Café Malacca

中秋節假期既下晝2點食late lunch，估唔到要等一陣先有位入座，等位期間都keep住有人打嚟訂位，可見生意唔錯。食物做得有水準同都算地道，服務可以更好。叫咗個海南雞飯（好食）、沙爹串燒另加印度薄餅（好食）、印度炒麵（一般）同埋一碟青龍菜（非常好食）。服務有待改善。除咗個女經理同一個帶位哥哥好忙好忙之外，其他侍應遊手好閒、見到枱又唔執、見到客人舉手扮睇唔到、淨係喺度扮忙不過食物質素係好既。會回頭。…Read More

西環一間係Hotel Jen嘅餐廳，呢間最特別嘅係員工都係正宗馬拉華裔，特別親切~!其實每道菜都好有水準，無咩唔好食，不過就地方大啲客人多啲，好多時都要Self Service，但員工都會唔該返你。以下有兩道必食：🤤好出色的炸榴槤湯丸(雙食)🐟好少有的魔鬼魚呢間賣嘅🐷馬來西亞Style肉骨茶，唔係胡椒味，係藥材味。最出名意頭菜「撈起」大家開開心心齊撈起9個人狂食狂點，都係hkd3,500落樓😉…Read More

踏入狗年，其中一餐開年飯大家就來到西環Hotel Jen Hong Kong的Cafe Malacca「馬來一菜館」。這頓地道檳城與星馬菜式開年飯，當然必備當地過年意頭菜 撈起。這幾年間在香港也漸漸多了不少餐廳食店供應撈起，各家都加入自己特色食材和配搭。而這夜在「馬來一菜館」吃到的魚生撈起，我覺得可算是最忠於星馬當地傳統口味的版本。無論用料還是酸酸甜甜的酸梅醬與酸桔仔汁都帶濃濃星馬風味。餐廳更貼心地為每位食客印備"貓紙"，可以一面撈、一面齊齊讀出撈起意頭字句，氣氛熱鬧好玩。每次來到「馬來一菜館」也會選擇困難症發作，因為太多菜式都想吃。大家一輪取捨後，前菜與小吃方面分別選了沙嗲($108)，Rojak囉惹 ($88)和Pie Tee金杯($88)。可當作"星馬style沙律"的囉惹鹹中帶甜，濃郁惹味而不過鹹，這口味在香港真不易遇上。另外，金杯這款小吃自己以往都只是在星馬當地的娘惹菜館才吃得到，沒想到原來在「馬來一菜館」也有供應呢。爽口的白蘿蔔絲調味剛好，配上做得薄脆鬆化的小杯，很好吃。Penang assam laksa 檳城亞參叻沙($108)是我每次來「馬來一菜館」都必吃。不含椰奶的魚湯湯底，還加上羅望子、亞參果、南薑等熬製，配料有菠蘿、姜花、薄荷葉等，大家再在吃之前按自己口味加入適量蝦醬調味，每口都齊集鹹、甜、鮮與酸辣，複雜又滋味。這夜我們其他主菜還包括肉骨茶($120)，馬來西亞巴生風格肉骨茶，湯頭帶淡淡藥材香，配油條和白飯吃，美味。還有巴東牛肉($118)和朋友很喜歡的海南雞飯($128)，大家都吃得超滿足！自問自己並沒有多一個胃給甜品，所以很多時吃到最後如果飽了的話都會放棄甜品。不過「馬來一菜館」的甜品，尤其是榴蓮甜品，相當出色，所以每次都必定不能錯過這裡的甜品。這裡有供應2款榴蓮布甸，「D24榴槤布甸」($58)質感滑溜軟嫩，每口都是香濃甜美的榴槤好滋味。而以花花邊杯盛上的「貓山王榴槤布甸」($72) ，質感相當細滑creamy，榴蓮香濃郁帶點回甘。真心推介這2款榴槤布甸給所有榴槤迷！這夜還選來另一款我也非常喜歡的甜品香蘭椰絲卷Kuih dadar ($45)。外層的綠色班蘭薄餅卷著由椰糖炒香的椰絲，吃起來濕軟香甜，椰香與班蘭香都同樣誘人～…Read More

