Empire City Roasted Duck (Closed)

烤鴨被譽為「中華第一吃」 更係御膳珍品添✨呢間滬菜館深得家中兩老喜愛 決定嚟試一試👅.📌烤北京填鴨 $298/半隻嚴選北京嫩鴨 皮好脆 肉質軟嫩帶點韌勁 連住少少脂肪 甘香唔油膩🦆用左果木燻烤 淡淡木香炭燒味🪵🔥荷葉餅好Q軟 包埋紫蘿蔔, 蜜瓜, 青瓜, 京蔥, 砂糖同秘製醬汁 味道清爽 層次豐富🫔.📌二崧炒鴨末 $98/2位呢到竟然有鴨架八吃‼️免治鴨肉碎好惹味 伴以香蔥同松子仁 更香口🦆揀左芝麻燒餅 烤至金黃酥脆 乾身唔油 平衡鴨肉味道 一啖食超滿足🙌🏻.📌淮揚灌湯小籠包(2隻起) $20每隻小籠包皮唔會太厚 夾起又唔易穿🤍新鮮蒸起 熱辣辣 咬開爆湯汁🍲肉餡飽滿軟嫩 豬甘鮮味濃香🐷.📌黑松露小籠包(2隻起) $32每隻肉餡加入黑松露 上枱已經聞到濃郁菇菌香 同豬鮮味好夾🍄‍🟫.📌清炒香菌小棠菜 $128小棠菜鮮綠爽脆 加埋大量雜菌 真係清炒 唔重口味🥬🍄‍🟫…Read More

雖然食過嘅北京填鴨唔多，但覺得呢間嘅都不錯，所以今次已經係第2次嚟食啦～ 不過其他小菜感覺都比較普通，賣相好似去咗大排檔🤣🤣 但為左北京填鴨嚟食都可以嘅，同埋星期一至四晚市主餐牌有85折，都算抵食。•🥢 烤北京填鴨(一隻)一隻北京填鴨會開兩碟上枱，所以配料同荷葉餅(包鴨嘅皮)都各有2 sets，配料有紫蘿蔔、哈蜜瓜、青瓜、京蔥、京醬同砂糖，都幾多款！荷葉餅有兩籠，每籠10塊，幾鍾意呢到嘅荷葉餅薄得嚟又好煙韌有咬口，包住鴨同配料食好夾！至於主角鴨就鴨皮同鴨肉會切到分開咗，但可以自己夾返一齊食，鴨唔會好肥，而且肉都多！•🥢 野菌炒鴨絲 一鴨兩食，所以叫左呢個炒鴨絲，鴨肉切成粗條，去晒骨，加埋野菌一齊炒，醬汁偏濃味，但食到晒成隻鴨。•🥢 鎮江肴肉 & 雕皇醉雞 (送)呢兩款冷盤都係送嘅👍🏻 醉雞嘅花雕酒味幾濃幾入味，雞嘅肉質都幾滑😋肴肉切成菱形再砌成雪花形狀，賣相夠晒靚～ 上層嘅啫喱同下層嘅豬肉比例為1:2，啫喱滑溜而豬肉鹹香唔肥膩，就算唔點汁都幾好食～•🥢 四喜烤夫呢個烤夫都係冷盤嚟，除咗烤夫，仲有木耳、冬菇仔同埋四季豆，全部都好入味，尤其是烤夫，吸晒啲醬汁，味道酸甜開胃🤤•🥢 尖椒花膠炒牛柳肉見呢個花膠炒牛柳肉幾得意就叫左嚟試下，呢個賣相都幾醜🙊 尖椒好辣，唔啱就咁食，所以應該係嚟調味，炒埋花膠同牛柳肉個辣味就剛剛好，但牛柳肉個肉質太腍，感覺醃得好犀利🙊 花膠就好薄身，似韌少少嘅河粉咁😂•🥢 淮揚灌湯小籠包 🥢 黑松露小籠包小籠包最少要叫2件，所以可以叫啲唔同味！小籠包皮薄，摺位都唔厚，餡料同湯汁都足夠🤤 另外叫咗黑松露味，一上枱早落超級香！但食落就無想像中咁濃味，但幾特別，值得一試！•🥢 金沙明蝦球 $上枱嘅賣相又係麻麻哋😂 蝦球好彈牙，但金沙(鹹蛋黃)炒得唔夠乾身，有啲蝦球痴得唔夠多金沙，另外加左木魚碎，呢個配搭都有啲奇怪🤔•中間仲有個小插曲，我哋其實仲叫左個奶油娃娃菜，但上晒其他餸同食到咁上下都無出現就同咗店員反映兩次，佢話幫手跟，但都無消失，點知之後見遲過我哋入座點菜嘅隔離枱嘅同一碟菜都上咗，我哋就叫店員取消咗order埋單無等啦🥲…Read More

