Wa San Mai

今日試食嘅「和三味」，係傳說中嘅「香港三大鐵板燒」。原本訂咗晚上8:30，因為早啲嘅時段冇位。當天五點幾已在銅鑼灣流連，剛好有訂位取消咗，所以變成6:00晚飯最早食客。最初入坐嘅位置在細房中（不是包廂），要求下侍應順從意願找來近窗位置，地方比較濶落，減少侷促感。服務態度算好！侍應端上綠茶🍵、圍裙，親切又眼神討好的廚師就位👨‍🍳⋯⋯噠熱鐵板⋯⋯由一道簡單嘅墨魚沙律開始這套每位$990南非鮑魚配「佐賀牛」套餐。鮑魚+海鮮任揀一款：我哋二人就一個揀大蝦、一個揀北海道貝柱。新鮮嘅南非鮑魚肉質鮮美唔靭，但眼見佢哋在鐵板上掙扎，睇到個心唔舒服。北海道貝柱size大過$1銀, 肉質嫰，咬到一絲絲，慢慢在口中嚼出鮮味。大蝦真係幾大，如果可以成隻好似食雪條咁放入口細嚐更佳。可惜同Hubby試食貝柱同蝦，每人分得少少，未能盡慶。而蝦頭則膏少。季節野菜燒鮮冬菇及一圈洋葱。這一圈洋葱.....煑咗一段時間，色轉透明但仍嘗不到甜味，有啲乾涸。豆腐淋上甜麵豉醬，味道好夾。「佐賀和牛A5」， 薄切、厚切各要一份。先燒薄切，食落牛味淡，入口即化，肉質柔潤，有和牛口感。薄切包住洋葱粒同青葱粒，自己吃前將葱減半，怕葱味太重。厚切配蒜片，仍覺牛味不濃，燒到有燶邊，一啖一件。相比下薄切更勝一籌。最後，一大碗炒飯連味噌湯配菜等，食咗先至有飽肚感！為鐵板燒部份劃上句號。👨‍🍳廚師禮貌地道別後，二人在己熄火嘅鐵板前坐咗一陣，見無侍應跟進唯有主動告之己食完。隨後被引進另外一個「空間」享用餘下嘅雪糕同咖啡茶。地方有啲機場lounge feel.... 突然好想✈️點咗芝麻雪糕同柚子雪糕。芝麻雪糕內有很多雪片，太耐無人叫🧐？ 柚子雪糕就ok, 無雪片又有柚子味。今次純粹想試吓佐賀和牛，下次會試其他。這個套餐$990加一，某些信用卡有九折優惠。…Read More

[和三味] 食過幾次, 第一次係誤打誤撞無預訂走左上來食, 之後都醒目訂左位先, 因為呢度真係勁爆場,  呢晚準時 7點上到來 22樓, 門口都有少數食客正等待入座, 我地都只係等左幾分鐘就入到去, 今次係窗口位, 雖然都無咩窗外靚景睇, 但有窗口位既感覺又好似係舒服 D ! 來過幾次其實都係 order 返同一樣, 就係澳洲鮑魚套餐, 因為入面有自己最喜歡食既原隻新鮮澳洲鮑魚, 同埋有三款牛肉揀, 今次揀左澳洲和牛等左大概 10分鐘, 由鐵板燒師傅親自將食物一一攞入來, 首先就係大大隻既新鮮澳洲鮑魚, 反轉放係鐵板上仲見到鮑魚係度郁, 之後就蓋住焗一陣, 等候其間就先上左個沙律, 清下個口同腸胃,  又可以睇住師傅處理隻鮑魚, 鮑魚再切片慢慢燒, 師傅另一邊就整左 D 南瓜, 冬菇, 茄子俾我地食, 鮑魚整好上枱, 入口係好爽好彈牙, 之後就係整兩隻大蝦, 分開蝦頭蝦身咁整, 當然蝦身會比較快熟, 一樣係好新鮮好爽口, 再來就係清酒煮蜆, 呢樣真係睇表演咁, 而且有好香既清酒味,  煮完出來既蜆係岩岩熟, 好好味, 之後仲飲埋個酒, 然後就係燒薄和牛, 會做成和牛卷, 入面加左少少雜菜, 我地比較喜歡半生熟, 師傅話咁快就整好, 非常 juicy 好味, 跟住就係厚燒和牛切粒, 一樣係好正, 無肥膏, 有種入口即溶感覺, 最後就係炒飯, 每次來到見到 D 食材都好似唔會太多, 以為食唔飽, 但每次都係食飽飽, 之後服務員就會帶我地去另一邊房食甜品同飲杯飲品 !…Read More

