God Of Sushi

前幾日係我既生日🎂老公就帶左我去食おまかせ（omakase)日本野開心下🫣 送左個仔返學，去到點半岩岩好開始食😌🍣前菜沙律．水雲醋物．黑松露茶碗漬水雲我好鐘意食，有d 滑滑地既口感，帶有酸酸地既味道👍而黑松露茶碗漬入面都好多配料。🍣4款刺身（排列由右至左）赤貝- 口感非常爽脆，仙鳳趾生蠔- 入口好creamy，配左d 酸汁味道剛好，松葉蟹- 配有香醋jelly，梭子魚- 面頭塊皮燒一燒，滲出油香🤤我最鐘意係呢個😳🍣汁煮吞拿魚鮫面頭有鱗，翻開魚鱗之後，入面有甜甜地既魚肉，好滑。🍣黎到壽司部分～北海道帆立貝壽司- 上面灑上岩鹽及柚子，好清新，深海池魚- 油脂感較重，輕輕灸燒後配柚子胡椒，辣辣地中和味道。鰤魚 (野生油甘魚）比油甘多左一份甜味，XL甜蝦，面頭既醬汁係蝦精華，面頭有炒熟左既蝦子加重蝦既味道。中拖羅- 上面配上魚子醬，大拖羅- 面頭配紫蘇花中和油膩感，右口魚邊- 師傅用火槍灸燒過，配埋脆脆既紫菜，滿滿魚油，好好食，我最愛白身魚🫶🍣時令秋刀魚刺身口感煙韌嘅秋刀魚，配上香蔥酸汁，好match。🍣三文魚子海膽丼飽滿嘅海膽配上香甜嘅三文魚子，上面有新鮮嘅紫蘇花，口感煙韌嘅珍珠米，簡直係絕配，好快就清咗碗飯啦🤫食完多款刺身壽司，飲埋碗味噌湯+柚子Jelly 作結尾，清新下個口腔👀好滿足既一餐。…Read More