星期六又是我可以大食的日子，我和喵星人說多想吃東南亞東西，所以在OpenRice找到了這一間在她家附近的馬來西亞菜餐廳。找到後知道是在一間boutique酒店樓上的餐廳，心想不是什麼大酒店所以沒有太大的期望，但想不到有很大的驚喜。我們叫了一個牛肉沙嗲，一個海南雞飯和印度咖喱羊肉配薄餅，但走進去的時候剛巧見到隔離枱有蟹食，但餐牌上卻找不到和蟹相關的餸菜，問了職員才知道蟹是客人特別預訂的，並且剛巧預訂的貨有剩，問我們想不想嘗試，我跟喵星人互相一望眼睛立刻發亮，並跟他說當然想啦，那職員便好親切的告訴我們有什麼方式烹調，起初我想選擇辣椒蟹，但是他說黑胡椒蟹非常好食所以我便改了食黑胡椒蟹。牛肉沙嗲半打：牛肉串看上比較細小但肉質不錯，而沙嗲醬汁非常好味花生粒亦都很多。海南雞飯：雞肉不錯很滑，三款醬汁都很好味，最值得留意是那碗飯，真的是用雞油煮的飯，只係食碗飯都已經覺得好好味，非常之推介!黑胡椒蟹配薄餅：是一隻中size 肉蟹，雖然不是很大隻，但肉質很好很結實，而黑胡椒的炒法亦都非常之香好惹味，冇介紹錯！薄餅亦都非常香脆，但我覺得不是很配炒蟹下次再食我會選擇饅頭。最後配上清甜的椰青非常之滿足。總括而言，整餐飯都非常之滿意，服務亦都非常之好，由於隻蟹大概＄400到，所以埋單總共＄800到，但都覺得非常值。非常期待下一次再去。提提想食蟹的朋友可以提早兩至三天預訂便可以了。…Read More

朋友提議吃星馬菜，地點是位於西環今旅酒店的馬來一菜館；緣何要去到石塘咀吃星馬菜？原來餐廳主理人會不時到當地購入新鮮和難得一見的食材，盡量保持「當地的味道」，既是如此，當然是立刻應約。友人曾經在馬來西亞小住了一段時間，點菜方面自不然是由他發辦。由香港大學站B2出口，酒店就在出口左前方，用不到兩分鐘的腳程便可抵達。餐廳採簡潔開揚的設計，空間感十足。Malaysian Rose Syrup Drink玫瑰青檸～先來一杯怡神解渴的特飲撲一撲身上的暑氣Satay Chicken (6pcs)沙嗲雞肉串燒～燒得也頗香口，卻稍嫌不夠乾身；蘸上香味十足但不會過甜的沙嗲醬，倒也熱辣惹味。 Rojak囉惹醬蔬果沙律～這個賣相欠奉的沙律，吃下去卻別有一番驚喜，濃稠的沾醬甜酸中帶鹹香，配上清甜的水果，吃出了五味紛陳的滋味！ Chwee Kueh水粿～這道源自潮州的星馬小吃，在港也真的難求，經白米磨成漿蒸煮後的水粿綿綿滑滑，面頭撒上由菜脯、蔥、蝦米及辣椒煮成的餡料，果然是一道簡單而美味的庶民小點。