今日星期六去咗銅鑼灣一間餐廳「和三昧」食鐵板燒，我預早係星期一訂位，原本想訂12:00，但餐廳要14:00才有位；我哋叫咗2份「南非鮑魚套餐」第1️⃣份套餐 包括：- 南非鮑魚 South African Abalone- 匈牙利鴨肝 Hungarian Duck Liver- 美國薄燒牛肉片 U.S. Beef (Sliced Beef) $400第2️⃣份套餐 包括：- 南非鮑魚 South African Abalone - 匈牙利鴨肝Hungarian Duck Liver- 美國厚燒牛排 U.S. Beef (Beef Steak) $440整體來說：鮑魚、鴨肝、薄燒牛肉及厚燒牛排都整得幾好味😋；今次負責嘅廚師是一位女廚師👩‍🍳，比較少見價格💰：$840 ($400 + $440 + 加一服務費$84 + 信用卡優惠九折 -$84)味道😋：OK…Read More

兩位用商務套餐包羅萬有，三個套餐價錢都包含象拔蚌、煎鴨肝、松葉蟹腳、清酒煮蜆、牛肉厚燒和日本豚肉生薑燒薄餅。分別在於美國牛（$800）、澳洲和牛（$920）和佐賀牛（$1,100)。我就試了佐賀牛，但沒什麼特別，相信食最平價的性價比會更高。值得讚揚的是每位師傅只負責兩位客人，享受到獨家服務。師傅三爬兩撥就把食材煎好放到你面前，可說是非常有效率，打工仔午市光顧必定能控制在一小時內。但像我一樣想嘆慢板的就太趕，第一道菜未食完，第二、三道已緊接推出。總括來說，味道、價錢、環境和服務都做到平衡，值得推介。…Read More

 特別日子給特別的我們   Teppan-Yaki  (For One Person) 一人前Special Set : 大蝦、北海道貝柱、銀鱈魚、牛肉Prawn, Hokkaido Scallop, Cod, BeefA Lunch Special A Carte:南非鮑魚SA Abalone沙律 Salad炒飯 Fried Rice麵豉湯Miso Soup咖啡 / 雪糕 Coffee / Ice-cream貝柱鮮甜、大蝦蝦味濃郁、鮑魚爽滑彈牙厚切和牛脂肪比例高, 肉質十分鬆軟。炒飯加入了先前已煎脆的牛脂肪一起炒, 原味十足。入口有少許奶香, 之後越食越有豆腐味道。  整體食材十分新鮮屬於高質, 服務也很好, 價格屬於高, 都是值得。…Read More

第二年食!公司聖誕飯8人食了$7557VIP 房，獨立廚師。叫了四個二人餐，龍蝦餐和鮑魚餐南非黑邊鮑魚好味，內臟好味龍蝦爽脆龍蝦湯鮮甜好飽!食完無油煙味，值得一讚!…Read More

