Jing Alley by Flower Drum

趁禁堂食前吃一頓好。餐廳位於地鐵站附近，位置很方便。暗黃的燈光，灰調的磚頭，掛上水墨畫，既有格調又不失時尚感。⭐️自家製羅漢果無花果茶冬天喝夠滋潤。⭐️煙燻素鵝以腐皮包著甘笋、冬菇和萵筍，可以配搭西班牙二十五年黑醋或四川辣椒。入口爽口冰凍，很開胃。⭐️手抓羊肉配菜有薑和辣椒，一塊塊羊腩，裹上孜然粉味道很香。羊肉肥腴嫩瘦，分佈均勻，口感層次非常豐富，外脆內軟，大家一致讚好！⭐️井巷子片皮鴨自家製海鮮醬，配料有哈密瓜、黃金奇異果、蔥段、青瓜。餐廳教放上鴨肉兩件，先把鴨皮放在薄餅上，放上數量蔬果，加上醬料，由下向上對接包皮，然後左右兩邊在摺疊便可。煙燻鴨鴨皮帶些許脂肪，薄餅煙韌，入口夾雜著油脂，又香又嫩。⭐️番茄蛋花花膠湯$80花膠有厚切和薄切，入口既爽又腍，一種味道，兩種口感。湯底是番茄粒和蛋花，簡單而沒有搶走花膠的味道。⭐️熗炒青城臘肉菜花$148辣椒、臘肉和椰菜花。椰菜花入口非常爽脆，辣椒香而不辣，臘肉鹹香配搭椰菜花最好不過。⭐️皺皮椒酸菜煮牛肉新鮮牛柳心配上酸菜、貢菜和洋蔥一起炒。入口肉味濃郁，愈嚼愈香。雖有辣椒的香，卻吃不到辣椒的辣。⭐️麻辣牛坑腩伴手工麵手工麵是餐廳的秘密武器，入口Q軟，卻不易折斷，口感很佳。配上牛坑腩，有牛筋和牛腩部分，吃起來又軟又香。⭐️鮮雜果土紅糖冰粉最後是紅糖冰粉，配料花生、火龍果、哈蜜瓜、黑糖、松子等。冰粉口感Q彈，配上新鮮水果增加甜味，還有花生和松子增加口感，是一道誠意滿分的中式甜品。⭐️時令水果韓國香印和智利車厘子▫️值得一試，餐廳服務和食物都很高質素，用料認真，難怪能成為米芝蓮餐廳。…Read More

餐廳以成都的井巷子命名，顧名思義就是主打正宗的成都菜，菜式有「小家碧玉之美」的感覺，非常精緻講究，更獲得米芝蓮指南推薦。煙燻素鵝以腐皮包裹著冬菇、甘筍和豆腐乾絲，煙燻帶淡淡的桂花香，口感清新不膩，可配醋或指天椒粉。手抓羊肉充滿孜然粉獨有的香氣，帶點微辣，羊肉味好鮮美，入口軟糯又不膩不羶，色香俱全。井巷子片皮鴨油亮的鴨皮入口薄脆，鴨肉口感嫩滑豐腴，整隻鴨腿肉更可以餅皮捲來吃；那自家製的海鮮醬甜度適中，醬香濃郁；配料除了常見的青瓜和蔥段外，更少有的加入黃金奇異果和哈蜜瓜，兩者均非常清甜，能平均油膩感；餅皮一直以熱鍋烘著保溫，薄而紮實。蕃茄蛋花花膠湯濃郁清爽酸甜的蕃茄味，蛋花散開凝結略帶層次感，一條條粗的花膠軟滑充滿膠質。熗炒青城臘肉菜花青城最出名的老臘肉切成一片片薄片炒香，口感有點像煙肉，好香口；熗炒花菜很清爽脆口，有點麻辣鮮香感。皺皮椒酸菜煮牛肉皺皮椒剛吃下不太感到辣味，後來慢慢滲出辣味，加上酸菜，有點酸爽感；牛肉用上新鮮騸牯牛柳心，騸牯牛即是山東的閹牛，肥美得來又有肉味。麻辣牛坑腩伴手工麵本地黃牛坑腩肥瘦適中和入味，牛筋好爽彈軟嫩，麻辣感不太重；手做風乾麵特別富彈性，散發天然麵香。鮮雜果土紅糖水紅肉火龍果、火龍果、蜜瓜切粒好鮮甜，還有幾種穀物好有口感，啫喱更以傳統的土紅糖製成，蔗香味特別濃郁細滑。時令水果蜜瓜超多汁蜜味濃郁；藍莓特別大粒，微酸帶點甜。自家製竹蔗馬蹄甘筍粟米鬚水全部也是鮮甜的食材煲成，健脾又開胃，湯渣隔得很清，好清甜。…Read More

