Azores (YOHO MALL) (Closed)

澳門風味餐廳。對上次一個月前再來的時候今次已經不用想試食咖喱。今次朋友翻開見到餐牌有經典的盲曹魚，在呢間餐廳都好似未試過。特登叫的日出東望洋調飲。還有口味好似mojito的亞蘇爾群島，陪飲的還有小拼盤墨魚餅，沾點的醬汁比較特別，有別於普通的甜辣椒，呢個真的是鮮紅辣椒味。燒烤盲曹魚，魚肉少少焦皮，帶出鹽燒的味道。簡單用餐之後，都選擇甜品葡撻。餐廳呢個餐牌有埋消費的100元額度會有第二杯半價。但是現在喝啤酒還是差了點感覺，平平淡淡安靜吃魚就好啦。…Read More

自從形點開張後，好多時覓食都已經習慣喺openrice search Yoho Mall搵吓有咩推介，最近搵到呢間「亞蘇爾」，除咗有唔少食評外，每次行過去某日式放題餐廳時都會經過見到有人排緊隊，所以想試咗好耐。今個週末諗起佢，一於同男朋友試試佢。｜入座｜星期六8點入座當然有人等緊位，目測大約都有5-6張枱等緊。我哋因為已經訂左枱，去到報低名之後就已經被安排入庭，侍應亦非常友善比左四人卡位我哋兩位坐，位置寬敞，座位都乾淨，第一印象不俗。｜菜單｜菜單選擇有好多，從前菜、小食拼盤、主菜、甜品到飲料，應有盡有。值得一提嘅係佢有一份wine list，望到入面除左有大路嘅red同white之外仲有rose，選擇之多令人驚喜。但今次主要想試佢哋嘅菜式，前一晚亦飲過啤酒盡過興，所以無點酒類。其實由一開始話想食亞蘇爾嘅時候我一心係想試葡國雞，食過咁多港式嘅葡國雞都想試試正宗口味，不過男朋友一見到乳豬後就抵受唔住誘惑，所以無試到葡國雞，下次可以值得一試。｜上菜｜焦糖葡撻（$14/1）估唔到首先上嘅竟然係葡撻，由甜品變成前菜。葡撻上枱時帶微熱餘溫，係可以接受嘅溫度範圍，值得比個like。一咬落去感覺口感非常紥實，奶香味濃，酥皮亦都做到酥脆嘅口感。不過味道偏甜，而且都幾飽肚，食完又無覺得好驚艷嘅感覺，我個人覺得$14一個唔算太化算，不過不失。亞蘇爾小食拼盤（2人用）（$162）一上枱我同男朋友都比佢巨大嘅size嚇親！而且擺盤做得幾精緻，令人食指大動。首先試咗辣肉腸芝士脆多士先，因為驚耐咗就唔脆，口感影響好大。其實食嘅時候已經唔記得咗佢係辣肉腸，但入口非常之香，帶鹹味，當然亦都保持到香脆嘅口感，個人都比幾高分。第二個試嘅係霹靂魷魚，呢個就唔太啱我自己個人口味，我食咗一條就交比男朋友繼續解決，因為佢嘅辣度我唔太接受得到。我食咗一條覺得口味偏酸，但男朋友就覺得酸酸甜甜幾好食，都好睇每個人嘅口味。之後試埋黑醋豬手，呢個好有驚喜！雖然豬手食嘅時候比較唔方便，用叉真係食唔到，最後都係用紙巾拎住食，但豬手嘅軟骨非常有彈性，凍冰冰好爽口，配上開胃黑醋，我十分推薦！最後嘅芝心馬介休球亦都好香口，好中意帶薯蓉嘅口感，不過芝士同整體口味都偏鹹，一舊起兩舊止。整體呢個拼盤表現算係唔差，但食到呢到我已經有少少飽飽哋，同埋不停飲水，因為每款小食嘅口味都頗重，適合重鹹朋友仔。葡式香烤脆皮乳豬件配薯菜（$188）主菜終於上菜！擺盤利用蔬菜同醬汁打造奪目鮮艷色彩，好值得影相。一碟總共有5件乳豬件，其實與菜單圖片係相符，但始終覺得唔算太抵食。加上每件乳豬件嘅肉唔多，不過我都明白客人們想要呢個乳豬件係為咗香口嘅乳豬皮，而我個人覺得佢係做到呢一點嘅。但我略嫌佢仍然烤得有啲乾身，口味一樣偏鹹，所以不停飲水……喜歡食肉嘅男朋友就對呢碟餸讚口不絕，佢鐘意就可以啦哈哈！個人另一稱讚位係佢啲薯條，每條size適中，夠厚身有口感，配上酸甜偏甜嘅茄汁，我係食哂嘅！路氹香脆豬扒包（$72）最後上枱嘅係豬扒包，其實我同男友都已經6、7分飽，但因為我自己好鐘意食豬扒包，所以仍然食左半舊～因為前面食咗幾款肉都開始有啲滯，所以見到生菜蕃茄好開心，入口都算清爽，令我覺得有驚喜嘅係豬扒非常之腍同香口，不過如果沙律醬多番啲去中和成個包嘅油膩感就會更perfect！食完後我同男友都覺得好夠飽，份量都好夠大，但一致認同亞蘇爾菜色嘅調味略嫌偏鹹，但整體味道唔錯，如果下次經過諗唔到食咩都可以再試，不過下次應該會揀番葡國雞同蔬菜，唔洗一味食咁多偏乾嘅菜式。…Read More

