起，令薄餅變得非常濃郁。個人喜歡厚的餅底多於薄的餅底，這個薄餅算是厚的餅底已經贏得我的歡心，加上這兒的麵團是自家新鮮搓的，口感更chewy，而批邊也烘至剛剛脆口，個人覺得比pizza hut和pizza express更好吃。另一主菜在餐牌上已標明是辣的，因我自己不能吃得辣，詢問店員可否點小辣，他則說這主菜本來只有很少的辣，應該可以的。炒意粉端上來香氣撲鼻，是剛剛新鮮炒好的，賣相不錯。試吃一口，先是青檸和魚露的濃烈味道， 再來果然是有一點小辣，是泰式的酸辣味道，並不嗆口，於我來說也是容易入口的。意粉炒得非常乾身，但不過份油膩， 配上有咬口的芽菜和紫洋蔥，甜味中和了辣椒味。 豬頸肉的分量也是不吝嗇，小小的一碟有起碼六至八條，油脂分佈平均，所以很爽口。總括而言，大蝦牛油果薄餅水準能夠保持，還是可以每一次encore的。 至於其他主食都是ok但沒有想要再回頭，可能下一次再來的話 會點大蝦牛油果薄餅加兩個小食。#因來過數次，所以把先前點過的主菜，而文中又有提及過作比較的也稍稍一寫：先前試過煙三文魚紅蔥薄餅。Chewy餅底一樣好吃，煙三文魚和芝士的份量也不吝嗇。雖然微鹹的煙三文魚和煮林了的酸甜紫洋蔥條配搭新鮮得宜，可還是沒有大蝦牛油果般出色。最可取的是那三顆大大粒的帶子，有咬口之餘一點也不霉口，稍稍香煎過更為鮮甜。墨汁混合忌廉，使整個醬汁不會過份重口味，對亞洲人來說是比較容易入口，我個人也覺得味道比意大利正宗吃有沙的純墨汁更為好吃。意粉煮得al dente則是應該有的水準，這個不著墨太多。…Read More

數月前初嚐EXP，覺得CP值很高，這天又來又一城，便打算重訪:)這天是週未，即使6點多到達，店內也經已9成滿座。是次一行4人，共點了4道菜，包括沙律、薄餅、意粉和飯。炸軟殼蟹沙律($64)：記得這沙律上次一帶給我驚喜，微辣，炸軟殼蟹又夠脆 ，所以這次要encore。可是，這次沙律汁過辣，而那軟殼蟹更令人失望，脆漿太厚，炸得過油。巴拿馬火腿菠蘿薄餅($92)：薄餅餅皮仍然是鬆軟又帶點嚼勁上面濃郁的蕃茄醬很好味，配上巴拿馬火腿片，味道很搭。以前吃有菠蘿的薄餅，用的都是菠蘿粒，這裡用的是菠蘿片，口感更佳咖喱豬扒炒飯配炒蛋($82)：日式咖喱味道中規中矩，炸豬扒的外皮既薄又鬆脆，肉質軟而不膩米飯如能更珍珠米會更好，炒蛋如能炒成滑蛋更好。燒帶飯墨魚忌廉汁意粉($98)：帶子燒得不錯，能保持帶子內的嫩滑忌廉汁淡化了墨魚汁的鹹鮮味，個人認為光用墨魚汁會比加入忌廉汁更好。總結4道菜，份量上合理，但質素上除薄餅外都有待改善，希望下次來，餐廳會有改進:)…Read More

提起又一城，應該會想起高消費的名店和美食。EXP 卻是別樹一格，以大眾化的價錢，提供高品質的多國美食。餐廳位於溜冰場旁，面積廣闊，是大伙兒聚會的好選擇。每次經過EXP 都發現有十多名食客排隊等待入座，其實一般等位只需二十至三十分鐘，是可接受的。今次和友人點了兩點主食，一客甜品，一如水平，沒有令我們失望。帶子肉厚鮮嫩，墨魚汁濃度比較稀，因此不會搶了帶子的原味。我和友人都偏愛此家的pizza, 今次選了巴馬火腿。pizza 包邊是鬆脆的，不會因太硬而咬不開，而麵包心亦有一定的軟度，可見搓麵團的時候下了不少功夫。也很欣賞焦糖蛋布甸，焦糖是脆口的，蛋打得很嫩滑，值得推介我們都期待餐牌上會有更多美食選擇，那便會更完美了…Read More

