EXP

突然之間戲癮再現，好想睇一套電影，但係又唔想自己一個睇咁孤獨，所以搵埋舊同事夾時間。點知佢黎梗放大假唔係香港，因為驚等佢返黎香港既時候，套戲都落畫，所以要趁佢仲係香港就約佢去睇戲。因為大家都係返輪班，所以雖然禮拜六下晝有野做，但係夾到朝早有時間又有早場都照約去睇戲。黎到戲院先發現原來宜家都幾多人會黎睇早場喎，可能平D啩~

睇完戲，好自然就去搵野食。之前中學既時候食過EXP，記得印象好唔錯，所以就揀咗呢間。
可能時間仲早，一入去就有位。間餐廳係溜冰場隔離，坐低覺得有少少凍，好彩有帶外套。
兩個女仔就唔食太多啦，只係叫咗兩樣。

其實叫呢個燒帶子墨魚忌廉汁意粉 ($98)之前，心裏面係有少少掙扎，因為食完墨汁乜乜都會染到掤牙黑哂，搞到好樣衰。但係我見到燒帶子好吸引，所以就叫咗呢樣。帶子燒得好好味，仲有D蟹子係上面，D墨魚忌廉汁唔係好濃，但係配襯起D軟硬適中既意粉，味道啱啱好。

燒帶子墨魚忌廉汁意粉

$98

第二樣就係波菜意式煙肉薄餅 (好似係九十幾蚊)。形狀係不規則，食落去唔覺餅皮好厚，D波菜好味(不過分量唔多)，但係D煙肉有D咸，所以夾埋餅皮一齊食係可以中和返D味道。

波菜意式煙肉薄餅

$98

唔知係咪我記錯，我印象中，中學時期黎既時候，D水係檸檬水，好好飲ga!!但係宜家只係普通水......><
不過係又一城食到咁既質素又唔貴既餐廳，係唔錯既！