Penang Chee Cheong Fun檳城豬腸粉～驟看跟我們的豬腸粉分別不大，口感卻更煙韌滑溜；只是除了甜醬跟辣醬外，還多了一味蝦醬；成了馬來口味。Hainanese Chicken Rice海南雞飯～雞皮爽彈而肉也嫩滑，蘸上三色醬 (薑茸、辣椒醬、黑醬油)同吃也令人滿意，反而油飯的香氣和油潤度卻略嫌不足。Klang Bakut The巴生肉骨茶～一向也不是特別喜歡肉骨茶，過往吃過的也不怎樣出色，但這裡的令我有所改觀，豬肉煮得淋而入味，而且份量也不少，醇香的藥材湯底更令㗋頭一片清涼，喝了一口便立刻想喝第二囗。 Ikan Pari Bakar (Grilled Stingray)醬燒魔鬼魚～ 以蕉葉包裹著的魔鬼魚經燒烤過後，除可以防水份流失外，更增添了陣陣蕉葉香氣；將外層輕輕一拆，便是鮮嫩多汁的魚肉，灑點檸檬汁在面頭就更能增進食欲！Penang Assam Laksa檳城亞參叻沙～只試了少許，味道酸酸辣辣，加入鮫魚肉及爽滑的米缐，見朋友吃得不亦樂乎，相信味道應該幾正宗吧。Penang Char Koay Teow  (with Duck Egg)檳城炒貴刁(配鴨蛋)～朋友說，正宗的炒貴刁應該還有豬油渣及螄蚶，貴刁一到，已聞到陣陣香味，味道非常出色，誠意推介。記得一定要另加「豬油渣」，如沒有要求，餐廳是不會提供的。 Bee Thai Bak老鼠粉～老鼠粉的外表與銀針有點相似，但口感較黏口，放湯同吃，煙煙韌韌，幾是有趣。 Fried Bean Sprouts with Salt Fish鹹魚炒芽菜～簡單原是最美味，肥壯短小的芽菜爽甜多汁，加上鹹魚的香味，想不到竟會如此出色，大家不停的下箸、不停的喊好吃，結果要再來一碟滿足大家意尤末盡的心！Kuih Dadar (2 pcs)香蘭椰絲卷～狀似春卷，但不是脆脆的口感；外層帶有微微的班蘭葉清香，內層的椰絲非常香口，甜度又不會太高，不錯吃。Kaya Toast咖央多士～很久沒有吃過這樣優質的咖央，再加入小許牛油，就已是一絕，不容錯過！ 一路吃一路聽朋友講解有關的知識，真是獲益良多，開開心心又度過一個愉快的晚上。馬來一菜館 (港鐵香港大學站B2出口)地址: 西環皇后大道西508號香港今旅酒店2樓電話: 2213 6613…Read More

新春飯聚接近尾聲，今年最後一回的賀年飯於西環今旅酒店的馬來一菜館舉行。作為一間酒店餐廳，用餐環境濶落舒適，氣氛悠閒簡潔。從店名可知，餐廳主打一眾東南亞菜式。串燒是東南亞菜館常見的小吃，這份沙嗲雞肉串及牛肉串，製作比一般坊間吃到的小巧。這個安排也有其好處，就是火喉較易控制，肉串肉質易保腍嫩。調味方面，肉串自身的味道調較本已不俗，額外蘸上香口帶甜的花生醬沙嗲汁更有錦上添花之效。隨串燒伴上三款伴菜，分別是青瓜、洋蔥及飯糕。尤其推介飯糕蘸醬吃，可認真品嚐沙嗲醬的風味。麥皮蝦是店員推薦的菜式，做法有點似黃金蝦，但以較健康的麥皮取代鹹蛋黃。海蝦本身味鮮肉實，經炸煮後連蝦殼也變得相當脆口。