好耐冇食過exp了，今晚和男友二人來這裡食個晚餐，因為6點半就去到了所以唔洗排隊等位！款式其實唔係太多，最後點了鮮茄水牛芝士薄餅和燒帶子墨魚忌廉汁意粉。鮮茄水牛芝士薄餅：好得意，落單後侍應放了個木製的X型座在我們枱上，原來是用來放pizza的～呢度的pizza係長長地既橢圓形黎既，pizza賣相好吸引，未食已經聞到好香，pizza上面的水牛芝士都唔少吖，正～pizza底外脆內軟，食落口口感很鬆軟，而且pizza焗得唔錯，見隔離枱份pizza焗得有點燶，我地呢份就好彩冇事。鮮茄感覺好juicy，配埋芝士感覺會冇咁漏，味道亦好夾呀！燒帶子墨魚忌廉汁意粉：見好多人都有叫這款意粉，就點黎試試啦。質素不錯的，意粉軟硬適中，都幾彈牙～帶子都煎得幾好味，唔會太熟太乾，時間掌握得唔錯。意粉上還有些蟹籽和菜苗，除了意粉的彈牙，還加了蟹籽和菜苗的爽脆，令到口感更豐富了！滿意，下次會再來試下其他款式的pizza:)…Read More

因為放工離左又一城睇戲既緣故，所以睇完戲就選擇左離呢度晚餐。可能因為我地睇完已經9點幾，所以唔使等位就有得入去啦，記得對上一次離已經系成年幾前既事! 呢餐兩個人食，點左兩個主食+一個小食。燒帶子墨魚忌廉汁意粉記得對上次離都有點呢個，依然系好好味啊!!! 帶子煎得幾香，主要系個墨魚忌廉汁好香好濃味，同意粉口感好夾。 同朋友講笑話...食呢個既時候大家唔可以開口講野，哈哈!!大蝦西柚芒果蕎麥麵呢個系新嘗試，之前從未試過。睇餐牌個賣相就覺得好清新好吸引，所以決定試下 果然無令人失望啊!! 大蝦好爽，個醬汁酸酸甜甜好香好好味!成個感覺好清新開胃!蕎麥麵凍凍地加埋個醬汁真系好好味!!水牛城雞翼見到隔離檯食緊，好似幾好味甘，所以我地都點左呢個  醬汁好好味!!主食前食好開胃啊!雞翼好大隻好厚肉，可能因為實在太肚餓，每人食完兩隻我仲想再食..總結: 食物水準依然好出色! 呢餐大滿足啊!…Read More