午間搵食貼士︰訂位是必需的！今日見到有人無訂位，結果要等到2點先可以入座。勝價比高，部門午餐或獎勵自己必選！最重要係個別信用卡有折，分分鐘抵咗個加一。(記得訂位時問清楚最新優惠)和三昧品質係信心的保證！老闆請食飯，我地當然唔會手軟啦，結果去咗和三昧！我選了南非鮑魚餐，包括鮑魚一隻、北海道帶子一隻、US 薄切牛肉4片、湯、飯、餐飲/甜品(加10元可同時有餐飲同甜品)鮑魚十分鮮甜，當廚師放在我們面前時，鮑魚仍會動，廚師火候控制剛好，鮑魚鮮而不韌；帶子十分鮮甜，雖然唔係最大號那一種，但唔比係北海道食的差！終括嚟講，海鮮無得輸。牛肉雖然薄切，但係當中包住葱、洋葱等材料，惹味得嚟又唔會蓋咗牛肉的味道，廚師仲會細心問你要幾成熟。我選了五成熟，上碟時真係見到些許紅色，而且好軟身！飯、湯同野菜都好好，野菜仲會放係麵包上，唔會俾啲菜水養住。我雖然無食到甜品，但係咖啡都唔差呀！完全值得推介！…Read More

在香港吃鐵板燒是高消費的項目，人均差不多要一千多，所以特別日子才會吃。和三昧位處銅鑼灣，我先後來過兩次，每次都很滿意食物:5/5師傅就在面前做，即做即吃，而且上碟時每款都會介紹該配哪種醬。「龍蝦」活生生的龍蝦直接拿去燒，龍蝦在鐵板上還在動。師傅把肉起岀之後配以海膽炒，龍蝦鮮甜爽口，是我最愛的菜式。龍蝦頭會另外拿去煮「龍蝦湯」，是味噌口味。「清湯煮蜆」師傅倒入清酒時，火會燒起，很有視覺效果。而蜆非常鮮甜，湯也很清新，我們全喝光。「和牛」薄片及牛粒都充滿油香、好吃，不過薄片更滑。另有些牛肉碎會留作之後 「炒飯」用。「蚌」超級大，師傅切成一條一條，不錯但不及其他菜式岀色。「蟹棒」鮮甜但不覺得很特別。「銀鱈魚」裡面很嫩全部吃完還會有雪糕及飲料。性價比：4/5人均差不多一千多，比較貴但味道很好，偶爾吃一次也可。…Read More

生日對自己好D當然要食好DD。位於SOGO樓上，唔係d隱世食店極容易揾，鐵板燒位置靠窗邊，自然光透入感覺開揚。上次食過龍蝦，今次試下食鮑魚 前菜沙律 鮮淮山雜菜沙律 脆脆脆 勁新鮮丫嘩。。今晚既主菜呀鐵板豪燒澳洲大鮑魚+澳和牛2人前套餐澳洲大鮑魚 1隻鮮大蝦 2隻是日海鮮：日本螺肉酒煮蜆澳洲大鮑魚手掌咁大既鮑魚，話咁快成隻鮑魚出左黎我真係鄉下出黎未食過燒過既鮑魚都咁脆口，通常屋企煲湯、炆鮑魚，通通都係炆得好腍。唔知以為食緊刺身，但又有d焦焦味，口感真係唔識點講，仲之就好食到震燒大蝦 勁新鮮 大大隻超鮮甜，啖啖肉是日海鮮：日本螺肉 估唔到咁脆口架 酒煮蜆 用上錫紙兜盛載並在鐵板上用火令酒精揮法到一個點，才將大蜆加入慢煮 出來效果湯汁超清甜完全無苦澀味，大蜆超肥美爽滑 薄牛肉&厚牛肉(澳洲和牛) 薄燒和牛：正到爆除左和牛之外，師傅用上脆蒜片及露筍卷著卷著放到我面前。。。又一驚喜丫~~ 好正丫~~ 唔會齋食和牛咁罪惡囉厚燒和牛：medium丫~ 唔該 完全係師傅控制範圍之內，不過食完好飽 仲有個炒飯，真係食唔落，唔該打包真係又食又拎。比埋個menu你地參考吓總括黎講，跟2年前水準一樣。食材鮮，環景又坐得舒適。最爽係食飽主菜後，仲會帶你到梳化區慢慢嘆甜品、餐飲，待大家坐夠吹晒水先埋單，無人會啤啤貢你。呢個位咪就最LIKE…Read More