面上的風沙麥皮更是一絶，香脆帶甜，甚為可口，難怪細周生密密添食，拌飯吃亦一流！胡椒炒蟹是久違了的菜式，以新鮮肉蟹製作，蟹肉甜香，但肉質稍稍不夠充實。胡椒醬汁方面，淡淡的胡椒辣香還是有的，但質感較預期稠身及甜了一點。海南雞飯是另一地道佳品，無獨有隅，筆者午飯時間才吃過，正好作一比較。這碟海南雞，用上細小的嫩雞製作，肉質上已有一定保證。味道方面，雞肉味鮮但偏向清淡，伴以醬汁吃口味較佳。至於油飯，飯粒香而不膩，富嚼勁，不俗。檳城炒貴刁配鹹蛋亦是另一推介。貴刁炒得乾身分明，內裏加入的韭菜、臘腸及鹹蛋全是惹味之選，成品固然可口美味。新加坡叻沙椰漿食味甜香，帶點微辣，頗合筆者口味。叻沙的主要配料有豆卜、魚餅、鮮蝦、雞蛋及叻沙葉，款式多及份量足，豐富了麵食的層次感。甜品西米布甸，預期是傳統的焗製甜品，出來成品明顯與預期有落差。西米布甸本身味道很淡，味道主要來自面上的椰漿及棕櫚糖汁，普通喇！香蘭椰絲卷以翠綠的班蘭薄餅包裹金黃的棕櫚椰絲，風味獨特，美味，值得推介！咖央多士以班蘭味椰子醬塡充得滿滿，外脆香內甜滑，家中細細甚為喜歡！整體而言，餐廳用餐環境舒適，地點方便，食品地道亦富水準，加上價錢合理，值得推介！******************************泊車情報：消費滿 $250 可享免費代客泊車兩小時。酒店職員對汽車出入時間不太在意，稍稍過鐘應該沒太大問題。******************************…Read More

位於西環Hotel Jen內的馬來一菜館，聞名已久，日前終於一試！由於晚餐時段二樓餐廳的座位都已經被訂滿，我們被安排到一樓lobby bar的小餐桌。仲好！正合我心意！既可免除餐廳環境的煩囂，又可擁有舒服的私人空間！一場來到當然要試試很多人都慕名而來的海南雞飯！果然不負所望，一試難忘！海南雞飯 價值$118的海南雞飯究竟有什麼利害呢？首先，一上枱，鮮黃色的海南雞配上三款秘製汁料，色彩繽紛，賣相奪目！從光滑雞皮反映的光澤，可見雞肉很鮮嫩！未食都已經唾液！夾起雞件發現雞皮好薄身，幾乎沒有多餘脂肪，而雞肉肉質鬆軟，一入口就令人感動，真的好好好味。。。皮香肉滑！係非常的嫩滑！好有鮮雞味，加上適量雞肉本身的油香，令口感更香嫩更滑溜！連同附有的三款醬汁食用更為滋味。我最喜歡深啡色的甜醬油，覺得同雞肉最夾。另外兩款分別是秘製辣椒醬和薑蓉，味道也不錯。至於油飯，香口又粒粒分明。清雞湯就相當可口！檳城炒貴刁賣相鮮豔吸引！一上菜便香氣撲鼻，令人急不及待先食而後快。貴刁炒得很有鑊氣，河粉又炒得香滑可口，而且不算好油。材料十分豐富，有大蝦，香葱，芽菜，雞蛋和辣椒醬，簡直色香味俱全。唯一的問題，就是辣椒醬放得太多。。。我和朋友都食到流晒鼻水伸晒脷。。哈哈，都說了我不會食辣啦。如果吾係，其實都幾好味。…Read More