-🦄寿司の神-DINNER OMAKASE Hkd1280🔻先付 Appetizer🔻お造り3品 Sashimi🔻寿司10貫 Sushi🔻吸い物 Soup🔻デザート Dessert-寿司の神-係元朗國一直口碑都唔錯身為屯門牛牛嘅我 反而無係元朗食過OMAKASE今次一食就食佢哋嘅晚市廚師發辦 晚市有兩個選擇個人覺得食1280嘅都好足夠 足以食到你好飽好滿足♦️北海道厚岸生蠔 ▪️Rating🌕🌕🌕🌕🌑人生中食過最大嘅生蠔 同我手掌差唔多大 好巨型好想一啖食咗佢 但基於佢太大 最後要分兩啖食🥺如果比師傅望住我不顧儀態咁一啖食哂會好尷尬...生蠔好鮮好鮮 而更多嘅 係好肥美 口感極佳基本上生蠔完全包覆住你條脷 你嘅口腔 好滿足之不過 佢嘅生蠔味又唔算真係好重好濃厚個種但真係好好食 唔需要太多嘅調味已經好足夠😈我仲食埋底層嘅昆布 但比店員阻止咗 好尷尬因為佢話昆布係用嚟墊住個生蠔 可能會有蠔殼碎如果想食嘅話可以叫師傅比多啲我食🤣好搞笑🤣♦️鰤魚 ▪️Rating🌕🌕🌕🌕🌑睇圖都見到 厚切鰤魚好肥美 入口即溶無得彈魚肉好嫩 唔明點解可以咁好食 都唔似食魚嘅油脂感好豐富 但一啲都唔覺得好油膩好討厭師傅先係鰤魚上落咗少許醬油 食嘅時候點芥末即可♦️油甘魚兩食 ▪️Rating🌕🌕🌕🌕🌘今次呢碟油甘魚刺身 師傅更加增添咗一啲花巧功夫佢輕輕用火槍 輕燒油甘魚 賣相真係好靚好吸引個人更加鍾意食炙燒過嘅油甘魚 有好綿密嘅口感本身未燒過嘅油甘魚已經油脂感好豐富好滿足炙燒完之後 呢種狀態真係無得輸 逼哂啲油份出嚟...♦️螢光魷魚 ▪️Rating🌕🌕🌕🌕🌑好耐之前曾經係xx郎食過螢光魷魚 但係覺得好難食而寿司の神嘅螢光魷魚完全顛覆咗我對佢嘅想像😨師傅輕輕燒過啲螢光魷魚 每一啖都係爆哂膏...我食完真心好驚 因為啲膏太爆 膽固醇都爆埋☺️除此之外 就係食到佢嘅鮮甜 佢嘅甘味 爽口彈牙原來螢光魷魚都可以咁好食架...嗚 ♦️茶碗蒸し ▪️Rating🌕🌕🌕🌑🌑一開始坐低無耐其實已經會送上熱辣辣嘅茶碗蒸唔同嘅廚師發辦嘅茶碗蒸都唔同 有啲就咁普通一碗有啲會加黑松露 而寿司の神就加咗蟹肉同帆立貝茶碗蒸し好鮮甜 蟹肉同埋帆立貝柱嘅份量都好多基本上可以食到啖啖海鮮 而面頭仲有食用花點綴不過我個人比較鍾意食較結實嘅茶碗蒸し而寿司の神嘅茶碗蒸し就偏向水汪汪嘅質地口感上就各有各喜愛啦 不過味道上係好食嘅♦️前菜漬物 ▪️Rating🌕🌕🌕🌕🌑前菜漬物基本上係無限添食嘅 師傅見你食完會補給所以你可以瘋狂咁食呢啲漬物 因為都真係幾好食😋有我好愛嘅子薑 我食新一碟刺身壽司前會食片薑蒜頭醃製過之後味道似泡菜 完全無蒜頭味 好惹味我諗最特別嘅都係冰頭漬 佢係三文魚鼻頭軟骨我聽就聽得多 食都係第一次食 好好食呀真係軟淋淋咁 再加上師傅有先調過味 微酸好開胃☺️冰頭漬我真心想瘋狂REFILL 不過好似唔係咁好...寿司10貫 款款都有驚喜 寿司飯係赤醋飯我鍾意呀😜♦️赤睦寿司 ▪️Rating🌕🌕🌕🌕🌑可以話係我係呢10貫寿司中最鍾意嘅其中一貫🤤平時好少見 係時令食材 次次見到都好想試今次竟然食到 有驚喜 師傅仲用火槍炙燒過 好正好似食緊一舊軟綿綿嘅脂肪咁 入口即溶已是常識師傅話要就咁搵手 拎起塊紫菜包住件寿司食所以我一影完相 抹一抹手 就直接品嚐 真心好食赤睦又有第二個名叫喉黑 可以婫美喜之次魚因為佢係深海魚 所以皮下脂肪先會咁豐富咁正面頭加少少蔥花又或者簡單嘅調味已經好足夠☺️♦️青森縣 帆立貝寿司 ▪️Rating🌕🌕🌕🌑🌑平時最愛食帆立貝嘅我表示呢件帆立貝真係好鮮好甜雖然無我平時食開個啲咁厚咁大粒 北海道個啲呢...呢件帆立貝寿司可以睇到師傅嘅刀功 係切得幾咁靚因為真係好新鮮 係好食嘅 有另類嘅滿足感 唔識講...♦️深海池魚 ▪️Rating🌕🌕🌕🌕🌑深海池魚有幾好食就唔使多講啦 不嬲我都好鍾意食池魚肉質鮮嫩肥美 脂厚油香 魚油又甘香細膩魚肉好嫩 基本上呢個口感無得輸 隻粉紅色又靚☺️♦️活北寄貝 ▪️Rating🌕🌕🌕🌘🌑根本無得同平時食開嘅北寄貝做比較 兩個層次平時個啲好似食緊一舊膠咁 有啲咬極都咬唔爛呢個入口清爽 爽口又彈牙 好易咬得開又夠嫩鮮味夠 師傅話彈一彈佢嘅肉質會更加結實 正🙊♦️石鯛 ▪️Rating🌕🌕🌕🌗🌑肉質嫩得嚟又帶點結實嘅口感 薄薄一切已經好滿足油脂感唔算好重 但係會有種爽朗嘅感覺 好食😋我都係第一次食 已經入咗我自己嘅LIST入面😆♦️富山縣 白蝦 ▪️Rating🌕🌕🌕🌗🌑白蝦寿司其實係我第一貫嘅寿司 想先來點清淡啲嘅就非呢個白蝦寿司莫屬 食到嘅係蝦嘅鮮甜味而已佢嘅鮮味同細嫩嘅口感係我印象最深刻嘅我食過嘅蝦寿司嚟講 呢碟白蝦寿司都唔錯☺️♦️白子盛 ▪️Rating🌕🌕🌕🌕🌕抱歉 身為白子瘋狂粉絲嘅我 無辦法唔比佢5分滿分本身已經去到最後一件寿司 師傅問我夠唔夠飽如果唔夠飽嘅話可以額外整多個手卷比我嘆吓不過我已經都幾飽吓...所以就拒絕咗呢個邀請🥺而呢個時候 我就問最後一件寿司有無機會食到白子無諗到師傅竟然話有 可以整比我食 太幸福🥰用白子取替最後一件寿司都唔錯 對我來講係小驚喜佢有別於我食過嘅白子 想必佢應該唔係鱈魚白子一粒粒好似雞子咁 食落更加豐盈飽滿超CREAMY...每一粒都好珍貴 我要好好沉醉於白子爆開嘅每一刻♦️馬糞海膽 ▪️Rating🌕🌕🌕🌕🌑我嘅第一貫海膽寿司☺️無諗到係嚟得咁突然 正味道甘甜 海膽味濃郁 仲會有回甘味 幸福感滿滿有幾CREAMY我真係唔多講喇 你哋去試吓啦😉♦️紫海膽 ▪️Rating🌕🌕🌕🌖🌑亦都估唔到 我食完馬糞海膽之後 隔咗件帆立貝壽司就輪到紫海膽嘅登場 真係無諗過會有第二貫海膽不過呢個紫海膽就無馬糞海膽咁有驚喜咁好食雖然佢都好食 但係海膽味嘅濃度比馬糞海膽淡佢唔係好濃郁 鮮中又帶點清 清中又有啲甜咁係另一種享受 不過我個人都係比較鍾意馬糞海膽♦️松葉蟹海膽 ▪️Rating🌕🌕🌕🌑🌑食完啱啱嘅紫海膽 師傅就比咗件好正嘅赤睦我嘆吓點知之後就整咗呢件松葉蟹海膽 無可否認係心思嘢我覺得松葉蟹絕對係主角 因為松葉蟹味實在太濃厚反而海膽味唔係好食到 佢只係弱弱嘅小配角海膽味完完全全比松葉蟹嘅味道蓋過咗 唔見咗🤣松葉蟹好鮮 海膽都好食 但佢哋好似做唔到朋友咁擺埋一齊無互相幫助大家去更上一層樓 相得益彰反而唔係太融洽而各有各發揮 不過都係我個人感受♦️洋蔥湯 ▪️Rating🌕🌕🌕🌕🌖平時啲廚師發辦最多都係得啲好普通嘅面豉湯飲呢個洋蔥湯好有驚喜 店員會提醒你飲之前要攪一攪唔好睇佢好似好清咁 實際上飲落好濃郁好豐厚個質感係清得嚟又帶點渾濁 再加上碗湯好足料飲嘅時候啖啖都食到唔同嘅食材 洋蔥味又香所以我真心鍾意呢碗熱辣辣嘅湯 真係好好飲👍🏻♦️甜品 熊本縣蜜瓜 ▪️Rating🌕🌕🌕🌕🌑唔係北海道嘅赤蜜瓜 熊本縣嘅赤蜜瓜都收貨👍🏻呢個時候未去到7-8月都食到咁甜嘅蜜瓜好開心味道就唔多講喇 好多汁好甜 師傅又切得靚擺得靚-總結一吓 我呢餐其實真係食得幾滿足幾開心☺️每樣食材都合我心意 當然師傅有問我最鍾意食邊樣我二話不說就答佢係白子 其次就係赤睦寿司其他寿司料理都好好食 真係詞窮唔知點講好我都只係提早幾日去預訂平日嘅晚市 好易訂位當日BAR檯都只係坐滿咗一半嘅客人 係我意料之外不過我個人小建議係 希望師傅可以多啲同客人交流感覺上氣氛會好啲 不過就咁望住師傅整料理都唔錯…Read More