呢晚同幾位舊同事食飯聚舊👯‍♂️，佢哋都喺中上環一帶返工，所以晚餐地點就揀咗位於上環嘅「井巷子 by 鋒膳」，聚會食中菜就最適合不過。我哋早去到餐廳就未算太多人，但一過咗七點半，客人就陸續嚟到，全場滿座。我哋一行四人獲安排坐喺卡位，私隱度高👍。餐牌選擇非常多🥢，睇到人眼花撩亂。佢無論小食、主菜、湯品、飯麵抑或甜品等都一應俱全，其中更細分各種川辣製法嘅菜式，好講究。藤椒醬香雞($138)，佢同手撕雞唔同，因為係切成雞柳條，口感更為滑身。🐓雞種用上新鮮三黃雞，醬汁係精華所在。藤椒著重嘅係麻味，但嗰種麻又唔會太嗆，辣味亦唔強，加上佢綠綠哋色，令人聯想起日式芥末。脆皮燒腩仔($195)，🐷燒腩仔選料嚴格，用上指定諾鄧鹽調醃，聽講係來自雲南；而豬隻就採用西班牙向日葵甘栗豚，派頭夠晒勁啊。燒腩仔整齊排列，豬皮燒得非常香脆，而肉嘅部份肥瘦適中，鹹度亦啱啱好。井巷子片皮鴨($350/半隻)，片皮鴨由四部份組成，包括有鴨皮鴨肉、配料、薄餅皮同埋自家製海鮮醬。其中放薄餅皮個蒸籠下低有火㷫住，所以令佢哋全程暖笠笠，保持鬆軟🫓。餐廳附上食用教學，好貼心。每塊餅皮先放上鴨皮同鴨肉🍗，其後再添加配菜同醬，摺合後就可食用。鴨皮又脆又多汁，無乜多餘皮下脂肪，唔會過份肥膩。配料款式特別，例如有金奇異果同哈密瓜，甜甜的，以豐富片皮鴨味道，但略嫌份量偏少。不過整體夾埋食係正嘅！蕃茄蛋花花膠湯($80/位)，🍅蕃茄湯新鮮滾熱辣送上，呈深紅色，味道亦一如所料偏濃味，酸度十足，皆因佢用上大量鮮蕃茄熬煮，同時更加入花膠條作伴，更顯矜貴。熗炒青城臘肉菜花($148)，菜式看似平平無奇，但實際上非常惹味。其實粉紅色一粒粒嗰啲正確嚟講並非煙肉🥓，而係來自四川嘅青城臘肉，不過味道上同樣富有煙燻鹹香。椰菜花清甜爽口，並以熗炒方式爆香，滲透出啖啖麻辣滋味。重慶水煮牛肉牛脷($500)，重頭戲登場喇✨，呢一大盤火紅色嘅係重慶水煮料理，我哋要咗小辣，🌶辣度遠比想像中易接受，因為原本真係被佢嘅造型嚇親，而且佢集合多種香料所製成，辣得過癮。菜式採用新鮮本地黃牛，牛肉肉味濃郁，牛脷則夠大塊，口感軟嫩🐮。經典水煮菜式不乏索味食材，例如有油麥菜同薯粉等，有埋佢哋先至夠完整嘛！龍蝦球麻婆豆腐伴炸饅頭($680/4位)，麻婆豆腐有著傳統口味，滑溜豆腐配上用豆瓣醬炒香嘅蒜蓉肉碎，鹹度同辣度協調，而且更加入爽彈龍蝦球🦞，令菜式生色不少。每碟均配有一件炸饅頭，用佢沾嚟食無得輸。鮮雜果土紅糖冰粉($58/位)，呢碗冰粉同平日食開嘅好唔同。首先冰粉選用紅糖製成，呈粉紅色，配料五彩繽紛🌈，舖上新鮮雜果、松子仁以及糖粉。食落唔會太甜，又可清清味蕾。食完甜品仲有時令水果🍇，分別係香印提子同哈密瓜，兩樣都好甜，不愧為高級水果。總括嚟講，呢頓晚餐令人滿意，簡單啲講就係每道菜式都好味道😋，離開餐廳時喺門口見到啲獎狀，先發現佢原來榮獲米芝蓮推介，佢果然不負此美譽。人均消費唔平，不過各方面均值回票價。最後，店員們服務態度亦都優秀。…Read More