過去兩年11月尾, 因為男友生日。我同男友都去左澳門玩~當然少不了食葡國菜。但今年大家都忙, 冇時間過大海。想食葡國菜? HK都有嘅~我地去左Yoho Mall食亞蘇爾。呢間店設有露天座位,挺有情調的~ 餐廳的裝潢華麗有格調,坐得舒服~焦糖葡撻 ($14)多層酥皮, 鬆脆!至尊鵝肝焗鴨飯 ($158)MENU上張相, 飯面只係有鴨鬆同鵝肝,但實物加咗芝士粉同葡國臘腸，十分驚喜。整個飯連鵝肝上面都舖了一層厚厚的芝士粉。芝士粉香濃，芝士粉愛好者必試。臘腸味道特別，一般香腸無可比擬。飯質介乎於risotto同燸米飯之間，再配以特濃醬汁，十分飽肚。亞蘇爾小食拼盤(2人用) ($162)呢個有齊5款小食:芝士馬介休球, 辣肉腸芝士脆多士,霹靂魷魚, 黑醋豬手, 香草烤意瓜。想一次過試幾款小食的人必選。最特別的是黑醋豬手,酸溜溜的黑醋, 上面再加芝士粉, 配以豬手一齊食, 別有一番風味。椰香葡國雞配蒜蓉包 ($128)蒜蓉包香脆，沒有添加多餘的牛油，蒜蓉味不會太濃，十分適合喜歡香口但又怕味道濃烈的人士；葡國雞汁幼滑，亦帶淡淡的椰香，感覺十分豐富，小小一盆已足夠供多人品嚐；最令人驚喜的是，再次遇見老朋友：芝士粉和臘腸片，我想這家店的廚師必定十分喜歡芝士粉，芝士粉的份量十足，又是芝士粉愛好者必試之選。…Read More

今日和友人去到元朗行街，之後到了形點吃晚飯，當然去找好西食，這晚去了這間葡國菜餐廳亞蘇爾。餐廳門口開揚，雖沒有長長人龍，但門外亦有不少人等位，我也大概等了15分鐘才能進去。店內裝修新穎，設計時尚，座位空間闊落，環境簡約舒適，坐得舒服。葡國菜第一樣想起就是葡撻，亞蘇爾的葡撻有幾款口味，不過我還是點了傳統的焦糖葡撻，新鮮熱辣辣出爐嘅葡撻賣相非常吸引，表面有一層焦糖燒香的味道，熱辣辣，酥皮外皮香脆可口，雞蛋味道濃亦不會過甜，唔錯。葡式香烤脆皮乳豬配薯菜烤乳豬被分切成五件，另外還有薯角、翠玉瓜、沙律菜、香菇、車厘茄和不同醬料。乳豬外皮烤得又脆又脆，內裡肉質嫩滑，鹹香惹味，咬一口肉汁已經在口裡中流出來。另外也有黃芥辣和豆瓣醬可供配搭一起吃，反而味道有點兒中式，很適合我口味。葡國雞配蒜蓉包 / 白飯葡國雞份量好足料，上面放滿椰絲，葡汁濃郁而不膩，椰汁味也很重！另外雞件也非常香滑，可惜我不食雞皮，而葡汁撈飯也是一流的絕配。葡國菜平時很少吃，而亞蘇爾令我對葡國菜加了不少印象分！晚餐份量不少，價錢中規中舉，也不算便宜。…Read More