今天是星期日，心血來潮地在早上10時左右打電話去預約，剛好預約到即日的下午1時45分這個時間。我們2人是第二次來吃午餐的omakase了，原來時隔快一年，碰巧是大約8月中至尾這個時間。今天看到都差不多滿座，有剩一個空位，有一行幾位的客人應該是熟客，跟師傅們都聊不完！我們先看看菜單，二話不說就要了第一個omakase套餐($500)。板上的漬物有柚子蘿蔔、蒜頭和酸薑。點餐後極快地蒸蛋(裡有冬菇、帶子、蟹柳和鳴門卷，蛋香又嫩。多數omakase都是配松露蒸蛋，而這個就是普通清淡的蒸蛋，我們2人反而覺得這樣更好，清清淡淡的)和沙律就送上來了。隨後白粟米(2件，很甜，爽口，新鮮)都來了。現在開始就輪到刺身4品：蜜柑鯛(4片薄切，配酸汁。不想要太酸就可夾汁酸汁裡的蔥花，放在刺身上再吃，或不怕酸就把刺身浸入酸汁裡，小編當然選前者，因為不想酸汁的味蓋得太多那個刺身的原味，但即使這樣做了，蜜柑鯛的蜜柑味仍然不太突出)。在這個時候才送上牛蒡漬物，不知是否有什麼含意呢，是故意還是只是在開始時忘了放呢。第二款刺身是深海池魚(2片厚厚的，配胡椒柚子醬。肥美但帶點爽口)。第三款是青魚(2片厚切，配蔥花、芝麻和薑花。魚味是濃，但味道挺快就散去，能燒多一點魚皮會更好)。刺身的最後一款是拖羅，有兩食。第一個是用紫菜和紫蘇葉包著吃，味道帶點清新，但拖羅本身不是很夠肥美，不過不失。而第二個是火灸拖羅刺身，漸變的粉紅色很美，咬下去感受到很明顯的兩種質感同時在口中，可惜同上，拖羅本身不是很夠肥美，也只是不過不失。以上4款刺身裡，小編較喜愛深海池魚，因為肥美的同時帶點爽口是挺令人印象深刻的口感，不錯。而遺憾的是拖羅並沒有表現的很好，不太滿足。然後就是料理一品的燒花魚，燒得不錯，很香脆香口，裡面尚算是多汁。現在就開始壽司7貫了：伊左目(配薑花芯，即是日本的茗荷。整體味道普通)、帶子(配岩鹽和柚子皮。帶子很鮮甜，整體味道的層次感很豐富，很出色)、蟹肉蟹膏(配酸汁啫哩。蟹味十足，但有不夠新鮮的感覺)、火灸蝶魚邊(入口瞬間溶化8-9成，但完全沒有覺得膩)、汁煮廣島蠔(蠔味很濃，熟成度剛好)、醬油漬吞拿魚(經醬油漬過，魚肉變得很滑，但整體都是不過不失)和最後的甜蝦(配蝦膏醬。蝦肉很鮮味帶黏口，蝦膏醬非常濃郁，味道有豐富的層次，出色！)。在以上的壽司裡，也再有感到遺憾的是吞拿魚不是很出色，加上以7款壽司來說，只有帶子和甜蝦會令到味蕾感動以外，其次是汁煮廣島蠔，其餘就不過不失罷了。吃了1個小時了，接近尾聲，這時送上一個豐富的三色丼(有香蔥吞拿魚蓉、三文魚籽和海膽。看到吞拿魚蓉的顏色就知道並不是最新鮮的；三文魚籽很新鮮，非常鮮甜；海膽較淡味，建議最先吃較好，因會被三文魚籽的味蓋過)。最後普通的麵豉湯和甜品是抹茶布丁。今次的用餐體驗對小編而言有點較第一次的遜色，不知是否期望過高，還是因為其間有試過其他的omakase然後有了對比。今餐都算是物有所值，只是沒有特別驚喜。…Read More

靜岡水果蕃茄好甜又多汁，上面加咗少少酸汁，開胃前菜生蠔兵庫縣生蠔體型大又肥美，加咗酸汁啫喱，肉質鮮甜爽口蜜柑鯛條魚食開蜜柑，所以食落會有淡淡嘅蜜柑香，加上柚子皮，令魚味更鮮甜平貝馬糞海膽輕輕燒過嘅平貝，啲肉係一絲絲非常新鮮，中間夾住馬糞海膽，上面加咗啲丹麥魚子醬，但絕對唔會搶咗海膽及平貝嘅鮮甜味道，估唔到咁夾鮑魚肉質彈牙，肝醬鮮味濃郁，撈飯食一流！八爪魚用紅豆煮成嘅八爪魚顏色偏紅，食落非常軟稔，一啲都唔韌白燒穴子輕輕燒過後有啲焦香味，外層燒得非常爽脆，但入面肉質軟腍鮮味十足深海池魚肉質爽脆，味道鮮甜沙追魚6月至8月當造，肉質滑溜，用昆布醃過，魚味更突出富山白蝦質感黏口，食起上嚟非常鮮甜北寄貝超新鮮，肉質彈牙大拖羅油花超密超多魚油三文魚子自家醃製，食起上嚟冇腥味，反而仲有一陣鮮甜味道海膽一堆根室紫海膽，超滿足，不過我都係鍾意馬糞海膽多啲呑拿魚卷用赤身及腦天包成，油潤嫩滑麵豉湯好足料！宮崎溫室赤肉蜜瓜超級甜，加咗少少威士忌，味道更突出連埋加一$1400一位，有咁多野食，抵食…Read More

