Cow Cow Fresh

朋友話想食潮汕牛，但最近又無時間翻大陸，佢就揾左依間係旺角既潮汕牛放題叫我一齊試！去到發現除咗潮汕牛之外都仲有好多野食，有自家製飲品之外，仲有紅白酒任飲，真係好少見！熟食方面其中南乳雞翼同孜然手抓扒係我覺得最好食！潮汕牛肉火鍋潮汕牛鋪滿成個牛肉圈，好打卡！牛肉好新鮮，每塊都切得又薄又均勻。全部牛肉都係即場人手切出尼，又乾淨又衛生，放題仲可以任叫，真係好爽！湯底清澈鮮甜，令手切牛肉更加鮮美同更有牛味！海鮮拼盤拼盤有蝦、蠔同蜆！每樣都好新鮮！蝦肉非常彈牙，蠔都大大隻，熟咗都唔會勁縮水，依然好大隻！蜆亦都唔會有沙！南乳雞翼雞翼熱辣辣一睇就知超級酥脆，咬落去好多汁juicy，外脆內軟！雞翼醃得好入味，每一啖都充滿南乳香味！孜然手抓扒手抓扒肉質都幾嫩滑，唔會靭，孜然香味都幾濃郁。…查看更多

呢間餐廳由潮汕師傅主理，每日新鮮運到牛肉，用餐區可親睹師傅即場手切🔪任食五大靚肉位，連同8款火鍋湯底選擇，牛迷必定愛上🐮🍲潮汕牛肉放題 ($298/ 位)💗五指毛桃湯用上五指毛桃、椰子同排骨熬製，湯底清澈鮮美，帶有淡淡椰香味，有助突顯牛肉嘅鮮甜🥥💗手切牛肉圈 將五款手切牛肉擺成牛肉圈，非常打卡，上面標明每個部份應涮嘅時間，以下係個人嘅喜好排名🐂1️⃣牛胸油：牛胸油爽脆，帶有獨特濃郁嘅牛油香2️⃣吊龍：吊龍位於牛脊背上嘅肉口感軟嫩鮮甜，牛味相對最濃郁3️⃣匙柄：匙柄位於牛前腿上方，肉質細嫩，油脂唔多，肉味都較濃郁4️⃣雪花：雪花肉質滑嫩細膩，但油花分佈唔算多，缺乏油香5️⃣五花趾：五花趾係牛後腿嘅大腿內側肌腱肉，肉質較結實，帶脆韌嘅筋膜💗海鮮拼盤(🌟送🌟)海鮮拼盤有鮑魚、桶蠔、海蝦同沙白，全部都好新鮮，係食得出嘅高質素。尤其鮑魚超肉厚鮮嫩🌊💗放題自助區火鍋配料包括各樣蔬菜、菇菌、丸類、餃子、海鮮、內臟、麵類等🥙；同時提供椒鹽炸物作前菜🍤；飲品方面有各式罐裝茶飲汽水🧃；甜品方面亦有多款雪糕🍦👇🏼以下係最值得添食嘅項目💗沙白沙白每粒脹卜卜超鮮甜，最重要係完全無沙🐚💗手工黑松露蝦滑手工蝦滑爽口彈牙，帶幽幽嘅松露香🦐💗生炸南乳雞翼生炸南乳雞翼大大隻，炸到皮脆金黃，內𥚃嫩滑juicy，南乳味非常惹味香口🍗💗手工咸蛋黃魚皮脆卜卜嘅炸魚皮沾滿香濃嘅咸蛋黃碎，非常邪惡🐣…查看更多

香港食潮汕牛火鍋嘅餐廳唔係好多，旺角最近新開呢間火鍋店，極罕有推出手切潮汕牛肉火鍋放題！ 價錢仲好抵！ 三個價錢嘅放題餐正價由$198起至$388就食倒！叫到最高級別$388餐仲有豐富嘅海鮮拼盤😍😍🦞$388餐嘅海鮮拼盤有龍蝦、蟶子、鮑魚、蝦、蠔、沙白、鯇魚片，全部都好新鮮鮮甜，龍蝦啖啖肉，鮑魚大大隻夠爽彈，啲蝦都好鮮甜。💜呢度自選湯底有八款，潮汕牛骨湯同埋滋補藥膳湯都係店員推介，我哋試咗藥膳湯，有別於其他火鍋店濃郁嘅湯底風味，呢度嘅湯底反而係比較清淡，但係咁樣就食到潮汕牛肉嘅原味☺️ 鍾意湯底比較濃郁嘅朋友建議揀返沙嗲湯底嗰一類。🐮手切潮汕牛肉有五個部位，包括匙柄、吊龍、五花趾、雪花牛肉同埋牛胸油，我鍾意佢呢度嘅牛胸油係連埋牛肉切，並唔係真係成片白色，油脂平衡咁樣切特別好食💜除咗潮汕牛肉，仲會有美國肥牛、牛板鍵供應，照顧唔同朋友嘅口味。肉類另外都會有豬肉同醉雞件。🥒潮汕涼菜同埋小食都有得食，推薦必食潮汕南乳炸雞翼同埋炸潮汕牛丸。另外自取區有多款火鍋配料任攞，亦有隨機唔同嘅炸物小食供應，當日有炸雞軟骨，我覺得炸得超好食！🍺啤酒汽水任飲，自家製港式奶茶、涼茶以及冷泡茶都有；雪糕雪條選擇都算多，我鍾意佢有香蕉仔雪條，係兒時回憶啊🥰🥛🧧記得最後一定要同店員講想試吓盲盒開運甜品，其實係一個加咗幸運符嘅酸奶，每個人抽到嘅幸運符都唔同，睇吓今日你嘅運程係點樣☺️好玩又好味。…查看更多