服務公司多年嘅同事準備離職，老闆吹雞搞個farewell dinner，仲推介我哋去呢間米芝蓮推薦嘅井巷子，我哋幾個貧民窟長大嘅九龍人，就跟住老闆嚟見識吓。入面嘅裝潢都甚有氣派，而呢度每道菜個名都幾特別，用嘅食材都大有來頭。平時食川菜比較多用嘅都係花椒做麻辣菜式，而呢個藤椒醬香雞就用上綠色嘅藤椒醬，藤椒具有花椒所没有的獨特香味，麻味則較花椒柔和，雞肉用上雞髀肉切柳條，作為前菜非常開胃。第二道菜名為諾鄧鹽向日葵甘栗豚燒腩仔，原來「諾鄧」係位於雲南大理白族自治州雲龍縣深山裡，係一個有上千年歷史的白族村寨。諾鄧村民長期以煮鹽為生，造就了名揚海外的諾鄧鹽。而燒腩仔特別嚴選諾鄧鹽，再加上係用甘栗餵飼嘅豚肉製作，鹹度、肥瘦適中，入口特別甘香，令人回味。平時坊間食到嘅片皮鴨通常都係夾配青瓜同京蔥，而井巷子片皮鴨就相當有特色，特別配上金奇異果和哈蜜瓜，鮮果微酸之中帶點甜，配合片皮鴨嘅油香，別有一番風味。店員仲會提供一份介紹片皮鴨嘅小冊子，介紹佢哋嘅建議食法，所以就算見到唔同嘅食材都可以不慌不忙咁做出靚靚嘅片皮鴨卷，唔會手忙腳亂。用蕃茄喺中式湯水入面做主角比較少見，呢個蕃茄蛋花花膠湯感覺有啲似蕃茄炒蛋嘅味道，加入咗真材實料嘅花膠絲，整個感覺提升不少。熗炒青城臘肉菜花中嘅所謂「熗炒」就係用熱油將花椒、乾辣椒、蒜片的味道熗出來，然後再放蔬菜入油後將麻辣鮮香滲透入蔬菜内，所以鹹肉同椰菜花都充滿淡淡嘅麻辣油香。開頭都俾呢個重慶水煮牛肉牛脷嘅賣相嚇親，以為會辣得噴火，但其實只係小辣嘅效果，入面嘅牛肉同牛脷相當多，我輕輕一撈起已經充滿着牛肉同牛脷。個人認為牛脷比牛肉嘅口感更豐富，厚厚嘅牛脷煮得夠腍身，而且更加入味，味道絕對令人試完想再試。期間仲試咗佢哋自家製嘅竹蔗馬蹄甘荀粟米鬚水，飲落夠晒滋潤又唔會太甜，食完辣之後飲番杯就最適合不過。龍蝦球麻婆豆腐伴炸饅頭配搭新穎，平凡嘅麻婆豆腐加入龍蝦球之後令口感更豐富，我更加冇諗過炸饅頭除咗點煉奶之外，仲可以蘸點麻婆豆腐嘅醬汁，味道令人驚喜。甜品鮮雜果土紅糖冰粉亦令我對冰粉有一個全新概念，平時食冰粉大概只有紅糖水作底，已經予人冰涼解辣嘅感覺，而佢嘅冰粉加入咗鮮果同松子仁，選用嘅亦都係屬於熱帶嘅水果，就更加有透心涼嘅感覺。時令水果係北海道蜜瓜同香印提子，為呢一餐晚餐畫上完美句號。…Read More

好友生日，知道他對中菜川菜有情意結，特意訂了位於上環井巷子米芝蓮為他慶生！🥳🥳其實我都好想試下來芝蓮餐廳🤭🤭位置方便，C出口兩分鐘就到！一進門口便見到佢哋自家品牌嘅中秋月餅😁餐廳有兩層，格局古色古香，還有獨立房間，傳統的味道！服務五星酒店级數🥰店舖自家燒味烹燒，當然要一試啦😝店家自家製竹蔗茅根好清甜，夏天飲非常適合😉諾鄧鹽向日葵甘栗團燒腩仔~燒腩仔向日葵葉長大，比較少唔健康嘅油脂！特別香！外皮脆卜卜，咬落咯咯聲，點上蜜糖芥別有風味😋😋井巷子片皮鴨算是他們的signature菜式，上菜意見佢哋嘅細心，用熱鍋熱著餅皮，配菜除了一般嘅青瓜和大蔥意外有蜜瓜和金奇異果，更加清新，片皮鴨皮下油脂非常香，加上配菜層次更加提升🤩🤩兩款肉類下肚，飲返一碗蕃茄蛋花花膠湯🤩上水冰島花膠，非常厚骨膠原十足配番茄蛋花，第一次食好有驚喜😊川菜系列熗炒青城臘肉菜花四川臘肉別有風味，咸鮮並重而且好有咬口，福建菜花，爽脆不油膩，食唔停口呀！😍😍重慶水煮牛肉牛脷，用上新鮮本地和牛，肉質嫩滑，牛味濃郁，牛脷厚切卻淋軟，很重口味嘅一道菜，而且辣度是比較辣的🤩🤩龍蝦球麻婆豆腐伴炸饅頭中西合璧嘅感覺，麻婆豆腐係傳統嘅經典之作，用相本地龍蝦新鮮食材，龍蝦鮮味帶入豆腐當中，點饅頭就非常適合啦🥳🥳米芝蓮果然名不虛傳！😜甜品點了鮮雜果土紅糖冰粉頭先食非常適合有埋水果紅糖，不太甜反而解油解辣！😉👍最後仲送咗水果畀我哋添🤭🤭日本雷電蜜瓜和美國車厘子😬😬甜到呢😍😍薄荷味嘅大白兔糖係來自上海架😉非常有特色嘅一間米芝蓮餐廳！每一道菜色都非常好夢想高質食材上大廚巧手，確實實至名歸😬…Read More