今日去開元朗，喺Yoho Mall搵食嘅時候，咁啱見到呢間食葡國澳門菜嘅餐廳，平時香港都好少見，見環境好似唔錯，於是決定試下~💪🏻由於過咗lunch time，人唔多，唔洗等位就入得去喇~入到去環境都幾闊落，仲咁啱可以坐到窗邊位~景觀開揚d，個人感覺都relax d~😊Menu都有幾多選擇，但第一次幫襯，決定都係揀d有‘廚師精選’標誌嘅穩陣d~😉上菜速度都幾快，好快就上咗2個‘焦糖葡撻’($14@加一)~食澳門菜，當然一定要叫個葡撻食下啦~外皮鬆脆，可能新鮮出爐嘅關係，咬開時仲出緊煙~👍🏻👍🏻主菜方面就叫咗個‘葡式香烤脆皮乳豬件配薯菜’($188加一)~乳豬皮好脆！雖然睇落都幾多皮下脂肪，但食落竟然一d唔覺漏~👍🏻👍🏻仲有3款醬可以點嚟食，有茄汁、黃芥末&辣肉醬~雖然係配菜，但薯條🍟好好食！香脆之餘，落咗d調味粉，好香口！（全部差不多俾我食晒🙊🙊）最後仲叫咗個‘椰香葡國雞配蒜蓉包’($128加一)~蒜蓉包落咗勁多蒜蓉，好香、又夠脆~D雞都幾大件，而且無骨，啖啖肉~😋仲有隻雞蛋🥚、薯仔、辣肉腸等配料，好足料~👍🏻👍🏻…Read More

