Issyoukenmen (KOLOUR • Tsuen Wan I) (Closed)

一生縣麵一直都係好值得食嘅拉麵店，但係之前係旺角店一直想試吓一生懸麵嘅雪糕拉麵，但係一直都食唔到，點知去到都係食唔到。不過，食到平時食開嘅海老拉麵都係咁滿足嘅。…Read More

一直都好想食呢間超出名沾麵，但旺角店較細，又無的起心肝排 後尾試過地區團購可以係屋企一睹風采之後念念不忘，今次行過荃灣見到分店又大又坐得舒服，因為係商場入面所以排隊位仲要有冷氣，毫無懸念入嚟食 平日早啲嚟仲要唔使等位直入，座位寬闊舒適仲有梳化座，專登行過黎食爸爸都即刻無炸型呢度有沾麵同拉麵，兩隻為食豬當然想試哂兩款，咁就叫唔同口味啦 叫多個小食share，再加一人一野飲，加埋都唔駛$300食到捧住個肚走，真心抵食爸爸係門口見到期間限定既海報已經心心眼 蠔係我地兩個既favourite，呢度個沾麵連個沾汁都用左牡蠣汁，必試三隻蠔非常飽滿肥美，輕輕用火槍燒一燒至表面金黃，裡面仍然多汁唔乾，一咬落去滿滿蠔汁爆出，超正牡蠣沾汁用蠔同豚骨熬製，兩者味道比例平衡，濃郁稠杰得黎夠鮮味 仲有紫洋蔥絕對可以除去海鮮既腥味粗蕎麥麵條沾湯汁食好夠掛汁，凍麵熱湯既正宗沾麵食法先可以保持到麵條彈牙唔過腍，食落去唔糊口，仲係條條分明拉麵就要左海老湯底，因為外賣無試過拉麵，第一次食呢度既拉麵都好滿意，熱辣辣係得堂食先做到櫻花蝦基本上係鋪滿晒成個碗面，超級足料又夠鹹鮮味 拉麵本身已經有半隻糖心蛋、兩塊厚切半肥瘦叉燒同埋筍乾，唔額外加料都非常豐富幼麵夠彈牙，鍾意食硬麵嘅我都覺得佢個口感唔錯。果次外賣唔敢食炸雞，怕外送到屋企會好腍。今次堂食終於有機會試，果然炸得非常乾身唔多油。最重要係入面嘅雞肉仍然好嫩滑多汁，選位唔會太多肥膏，咁既價錢有咁大隻既四件係超級抵食野飲分別叫左綠茶可樂同埋Sage既蘋果桂花烏龍有氣茶。前者比普通可樂多左份抹茶味，本來唔太鍾意飲可樂嘅我都覺得幾好飲。後者Sage既出品本身都係行花花路線，除左靚包裝仲有花花香味，用上台灣直送原片茶葉同埋香港製造嘅桂花糖，蘋果味就係100%純蘋果汁，係非常有心思嘅香港品牌…Read More

一心係黎食雪糕拉麵...點知去到攞飛時已經見到售罄...失望...但眼見當時7點幾就快8點...都要食飯嫁...咁就繼續等位入去食其他拉麵...可能星期5晚上...所以都等左30分鐘先入座...同hubby一人一碗麵...佢食海老拉麵...我就食辛辣拉麵...首先煎餃子上菜先...冇乜特別...之後跟住就係海老拉麵湯面鋪滿左一層嘅櫻花蝦乾...唔理咁多試啖湯先...一心以為咁多蝦乾係面...應該好大機會會好咸...點知又唔係wo...入口就有濃濃蝦味...濃蝦湯底配幼身拉麵...拉麵掛湯效果都唔錯~!最後黎辛辣拉麵...湯底略咸...唔太辣...叉燒就略肥...配以粗身拉麵...掛湯效果好!總括...下次要有雪糕拉麵我先會再黎幫襯...…Read More