自從港鐡新增咗西港島線，親友們都去多咗西環搵野食。居住中西區o既Auntie Y乃港大畢業生，故港大站開啟不久，便迅即與友人遊覽母校，偶然間俾佢發現到一家極具傳統馬拉風味o既星馬餐館「馬來一菜館」，仲第一時間請肥肥家族去見識一番。「馬來一菜館」位於香格里拉酒店集團所管理o既Hotel Jen二樓，食客消費滿$250或以上，即可享用酒店兩小時免費泊車優惠 ，不過由於車位有限，代客泊車服務係先到先得。其實酒店離香港大學站只有一分鐘路程，搭地鐡可能更為方便。「馬來一菜館」以咖啡室形式經營，間隔開揚，我地一行七人有圓枱坐，感覺逼就唔逼，不過人多不免會有少少嘈。話哂都係酒店餐廳，服務生o既態度卻不太誠懇，而且對餐店o既食品及上菜流程好似好默生咁 ，質素都幾低吓！玫瑰特飲（$28）：大熱天時小肥覺得飲水係最解渴，不過大肥爸爸就相反，總愛飲凍奶。所謂「玫瑰特飲」其實係玫瑰味凍奶，奶品稀而淡 ，個人絕不推介！印尼沙律（$72）：因沙律內含花生醬，XO仔不能食用，哥哥話青瓜爽脆，媽咪就覺得太辣。海南雞飯（$118）：海南雞飯包咗一碟海南雞、一碗油飯、一碗雞湯、及三款調味醬。去咗骨o既海南雞肉質嫩滑，輕輕點上甜豉油、薑蓉及辣醬已覺美味，配上香軟熱辣o既油飯更能體會到腸胃溫暖之感 。檳城福建蝦麵（$92）：少辣o既蝦麵混入咗蝦隻、豬肉片、魚肉等食材，湯底香甜濃郁。湯麵入面除咗有黃色o既油麵之外，亦加插咗米粉一同煮製，依種雙麵配搭令口感更為豐富，好有特色。檳城炒貴刁（$92）：放喺芭蕉葉面o既貴刁少辣惹味，炒得好夠乾身，入口完全唔會覺得油膩，加上芽菜同蝦隻同樣爽脆，屬必吃之選 ！沙嗲雞肉串燒（$88/六串）：Auntie Y第一次幫襯時已試過沙嗲牛肉，當時覺得牛肉過韌，所以今次決定主攻沙嗲雞肉。講真，個人覺得雞肉偏嚡同硬，食落仲有陣苦味 ，唔係小弟杯茶囉！炒蘿蔔糕配鮮蝦（$92）：蘿蔔糕炒得唔係好夠鑊氣，糕質亦過於黐立立，不吃也吧。怡保河粉（$88）：怡保河粉湯底清甜，河粉香軟滑溜，學二叔話齋，「唔洗噍都可以吞」！河粉面o既雞肉其實即係海南雞，全部都已起哂骨，而且同樣幼嫩，美味非常。叫完甜品過咗成十分鐘，樓面伙計都未有動靜清理餐桌，到甜品上枱時各人仍舊懶理桌上不潔o既餐具，不但招呼不周，似乎衛生意識亦頗為欠奉 。西米布甸（$38）：布甸內透明o既西米粒偏硬，質感唔夠香軟煙韌，大小雙肥都有啲失望。多得地鐡增設港大站，肥肥家族得以認識到站旁o既「馬來一菜館」，品嚐到幾款傳統風味o既星馬菜餚。餐店環境不俗，無奈惹味o既菜式效果有所參差，食物一窩蜂送上，服務及衛生水平一啲都唔似係酒店食肆，實真有檢討o既必要！…Read More