性價比：7.5/10人均消費：$150話說逢星期五至日 11:00 - 16:00 片皮鴨有半價優惠，半隻份量 $298 半價後變成 $149，於是慕名幫襯。。。#片皮鴨(折實 $149)好味指數：❤💔🤍🤍🤍👉🏻好少會俾咁低分，但啲肉實在太硬太靭，仲硬過瘦肉，實在唔想食，只能依靠附送嘅醬汁去彌補👉🏻鴨皮樣貌唔錯，但冇咩鴨油可言，都係比較乾👉🏻要讚下四款配菜顏色鮮艷👉🏻餅皮幾煙靭，有厚度，每塊都係獨立用紙隔開#淮揚灌湯小籠包($16 一粒)好味指數：❤❤❤️❤️❤️👉🏻近年食過最好食嘅 #小籠包！完勝一眾連鎖上海菜餐廳👉🏻堅係皮薄餡靚，但唔會一夾就穿👉🏻湯汁鮮甜熱辣辣，唔覺油膩👉🏻肉粒軟硬適中，肉味算濃#岳陽樓叉子燒餅($24 一件)好味指數：❤❤❤️❤️🤍👉🏻原本以為入面有叉燒，原來只係燒餅😂👉🏻但估佢唔到咁好食，並唔係早餐店嗰啲燒餅貨色👉🏻最主要係一啲都唔油，勁乾爽，絕對值得一試👉🏻燒餅一共切做四小件，都夠兩個人 share 試食花素蒸餃 ($16 一粒)好味指數：❤❤❤️🤍️🤍👉🏻質素中等，比普通素菜餃軟少少👉🏻同樣價錢之下，小籠包明顯出色得多，所以 priority 都係俾小籠包😂茶位 ($13 一位)👉🏻茶就一般啦，但座位都算舒服，特別係同長輩飲茶非常適合結論：片皮鴨就算半價都唔想食了🙈但小籠包同燒餅必食😋…Read More

假日6點左右Walk in，入面好就滿哂人。主要想食片皮鴨所以黎試下烤北京填鴨(半隻) 有半價所以抵食，如果原價就未必考慮，味道正常，過口引ok，份量都算小，我同朋友2位就剛好。淮揚灌湯小籠包熱辣辣，皮夠薄👍🏻竹笙山水豆腐賣相有d衰🤣比想像中清淡，不過我覺得可以接受。想清清地簡呢款都唔錯。金沙蝦球有返碟濃味既菜式中和返上面🤭 滿滿既咸蛋包住蝦球，味道香濃，蝦夠爽口👍🏻 唯一就系d木魚有小小唔襯整體Ok既👌🏻👌🏻…Read More

黎到緊係要試片皮鴨啦！驚食唔哂所以揀左半隻，但呢個嘅份量算少，唔知夠唔夠半隻😂 不過味道黎講，鴨肉夠厚實，而且肥瘦適中，算幾唔錯，配菜除左平時嘅青瓜，仲有紫蘿蔔同蜜瓜，帶點甜味幾唔錯🙆🏻‍♀️鍋貼同小籠包都好味，餡料用豬肉製成，咬開小籠包有滿滿嘅灌湯，非常滋味🤤配上奶油娃娃菜，平時係屋企較少咁樣煮娃娃菜，口感creamy又唔會太油膩！(不過最後又係叫得太多要打包😂)…Read More