之前看到朋友在社交媒體上推薦一生懸麵這間拉麵店，所以便到旺角店外賣了拉麵和小吃，果然十分出色。一個月後，來到荃灣逛街看到這裏竟然也有一生懸麵的分店，便進去試一下堂食。 😋餐廳裝修很有日本拉麵店的風格，半開放式的廚房再配上日式燈籠，彷彿置身於日本的拉麵店之中，而這裏的拉麵和小吃我認為甚至比日本的還更美味。我和朋友都不約而同點了海老沾面和海老拉麵，而海老湯底亦是最有名最多人推薦的，上次試了旺角店的章魚燒小吃，今次便點了不一樣的小吃，就是唐揚炸雞和雞軟骨棒，還點了綠茶可樂。小吃和飲品很快便上桌，綠茶可樂比我想像中好喝很多，原本只是想嘗新，但這瓶綠茶可樂超出我預期，綠茶中和了可樂的甜味，可樂也中和了綠茶的苦澀味，兩者完美地混合在一起，十分搭，也很適合邊吃拉麵邊喝綠茶可樂。雞軟骨棒上淋上了沙律醬和日式燒汁，還有大蔥和芝麻，令雞軟骨棒更加香口，一開始以為雞軟骨棒會有軟骨在當中，原來是沒有軟骨的，肉質新鮮嫩滑，是一味很好吃的串燒。唐揚炸雞的份量也毫不吝嗇，客人可自行選擇擠上檸檬汁和沾上日式沙律醬，金黃色燒得香脆的外皮一咬開便是白雪雪的雞肉，在沾上沙律醬就是人間美味，外脆內軟，雞軟骨棒和唐揚炸雞的雞肉同樣新鮮嫩滑，都是必點的小吃😋來到重頭戲，便是海老沾麵，客人可選擇麵的硬度和選擇添加其他配菜，我選了標準為麵的硬度，因為點了少吃所以今次沒有添加配菜，下次再試試其他配菜。沾麵是湯底和麵底分開，而且享用的期間麵不會那麼容易變軟，十分適合不喜歡麵變軟的客人，湯底飄香四溢，滿滿的櫻花蝦乾份量十足，把麵底沾上湯底後，每一口都夾雜着櫻花蝦乾，口感豐富不單調，湯底濃郁鹹味適中，而且把櫻花蝦乾的鮮味發揮到極致，令人食指大動，麵底上有小一片青檸作提鮮的效果，客人可選擇加或不加，我認為加上亦十分搭，而麵底上還有溏心蛋和日式叉燒，溏心蛋軟糯可口，日式叉燒肥瘦適中，表面看得出來烘燒過，一生懸麵的日式叉燒不像坊間的日式叉燒那麼乾，有點像五花腩肉的口感，我和朋友都十分喜歡。看看餐單原來還有期間限定的沾麵，下次一定會再來品嘗一下，支持食物高質出色的拉麵店😁…Read More

📍荃灣眾安街68號荃灣千色匯1期3樓3012號舖今日滿心歡喜諗住食返上一次嗰碟海南雞飯，點知lunch時間係需要等十幾張枱🤦🏻‍♂️🤦🏻‍♂️🤦🏻‍♂️所以就過咗隔離攞飛仔睇吓邊邊快，點知一攞就即刻有得入去，所以試咗呢一間拉麵店。1)海老拉麵，湯面鋪滿一層層嘅櫻花海蝦乾，心諗諗住會鹹死，第一啖湯飲落去真係好鹹，但係就越食越好食，因為啲蝦乾味道滲晒落去晒落去，所以就令到個湯濃厚嘅蝦味。塊叉燒就失色左，雖然用火槍燒過但係都帶唔出叉燒嘅香味。呢款係有嘅拉麵所以咬落去軟硬感都比較好。環境好舒服寬躺，冇諗過今日冇乜人所以唔使坐到好迫🤣🤣🤣雖然個拉麵唔算出色但係價錢成正比。2) 餃子，小食下次可以skip因為係雪藏野。…Read More

拉麵之旅來到荃灣的一生懸麵，出名的良心食店當然要大力支持！在商場入面，店舖比其他分店大得多，八時入座幸好還有少量坐位。【檸檬柚子沾麵】微凍的麵條特別容易掛湯，而且這裡的麵條比較粗，又有一粒粒像麥子般，而湯底有淡淡柚子香味，加上少少檸檬汁，幾清新的。叉燒比較瘦身，有焦香味道。【海老拉麵】鋪滿櫻花蝦在面頭，湯頭亦有濃厚的蝦香味，加上豚骨湯，兩種味道好夾，又不會太咸。【章魚燒】一口一粒，中間的章魚幾大粒彈牙有嚼勁。【唐揚炸雞】很高質的，外皮炸得超級金香，又脆卜卜，中間雞肉鮮嫩，咬下去又有肉汁，啖啖肉又大大嚿。…Read More