寿司の神，位於元朗鬧市中的馬田路，在輕鐵站豐年路和康樂路之間。店鋪裝潢有如傳統日本餐廳，運用以棕色木系為主調，配搭木質的桌椅，加上吧枱的設計，一邊欣賞師傅的刀工，一邊欣賞美食，令人感覺舒適，讓我好好享受這餐的廚師發板！壽司師傅用心講解廚師發板的內容、每道刺身或壽司的名稱和來源，服務態度甚好。前菜前菜是龍蝦蒸蛋，小杯賣相精緻，龍蝦肉爽口、蒸蛋也很滑溜，鮮甜美味。刺身刺身一共5款，而大部分刺身平時都比較少見，有麥甘鯛魚、青柳、太刀魚、鰹魚、黑鯥魚刺身。麥甘鯛魚片片通透潤澤，加上師傅介紹這些魚用上麥餵飼，所以魚肉都很清新，帶少許麥香。青柳口感爽滑，配上岩鹽，吊出鮮味，也沒有想像中的香口膠口感，值得一讚。太刀魚外皮經火槍微微燒至金黃色，外層酥脆香口，火候控制得剛剛好，不會燒至過熟，肉質嫩滑又軟熟，再配上薑花粒和芥末，味道較濃。鰹魚魚肉爽彈，味道帶酸。黑鯥魚也經火槍燒烤過的關係，肉汁和魚脂都滲透出來，甘香肥美，魚肉柔嫩，口感豐盈而綿延。主菜北海道黑鮑魚＋燒星鰻黑鮑魚非常有份量，但我們只享用一半。鮑魚切件，肉質不會韌，配上香菇和鮑魚肝醬。鮑魚肝醬鮮味濃沃，鮑魚鮮味慢慢滲入口腔，不錯。星鰻比較薄身了一些，肉質比平時的鰻魚結實，魚皮也不會膠質，咀嚼的時候還會帶點彈性。表面被火槍燒過，吃的時候還帶點焦香味，外脆內嫩，完全沒有小骨，可以入口即化。壽司壽司一並8款，有鳥貝、深海池魚、燒平貝魚、北寄貝、墨魚、拖羅、肥拖羅、三色海膽。海膽壽司有3件，其實即是一共10件。北寄貝沒有平時放題吃的那麼乾和結實，反而肉質細嫩柔滑，質嫩爽口，味道更真實。墨魚肉質沒有想像中韌，不會像膠一樣，加上竹炭鹽吊味，也不錯。拖羅脂肪紋理分明，在口中慢慢咀嚼，入口軟滑脂香，細緻滑溜，油脂在口腔中融化。與拖羅相比，肥拖羅更是肥美的，油脂相當豐富，油香四溢，融化在嘴間，輕輕「酹」一點的醬油，滋味無窮。三色海膽一共三款北海道海膽，北海道馬糞海膽、北海道根室海膽、北海道口岸海膽。海膽軍艦每件都用上兩層至三層的海膽曡起，絕不吝嗇。海膽甘甜軟綿，入口即化，多重味道直陷我味蕾。馬糞海膽較甜，入口軟滑細緻，餘韻帶甘甜。根室海膽味道則較鮮和濃，個人比較喜歡。最後分別以蜆肉麵豉湯和甜品作為這餐的尾聲。甜品作為錦上添花的甜品為這頓飯畫上圓滿句號。哈密瓜吃起來相當柔軟綿密，香甜多汁的果肉讓人如痴如醉，連甜品也不叫人失望。晚市的廚師發板氣氛很好好，食物質素亦物有所值，師傅都會為每一道菜作介紹，服務態度甚好。不論招呼朋友，或是約會都是好選擇。特別誠意推介！…Read More

想光顧壽司の神許久，今次終於在午餐時間品嚐選了壽司定食$200，果然名不虛傳，食物質素高👍🏼先來一個超滑的茶碗蒸，太棒了，蛋面那片三角形是椎茸接着，5件壽司🍣，海膽滑口溶化、深海池魚肉質爽口、甜蝦、油甘魚、吞拿魚赤背，同樣新鮮好味😋😋😋，冇得輸迷你魚生飯，很多的三文魚子👏🏼，沒有腥味，還有不同的魚生粒，和爽脆的青瓜🥒唯一不太喜歡的，就是店內的燈光偏暗…Read More

不嬲中意食日本野，要數OMAKASE，相信大家都知元朗高手雲集，今次就黎試下一間係元朗都十分有名既「壽司之神」點左$900既SET前菜分別係八爪魚、大蝦、大根蘿蔔配Parma Ham同埋柚子啫喱。大蝦鮮甜彈牙，大根蘿蔔本身冇咩味，配咸味重既Parma Ham好合適子薑、牛蒡、准山牛蒡可以一口食哂，酸酸地，而且師傅仲沾左啲芝麻係頭，個感覺好似欣欣杯。第一次食准山係有wasabi 汁，食到最後都忍唔住問師傅可唔可以refill，師傅都好好人比多左幾舊。仲有子薑，本身少食日本餐廳啲薑，一黎本身唔太鍾意薑味，但呢舊就好易入口唔會好抗拒，食完師傅都有主動refill榨菜頭通常榨菜都好酸，特別係榨菜頭，反而呢舊就無乜酸味。真鯛第一道上既壽司，師傅話由淡味開始食起，呢款就真係清清地但又不失其魚香深海池魚食落比起一般既池魚爽口，重油份，但油而不膩，剛剛好油甘魚眾所週知油甘魚係出面食都好貴，亦都好受歡迎，有幸可以係壽司之神試到，不負所望，好好食，特別之處師傅係上面放左d柚子胡椒，柚子味同胡椒亦恰到好處。石垣貝今次見到師傅點處理石垣貝真係耳目一新，師傅將舊石垣貝放左係舊飯之後，會拍一拍，石𢬎貝頭/尾就會微微捲起。筋子好大粒三文魚籽！顏色亦唔係常見既橙色，呈深血紅色，食落好有口感，好滿足！鰹魚鰹魚湯就聽得多，就咁食真係好少見，食落去比普通再酸少少拖羅係傳說中既拖羅！香港有一股拖羅熱，師傅話係赤拖羅，超好食，師傅特登將拖羅快陪住醋飯食，個飯就咁食有啲酸酸地，好特別。秋刀魚師傅話係in season，成條都好肥美，但佢話下個月條魚會再肥啲，美中不足，不過已經好正赤鯥魚又一款炙燒，師傅話燒完可以逼佢啲魚油出黎，食落去更香，果真魚油味好重，但油而不膩牡丹蝦蝦既品種唔洗講，師傅再炙燒完蝦膏好似醬咁放係隻蝦上面，入放落口好濃既蝦膏味海膽手卷係傳說中既馬糞海膽呀！！！！師傅都毫不猶豫咁放左好多好多係手卷入面！好鮮甜！蟹肉面豉湯面豉湯一般都係得個咸字，呢碗就相反，仲有真蟹肉沉哂底，貨真價實富士山蘋果配杏仁豆腐一個甜味出既富士山蘋果配上淡口味既杏仁豆腐，看似簡單但其實都唔易整既杏仁豆腐，質感滑嘟嘟，清清地做今晚總結…Read More