每次想食片皮鴨加酸菜魚都第一時間諗到大都烤鴨😋同男朋友已經有點菜嘅既定模式，每次都唔需要睇Menu，食嚟食去都係呢幾樣。🔸 烤北京填鴨(半隻) $𝟐𝟗𝟖如果比起外面其他餐廳食北京填鴨，呢一間嘅份量會相對上比較少，但係味道十分出色👍🏻👍🏻兩個人食，半隻就夠。鴨唔會油淋淋，皮及肉數量平均，唔會太肥🦆配料除咗包皮，仲有京蔥絲、哈蜜瓜條、🥒青瓜條、紫蘿蔔條，醬汁方面有填鴨醬同砂糖🧂我個人比較喜歡哈蜜瓜條加砂糖（超肥😛）哈密瓜條中和左鴨嘅油膩，好match❕🔸 農家酸菜魚 $𝟏𝟕𝟖另一碟Favourite非酸菜魚莫屬🤎有別一般酸菜魚，呢度嘅酸菜魚比較清淡同少油，配料以菇類及酸菜為主。食落有酸味之餘，口腔麻嘅感覺較強，每次食都覺得好過癮😍魚肉唔會太乾亦冇骨，但如果份量多番少少就更好👍🏻🔸 淮揚灌湯小籠包 $𝟓𝟓 小籠包亦做得好出色，小籠包皮唔會好厚，但亦都唔會好容易穿。一籠4隻，每隻都充滿湯同餡料，每人兩隻好滿足😋———📍 尖沙咀河內道18號K11購物藝術館2樓221號舖 | Shop 221, Level 2, K11 Art Mall, No.18 Hanoi Road, Tsim Sha Tsui🄾🅅🄴🅁🄰🄻🄻：其實呢間性價比幾高，食物水準保持得到，真心推薦烤鴨同酸菜魚🐟依家有時仲做緊promotion喺屋企，平日外賣嘅折扣都好吸引😍💰 ᴘʀɪᴄᴇ ᴘᴇʀ ᴘᴇʀsᴏɴ - $250up▫️ ʟᴏᴄᴀᴛɪᴏɴ ᴛᴀɢ - #尖沙咀_taltal…Read More

今日約左舊同學聚一聚，大家都話想食片皮鴨，最後就決定揀左呢間位於尖沙咀K11入面既大都烤鴨喇。環境方面，座位闊落，坐得舒服，唔會話逼住逼住咁，所以呢餐飯都食得好舒適。服務態度方面，等位黎講都算快，因為都比較多人等，但我地都係大約半個鐘就入到去。服務員既態度非常好，上菜速度好快，見枱面唔夠位會幫我地執走晒食完既碟。食物方面，咁我地一行4人就叫左4人晚市套餐，食物既賣相都好靚，當然味道都唔差。值得一讚既係呢餐飯既主角片皮鴨。鴨皮脆薄，鴨肉都好嫩滑，食落又唔會好油膩，係必食既一道菜。唯一美中不足既係份量有啲少，大家都食唔夠喉。價錢方面，晚市黎講呢間餐廳既價錢合理，咁既價錢食到咁高質素既中菜就真係無得頂。…Read More

最近咁啱想食片皮鴨，咁啱搵到呢間餐廳，咁啱見到佢做緊優惠，片皮鴨半價！！！！真係咁啱得咁橋🤣🤣🤣咁當然要叫片皮鴨食啦！嚟到成個賣相都好靚，有葱絲、蜜瓜、青瓜、蘿蔔條4個配菜，餅皮夠薄仲熱，鴨皮同鴨肉嘅份量都好足夠，鴨皮仲要好香脆，鴨肉唔乾，真係食完一舊接一舊🤤叫片皮鴨嘅時候我哋搭埋叫多個二食，叫咗個鴨肉末麥包(二位用)，呢個喺我哋食完片皮鴨之後先上菜，估唔到有驚喜，肉末味道好豐富，襯埋個包好夾，加上包仲熱辣辣，食剩嘅肉末如果用嚟撈飯真係一流🤤小籠包，皮薄多汁，價錢唔貴 值得一試👍🏻仲試埋個金沙蝦球，蝦肉爽口大隻，襯埋個金沙汁都好夾，唔會太咸👍🏻最近餐廳唔同日子仲有唔同優惠，值得回頭 哈哈…Read More