今晚與家人收工吃拉麵，先拎飛仔再安心出行，店員就安排入座了。有埋紙袋收藏口罩好貼心。每人點一個拉麵唔同款可以試兩隻口味。點了海老拉麵加黑木耳，辛辣拉麵加义叉燒，唐揚炸雞，章魚燒。有冰水飲下麵好重要。海老拉麵-乾蝦香口鮮味，個湯底濃味。木耳對身體好通血管，有口感配合湯食更佳。流心蛋：蛋香味夠又有口感。辛辣拉麵-有少辣更加開胃，麵軟硬得宜。叉燒肥瘦平均，口感及味道更好。蔥花令拉麵更出色。章魚燒-熱辣辣，香口好味道。唐揚炸雞-即炸香口配合檸檬汁加沙律醬更加好味道。…Read More

今日放左工同家人出去食晚飯，去左千色匯一生懸麵食。真係肚餓快快手睇下有咩食就每人一拉麵一小食share黎食。點左海老拉麵加竹筍，辛辣拉麵加叉燒，煎餃子，唐揚炸雞。海老拉麵加竹筍：先講湯份量岩岩好，好多櫻花蝦連湯一起食蝦味香濃。叉燒香口口感良好，肉質一流。麵軟硬適中配起湯食一流。竹筍爽脆可口。辛辣拉麵加叉燒：湯底辣辣地夠醒胃好味道。叉燒燒過肥瘦得宜又香口。煎餃子：皮薄外脆內暖，而入面肉質好又多汁。唐揚炸雞：脆漿唔會太厚，炸得唔錯唔過火。肉質良好口感不錯。…Read More

朋友係拉麵控，介紹我一定要食呢間一生懸麵，因為她話沾麵的麵質好好食。原本想去旺角店，但發現荃灣千色匯有新店就當然要去新店試下！特濃豚骨沾麵拉麵控朋友果然無介紹錯，沾麵又滑又彈牙，好好食。襯埋勁濃厚的豚骨濃湯，更上一層樓！沾麵仲可以揀冷定熱，都係幾好的選擇。麵底我揀咗硬身，煮得剛好。叉燒唔肥，啖啖肉食足兩塊都唔怕肥！讚下個湯底真係濃得嚟唔係死咸，係好鮮。海老拉麵朋友都係鍾意濃湯，就嗌咗另一濃厚推薦-海老拉麵。啖啖櫻花蝦拉麵，勁香濃！真係勁多櫻花蝦，食到尾都仲有好多！唐揚炸雞有4件，件件都幾大件，仲係岩岩炸起脆卜卜！配埋檸檬汁好味！抵食。章魚燒估唔倒拉麵舖有章魚燒，就嗌嚟試下。我覺得粉漿做得幾好，好滑有蛋味！同外面的燒魚燒有d唔同，雖然無咁大粒，但它比較軟滑，幾特別，成粒食都唔覺腻！值得一試。店舖大，夠寬敞，坐得幾舒服。…Read More

自從有次在社交媒體看到有網友介紹「一生懸麵」，就一直想試。最近得知它在荃灣開了分店，既然地理位置如此方便，這天下班後便和朋友過來食返碗拉麵。拉麵店在千色匯的3樓，同層還有兩間日式餐廳，競爭都頗大。當天抵達時間尚早，所以拍這張照片的時候，食客不多。後來吃到尾聲之際，才發現餐廳已人頭湧湧 。湯底舖滿了海量的櫻花蝦，湯的質感較稠身，入口有豚骨香之餘，還會有陣陣蝦的鮮味，似是混合了肉和海鮮去熬煮。麵條甚為掛湯，湯底很快就被麵條索去了一半。拉麵附有叉燒、荀片、野菜等，其中叉燒可是驚喜之作，肥瘦度適中，而且經炙燒處理，咀嚼間帶著豚肉油脂香。這邊的麵條可選硬度，2碗都選了“較硬”。個人喜歡吃沾麵的時候，用的是粗麵條；可惜餐廳未有提供粗幼度選擇，統一全部用標準的麵條。辛辣湯汁開始食用前需先和好湯粉，湯質感同樣是稠身，裡面附有叉燒粒、大葱等食材。夾起麵條，掛上沾麵汁，入口有著湯頭的濃郁鹹香味，再滲出一股辛辣感，惹味又過癮。炸雞有4大件，炸至外脆內嫩，咬開外皮看到溢出的肉汁。個人覺得配上檸檬汁後，味道更有層次，檸檬的酸味不但中和了炸雞油膩感，還多一份fresh感覺。甫上枱已聞到香味，圓滾滾的每顆配上沙律醬、紫菜絲和鰹魚片，賣相吸引。唯粉感較重，章魚粒體積很小，以致整顆章魚燒偏向似一團粉團。…Read More