近期天氣陰陰沉沉，雨勢紛紛，取消了許多戶外活動。又到週末時光，趁機會最好就係搵個大型商場，吾單止可以行街shopping，也可以搵一間俱特色的餐廳坐低慢慢傾吓計，食吓野，享受室內的快樂週末。相信這間葡國餐廳就係一個唔錯嘅選擇。餐廳空間非常足夠，仿如「工」字形狀，座位之間寬敞舒適，入口處有個小凹位，是「工」字的上半部，餐廳利用這個空間用蔓藤作為裝飾，再配合綠色嘅木顏色，打造出一種原野feel，這裏只是餐廳近門口嘅座位，非常適合攜帶小朋友，有BB車或者輪椅嘅人士方便出入。其實餐廳嘅空間很足夠，可說是內有乾坤。此時，我們跟隨接待員嘅帶領行往「工」字的中間，左邊是一排整齊嘅卡位，右邊是半開放式廚房，透過玻璃可以見到廚房嘅廚師穿着工整嘅制服和整齊嘅儀容在哪裏認真地工作。工作人員正戴上手套在執行工作，旁邊還有一個監督呢。讓人覺得非常專業同埋放心。然後我們被帶到這個空間，這里就是「工」字型的底部啦。原來又是另一景象，全落地玻璃可以望到大廈平台嘅花園，遠處嘅山峰，日間來的話，可以隔着玻璃享受日光浴，望住藍天白雲。夜間就透過玻璃可以望到大廈嘅輝煌燈火。又是別有一番風味。餐廳嘅硬件和環境就已經係別出心裁啦，令我非常想試吓食物又如何呢？我們決定慢慢由小食開始再吃至main course、飲品，甜品。辣肉腸松露芝士脆多士，辣肉腸切至細粒,混合芝士焗至金黃,上面再鋪上一大片黑松露，身價即時提升，一上枱已經聞到香味撲鼻，急不及待一口咬落去，又香又脆，芝士嘅濃香加黑松露嘅甘香再與多士嘅脆香，帶來多重享受，簡直係完美嘅配搭。辣肉腸係葡國菜常用嘅佐料之一，呢個青菜薯蓉湯就加入左辣肉腸嘅元素，令到成個湯嘅層次口感即時提升。一碗飲得又食得嘅辣肉薯蓉青菜湯，令人留下深刻印象。主菜方面我們選擇了煙燻蘋果木脆皮鹹豬手。上枱的時候，餐廳侍應在你面前親身示範加入左煙燻嘅效果，在我看來，這只是一種表演過程，因為食嘅時候並沒有感覺到特別濃厚的煙燻味，但係都沒有影響鹹豬手嘅味道。豬皮燒到脆皮爽口，吃落香脆彈牙。豬肉口感就啱啱相反，肉質嫩滑，一點也不鞋口，沒有多餘嘅調味，咸度剛好。難得細心之處係廚房已經將豬手拆肉，切開一件件，避免了自己動手切豬手的麻煩。作為配菜的薯角和配碟的菜類一點也不馬虎，薯角外香脆內綿密，伴碟嘅菜類有燒菠蘿，瓜類和菇菌類。將健康指數提升。飲品方面，配合夏天嘅感覺，叫咗芒果柚子沙冰，帶來清清涼涼嘅感覺，味道唔算太甜，適合一些注重健康，平時飲檸檬茶喜歡走甜嘅朋友。我們一邊飲，一邊傾計，此時天色已經開始昏暗，相信已經日落，隔住玻璃可以望到附近大廈開始燈火輝煌，又是另一番景象。人們說，女人有兩個胃，雖然呢個時候我哋已經好飽，但係都想試吓甜品，呢度嘅木糠布甸有四款，抹茶黑木糠，杏仁餅木糠，焦糖雞蛋木糠，我決定試下傳統嘅經典木糠布甸。一層木糠一層布甸，帶俾你又香又甜嘅口感，將幸福感再次提升。食葡國菜唔吃葡撻好似欠缺了些，葡撻在葡萄牙美食當中必佔重要席位。朋友意䂊未盡，決定再試下呢度嘅葡撻，葡撻嘅甜度拿揑得很好，奶油味配合焦糖香味很滑很香，吃落好creamy ，唯覺撻皮吾夠香脆焦香，否則更加完美無瑕。我們就這樣一邊享受美食一邊談天論地，就這樣坐了三個多小時，由藍天白雲坐到燈光輝煌，由日間坐到夜間，就這樣渡過一個開心嘅週末，腸胃和彼此的感情都增進了，然後帶著滿足的心情回家去。…Read More

又再返黎探亞蘇爾，因為佢個蟹粥實在太出色啦仲有其他經典菜式飯、麵都任君選擇連葡撻都有當然唔少得甜品先黎個包先，一共四塊，每塊都最少有手掌咁大，包上搽上一層薄薄既蒜蓉，唔好睇佢薄薄地，食蓉都好夠蒜蓉味，又會好濃食到唔想食，最重要個包夠哂脆同熱，真係要俾個葡撻雖然比比平時貴，但餐廳實在交足功課，面頭平均鋪滿焦糖，中間好滑，同平時食既味係有d唔同，個皮仲要夠哂脆身個包上次都有食過，今次再encore，包已經切開一半，方便食用，仲有堆粗大薯角，同芥䒩味既沙律！包中間係切好哂既乳豬絲，配以乳豬醬同菜絲，一次過食到咁多餸，食落又唔算太甜，岩哂我呢d懶人終於到個蟹粥，雖然天氣好鬼熱，但無阻我食蟹粥既決心，因為佢真係太好食啦！一大碗綿綿既蟹粥，配以蔥花同油炸鬼，原來唔單止有一大隻既蟹，仲有好大隻幾蜆肉，碗粥仲加左好多蟹膏煮成，難怪碗粥可以咁鮮甜呢碗湯飯都好多料，有魷魚、青口、蜆肉、大蝦同元貝粒，其實我本身唔係太鍾意蕃茄製品，但經過今次之後就完全改觀，新鮮既蕃茄加秘制既魚湯，濃郁清甜，配以海鮮既鮮味，果然係清新既配搭，建議各位食快d,，因為個飯都幾索湯，想飲湯既話一開始要飲多幾啖啦食完主菜，緊係要食返個甜品，鍾意食糖既朋友肯定會愛上呢個甜品，焦糖覆蓋住成個燉蛋，我要好用力先可以搞碎個面，入面就係好creamy既燉蛋，仲有一大球既香草雪糕同花生糖，食完真係好透心涼食葡餐點少得木糠布甸，個布甸有住一層一層既芒果醬，中間就係超甜既芒果肉，咁既設計，食每一啖都會有芒果味，食到飽飽地仲可以食下d開胃水果添，有西柚、士多啤梨、橙，仲有芒果乾添！…Read More