不在office 都可以大叫TGIF！在一個星期五到生產力促進局上full day training，到中午還是會沒什麼生產力。 同事知道我經常在晚上吃大餐，提議到又一城的EXP吃午飯。我知道晚上經常要排長龍，心想午飯時間人潮應該減弱，這次該是黃金機會了。大約12時來到，真的不用等。 不談傳統老字號，EXP都算了屹立不倒而又追得上潮流的餐廳，沒有多少餐廳能像EXP般在商場的同一個舖位待那麼久，原來已經17年，時間長得一個嬰孩都足以長得亭亭玉立。EXP原名是加了個「/2」，一定估不到這是「溜冰鞋的象形」，常人應該看為「除以2」，有點突兀吧。後來變回EXP，不過餐廳的環境如一。沒有冰天，但旁邊仍是雪地，和冰的距離，比海洋公園的冰極餐廳還要近。我喜歡自然光，因此選了溜冰場旁雲石枱的位置。Menu 面都是望見都透心涼的藍色，加上溜冰場散發出的冷氣，未吃都已經醒神了。餐廳的面積頗大，加上開放式廚房和烘焙間，開揚得很，座位闊落，難怪上百個座位都要排隊等候入座。同事提醒我要試試這兒的冷榨果汁 (cold-pressed juice)。很多餐廳標榜健康，但只會提供一般果汁和沙律；市面上售冷榨果汁，通常都不是多元化、能讓你坐上好一會兒的餐廳，我到過的有 nood food SoHo（亦有寫過）和Pressed Juices。EXP能把冷榨果汁加入menu，是創新和追求多元化的做法。雖然冷榨果汁的本意是單喝果汁而達至排毒效果，我在這裡當然不會不吃其他菜式啦！冷榨果汁比傳統製法的果汁更能保持原色原味和原有的營養價值，因為過程中不會產生令養分氧化的熱量。點菜後10分鐘內，全部已點的都上桌了，十分有效率！我們點了兩杯果汁（叫蔬果特飲較貼切）、一個香芒米紙卷和一客燒帶子墨魚忌廉汁意粉，放在寬闊的雲石桌上，還剩下很多空間！（其實我和坐對面的同事的感覺蠻遠的）蔬果特飲方面，同事點了Go Green ($35)，我點了重口味的Super Mary ($35)。Go Green名副其實的是青綠色，青蘋果、奇異果、青提和檸檬，而我的 Super Mary 也有一點綠 - 就是作攪攪棍的西芹！Menu 上有6款蔬果特飲($35)和8款普通果汁($33)可選，當然是蔬果特飲較划算和有較豐富的味道層次吧！Super Mary 這名字可能和 Bloody Mary 或 Virgin Mary 有關吧 - 都是有蕃茄汁做基調的，那當然是沒有酒精。我說這是重口味的選擇，因為材料都不是一般人會接受的，有西芹、芫茜、黑胡椒、海鹽、青瓜和蕃茄 - 光是頭兩樣已經令一部分人逃之夭夭了。未攪勻時，杯底處有泛黃的部分，如果不叫 Super Mary，其實可以叫「黃昏」。喝下去很清新，和看到的紅色一樣，味道都是蕃茄為主，芫茜和西芹的草青味成了after taste。雖然有黑胡椒，但完全不覺得辣，只是帶了丁點焦香味。雖然有海鹽，但不會像V8 般鹹，所以整體上味道是清新可口的。另外，不用擔心這些蔬果汁會很飽肚，其實不會很杰身的，看我喝完的掛杯情況便會知道。（不是順時序的啦，我當然不會喝掉果汁才吃飯）如果是正常的「肚餓度」，一個前菜加一個主食是不夠兩個人吃的。同事說陪我吃個 light lunch，所以我們沒有點太多而已。 香芒米紙卷 ($58)米紙卷是越南和泰菜館的常見小吃，不過卷的通常都有肉，不像這個完全沒有肉的。其實點的時候沒有為意，不過當這個是另一個模樣的沙律好了。透薄米紙包著各式蔬菜絲和芒果肉，色彩繽紛，蔬菜絲有紅蘿蔔絲、紅菜頭絲、白蘿蔔。蘸的是芒果汁，卷內卷外都有著芒果的不同形態。米紙的濕度和厚度剛好，拿揑得好才能牢牢的卷著餡料。蔬菜絲是生的，吃下盡是爽脆和清新草青味。驚喜在於芒果汁和卷內的芒果肉是一酸一甜的，即使混和在一起，蘸了偏酸芒果汁的清甜芒果肉仍有著不同的層次。偏酸的芒果汁是醒胃的精髓！ 燒帶子墨魚忌廉汁意粉 ($88)我一向都喜歡黑色料理，特別是竹炭、黑芝麻、墨汁等，來到這裡亦沒有放過吃墨汁麵的機會！墨魚忌廉汁呈灰黑色，比傳統墨汁來得灰一點，是忌廉汁的融和所致。濃稠度剛好，足以掛麵，雖然隱若會看到意粉赤裸裸的淡黃色真身。帶子有三顆，份量十足，厚度絕不欺場。賣相也很有用心，上面有蟹籽和芝士碎。外層微烤過，但內裡依然juicy，熟度又剛剛好。明知是急凍貨，但沒有雪味。墨汁麵是吃飯儀容的一大挑戰，尤其在約會時就要注意一下，要對著鏡檢查自己有沒有抹乾淨咀！搞笑的是我竟印出黑色唇印，可想而知我未抹的時候會是什麼樣子...未至於十分飽的午餐，但精神像按了F11 鍵般重新整理了。主食的價格相宜，如果要挑剔的話，香芒米紙卷由於沒有肉，份量亦不夠沙律多，是有點兒不值的；不過念在味道上的層次，就中規中舉吧。Menu 夠全面也許是致勝之道，有飲品、前菜、薄餅、飯麵和甜品，全部都是$100 以下 - 是風月堂的價錢，但勝過風月堂的質素。如果 EXP 是 Eat x Play，那我就是在 eat，看著溜冰場的人在 play 啦！離座時是一時多，門外有人在等位了，好在來早了一步！離開時才發現，門外有一個專做果汁外賣的窗口，就像一個小賣部，裡面盡是一格又一格放滿新鮮蔬果的！$35 一杯冷榨果汁不失為 juice cleanse 的好選擇，當然，當個飲品解渴就會覺得貴啦！==============附上menu 以供參考：…Read More