友人即將離港回崗，戰意超昂，決意要吃好的才再上征途。貴價一點，吃個高檔日本菜。未吃鐵板前，先有酸酸凍凍的沙律開一開胃口。鵝肝配多士，自是不變的法則。然而鵝油份略欠，未免打了折扣。古時殺妖有五味真火，今次還不是殺吃已夠的真真正正的三味真火？已經上枱的鐵板肉食已影過多遍，今次影的真章，乃師父在鐵板上的燒功。鐵板牛肉，未見其實，已聞其香，食入口是溶的，已經不用多說。連燒豆腐、冬菇、魚都要排列得整齊，日式燒物確實講究。魚燒得剛剛好；鮮冬菇勁香，豆腐更是既脆且滑，燒功非凡！再來的鮑魚更是妙絕！燒出來不靭，兼且還有汁的，食得出的心機之作。看師父兩三下手勢，不多的用料，便炒出近乎極品的炒飯，小人吃了兩碗都未夠，可知多美味！貴價貴食，是值得的一餐。…Read More

短時間裏去了兩次和三昧以下是綜合了兩次的食物  鵝肝煎得剛熟，外皮香脆，肝心油潤，香滑肥美底下的麵包印有店家的名字，基本上不會拿走，算是擺盤的一部份吧麵包有輕輕煎過，但不算是脆多士，軟軟的可以用來吸收多餘的油份  帶子新鮮肥美，大粒彈牙，煎得剛好不會老，但油下得有點太多  廣島蠔煎得很香口惹味，雖然小隻但啖啖鮮味有時會有特別優惠，幾抵食！  豚肉生薑燒普普通通，相比其他食物這個有點削  清酒煮蜆蜆肉鮮甜，清酒酒香醉人，清清地也不錯  大蝦啖啖肉，大隻鮮甜，原汁原味蝦頭煎得很香但我就不敢吃了  銀鱈魚肥美嫩滑，醬汁是牛油和豉油，略嫌魚身切得有點薄  美國牛薄燒美國牛牛味突出，香葱蒜頭非常香口惹味雖然不及和牛的油脂豐富，但用來做薄燒還是不錯  和牛厚燒生熟程度剛好，嫩滑不韌，油脂澎湃沒有多餘的調味，只是簡單的配上蒜片，味道無限可擊只是略嫌份量太少！  炒飯炒飯粒粒分明，鐵板做的炒飯總是好吃的  炒野菜芽菜幼嫩爽脆，口感豐富用餐後，店方會請你到沙發區吃甜品跟咖啡這是我不太喜歡的做法，我會寧願繼續坐在鐵板區看師傅表演呢！…Read More

酷愛日本菜的smart bunny 又怎會錯過頂頂大名的和三昧？在這裡用午饍，不訂位是不行的。這裡的地方真寬敞，smart bunny 喜歡這裡大大的窗，光線充足，帶來用饍好心情。與為食美人Z點了個商務二人餐另外加了件銀鱈魚。先看到食材，大大隻的蝦與蜆，感覺很好。吃鐵板超前先來點降火的，胡麻沙律，一向是我的最愛。再來的是白酒煮蜆，看師傅的精彩表現，真是值回票價。而蜆本身亦很肥美，無沙，酒湯也不錯。再來是大蝦，大大隻不是重點，重點是師傅調味，的確不錯，論調味，和三昧是比花盃佳的。蝦肉很彈牙，真好吃。再來是鵝肝及豬肉薄燒，水準平均，沒大驚喜。牛肉薄燒倒是幾 juicy. 另加的銀鱈魚味道調得佳，吃着吃着，smart bunny已很飽了。最後的炒飯，沒什麼特別，也只吃了幾口。鉄板燒炒飯，smart bunny 還是比較推介莊煮的牛肉粒炒飯。甜品揀了雪糕，smart bunny 及Z被帶到另外一邊吃甜品，這個做法很聰明，既可騰出鉄板燒枱的位置，客人又可坐在一邊休閒地吃甜品。整體來說是個不錯的鉄板燒午餐。…Read More

