Read full review
2018-07-07
782 views
男朋友知道我鍾意食海鮮,今日適逢紀念日帶咗我黎尖沙咀厚福街呢一間以加勒比海鮮為主題嘅餐廳,主打當然係海鮮啦!其實呢間餐廳係OpenRice飲食平台地區排行榜曾經名列前茅,所以我都有留意過佢,只係因為呢類型嘅餐廳要比較多人先可以食到更加多嘅嘢,所以每次都就唔啱時間約朋友,今日男朋友約埋屋企人黎食,終於有機會一嘗.餐廳嘅面積唔係好大,裝修偏向美國加勒比風情,木枱配上鋼筋裝飾,彷彿模仿着揚帆出海大帆船室內嘅裝修。天花頂掛起有土着風情嘅旗幟,小小殘夠更加似一隻長久經過 歷練嘅帆船留意到水吧位置嘅黑板,先知道原來星期一至五係有推出午市套餐,而且仲有六折優惠雖然話主打係海鮮,不過當然仲有其他款式嘅食物,例如素食、沙律、香炸小食、薯條、意大利麵、漢堡包...值得一提嘅係佢哋仲有酒類飲品同埋smoothie 供應,總有一款啱你食係欣賞緊周圍環境嘅同事我哋亦都已經同店員落左單,難得多人,款式當然要叫多試真啲啦!. 路易斯安那特色蟹餅 $95份量十足嘅蟹餅就如手掌一樣大,估計厚約10 cm 蟹餅上面仲唧左千島醬同埋放咗苜蓿呀。切開蟹餅,外皮卡卡聲好鬆脆,裏面就嚟咗個大反差,質感非常軟腍,食落口有少少檸檬
.
餐廳嘅面積唔係好大,裝修偏向美國加勒比風情,木枱配上鋼筋裝飾,彷彿模仿着揚帆出海大帆船室內嘅裝修。天花頂掛起有土着風情嘅旗幟,小小殘夠更加似一隻長久經過 歷練嘅帆船 留意到水吧位置嘅黑板,先知道原來星期一至五係有推出午市套餐,而且仲有六折優惠
雖然話主打係海鮮,不過當然仲有其他款式嘅食物,例如素食、沙律、香炸小食、薯條、意大利麵、漢堡包...值得一提嘅係佢哋仲有酒類飲品同埋smoothie 供應,總有一款啱你食 係欣賞緊周圍環境嘅同事我哋亦都已經同店員落左單,難得多人,款式當然要叫多試真啲啦!
.
路易斯安那特色蟹餅 $95
9 views
0 likes
0 comments
21 views
0 likes
0 comments
.
露絲瑪莉香草包 $55 睇過人哋嘅食評,話如果食熱船長海鮮拼盤,就一定要叫麵包黎點配佢嘅汁。兩款麵包,我哋唔要蒜蓉包,因為怕蒜蓉味太強勁搶咗海鮮汁嘅味;揀咗Focaccia,橄欖油味香濃,rosemary香草味出,呢款麵包裏面唔係軟熟,不過表層因為有油份,所以烘過之後會相當脆!個包點我哋嘅檸檬牛油汁 (海鮮拼盤自選汁料)簡直係完美嘅配搭!
是日餐湯大 $80 食西餐我哋鍾意飲餐湯,佢有大細之分,細既1人份量都只係$35,大嘅分到三碗左右。今日呢個係薯仔濃湯。薯仔味真係非常之濃,幾乎蓋過晒一切嘅味道,但係一啲都唔會好流,落咗少少奶,增加咗個奶香,質感唔係好滑嘅忌廉湯而係加有少少粗粗薯仔粒嘅質感,都幾飽肚㗎!
隨湯附上左多士薄片,多士本身都有少少橄欖油味香,烘咗之後橄欖味更加出香脆,點湯一流!
.
船長沙律 $78
13 views
0 likes
0 comments
.
熱船長海鮮拼盤 B $548
9 views
0 likes
0 comments
最有驚喜嘅係長腳蟹,唱到分分鐘有手臂咁長,肉質鮮甜,帶出微微嘅海水鹹味;扇貝都係出色,份量有三至四隻,唔會將貨就價比啲細粒size,口感彈牙,唔會overcook;
至於八爪魚仔就略為韌,需要些少牙力先咬得爛;蝦雖然只有手指咁上下長,不過有8至10隻,都唔失禮!
我哋揀咗檸檬牛油汁,檸檬酸蓋過左牛油味,食落唔會好肥膩,反而好開胃!
呢度餐廳三點鐘就會落場,大約兩點鐘左右,侍應就會問要唔要點配甜品,如果你仲有能力,絕對建議值得一試!唔爭氣嘅我,食完新鮮甜美嘅海鮮,個肚已經幸福滿瀉
食清蒸海鮮食得多,試一試呢種西式煮法都真係唔錯,而且充滿海鮮鮮味嘅醬汁浸住薯仔粟米等等嘅配料,冇浪費啲汁之餘仲好飽肚,的確唔錯!海洋隊長呢日任務成功!
16 views
0 likes
0 comments
Post