元朗元祖級鮨店，今天終於有機會來試試。看到菜單上$240有10件壽司，$290有13件，$450則是壽司加刺身和食的套餐，還有其他價錢相若的選擇，比起其他鮨店均來得划算。(而且結賬時更不收加一哩！)早一天預約，店家說12pm和1:45pm也可，但各時段吧枱只餘2位，要盡快覆。我和友人選了1:45pm，翌日到店，上一場剛好吃完，到我們，兩場均滿坐。我們分別點了10件和13件餐，侍應姐姐捧上綠茶。首先是蒸蛋，水準正常，內有蟹柳、冬菇和鳴門卷片，冷天有碗熱騰騰的蒸蛋，已不錯吃，如果晚市可能有鮮蝦呢。接著侍應姐姐給了一小碗松露薯蓉沙律，很香松露味。旁邊的小缸蟹仔很得意，友人即拿起相機拍照，「是甚麼蟹？」友人問。「是澤蟹！」師父答。「吃得的嗎？」「不好吃的！」「椒鹽應該也好吃吧！」「…」師傅無言。漬物有牛蒡、酸蘿蔔和酸薑，味道醒胃而不太強，牛蒡爽口有芝麻香。終於吃第一件壽司了。第一件是鱸魚壽司，清清的，配上師傅少許調味，散發微微魚味。友人說鹹鹹的，她未吃過廚師發辦，仍停留在吃爭鮮要點豉油芥末的層次，我一早說過不用自己點的，她終於相信了。第二件是凡立貝，表面有海鹽調味，凡立貝不算很甜，普普通通。接著是松葉蟹，絲絲分明，蟹味清淡，如有點蟹膏便更能提鮮了。深海池魚，當造期雖是6至8月，但魚身厚、濃和有油香，好吃！油甘魚，厚身滿足，清爽，但魚味反而好像不及剛才的池魚。接著便是重頭戲了，中拖羅，吃落的確滿口油香，軟軟融化的口感，慢慢散發出特有的微酸味和魚味，好吃！海膽，壽司之神的軍艦卷個子好像比較小，但紫菜很香脆，海膽餘味不太濃但冰涼，可以。火炙竹莢魚，入口滿口焦香味，加上蔥絲，要細心品嚐微微散發的魚味甜蝦，口感軟糯，腦髓蝦膏不算太濃，仍可提出鮮蝦的甜，好吃！如蝦膏更濃更好吃。師傅為每枱客人加上醃大蒜，我們當然捧碟歡迎，大蒜配上濃郁的面豉香，爽脆醒胃。接著到我的額外3件。到這裡，友人的10件餐已完成，已說飽了！大家可能只見9件，其實有一件伊佐目我因貪吃忘了拍照（已忘記味道是怎樣的，沮喪）。友人起初還擔心不夠飽，我一早著她不用擔心！第一件是赤身，彈牙有魚香，正正常常，不過吃時自己不慎咬了一口舌頭，痛得我入心入肺，不知道師傅有沒有看到我痛苦的表情，汗！第二件是沒經調味的生鯖魚，原來生鯖魚的味道是很清和微甜的，據聞生鯖魚因很難保存，所以多數經過醃製，這次吃生鯖魚的經驗不錯！最後一件是火炙左口魚邊，師傅用紫菜包著一半拿給我，著我一口吃掉。整件壽司即時散發出焦香，魚汁和味由旁邊散出，加上紫菜的脆口和蔥花，很香很濃，魚邊口感煙韌，愈嚼愈有魚味，好吃！侍應姐姐捧上麵鼓湯，很夠熱，但鹹了一點。最後她問我們吃甚麼甜品，有綠豆豆腐布甸和芝麻雪糕，又說前者是自家製的，我們當然二話不說，要前者！布甸面上的綠豆汁很濃滑，香甜但不太甜，很和順好吃，加上豆腐布甸的豆味，吃得很是賞心樂事。總括而言，這次的用餐的確是很抵食的，飽得我晚餐也不用吃哪麼多。而且，師傅給壽司的節奏亦很好，見到我們夾壽司時有點猶豫，便意識到我們想慢一點，而且，師傅中途騰出時間處理order枱的壽司，也讓我們有些喘息的空間，沒有像趕收工。而師傅亦願意和客人交流，除每件壽司說明名稱外，聽到我說吃過壽司源，也主動問我有何分別，又說日本的壽司較清簡和著重魚味，港人口味喜歡較濃味。（壽司源因已數個月前吃過，印象模糊，好像調味較濃，壽司個子較大丁點兒，魚貨新鮮好吃，不過師父有點木訥，壽司放得稍急，吃得有點喘氣，師傅完成後便躲進廚房裡忙了）我們問師傅是否會用赤醋，他說以前有用，反問我們壽司源午市會用？我說壽司源也是用白醋的，不知道晚上會否用赤醋哩！而中間的師傅招呼中間的熟客，更做出不同赤鯥和放得高高的蔥花吞拿魚蓉壽司，客人說很高耶，我說還可加隻生鵪鶉蛋哩，我友人即說受不了，口沒哪麼大！所以這次用餐是歡快的！不過，談可改善之處，便是希望有多些貝類和不同口感的壽司了，友人說吃了很多魚，魚貨是新鮮的，但有時吃落差不多。不知道是否因價錢便宜和成本考慮，如果有赤貝、白鳥貝、三文魚子或墨魚等等，隨便換掉一兩種味道相似的魚壽司，相信感覺會有趣得多。另外，如果椅下有小欖讓客人放置隨身物品，感覺會更窩心的。…Read More

平日好少會到大西北食飯，因為返工返中環，放工入去都粒幾鐘，不過呢日BB叫到，咁就一定到啦，要把握拍拖時間丫嘛呢日就嚟到元朗壽司之神，嚟個omakase，睇下廚師點發板先~茶碗蒸，肥美嘅虎蝦肉，上面點上黑松露，香味濃郁，而底是蒸蛋，蝦肉彈牙，蛋好滑，好暖~油甘魚腩，肉質爽口，但唔油膩，鮮甜美味~赤貝，爽脆鮮甜~拖羅，本身拖羅較為油膩，廚師就建議用紫菜包住食，油膩感就較低，但又有魚腩嘅油味，恰到好處!深海池魚，肉質好有彈性，美鮮，配上柚子，好醒神!螢光魷魚壽司，魷魚細少但啖啖肉，原來仲有膏，入口好豐富~帶子壽司，帶子好大隻，好肥美，加上檸檬和海鹽，鮮味好突出!燒銀雪魚，火燒令魚油出來，再包返住銀雪味，肉滑到另一層次~馬糞海膽，新鮮，夠cream!醬燒吞拿魚，醬汁加上吞拿魚上，冇太大嘅油膩感，易入口~鰤魚較，熟了嘅魚肉，不鞋口，肉質嫩滑!洋蔥湯，堅魚和洋蔥煲出來嘅湯，仲有鮮菇紫菜配埋一齊，未濃，但有菇同紫菜嘅鮮味，為呢日嘅晚餐畫上完美嘅句號。~…Read More