今日有假期, 再來到和三昧來個鐵板燒吧雖然餐廳地方夠大, 但食客真的很多, 起碼要早兩日訂位我們係三位的, 但鐵板燒的位好明顯本身是坐兩人的,現在卻放了三人位, 坐位比較迫我們點了個南非鮑魚套餐, 頭盤-沙津主食-南非鮑魚, 北海道帶子同厚燒牛肉飯-炒飯菜-炒芽菜甜品-雪糕/茶再另外每人加了大蝦, 清酒煮蜆同日本珍珠蠔今次安排了一間房給我們, 平常一位廚師只會煮一枱客的餐, 但今次廚師卻要煮兩枱的餐先來點菜開下胃先, 食個沙律先再食鐵板燒感覺上無咁油膩沙律個芝麻醬汁真係好好味, 菜又新鮮爽脆, 粟米粒小了點開始感到廚師有點分身不了, 非常忙碌, 同一時間急急的負責煮兩枱客人各不同的餐燒大蝦, 好大隻蝦, 廚師正起蝦腸中, 看來無上次那位般熟練味道又幾好, 蝦肉爽口能帶出蝦的鮮味此帶子本身係已經可以生食, 刺身用的那種, 夠大粒好有鮮味, 將帶子表燒脆, 入面仲係軟軟的, 口感一流睇下, 真係算大粒, 好厚身外面脆脆的, 原來和三昧仲有大帶子, 原隻連殼的那種供應, 下次要試啦此餐叫鮑魚套餐, 主角鮑魚煮好了看着鮑魚從活活的慢慢燒熟, 夠新鮮呀味道鹹了小小, 有點鹹鮮味, 不用加甚麼汁醬也好味我覺他煮得較其他廚師急, 又可能要分身應附兩抬客的關係,鐵板比較黑了珍珠蠔質感比較韌, 也算有蠔味, 這個好一般清酒煮蜆, 夠飽滿, 肉質好滑, 夠酒香好好味燒鮑魚肝, 好咁香, 入口融化雌性的墨綠色，雄性的淡黃色我特別喜歡墨綠色, 因為好咁香, 佢有一種好特別的味道所以下次如果大家吃燒鮑魚時, 記得請廚師留起鮑魚肝啦那片麵包不是吃的, 只用作吸油燒牛肉粒, 點叫Medium的, 牛肉味濃肉質水份足夠, 好味炒飯雖然用料不多, 但有粒粒的感覺每粒也好好味, 其實想知鐵阪燒炒飯靚唔靚好容易,用筷子從飯中間把飯夾起, 如果飯是一粒粒沒幾粒一齊黏着被你夾得起就係靚啦炒芽菜, 爽口, 味道清清的,送飯也不錯食完後股務員便請我們到和食的位置點飲品/雪糕,我點了熱奶茶, 入口滑滑有茶香的奶茶, 好飲總結-和三昧的食材夠新鮮, 今次坐位上迫了點, 所以減了環境分,廚師應一位煮一枱人客的, 其他也非常滿意…Read More