星期日跟星仔到馬屎洲行山，只是很短的行山徑，行山後就在三門仔搭小巴回大埔再轉火車返回市區。因為行山前只吃了點小食，加上大熱天行山，雖然是很簡單的路線，但已經又熱又累，所以早前已計劃行山後到這裡吃個豐富下午茶。其實多年前已經光顧過EXP一次，由於鄰近城大，加上又在港鐵和火車必經的九龍塘，而且食物味道不錯，價錢又不貴，無論哪一個時段來都坐滿人的，想不到多年再來，情況依然一樣。幸好我們來到的時間是大約16:00的下午茶時間，雖然食店內仍坐滿人，但我們甫到食店，侍應就安排了座位給我們。食店旁邊就是溜冰場，遊玩的人的嬉笑聲，再加上食客談天的聲音，食店環境可算是頗嘈雜的。不過此食店能長期高踞同區食店榜首，當然是有它的道理。掀開餐牌，每一種類的食物均有幾款選擇，而且全部賣相都非常吸引，令人眼花撩亂，再細看價錢，全部都不貴。燒帶子墨魚忌廉汁意粉($96)黑漆漆的意粉上面是燒帶子和蟹子，驟眼看，已經看到每條意粉也沾有忌廉汁，吃起來意粉不會太軟腍，還有點韌口，加上忌廉的香味，味道是挺不錯的，燒帶子也很有彈牙，但又不會過韌。香草肉腸薄餅($82)薄餅上面除了有肉腸薄片，還有紅椒和番茄粒。薄餅剛上桌時，薄餅餅底還有一點脆口，但很快餅底就已經變腍了，而且餅底也太厚，吃起來就像吃麵包一樣，味道普通。雖然這裡的薄餅很一般不過根據我過往的經驗這裡其他的食物味道也是不錯的性價比以同區計的確算高…Read More

又一城食肆眾多，強手林立，單單CAGE 已經有6，7間，但如果講環境舒服，首選係喺溜冰場邊嘅EXP。打開精緻到CARTIER CALALOG MENU,頭一版已經係能量飲品，全部都係即叫即做，新鮮有營養。ABC($35)睇個名完全唔知係咩嚟，其實材料有青蘋果、紅菜頭、甘筍、檸檬、香茅，賣相好特別，檸檬同香茅最得先加，層次分明。味道以紅菜頭汁為主，偏酸，但有醒神嘅香茅吊起個味道，好FRESH!勁果薑($35)睇個名就知以薑汁主打，主要材料係青蘋果、甘筍同橙。濃郁辛辣刺激味蕾，之後嘅果香平衡番晒，感覺天然又開胃。大蝦西柚芒果蕎麥麵($90)天口熱食冷麵暑氣全消。先將蕎麥麵同冷麵上碟雪凍，上枱前先加入大蝦西柚芒果番茄同火箭菜。蝦只要新鮮彈牙就好食，而三種蔬果都係帶酸，增進食慾。呢個FUSION菜比起傳統日式冷麵更清爽更適口夏天食。👍👍燒帶子墨魚忌廉汁意粉($96)帶子-拳頭咁大粒珍寶帶子，慢火燒透內外，鮮甜無雪味，加埋飛魚籽同芝士碎，淨係食帶子都值回票價。意粉煮到僅僅熟，有瀝乾水，煙韌乾身利於掛汁，忌廉令墨汁香滑而且色澤柔亮，只睇樣已經垂涎三尺，無諗過可以食到咁高水平嘅墨汁意粉。        除咗食物高水準，侍應明顯受過嚴格訓練，有禮而且可能流暢介紹食品，加上新潮裝修同溜冰場景，難怪平日下晝都要排15分鐘先有位，成功一定有原因。…Read More