幾個月後，與Mr.K再來壽司之神品嚐 Omakase，每次都充滿期待呢！因為想坐吧台，一早就已經訂好位，一邊望住師傅認真地準備各款食材，大享受也！想坐吧台的朋友要早預約，位置有限！先送上茶碗蒸，嫩滑的蒸蛋上面放上虎蝦，再以黑松露點綴，賣相吸睛又名貴。茶碗蒸口感滑溜，蛋香滲出蟹肉的鮮甜，而黑松露香氣令茶碗蒸層次提升，精美又不失美味！蒸蛋的小碗是燙手的，捧在手心帶來温暖，很喜歡日本菜的一絲不苟！Omakase 會由淡味開始，第一道是 油甘魚腩油甘魚活動量大，脂肪油份比較低一點，很適合作為開始的菜式，厚身的刺身魚味突出，魚肉彈牙，師傅加了柚子胡椒作調味，感覺清新不膩。赤貝肉質爽脆，帶有獨特而濃厚的海洋鮮甜味，同之前的油甘魚腩口感完全不同。最後一款刺身是人見人愛的拖羅，師傅以兩種方法去展現，品嚐出兩種風味～先以紫菜包著拖羅吃，紫菜的脆令拖羅的油感減少之餘，亦能嚐到油香。而就咁食就油香更盛，魚油入口即溶，有點肥膩但感覺好滿足！之後就是壽司啦～都是由魚脂比較淡的開始，第一件是深海池魚，池魚肉質透亮紋理清晰，肉質爽口有彈性，泛著淡淡魚鮮甜，加上柚皮的清香，簡單卻令人留下深刻印象。螢光魷魚壽司 小小的紫菜軍艦上放了5隻螢光魷魚，每隻都爽脆彈牙，細看下入面仲有膏的，師傅加了姜蓉作調味，一入口就感覺到爆膏的感覺，爽歪歪呢。大大粒肥美帶子放壽司飯上，口感軟滑，配上檸檬及海鹽，淡淡的咸味令鮮味更突出。新鮮鯖魚粉紅色的新鮮鯖魚，肉質細嫩魚脂比較高，配上酸咪咪的赤醋飯，平衡了油膩感。燒銀雪魚新鮮鱈魚經過火炙下， 油份一湧而出，未食已經聞到香味，魚肉嫩滑鮮味十足。醬燒吞拿魚經過醬燒的吞拿魚，咸香下使魚鮮更突出，減低肥膩感，啖啖肉好滿足。最後是馬糞海膽單看黃澄澄的色澤已知道海膽夠新鮮，質感超CREAMY又鮮甜，而且是極大堆頭，作為最後一道海上鮮，令人太滿足了吧！和食是鰤魚較，即成年版油甘魚，熟食後是另一個感覺，魚肉嫩滑魚味淡淡的。湯品是特濃洋蔥湯，以鰹魚高湯和洋葱熬製而成，單看濃稠得像西式洋蔥湯，但試一口，發現味道卻帶日式的細緻，濃湯加上鮮菇及新鮮紫菜，味道特別又好飲！在完結這餐omakase之前，當然少不了一點甜。是日甜品有兩款，我同Mr.K正好一人一款！豆腐雪糕配白玉紅豆，賣相精緻吸睛。豆腐雪糕味道濃郁，紅豆白玉上面撒著黃豆粉，白玉夠煙靭和黃豆粉一起吃很美味呢。抺茶豆腐布甸配黑豆豆腐布丁口感嫩滑，味道淡雅又不會過甜，配合濃郁的抹茶味，一甜一淡剛剛好平衡。…Read More

食壽司 我諗除左新鮮之外 一定係食個氣氛尤其係第一次去既日本餐廳 氣氛會成為你第一印象無論係餐廳環境 店內光線 待客態等等 都會成為你對間餐廳的指標遠遠走來 元朗有間「神」級的日本料理店 同行友人好雀躍經過多次入元朗經驗 大街小街都略有認知好快走到「神」之跟前和式外觀 份外吸引又安心簡潔 清澈 在淡淡的木制枱面上 感受到日式的執著來吧 廚師發板的衝擊 沒有半點不安 小小前菜 自家腌制鮮蒜頭 牛蒡 海帶洋蔥極度開醒爽口 原來蒜頭都可以咁好食 牛蒡同海帶亦係我一向比較喜歡的素食類 香口爽脆 北海道粟米蒸蛋蒸蛋可以話係日式食物中 頭盤之始 日本人對蛋既要求好高不同材料配合都一定要求 更何況OMAKASE呢?!用上北海道甜粟 粟米味道極度突出 加上蟹肉配合滑滑蒸蛋 可見時間控制上係掌握得好好 不會有一點過火 更可以清一清味蕾沖繩苦瓜胡麻沙律沖繩苦瓜 全國有名 爽而不苦 極好咬口食既時候都令我想起曾經的點滴 陽光海灘 快樂時光 加上鏗魚絲同胡麻醬 配合度好高 味道可以係咁夾一絲不句苟 乾淨利落 師傅們都係由日本學師歸來 象柭蚌新鮮空運到港 原隻即切 光澤非常配合埋岩鹽青檸 鮮味即時走晒黎 入口爽滑富彈性淡淡的 重重的 都在一口間出現 第一度刺身 慢慢帶你走進海洋世界認真 利落 傳統功藝的要求 深海池魚 池魚肉質透亮 色澤白中帶紅 未入口就知爽口甜度高深海池魚更是難見級數 光線下可以清楚見到紋理分佈 清晰淡淡的頻色 厚切入口爽滑清甜 新鮮?!我覺得係好似即釣即食咁 炙燒鮮鱈魚清淡過後來一個小高潮 香口油份高 新鮮鱈魚香港真係買小見小 要知道新鮮保質期短而且鱈魚價格不斷上升火炙一下 更令佢油份香味突出 未食已經聞到香味入口即溶 魚油香味由口直到喉嚨 可以要多一客嗎!!!!! 石鯛有夢幻之魚稱號 的石鯛 因為難釣比較稀有 游得快有利牙可以咬斷魚絲 所以肉質都份外爽口彈牙肉質鮮美 意猶未盡的美食!!!! 鰤魚 其中一個我們認識的名字叫油甘魚油甘魚大約四公斤重  鰤魚卻至少有十公斤以上油甘魚中等級最高的名字  因為活動量大 油份相對低一點但魚味極出 鮮甜無比運動得多  血管部份明顯   魚身都呈粉紅色入口是一陣野性的味道是夾雜甘甜  魚肉輕輕滲出魚脂香  清雅但不失濃郁  叫人牢牢記住它的鮮味 鮮北寄貝平時北寄貝食得多 新鮮識郁既你又試過未?!一上到枱面 師傅話用筷子拍一拍北寄貝點不知一拍佢就識郁 一下一下收縮 貝身好完整 亮澤而且挺身 入口係好爽好爽 鮮甜而且無貝個種腥味 鯖魚反光的魚皮位置 加上粉紅肉色 一見就知係鯖魚新鮮的鯖魚十分清甜 營養價值很高 當然鮮鯖魚比較少食 但醋鯖係我最喜愛之一鯖魚營養價值極高豐富魚油中含有豐富的不飽和脂肪 吃起來清澈爽口 肉質細嫩香甜 中拖羅拖羅之美 並唔係一味夠肥就得好多時大拖羅價格不及中拖羅 原因係大拖羅整塊魚油中拖羅反而係油肉分明 入口溶化之餘帶有口感 油香處處 口感獨突 馬糞每年春季 係馬糞海膽收成期 識揀岩時間食 鮮味無比 海膽係極度鮮甜!!!!!!!!!!!!!!質感好CREAMY好清爽 入口一刻配合埋烘培過既微熱紫菜完完全全中毒 作為最後一道海上鮮 完美作結!!最後師傅送上自家制柚子雪杷清新口腔之如 冷凍一下味蕾 柚子味濃而不過份 簡單用心 沒有違和感!!!…Read More