已有好一陣子沒光顧和三昧，上回品嚐刺身壽司，水準良好，今趟一嚐鐵板燒，可更準確評核此店的整體水準。 晚市有數款套餐供選擇，全部附送沙律、漬物、麵豉湯、炒飯、炒雜菜、雪糕及餐飲。 貴為高級日本料理之一，各樣菜式也不能馬虎，前菜也不例外。論賣相及用料，此店的前菜一點也不失禮。主要食材有蝦、帶子及三文魚刺身，用料新鮮清新，份量亦恰到好處，為味蕾胃納作熱身合適不過。 在品嚐前菜的時候，鐵板燒師傅已忙於準備食材及燒熱鐵板。眼見各款新鮮的海鮮食材，已覺食指大動。首款烹調的美食是活燒鮑魚。鮑魚有手掌那麼大，放在熱烘烘的鐵板後，鮑魚不停地扭動着。食材新鮮固然重要，但這樣的烹調方法確是有點殘忍，如散叫點菜的話，都不會點選這個。不消一會，師傅已嫻熟地將鮑魚除殼除內臟，並切片上碟。吃活鮑魚帶見的老問題是肉質偏韌及味道偏淡。未知是否烹調時間準繩，鮑魚肉質未見有過韌的問題，反而覺得有彈牙口感。鮑魚本身味道雖淡，但因烹煮時用牛油一起焗過一沒短時間，味道帶點牛油甘香，能彌補鮑魚味道偏淡的不足。 接着來的是大蝦及帶子。師傅先將蝦頭切開慢煎，蝦身去殼調味，不消一會已烹煮完成。蝦肉結實彈牙，蝦頭(膏)甘香撲鼻，同一食材，兩種享受。帶子產於北海道，味道鮮甜，品質有保證。第三款海鮮是青酒煮蜆。師傅先將清酒調味置於錫紙碗中用火燒香，單看紅紅的火焰已有先聲奪人之勢。後加蜆肉慢燒，待酒香緩緩滲入蜆肉後上碟。蜆肉飽滿，酒香撲鼻，青酒湯底香而不辣喉，享受多層次。當青酒味仍在口中缠繞不去的時候，鼻子又被另一香氣所刺激。眼前所見，是一件件肥美的鵝肝。看見鵝肝汁液在鐵板上緩緩溢出，已令人垂涎三尺。鵝肝外層煎得脆脆，內裡還呈微微淡粉紅色，味道濃郁豐富，值得推介。刺激過後，是小休時間，一客清新的沙律是一個好選擇。以青瓜、生菜、粟米及車厘茄作材料，伴以芝麻醬汁，味道香口得來不濃烈，感覺討好。接下來是各式雜菜，有青椒、豆腐及芽菜等。較欣賞的是燒豆腐，面上沾上酸酸甜甜的醬汁，味道不俗。吃畢海鮮蔬菜，另一主菜(牛肉)即將奉上。牛肉分三種不同級數，有美國牛肉、澳洲和牛及佐賀和牛。質素不同當然價格亦不同，差距達千元。既然沒有特別要求，最後點選了美國牛肉。老實說，這款牛肉賣相一點也不差，肉質鮮紅富光澤。食法有兩款，先是薄燒牛肉，師傅先把葱粒蒜粒炒香，然後快速地卷在薄牛肉之上。時間掌握要好，否則牛肉會過熟變韌。有了葱蒜作調味，味道固然美味可口。當然，要細意品嚐牛肉的味道質感，厚燒牛肉是上佳選擇。半生熟的成品，味濃肉汁豐富，口感鬆軟，較薄燒更能突顯牛肉的質素。再者，伴碟的烤蒜片的香口程度較之前的葱蒜粒有過之而無不及。主食方面，是香噴噴的炒飯。食材有紅蘿蔔、葱及肉粒，紅紅綠綠的色澤，配上黃黃的蛋先粒，色彩鮮明吸引。師傅用心地將飯粒炒至金黄乾身上碟，香而不膩，味道不俗。繼後奉上的是漬物及麵豉湯，味道未有特別驚喜。用餐完畢，我們被安排到休息區閒坐，並奉上雪糕甜品及餐飲作結。整晚用餐過程愉快。P.S. Citibank、HSBC及DBS白金咭有九折。…Read More

