九龍城寨

呢間影相真係好有feel，而且環境好大，真係帶埋一大班friend過嚟玩都得，平時唔太鍾意去酒吧可以去呢啲地方又幾舒服，周圍都好多舊香港🇭🇰嘅感覺，自問都幾鍾意一啲懷舊野，嘢食方面都係好地道，主打都係臘腸飯或者係公仔麵，亦都有唔同嘅小食可以配酒。如果大家酒量唔係太好但係又想飲啲signature嘅飲品🍹，一定要飲醉檸茶，酒精味唔會太濃，而且都係甜甜酸酸，女仔一定鍾意。另外叫咗維記牛奶，一開始飲都幾好飲而且幾特別，但係後來啲冰融晒之後，Bailey啲味好出偏濃，飲到小編個朋友差唔多要去瞓覺😹…Read More

一出lift口已經帶你離開21世紀進入上世紀五六十年代香港，而九龍城寨更加係當年香港重要地方，有著香港多方特色，餐廳以此作主題顯得有心思，暫時忘卻現實，浸醉這裏享受氣氛享受美食，一樂也。◇ 豉椒骨精煲仔飯有趣嘅地方係煲仔飯唔用瓦煲，而係用錫紙，咁樣以為會冇咗煲仔飯嘅靈魂飯焦，點知食到底搵到飯焦，仲要係燶得剛好，開心死了。豉椒排骨味道跟足大排擋，童年回憶返晒嚟◇  煲皇招牌沙嗲牛肉麵見到餐牌寫住沙嗲牛肉麵已經懷念起沙嗲牛肉嘅味道，因為好耐冇食過，立刻叫，第一口已經極滿意，就係我心諗嗰個味道，而麵係用公仔麵，同沙嗲味係絕配◇ 大力特飲外型係大版益力多，其實係用Vodka做基酒嘅cocktail，加入真益力多，桃味同橙味，入口先感覺到益力多，桃味橙味留後，反而Vodka只作為前後味嘅穿連，令入口容易，不太好酒精嘅朋友都會喜歡◇ 香芒飄雪基酒係Rum，主角芒果，再附以奇異果同蘋果，同樣易入口味道人見人愛嗰種似fruit punch，加上沙冰保持冰凍，用coupe glass顯得高貴，杯上那朵小花更是畫龍點睛，美極了…Read More