間中就會到元朗吃 Omakase，雖然遠，但價錢會比市區便宜一點。亦因爲這個原因，令到元朗擁有三家有名的Omakase。今晚到了其中一家。師傅先準備前菜，有麵豉蒜，牛蒡和子薑。黑松露金箔虎蝦蒸蛋閃閃的金箔令蒸蛋更見豪華。蒸蛋口感嫩滑，點綴的黑松露不過火，蟹肉鮮甜，虎蝦十分彈牙，這樣的蒸蛋令人十分享受。金目鯛薄身的魚刺身，魚皮稍稍炙過，沾上酸醋，突出金目鯛的鮮味。深海池魚深海池魚可以吃到兩種口感：銀色魚背的位置稍有嚼勁，而魚腩的位置十分爽口。燒拖羅這次拖羅用上根位較多的呑拿魚腩，師傅表示要用燒既方式，令魚的油脂都散發出來，再加上岩鹽， 提升整體的味道。炸帶子用紫菜夾住外脆內腍的炸帶子，非常香口。大大粒的炸帶子進食時要留意一下，因為即炸的炸帶子可能會燙口。赤貝師傅表示會先拍打一下，令赤貝神經收縮，入口時的口感更爽口。海膽壽司毫不吝嗇的海膽多得快要滿瀉，這次師傅選用了赤醋飯，而非一般的壽司飯。赤醋飯醋濃味，適合用於魚貝類。新鮮北寄貝非一般見到的紅白兩色，而是灰白兩色，入口比平常吃的北寄貝更爽口。螢光魷魚壽司螢光魷魚現在是當造季節，味道重而又十分爽口。新鮮青魚青魚的魚身較一般吃的白，少了一份"魚肉"的感覺，多了一份肥美的感覺。松葉蟹肉蟹膏蟹肉+蟹膏，師傅用料絕不吝嗇，令壽司感覺巨型。這個松葉蟹選用了松葉蟹公，蟹的味道濃郁。燒銀鱈魚入口即溶，散發著魚油香。日本特濃洋蔥湯質感似磨菇濃湯，入口稠感十足。湯中有紫菜，本菇，海苔粉。整體感覺有別於一般的味噌湯或魚湯，感覺耳目一新。豆腐布甸，墨綠色的表面是清新的綠茶味，豆腐布甸口感嫩滑，入口舒服。平常吃 Omakase 都會專注在食物，而這裡的食物質素固然好，一邊吃一邊欣賞師傅的手勢，亦是一種享受。今晚與師傅談了很多，師傅係一個健談既人，除了教了食物的知識，同時又分享了好多他既體會看法 ，就是很喜歡這種互動的感覺。在這裡渡過左一個愉快既晚上。…Read More

身為港島人踏入元朗區的我已經不是新鮮事，全因「廚師發板」令我遠道而來。元朗區暫時有三間進駐，而小妹今次就品嚐第二間。估不到平日放工我也來了，可想我對日本菜有幾鍾情。想約一位熱愛日本的友人就最好不過，起碼吃得盡興而歸。 地點不是在大街附近，跟著日本達人去覓食；不會怕迷路吧！在巷仔之間就來到今晚的主角《壽司之神》，能夠用「神」來比喻壽司定必有所驚喜及期待。 首先是前菜三食，由蒜頭、牛蒡、昆布蘿白等；吃得出蒜頭是經過師傅精心炮製，蒜香提鮮而帶有入味。非一凡的牛蒡帶點口感，全因添加了白芝麻，芝麻的香口吃起來更加美味。另外更有蘿白昆布，蘿白醮製後帶少酸大開胃。 北海道粟米蒸蛋 首先登場是蒸蛋，日本的蒸蛋對喜歡蛋的我大滿足。利用北海道牛乳蒸出蛋香嫩滑，添加了粟米更加清甜可口。 吃廚師發板理應由淡味到濃味，二月至三月是過了冬，魚身理應相當肥美而嫩滑。目仁奈薄切刺身屬於淡味魚，肉質軟腍面層加入了酸汁及柚子皮，為今晚的Omakase揭開序幕。廚師告訴我今晚象柭蚌是新鮮日本到港，新鮮的海鮮鮮味十足，不需要太花巧的醬汁，只需要加入青檸或岩鹽已經達到提「鮮」的效果。 深海池魚 開始逐漸變濃，這個深海池魚相當吸晴。魚身肥美而帶細膩；粉紅色的魚紋分明，底層的手握壽司的功力也顯出恰到好處。 炙燒鮮鱈魚 非一般的銀鱈魚與平常截然不同，首先新鮮不是雪藏貨已經加了不少分數。單看外觀魚身紋理清晰可見完全上乘之食材，不需要太多花巧功夫已經令人留下深刻印象。紫蘇葉在底部相當清新，魚肉鮮味濃郁而帶軟身；入口溶化，魚香漸漸在口腔中盤旋。石鯛 精瑩通透的石鯛刺身，在燈光照射下更加清晰可見。師傅切至薄身而細膩，添加少許芥末或醬油已覺得「鮮味」十足。Omakase 就是有這種威力，每款都由廚師精心挑選出來。 鰤魚 鰤魚的肉質軟中帶彈，魚肉在口中的滋味也介於紅白魚肉中間，有種很穩定的甜香，很適合在中前段品嚐。魚肉中段劃下的刀口，除了成品好看之外，增加了魚肉入口後彈性的層次。淋上少許的醬汁提甜，而且能讓肉香的餘韻溫和。 鮮北寄貝 新鮮的北寄貝總是有一種跳躍感。師傅只需要拍打象拔蚌還有跳動，不需要太花巧的醬汁，只需要加入青檸或岩鹽已經達到提「鮮」的效果。 鯖魚 鯖魚的外型相當吸晴，香蔥的頂層魚身肥美而帶細膩；魚皮銀銯綻出魚紋分明，底層的醋飯酸味適中，手握壽司的功力也顯出恰到好處。 海膽 北海道的海膽「馬糞」，其實真心很肥美。不過香甜的海膽完全令人一試傾心，輕輕吃了一小啖大滿足，怪不得成很多人說：「頂級就是它·別無他選。終於明白過中的道理，喜歡海膽的你切密錯過。 魚子 日本直送魚身精瑩通透相當吸晴，沒有選擇馬冀海膽卻換來這個魚子。魚子咬開魚油與魚香在口腔中盤旋，真心令人一試難忘，想再重來的感覺。 洋蔥湯 日本的餐具總是令人覺得優雅，輕輕打開後忌廉汁的濃香，洋蔥及蘑菇香熱騰騰相當美味，忌廉的濃郁而帶滑溜。 柚子雪芭 最後甜品是我喜歡的柚子雪芭，柚子的清新可以令到較早前的壽司濃味稍微調和。雪芭相比雪糕更健康而不太膩。 是夜再次踏足元朗區，品嚐此區域的第二間「廚師發板」兩間都各具特色；但最重要的是都是由日本直送為多，而且由師傅精心挑選更顯特別。期待下次光顧此區的第三間<<omakase>>…Read More