既是慶祝友人生日，也是讓自己從收拾新居中放假，聖誕假期的最後一天，與友人去和三昧品嚐嚮往已久的鐵板燒宴! 　被安排進簡單又充滿和風的鐵板燒位，才驚覺座位真的如斯有限，難怪以往數次提早1-2天訂位不成功啦!此店師傅相信經過精心挑選，除了技巧純熟，烹煮食物火候了得，連外型也不差，看得人份外高興。　午餐的選擇也不少，貪心每樣也想試，就點了一個business set lunch for 2($480)，內容覆蓋各式海鮮及肉類，穿和服的女侍也因應柯打，很快執起所需調味、道具。開始鐵板燒以前，先送來清新開胃的胡麻汁蕃茄沙律，然後食物徐而不緩的慢慢上場：　鵝肝-煎至金黃色的鵝肝十分肥美，外脆內嫩之餘，鵝油更緩緩流出，吃來甘香馥郁、感覺曼妙，明知製作過程殘忍，卻無法不為它深深折服!另外墊底的多士又是香脆不得了，除了索飽油份的部分，我將之全部吞進肚了!　清酒煮蜆-食畢鵝肝，以鍚紙包置於鐵板燒的煮蜆剛好上檯了，鮮活的蜆隻非常肥美，以清酒煮後肉質越發鮮甜，平日不好此味的我也覺得甚美味!　北海道帶子及大蝦-本來套餐是二者選一款，不過店方也可以安排每樣一半，讓食客試更多。燒過北海道帶子仍有濃濃鮮味，質感滑，好吃；燒過的大蝦則鮮香又爽脆，兩款都是水準之作，不需額外醬汁配搭，已經十分滋味。有點不捨將蝦頭讓給壽星，據說也很美味呢!　日本豚肉生薑燒-半肥瘦日本豚肉，加薑茸炒香後以薄餅皮卷起食用，帶有淡淡薑味也幾好食的!　美國牛肉薄燒-按要求做到五成熟，仍呈粉紅色的牛肉香嫩有牛味，中間夾有蒜粒更是增加風味，又是滿意。　南非鮑魚-套餐的海鮮/肉類至此已經完滿結束，但見鄰桌吃得暢快，與友人又貪心額外追加了兩隻($100@)。身體巨大的鮑魚上檯時仍在呼吸，新鮮度滿分，只見師傅氣定神閒將之慢慢固定、燒熟、加調味，又純熟的去除內臟(因我們要求不吃內臟，其實食客也可以選擇要的)，一會成品就上碟了。燒起的鮑魚質感豐厚、鮮香彈牙，點少量檸檬汁最為美味!　炒飯-食到尾段，師傅開始認真的打蛋炒飯，只見成品的炒飯十分飽滿、粒粒分明又夠鑊氣，雖然我麻麻好米飯，也得讚它確實有水準。漬物及麵鼓湯也跟隨炒飯上檯，漬物無特別不提，麵鼓湯則加入不少蘿蔔片，味道特清不會過咸，幾討好的!　炒菜及蘑菇-全餐壓軸的鐵板燒，清爽可口，是個滿意的結尾。　完成鐵板燒後，由女侍帶領轉到咖啡廳就坐，在更清靜清新的環境享受餐後咖啡/雪糕。我選的熱咖啡香濃甘醇，水準逼近UCC，我只嫌店方用上凍牛奶，稍稍影響了咖啡熱度；朋友要的朋友的凍檸水應該是正常水準。　問題來了：原來此店咖啡/茶及雪糕是二選一的，但我訂位時已講明會外帶心太軟(和三昧沒有甜品)，讓廚房襯以雪糕奉上的?!結果，店方免費將雪糕送上，並在心太軟上點上蠟燭，為友人製造了小小生日驚喜；心太軟其實只是樓下SOGO Beard Papa的出品，朱古力幾濃的，配以美味的綠茶同芝麻雪糕，都算是個完滿甜品句號~　很愉快盡興的一頓，寄期友人聖誕+生日+新年快樂，新一年健康快樂，日日有食神!!　更多相可見：http://hk.myblog.yahoo.com/gourmet-yan/article?mid=14553…Read More