通左香港大學港鐵站，去西環覓食真係方便左好多！今天一行3人去Cafe Malacca 食lunch, 換來一個美好的回憶。Lunch set 有好多選擇，如果唔要甜品, $128/p, 要甜品就加多＄20。價錢來講唔算太平(蘇豪區好正嘅西餐廳都係呢個價)，不過main course份量及質素都好唔錯！ 我嗰set要了肉骨茶，喇沙，咖咉多士。肉骨茶因為凍冰冰所以俾我扣左好多分，不過飲得出唔係溝粉嗰隻，藥味略淡。喇沙味道濃郁，好香好足料。咖咉係他們自家製，班蘭味十足，正到無朋友！朋友那set要了沙爹串燒，印度炒麵，榴槤布丁。前菜串燒好奀，不過 ok juicy, 沙嗲醬一流！印度炒麵其實愛辣的朋友會喜歡，不過我地唔知道呢味餸係spicy (menu冇講), 所以有少少unexpected, 好香，略為濕咗少少，唔似"Indian" style. 我個朋友俾左10個like榴槤布丁，texture好smooth, 一啲都唔grainy. 由於榴槤味好勁，我哋有少少懷疑係唔係落咗好多精油。我們再另外加了一份海南雞飯，雞肉勁滑，那碗雞油飯香到爆，醬汁亦都好有誠意。所以百幾蚊都值得！餐飲叫咗薏米水，ok la, 冇乜特別。餐廳環境舒適，又咁近地鐵站，所以一定會再去這間米芝蓮推薦的餐廳！…Read More

有朋友睇過小弟食評介紹賣星馬菜嘅馬來一，心郁郁有興趣一試，而小弟亦都好鍾意馬來西亞依個地方，尤其檳城及浮羅交怡。人少食唔到幾多嘢，所以，就不如多約幾個老友記，一齊過嚟馬來一品嚐其地道星馬美食。今日週中閒日，我哋又嚟得早，所以人客唔多，不過坐落就越嚟越多人。雖然裝修唔豪華，但喺勝在簡約舒適，地方闊落，我哋揀咗中間靠牆圓枱，貪其騷擾少啲，而背後幾張星馬街頭小攤檔黑白相，甚有味道。由於小弟嚟個幾趟，而朋友就首次到，自不然乘機將點菜重任交晌我手中，其實，未嚟之前已心裡有數，有幾款地道又富特色嘅菜式都好想俾佢哋試，所以，今次點菜無乜難度 。晌星馬，最抵就喺飲嘢，尤其一啲大牌檔、熟食市場，啲果汁抵飲到暈，一杯1L鮮菠蘿汁，都喺馬幣6蚊左右（~HKD15），而一杯近1L嘅榴槤牛奶，只賣坡紙2.5（~HKD16） 。當然，晌香港就無可能咁平啦，不過，嚟食星馬菜，點杯飲品多少都喺慣常。 涼粉冰 $23屬新加坡特色飲品，梳打水加涼粉條，算唔上好特別，只喺帶嚟涼快清爽嘅感覺。 香茅特飲 $23 :) 之前飲過，覺得特別所以介紹朋友一試，以香茅煲水，香茅味非常突出，飲一啖香茅味已衝緊入喉嚨，而青青哋嘅斑蘭果凍條，更為個特飲多添幾分趣味。 柑桔特飲 $23 :) 晌大馬旅行時，佢哋好興飲桔仔酸梅汁，大大細細食肆都見。今次，小弟就揀柑桔特飲試試，為求忠於地道，都喺用馬來西亞桔仔調製。入口柑桔味濃，味道酸咪咪，酸爽開胃，如果嫌太酸，附送嘅糖漿就大派用場。食物方面，由於今次嘅朋友都算大食，所以，較平時多點一啲菜，免得大家唔夠盡興。6道菜，加4個甜品，相信絕對可以滿足到佢哋！ 囉惹醬蔬果沙律 $53 :) :) :) 要數最有風味及地道特色，依個大馬沙律點可以唔嗌嚟俾老友試試。以菠蘿、蕃石榴、青瓜、楊桃、蓮霧、土魷跟檳城蝦醬及馬六甲棕櫚糖撈勻，再加埋油炸鬼，酸酸鹹鹹，鹹香中又帶清甜，再食都依然驚喜 :) 。 