Omakase.....廚師幫我發辦  對於非日菜達人(即係本人) 真係超愛. 有人幫我唸埋食咩好野. 坐底時侍應哥哥(可能係經理) 話有專人於日本挑選當造食材, 每日空運到港, 即日供應保正新鮮及時令.  今日坐吧枱, 因為有靚仔廚師睇  日本料理師傅既手藝是一種享受.三款前菜, 其中最愛日本溫室甜蒜頭, 微甜爽口不辣. 第一次食, 勁LIKE茶碗蒸, 用三文魚子,虎蝦及甜豆, 面層加入日本渡蟹汁, 非常鮮甜剌身, 拖羅好重魚油, 食一片已好膩 , 師傅特別將第二片拖羅用脆口既紫菜及紫蘇葉夾著食, 減了油膩感 真係食多片都得呀. 螺剌身灑上岩鹽, 沾一下下面片青橘既汁食, 提升螺內本身既鮮味. 彷彿魚刺身(條魚做咩咁彷彿?), 魚味本身較清淡, 沾了醋, 夾著芽蔥既爽口, Good.真魚壽司 (我唸我聽錯左個名.....T.T....淨係知好味)其他壽司墨魚唔會好似魷魚咁黏口亦唔會韌海膽壽司超鮮甜, 好想食多件.....食完壽司, 上日式洋蔥濃湯. 沒有辣味, 係甜甜既洋蔥味, 味道很濃郁宇治抹茶布丁+黑豆, 金箔 ,  好靚, 布丁超滑, 沒有茶澀味卻抹茶味濃, 甜度適中, 大愛.....食晒....肥死.....抹茶控真係要一試日本Earl Grey 奶茶雪糕, 又係勁好味....肥多兩錢重另外叫左個汁燒鰻魚飯...即燒鰻魚, 邊邊燒得香脆, 魚肉仍然油汁豐滿, 等了較長時間但係好值得等!真係堅好食, 絕對貴得有道理! 任何時侯想食一餐好既, 呢度係一個好選擇…Read More

知道元朗有一間Omakase壽司店，從店名-壽司之神（God of Sushi)，我已猜測得到這店並不是等閒之輩，做得没水準的不會有這樣的自誇。今天父要往元朗辦事，就約了他去試試這間壽司之神。這店吃的是厨師發辦，吃得這一門，價錢當然會貴一點，但論到食物質素和款式，你會感到物有所值。這晚，我倆點了$1,000/位的套餐，餐裡面有前菜、刺身三種、壽司十件、湯和甜品。首先來一客金箔渡蟹茶碗蒸，還是第一次吃到的，是厨司在茶碗蒸上加上鱈魚的精囊，店員更重點介紹這是什麽東東，他怕我不吃，説這舊東西骨膠元豐富，我知道骨膠元是女姓的恩物，我當然不會浪費，吃落有新鲜感，加上熱騰騰的燉蛋，口感很滑溜，味道恰到好處。刺身三種厨師為我們預備了羽太魚、新鲜赤貝和深海池魚。要提一提什麽是羽太魚，一種我連名都未聽過的魚，厨師最後説即是石班，原来如此，這種魚做刺身，我是第一次吃，魚肉彈牙，Q得來帶脆，配搭少許日本醤油，美味美味。還有赤貝和深海池魚刺身，都是新鲜貨色，聽店員講解，全店的海鲜，是每日中午由日本築地空運到港，晚上就供客人食用，新鲜程度不用置疑，包括今餐裡的壽司，厨師發辦给我們的有章紅鱼、鰤魚、鯖魚、螢光魷魚、竹簽魚、拖羅、金目鯛、馬糞海膽、醤油漬吞拿魚等。重點要一讚的是伴碟的漬物，有甜味噌蒜頭漬、牛蒡漬和生姜漬，各有特色的漬物。甜味噌蒜頭漬用上日本甜生蒜，用味噌去除了蒜頭原有的辛辣味道，吃進口爽脆可口，我真的未吃過没辣味的蒜頭，加上厨師用上有甜味之酱汁，這晚我和父都没有錯過，吃過清光。最後，厨師送來一碗日式特濃魚湯，厨師説，是將全日所買來的魚之魚骨所煲來，精華所在，實至名歸。是晚甜品，是來自日本博多之甜皇-士多啤梨，吃過的人，就知道這種草莓，是如何的吸引，不用我多提了。總括這店，自稱得壽司之神，當然樣樣都要認真專業，否則怎對得起自己的招牌，做食客的，自然會吃得舒適，錢就使得樂意。…Read More