Yoho Mall 開左好多餐廳，知道有間係食葡國菜，好耐無去過澳門，所以去食下，回味一翻～呢到環境裝修都幾特別，好舒適。去澳門就當然要食葡撻啦，點左焦糖葡撻，外皮鬆脆焦糖面好惹味。辣肉腸松露芝士豬扒包，豬扒肉質鬆軟結合芝士松露配搭一流。馬介休薯仔球外面脆脆地，入面軟淋淋，仲有芝士醬，配上兩款醬汁，辣辣地既蕃茄乾，仲有酸酸甜甜的沙律汁。椰香雞雞肉都幾嫩滑，有濃濃既椰香味。荔枝味沙冰味道清新。同埋呢到既服務員態度十分有禮貌。…Read More

下午茶時間 餓腸轆轆又懶得去遠啲 試試新張不久的亞蘇爾啦～帶位的男主管態度友善～且看店內情況先咱們夫妻倆被安排在4人卡座 餐具是早已存在的 推推看這餐具架 非常的重 而且無法理解何以要放超越人數的餐具在內（備註：眼見鄰桌離去 餐具用不盡但又會全然收走）這樣安排餐具 增加了清潔時間 也很浪費水啊餐牌鮮明亮麗 但咱們尚在決定餐點時 店員卻送上了不知名食物 原來是錯送了 焦糖葡撻 $14 OK澳門英記餅家直送 但不夠熱 撻邊該是多次暖烘 一點脆度都沒有 宇治抹茶黑木槺布甸伴白芝麻脆餅 $42 賣相不錯看 左邊的濃配上右下水果的淡 置中則是中庸的白芝麻脆餅 木槺布甸不會太甜 淡淡的抹茶甘香很討喜 水果也新鮮開胃 白芝麻餅香但太厚身 整體合格以上 要挑剔的話 就是兩道甜點都沒sense地出現在主食之前⋯⋯格蘭披治 $48 OK無酒精特飲 以朱古力奶、新鮮薑、辣椒仔及黑椒混合而成 餐飲只供熱飲 但店員來了杯不知名凍飲來 再了解才願意更換 短短一頓下午茶 二次出錯了 說回飲品 有點嗆及辛辣 新鮮感是有的 但味道咱們也不太接受萄式椰香雞 $128 賣相不俗 也能做到香而不辣 椰香很夠 雞也弄得滑辣肉腸松露芝士豬扒包 $78 芝士剛好熱溶 配上辣肉腸與松露很罪惡 豬扒包也不會太乾 薯角綿香 不錯店子味道環境都合格 惟需改進的地方也不少1）落錯單/ 上錯菜2）店員安排：店員不小 但分工很奇怪 只有1人負責上菜 另1人一直在廚房分大量刀叉 另1年紀較大的女士 則黑口黑面行來行去 1人負責執枱 但很多桌食完一道道菜也不會主動去收盤3）可怕的洗碗姐姐：臨行前 見到洗碗姐姐出來了 肆無忌彈 0猶豫地往其中一枱吉桌取紙巾抹咀雖說無坐上客 但不代表其他客人不會看到吧 還是會再來的 但意欲不會強⋯⋯…Read More