鹹魚炒芽菜 $53 :) 鹹魚炒芽菜聽起嚟無乜特別，亮點在於啲怡保芽菜，之前試過一次，覺得相當有趣，所以，再點喺俾老友見識一下。芽菜粗大而短，爽口而飽滿多汁，加蝦乾及鹹魚蓉香炒，鹹香惹味中，添幾分清爽。 馬來巴東牛肉 $88 :) 上次嚟食就配飯，今次改配印度薄餅。雖然啲巴東牛肉賣相唔討好，不過，味道一流。以椰汁及多種香料燜煮嘅巴東牛肉，肉質柔滑，味道香濃，搵印度薄餅包住一件巴東牛肉，仲好食 ！ 海南雞飯 $108 :) :) :) 賣相精緻，同埋配搭對辦，一小碟海南鮮雞，加油飯，雞清雞湯及三色醬料（薑蓉、特製辣椒醬、黑醬油）。海南雞皮爽肉滑，蘸點三色醬都只不過喺錦上添花嘅動作；雞油飯亦油香而滿，飯粒分明，反而用黑醬油加埋啲飯度，又有另一番滋味 ； 檳城福建蝦麵 $88 :) 依個蝦麵，最有趣噝用上油麵拼米粉，所以，朋友見咁樣都覺得好奇。湯底濃郁鮮香，仲滲出陣陣香辣，配料仲有鮮蝦、豬肉，味道不俗。 檳城炒貴刁 $85 :) :) 嚟馬來一好幾次，都喺第一次食佢嘅檳城炒貴刁。貴刁炒得乾身均勻，加入怡保芽菜及鮮蝦，用料不賴，尤其蝦隻，新鮮爽口，不過，份量有點細！稍後喺甜品時間，但去到依度，朋友都覺得馬來一嘅星馬菜都好好食，所以，就連甜品都投其信心一票。 椰汁黑糯米 $28 :) 黑糯米煮得煙煙韌韌，口感十足，新鮮椰漿，椰子味香濃，而個黑糯米又唔太甜，水準穩定。 香蘭椰絲卷（3件） $28 :) :) :) 抵食嘅香蘭椰絲卷又喺另一真心推介，班蘭班戟皮捲上棕櫚糖炒過嘅新鮮椰絲，唔單翠綠嘅外觀搶眼，無論口感、味道都富南洋色彩，口感軟軟糯糯，班戟皮散發微微班蘭幽香，椰絲蜜香清甜。 檳城紅豆冰 $45 :) 刨冰加上玫瑰及沙士糖漿，再墊有紅豆、涼粉、椰果、粟米粒、亞答子，最後淋上花奶而成，幾得意嘅配搭，如果加多球雪糕，就要多俾$15喇。天熱食，特別爽快透心涼，沙士味喺細個嘅A貨可樂，有啲懷念；底下混雜嘅材料，口感紛陳，未必人人覺得好食，但試過你先有多份異國見識。 榴槤布甸 $38 :) :) :) 哈哈，唔好意思，又喺佢「榴槤布甸」，因為朋友中有人鍾意食榴槤，所以，私人推介俾佢。試過之後，老友話布甸質感滑溜，口感一流，榴槤味香濃突出，啖啖飄香，果然無介紹錯。最緊要喺老友食得開心，我就放心！唔覺唔覺，邊食邊傾幾粒鐘，實在美食容易讓時光渡過。雖然西環對幾位朋友確實有點遠，不過，佢哋異口同聲都話值得老遠過嚟一試。小弟都喺，馬來一，值得一試再試！…Read More