上次同朋友食過, 係我食過最好食既片皮鴨, 作為片鴨控, 今次同男朋友再過利食。而家星期一至五, 2點半後, 仲有五折優惠, 真係十分之抵。烤北京填鴨 ($278 半隻)皮肉分開, 鴨肉都有連少少既皮, 欣賞師傅有片走啲肥, 食過好多主打片鴨餐廳, 都唔會片走, 令整體感覺扣分, 另外而間配料都幾多, 徐了京蔥青瓜, 皮亦有配到白砂糖, 紅菜頭條同蜜瓜條, 抵得一讚!淮揚灌湯小籠包 ($55)合格高分, 湯足夠, 肉都夠鮮蘿蔔眉毛酥餅 ($60)愈來愈少點心店有, 酥皮夠香, 蘿蔔足料。總括而言，正價既話點心都拍得住酒店價錢，所以半價先抵食啦…Read More

完全冇察覺到原來我去咗大都烤鴨N次都冇幫佢哋寫過食評 今次要補償一下😅顧名思義 佢哋主打當然係北京填鴨同周邊小食 除此之外 佢哋嘅前菜都好出色 今晚我哋就點咗一客准揚灌湯小籠包同一客蠔油蘑菇佢哋嘅小籠包都做到皮薄餡靚 夾起嚟唔易穿 內裏湯汁滿溢 肉質鮮嫩至於蠔油蘑菇 因為加咗蠔油同麻油 所以食起嚟特別香口 而另外佢亦都細心咁用特別嘅鉸剪剪成一條條絲形狀 所以特別有咬口👍輪到主角 當然係北京填鴨 首先佢哋嘅配料比較特別 包括有蔥絲, 哈密瓜條, 青瓜條, 紫蘿蔔絲, 蠔油同砂糖, 包起片皮鴨肉同鴨皮一齊食 好有層次感 味道豐富 至於鴨身係用荔枝柴火燒烤 所以特別美味; 另外師傅刀工亦一流 然後再做多一重功夫, 就係會將鴨皮同鴨肉之間嘅肥膏切走 然後先上枱 所以食起嚟唔會有肥膩嘅感覺😋 再加上餡皮唔易弄穿有彈性 配合得天衣無縫 贏足北x樓九條街依家佢哋仲做緊晚市優惠 星期一至四光顧全單八折 星期五六日北京填鴨半價 原本已經好食 再加上減價 唔知優惠會做到幾時 所以好快啲去幫襯!…Read More

適逢平安夜，公司秘書拉隊出去午餐食餐勁嘅（簽老細張卡🤣）！一行七人，因為二人一台嘅禁令，包起咗間廳房。一於每台叫個二人餐，再叫半隻「烤北京填鴨」share~=========================揚州午市套餐（兩位用）$338套餐有六道菜，包括前菜、主菜、湯羹、小籠包，同埋麵食。◊ 大都二小碟裏面分別有「烏鎮餚肉」同埋「醬蘿蔔」。「烏鎮餚肉」上層晶瑩剔透，底層夾雜着肉碎，整體較鹹，配上陳醋醒胃。「醬蘿蔔」頗大件，蘿蔔爽口，帶醬油香，亦偏鹹。◊ 糖醋魚塊有七至八件魚塊，配料有菠蘿、青紅椒、洋蔥、椰果（？！😅）相信廚師選用罐頭雜果，糖醋魚塊有椰果嘅配搭幾新穎，但係熱嘅椰果食落有些少奇怪 😅 魚塊炸醬偏厚，加上唔係即整嘅關係；上枱時，已經腍晒 ☹️◊ 西芹百合炒帶子不過不失，百合西芹爽脆，可惜帶子有雪氣味 ☹️◊ 淮揚灌湯小籠包小籠包皮薄、多湯；見到裏面嘅湯汁盪下盪下。◊ 清水雞湯雲吞雲吞有兩粒，皮薄；仲有一件雞，雞件完整，相信係臨整好後加入碗中；碗底有火腿碎，但雞湯冇火腿味，飲完口渴 🙈◊ 蔥油拌麵先將碗底嘅豉油醬汁與手打麵條混和，面頭有爆香嘅蔥段，亦有新鮮蔥花，但因為爆香嘅蔥段爆至燶燶地（相信專登嘅），有苦味，影響整體味道。◊ 烤北京填鴨（半隻）$278烤鴨皮頗脆，脂肪唔多，但肉嘅部份冇醬料味，帶丁點雪氣味；配料特別，除咗京蔥、青瓜之外，仲有哈蜜瓜、紅心蘿蔔，帶嚟清甜味道，食起嚟唔會太油膩。餅皮薄，軟熟易包，可惜數量唔夠，而且唔熱。餸菜上枱時唔熱，最多只係暖，相信唔係即煮。員工有禮貌、有效率，而且地點就腳，可惜餸菜方面唔爭氣。=========================大都烤鴨📍 尖沙咀河內道18號K11購物藝術館2樓221號舖…Read More

