特濃豚骨沾麵
拉麵控朋友果然無介紹錯，沾麵又滑又彈牙，好好食。襯埋勁濃厚的豚骨濃湯，更上一層樓！沾麵仲可以揀冷定熱，都係幾好的選擇。麵底我揀咗硬身，煮得剛好。叉燒唔肥，啖啖肉食足兩塊都唔怕肥！讚下個湯底真係濃得嚟唔係死咸，係好鮮。
海老拉麵
朋友都係鍾意濃湯，就嗌咗另一濃厚推薦-海老拉麵。啖啖櫻花蝦拉麵，勁香濃！真係勁多櫻花蝦，食到尾都仲有好多！
唐揚炸雞
有4件，件件都幾大件，仲係岩岩炸起脆卜卜！配埋檸檬汁好味！抵食。
章魚燒
估唔倒拉麵舖有章魚燒，就嗌嚟試下。我覺得粉漿做得幾好，好滑有蛋味！同外面的燒魚燒有d唔同，雖然無咁大粒，但它比較軟滑，幾特別，成粒食都唔覺腻！值得一試。
店舖大，夠寬敞，坐得幾舒服。