星期天去了形點1期逛街，最近開的形點有很多餐廳，每次來都可以試不同的餐廳～今次看到亞蘇爾，看到都坐滿人了，應該也挺不錯，我本身也很喜歡葡國菜，可是香港葡國餐廳真的不多，想不到元朗也有👍🏾在門口等位已經看到美味的葡撻！好吸引😍餐廳原來很大，走進入內面還有座位的我的座位可以看到外面，感覺像外國的餐廳，悠閒的感覺椰香雞湯米，濃郁的椰香味，上面放了油炸鬼，要在它淋之前食掉，有幾塊小雞扒豬扒包比我的手掌還大！外面的麵包很脆，中間是一大塊豬扒，豬扒嫩，一定咬得開，配上沙拉醬，一大口咬下去很好食！薯角也很脆，比薯條更好食👍🏾我的口真的要張得很很很大！😂咖哩炒飯夠晒鍋氣！！炒飯粒粒分明，一定不是軟飯，有口咬！味道也不錯，淡淡的咸魚咖哩味，但不會很咸😋最後怎麼可以沒有我最愛的葡撻呢！撻皮很脆！有蛋香，上面的焦糖燒很香👍🏾👍🏾全部菜式也不錯，下一次可以再試其他菜式…Read More

yoho mall又有新食店喇，今次特別小小唔係一般既西日泰，而係葡國菜。菜譜有2本，一本係飲品，另一本係食物類。燒乳豬伴沙律，份量足，皮脆肉嫩。可惜師父刀工差一點點，有幾塊相連的。紅酒燴牛尾，夠味，但不夠淋。海膽蟹粥，每一口都有濃濃的海膽味，粥底十分綿滑。檸檬白酒香草大蜆，湯汁十分美味，大蜆很新鮮，無沙。葡國雞伴蒜蓉包，充滿椰香。手打墨魚餅，外層有香脆，內在彈牙…Read More

葡國生日大餐🍴三個人叫了四道菜大餐由拼盤開始～亞蘇爾小食拼盤 ($138)裡面有葡式辣肉腸、芝士馬介休球、魷魚鬚、香茜蒜香雞、香草蒜茸包等等除了芝士球和蒜茸包其他都好油膩味道一般里斯本脆皮咸豬手 ($168)等了一段較長的時間才來肉質比較乾整體味道都不夠咸豬手下面的薯角都是軟軟的上菜時店員會把豬手用煙煙薰一會兒但我們都吃不出跟一般的咸豬手有什麼分別馬介休咖哩炒飯 ($108)兩個字好鹹配料還算豐富不過真的太鹹了焦糖/咖啡/鮮橙檸檬葡撻 ($14/$16/$16)葡撻還是叫焦糖口味的就好其實是我吃錯了朋友點的鮮橙檸檬味啊 好像在吃肥皂總結就是儘管餐廳環境舒適但如果你想吃葡國菜還是去澳門吃吧😀…Read More

今天喺元朗型點，見到有一間食澳門菜的餐廳，門面及內𥚃現環境裝修真係吸引咗我哋入去試試。店員好有禮貌地安排咗座位俾我哋。坐下後先睇睇Menu，我們選擇咗三樣食物，分別係葡式椰香雞、牛肝菌鵝肝鴨飯，另外甜點叫咗兩個焦糖葡撻。大概等了十分鐘食物已到，先試試葡式椰香雞，雞肉很軟亦很香的椰絲味，葡汁也很濃，雞件份量都唔少而且大大件，加埋好淋嘅薯仔配葡汁真係不錯。牛肝菌鵝肝鴨飯是濕濕的，入口一啲都唔油膩，最激讚係有一塊厚厚嘅鵝肝，烹調得恰到好處。兩個主菜都有落三片咸咸地嘅辣肉腸，入口口感一流。，最後真係要試吓個焦糖葡撻，因為喺門口嘅廚窗見到已經好想食，個葡撻唔係太甜而撻皮是很多層，咬落脆脆地，好有層次感。亞蘇爾嘅服務、環境同食物質素真是無可置疑，下次一定會再去試下其他嘅食物~…Read More