突然間好想好想食小籠包同埋片皮鴨，諗住搵間坐得舒服D嘅中菜，所以就決定咗【大都烤鴨】喇😋【烤北京填鴨】每塊片皮鴨咬落去都脆卜卜，好似食緊紫菜咁🤣而且鴨肉好嫩，一d都唔韌，果然係招牌菜👍🏼【淮揚灌湯小籠包】上枱熱辣辣出晒煙嘅小籠包，望到都流晒口水🤤🤤🤤咬開表皮，入面嘅湯汁多到接近滿瀉😮豬肉餡鮮甜夠juicy，正呀😍【荷葉包鴨飯】每啖飯都充滿荷葉香，而且好足料有好多鴨肉🤩…Read More

細佬成日話呢間片皮鴨好好食，成日都會黎食今日媽媽生日，就決定同佢食個LUNCH跟住再去睇場戲片皮鴨係必點既, 由於我地有4個人, 所以叫左一隻放落枱賣相已經好靚, 每一塊鴨件大細都切到好平均!包住片皮鴨塊皮好薄，每一層都有用紙隔住，好細心!!個片皮鴨唔會好肥, 因為師傅會起左D肥油，皮同肉會係分開既，個皮食落係脆既, 食多幾件都唔怕膩！有砂糖同埋京醬做調味，個人鍾意2種都落哂!!另外佢有4款配菜比你夾埋一齊食, 以前食片皮鴨都只係有京蔥同青瓜, 呢度竟然有蜜瓜絲同埋紫蘿蔔!!真係第一次夾埋呢2種配料黎食!! 好有新鮮感,,好味!荷香包鴨飯食入口好香既荷葉味, 飯粒唔會太硬 (好多時出面都係用隔夜飯所以好硬)裡面鴨肉既份量都ok既, 仲有甜甜地既醬料, 如果人多都可以一試既花膠響螺燉雞湯呢度既燉湯一d都唔平,,$98一個但打開見到好大舊花膠呀, 旁邊仲有d津白, 入面仲有螺頭同雞件, 好足料, 成個湯所有餡料都食哂個湯好清甜, 冇多餘既油係面, 燉得好好!淮揚灌湯小籠包個小籠包個皮唔會蒸到乾哂, 打開既時候見到個皮都係濕潤有d湯汁係面夾起既時侯要好小心,,一夾起d湯汁就墜左係底,,好驚會整穿要用匙羹幫手呀,,建議咬一小啖飲左入面少少湯汁先..湯汁好鮮甜...之後再點d醋,,,跟住先再咬大啖d食個餡個皮唔會太厚, 都係必點之一食完呢個片皮鴨, 我終於明白點解細佬會黎食咁多次..仲話2個人叫一隻都食得哂, 雖然呢間餐廳價錢都唔平,,但我覺得物有所值既!…Read More

