大都烤鴨 (Closed)

之前黎食過, 對佢嘅酒糟鴨肝念念不忘 , 趁住小妹生日+Christmas就再黎食過啦 酒糟鴨肝$98雪凍咗好似牛油咁, 又有鴨嘅甘香, 夾一片青瓜, 減輕油膩感,  絕對令你食過番尋味雕皇醉雞$75一般啦, 骨多咗啲, 唔夠食 梁溪小魚$98炸得乾咗少少, 食落唔夠新鮮, 唔多扺食(´･_･`)陪碟嘅脆米吸咗炸魚嘅濕氣, 都變得淋咗食唔好食鎮江餚肉$60餚肉切成花形, 夾起望落晶瑩通透, 味道都唔錯鮮肉鍋貼$42有小心燙口嘅貼心提示 , 打棟夾起尖端向下, 咬嘅時候肉汁流返落碗裏面, 肉汁真係好多如果唔係咁食, 坐隔離個個就可能會中「箭」喇 蔥油大餅$32好有蔥香味, 遠啲都聞到, 個餅好新鮮煎得幾好, 唔錯淮揚灌湯小籠包$42普普通通啦, 湯汁唔多蘿蔔眉毛酥餅$38睇相幾大粒, 實物黎到好細粒 蘿蔔絲粗得黎唔淋, 雖然個酥餅手工好靚, 但整體黎講就差啲生煎包$42年糕紅燒肉$118年糕都幾入味, 紅燒肉食下又一舊食下又一舊! 就咁食好過餸飯 *睇返張單先知頭盤個幾粒生果每位收$10, 三位同四位個份量都一樣, 覺得唔係咁抵 **粉紅色菊花造型嘅冷盤一枝獨秀要早一日訂*