倫哥火鍋私房菜 (Moved) New Location

前菜有兩款，麻辣四季豆&麻辣雞腳，兩款都好好味，坐低左又等緊個雞煲黎既時候，不妨可以試下。雞煲有分好多辣度揀，我地一煲唔辣，一煲中辣，我地跟住佢張instruction紙教我地點炒煲雞，就算自己落手落腳炒都炒得好好味，d雞既肉質好嫩，真係好正！海鮮拼盤，d海鮮非常、十分之新鮮！最緊要係，除左帶子同聖子，其他海鮮都係任食，包括有：龍躉片、鯇魚腩、馬刀貝、蜆、蝦⋯⋯邊爐湯底有幾個選擇：蕃茄薯仔、芫荽皮蛋、蟹湯同埋龍蝦湯(另加$30)，我地揀左一煲蟹湯，另一煲龍蝦湯，兩個湯都係放原隻蟹/龍蝦落去煲，所以成個湯底都好鮮味！邊爐嘅配料有好多款，最出色係芝心牛肉丸，芝士味好濃，牛肉食得出係手打牛肉，好正！整體來說，好好味！又任食，又唔限時，係朋友聚會既好地方！

我地先頭部隊未到六點就到，店員提我未開門，不過見我地有七個人，都安排我地先坐，仲可以拎住汽水和五花茶飲住等，抵讚~到來先聽到同事話這間店好難BOOK，可能我地多人，所以我早兩星期多已經打黎BOOK，好彩都BOOK到~先來介紹我地食左D咩先:前菜有雲耳(酸酸地)同青豆(少少辣)，自己任選醬料，任飲既有汽水、五花茶，本來慕名而來想一試的西瓜汁，店員說因季節已過，已經沒有了，可惜~到六點幾，店員見我地都未齊人，建議我地可以先食雞煲，所以我地先來兩個雞煲(BB辣、少辣)，之後齊人就再叫多兩個(中辣、超級辣)，店員教落每2分鐘要攪1次，攬4次就OK，雞肉係好味，不過最正是有豬皮、牛柏葉，入哂味，留到最後食就最正，食完雞煲就開始今晚的主角，今晚有鮑魚同大閘蟹，每人一份，約$300元有雞煲、海鮮邊爐、鮑魚同大閘蟹，已經覺得不枉此行了~好，到今晚的海鮮邊爐了，有兩款湯底，蟹湯和龍蝦湯底，打邊爐用龍蝦湯底確是少見，雖然要加$30，不過正如店員所講，我地十五個人，每人都係多$2，點都要試啦，幸好叫左龍蝦湯底，有整隻龍蝦食，同事食完都話正呀~打邊爐最重要的除了個爐之外，當然要睇睇有咩材料啦，有海鮮拼盤(聖子

近日經常聽朋友提起倫哥火鍋（其實連我去按摩個技師都有講），終於4星期前預約成功，留左張卡位今晚食個夠！卡位坐6個人超級鬆動，自成一格點嘈都得，因為我地真係好嘈！講番野食，先食雞煲，同事不斷提醒烹煮方法，先煮8分鐘，再每一分鐘搞一次，好嚴格😅，不過原來咁先唔會燶，唔會乾水😏（隔離檯應該冇跟指示，聞到燶味😂）齊人先上雞煲，叫左小辣，開蓋已經聞到香味，雖則肯定係冰鮮雞，但係食到嫩滑，食到麻香😋，再加埋水魷魚同豬皮同撈，入哂味，6個人要搶食。👍🏼跟住上象拔蚌刺身，要額外預訂，夠哂大隻，6個人食可以夾幾轉，唔駛就住食！冰鎮令刺身夠爽身👍🏼當友人問係咪差不多食完之時，我提醒其實主菜才剛剛準備，西瓜蟹煲打邊爐開始喇！先飲2啖湯，好清甜！肉蟹果然夠哂有肉👍🏼跟住陸續上邊爐鍋料，大部分都係任叫任食，連海鮮都係😳雖然牛肉唔係任食，不過咁既質素既手切牛肉，每2位任食價錢已包一碟，唔係任食都好合理。況且加單都係$30一碟，真係抵食到冇朋友！睇下雪花幾均勻😍重有，罐裝汽水任飲，健康既可以飲五花茶！其實$278/位呢個價錢，真係好過自己買料搞一大餐，大班朋友聚會確實係一個好選擇！🤗唯一係一定要幾個禮拜前訂定位，即

是夜同同事食團年飯，一行17人，早一個星期打電話去book 枱，預留左間房比我地，一入去驚喜，因為一心以為要分2張枱，點知可以一齊坐，伙記話第一次咁樣拼枱，好開心！我地17個人，有3個爐，我地先叫左雞煲（可以㨂辣度）同羊腩煲，兩個都好好食，d肉好滑！！雞煲可以refill，佢會叫你倒d骨入去煲到，然後上一煲新既比你。呢個好好，因為可以清清枱上既骨食完煲，就到打邊爐，都係會換個新鍋，佢有2個--> 蟹鍋同龍蝦鍋，2個都好足料，不過第一次黎既就可能有d唔慣，因為佢係冇點心紙比你剔，而係想食咩直接叫，當然你問佢佢會答你幾＄一份啦。呢2個海鮮拼盤係跟埋的～有飽魚、生蠔，魚片、帶子，象拔蚌、青口，全部都係新鮮的！！！2個人包一碟牛肉！d肉好林好好食！我地叫左打半啤酒，埋單每人＄300左右。真係好好好好好抵食！因為團年飯可以一大張枱真係加好多分！呢到有汽水同五花茶都是任飲的！不得不提係佢地d伙記真係好好服務又講得笑～一定會encore！！！