揾食在荃灣，選擇確實多，今晚我想食湯拉麵，朋友想食沾麵，估不到在這兒，一間麵店，可同時滿足兩人需求!店面非常新淨，原來開業不久我的海老拉麵一上桌，滿滿的鮮橙紅色，我這以為店員落錯單，我不是點了地獄拉麵；再望真一下，原來那些是一隻一隻細小的櫻花蝦。。。拉麵湯頭非常濃郁，豬骨香加上蝦味甜，竟出奇地搭配，幼麵質感爽滑有彈性，厚切叉燒夠入味，加上入口即化的少許肥肉真是絕配呀，湯連麵都食得清光，之后都不覺得口喝，證明是真材實料豬骨湯底。沾麵的汁也是舗滿櫻花蝦。。。絕對鮮味甜味集於一碗湯汁內。沾麵用上較粗身的麵條，可掛上更多醬汁，令每食一口麵都滿口鮮甜香，佩服店家的細心鱆魚小丸子夠香口、夠地道，粒粒都有鮮甜鱆魚肉在其中。。。香軟而煙靱，Q彈有咬口，一試難忘小食唐揚炸雞也做得好，脆漿薄得很，調味也足，火喉控制也適當，沒有浪費鮮嫩香滑多汁的雞肉值得一試再試的炸雞…Read More

終於唔駛去旺角排隊喇 以前每次都要排起碼半個鐘 荃灣店比旺角大同坐得舒服1. 海老拉麵（$83） （8.5/10）湯表面佈滿左櫻花蝦 食麵嘅時候仲會掛起埋蝦麵質剛好 同係我鍾意嘅幼麵 豚肉就普通 有d肥但冇咩特式 湯好濃郁 係我係一生懸麵最愛2. 辛辣沾麵（$78+$15) (8.5/10）加左$15加麵 其實本身已好多但我地大食😂唔算好掛湯 但辛辣味重 所以都唔會覺得冇味荃灣店特點係有自助翻熱電磁爐 係沾麵最佳拍擋 食沾麵最怕湯凍左 有電子爐真係好正😭大大加分味道：服務環境性價比：回頭率…Read More

今晚同爸爸黎食拉麵呢間拉麵都係新進駐荃灣，我見其他區都有分店，行過餐廳門面見到餐廳見到價錢合理，而且仲有香香噴噴既味，所以同爸爸去一試了。食物款式唔算好多，都係比較集中，主要是食拉麵或沾麵，再配上不同小食。但一定會搵到岩自己口味既食物。而我同爸爸一人點了一個拉麵，一個沾麵。先說說海老拉麵，有超多細細蝦係拉麵鋪上，好滿好多好豐富，看到已經令人好想食。而且入面仲好多料，好豐富。有兩片又大又長既豚肉，真係好夠份量，而且豚肉好好味，一咬好腍，而且肉類入口即融，好正。大滿足，因為肉都幾夠份量，所以呢好飽的。除外，麵量都不少，拉麵既麵條會較為幼身少少，吃起來會掛上湯汁，好好吃，仲有好多蝦會沾住，好好味。呢個湯底都好濃好甜，有滿滿既豚肉味外，仲有鮮甜清新既蝦味，唔錯唔錯。另外一款魚介濃湯沾麵，都的不錯。清楚看到麵條份量不少，都是配了兩片又肉厚又正既豚肉、溏心蛋。沾麵的麵條會較為粗身，有咬口，方便沾上湯汁。好正湯底好惹味，濃濃既豚肉味，好濃烈，有點張住咀的感覺，膠質都重。正呀，我好鍾意食沾麵，因為湯底會較濃，把麵條沾一沾再吃，口感味道都大滿足小食方面點了好好吃既唐揚雞其實炸雞好難唔好食，外皮又香脆，又熱辣辣，脆卜卜，入面又juicy，口感好好呀沾上了沙律醬及落下青檸，會較為清新，冇咁膩。燒餃子好足料，入面多餡又多汁，啖啖肉好滋味呢間拉麵店不論湯底、豚肉、小食都好好味，唔錯…Read More