復活節假期期間同家人出外食飯，由於父親大人喜歡食鴨，聽聞這間餐廳口卑不錯，所以訂了位！訂位時店員會告知用餐分2段時間，第一段時間係18:00-20:00，第二段時間係20:00後！因同行有老人家，不能太遲食飯，因此訂了18:00！去到門口已經有好多人了，全部都有訂位的，心想好彩自己有訂位，不然不知等到何時才能入座？！有訂位的客人好快便安排入座，場內差不多都是卡位，可惜地毯破舊，令人有污糟感覺－坐下便上水果，通常小食多數是花生之類，這裡很特別，水果是蜜瓜及火龍果，清甜及健康收費是茶位＄15位，水果＄10位，另有加一服務費。由於我地覺得套餐比較低食，所以點了＄1288四人套餐，有:淮揚三绣牡丹蝦仁將蝦仁砌成一朵花般，綠葉用青瓜襯托，很美！味道方面不會過於濃味，蝦仁同青瓜好清新水鄉紅瑪瑙其實係海哲頭，口感厚身爽脆，醬汁酸酸地，好開胃黑松露素鵝餡料豐富有好香松露味，素鵝炸得好鬆脆，超好味停不了口！大都烤鴨（半隻）店員會將原整烤鴨比食客看過後，再拎比門口廚窗裡的師傅處理。烤鴨燒得金黃飽滿，賣相不錯 期待的片皮鴨上枱了，烤得色澤均勻，好吸引看到口水直流片皮鴨的皮與肉之間的肥膏已被處理掉了，所以吃不到肥淋淋感覺只會品嘗到片皮鴨的香脆，鴨肉的嫩滑至於包片皮鴨的麵粉皮，整得好薄不單可以吃到片皮鴨的香味，還吃到各種配料味道，不會只食到啖啖麵粉皮讚芹菜魚羹魚羹有芹菜的清香味，清淡而不咸，剛好解了片皮鴨的油膩感紅燒花膠遼參花膠同遼參妏得好淋好入味花膠大片有咬口開封包拯骨其實係將炸過嘅骨淋上鎮江醋。看似普通但味道有層次，排骨面頭酸酸地，咬落脆口，內裡有熱辣辣嫩滑肉質，不會炸得過乾，係我食過最好的金腿冬瓜雪用蛋白整成，面頭有冬瓜蓉，香滑清淡黃金蝦仁炒飯炒飯炒得乾身，粒粒飯都均勻沾了咸蛋黃，不會太油太咸，每一啖飯都食到咸蛋黃的甘香實在太邪惡了！淮揚灌湯小籠包熱辣辣，皮薄餡靚，有湯汁好味我地再加碟菜，鮮茄濃湯浸菜苗味道不過不失，不難食就是了！我覺得套餐的餸菜編排得好，有些濃味有些淡味，味道各自中和，食完後味覺令人有舒服感覺…Read More

之前黎食過, 對佢嘅酒糟鴨肝念念不忘 , 趁住小妹生日+Christmas就再黎食過啦 酒糟鴨肝$98雪凍咗好似牛油咁, 又有鴨嘅甘香, 夾一片青瓜, 減輕油膩感,  絕對令你食過番尋味雕皇醉雞$75一般啦, 骨多咗啲, 唔夠食 :( 梁溪小魚$98炸得乾咗少少, 食落唔夠新鮮, 唔多扺食(´･_･`)陪碟嘅脆米吸咗炸魚嘅濕氣, 都變得淋咗食唔好食鎮江餚肉$60餚肉切成花形, 夾起望落晶瑩通透, 味道都唔錯鮮肉鍋貼$42有小心燙口嘅貼心提示 :) , 打棟夾起尖端向下, 咬嘅時候肉汁流返落碗裏面, 肉汁真係好多如果唔係咁食, 坐隔離個個就可能會中「箭」喇 蔥油大餅$32好有蔥香味, 遠啲都聞到, 個餅好新鮮煎得幾好, 唔錯淮揚灌湯小籠包$42普普通通啦, 湯汁唔多蘿蔔眉毛酥餅$38睇相幾大粒, 實物黎到好細粒 :( 蘿蔔絲粗得黎唔淋, 雖然個酥餅手工好靚, 但整體黎講就差啲生煎包$42年糕紅燒肉$118年糕都幾入味, 紅燒肉食下又一舊食下又一舊! 就咁食好過餸飯 *睇返張單先知頭盤個幾粒生果每位收$10, 三位同四位個份量都一樣, 覺得唔係咁抵 **粉紅色菊花造型嘅冷盤一枝獨秀要早一日訂**…Read More