跟幾位朋友聚舊, 去了西環食星馬菜!!!一開始選了薏米水，味道淡淡的，不過入面有很多薏米，喜歡美肌的朋友要選它呀 ♥朋友選了玫瑰特飲，玫瑰+牛奶的飲品，可用作解辣用身的。另外，比較特別的有柑桔特飲，味道柑柑甜甜的，十分開胃醒神 =]沙嗲牛肉及雞肉串燒以傳統馬來醬料醃製的烤雞肉/牛肉串，配濃郁香甜的花生醬、飯糕、青瓜陳洋蔥。兩款都很入味，配上花生醬簡直是極好的事 =]個人喜歡雞肉串多一點，因為牛肉串比較黑，有點燒得太久的跡象！另外這盤小食值得一提的是白色的飯糕，我第一次食，覺得它很特別，雖然是米飯味，但它十分煙韌、可口，質感不錯。囉惹醬蔬果沙律特式檳城蝦醬配爽脆蔬果及中式油條。大家有沒有想過"油炸鬼" 都可以融入到沙律中呢？我真的第一次見到呢！ 這碟沙律十分爽脆，很特別的一道菜，平時很少吃蔬果的我吃了不少呢！  馬來巴東牛肉馬來西亞的特式鮮嫩牛肉，配以椰汁和多種香料混合燜煮。在餐牌上，這個主菜是配飯的，不過我們改食手抓餅，超喜歡呀！牛肉與薄餅都很鬆軟美味 =] 海南雞飯嫩滑雞肉配香飯、雞湯、特製辣椒醬、薑茸、黑醬油。雖然去到那裡，海南雞飯都是一模一樣，不過這裡真的有點不同，用的是走地雞，所以雞肉脂肪都比較少，連雞皮都可以放心地吃下呢 ！雞肉真的很嫩滑，一點油膩感都沒有。 檳城炒貴刁它是極具代表性的檳城街頭美食，乾炒河粉配以鮮蝦、臘腸、韭菜、豆芽、及自家製辣醬。賣相有點似炒蘿蔔糕，不過它的味道更濃郁呢，更辛辣！ 森巴醬炒秋葵、咸魚炒椰菜苗第一次吃秋葵，吃下去有點黏黏的感覺，很特別。至於菜苗，味道香咸，菜苗都很新鮮！…Read More

不久之前（八月初），曾經在一篇文章中提及到，在下經常往返西環，除了提及到文中的兩個地方外，石塘咀過往也是在下經常必到的地方。今晚有幸地承蒙得到酒店公關的邀請，以及食友 G 先生的安排，令在下再次踏上石塘咀之路，來到馬來一菜館品嚐星馬菜，在此，在下亦要「老套」兼不厭其煩地感謝酒店公關 L 小姐及食友 G 先生。石塘咀曾經是煙花走地的地方，如今已經成為住宅區，將來也會有地鐵通車，甚至有酒店在這裡進駐，在這數十年的變化中也覺得有點唏噓，不過無論怎樣都好，在石塘咀的酒店裡吃一頓地道馬拉菜，在下也許未曾想到的呢！盛貿酒店是香格里拉酒店集團的旗下品牌，而馬來一前身是一間西餐廳，提供西餐及自助餐，而現在卻是變身為主打地道星馬菜為主的餐廳。進入餐廳的時候，餐廳頗大及寬敞，餐枱之間相隔亦非常開，令人不會感到狹窄，而且可以保寺一定的私隱度。餐牌內印有馬來西亞的地圖，而且有一段介紹餐廳的文字，當中又以「馬六甲」成為餐廳的英文名字。餐牌全以A4呎吋為主，封面以硬皮來做，內頁亦有圖文並茂介紹菜式，感覺上已經很有誠意及精美。柑桔特飲（二十三個大洋）先來一杯飲品。柑桔等飲是由馬來西亞獨有的桔仔調製，味道西酸酸的亦很重柑桔味道。鹹魚炒芽菜 Bean Sprouts with Salted Fish（五十六個大洋）芽菜形狀呈粗而短，並非慣常見到的芽菜，據說是由馬拉空運到港。芽菜先把醬油和熟油攪拌，直到混和了便可以進食。芽芽清甜爽口，質感與平常吃到差不多。沙爹雞肉／牛肉串燒（七十二個大洋）沙爹是馬拉的著名特色小食，雞肉及牛肉是經過馬拉傳統醬料稍微醃過，再加上餐廳特製的香滑而濃郁的花生醬料，使口感充滿了花生醬的香味，而且串燒部份也有燒燶位置，吃起來也倍感香口及惹味。而伴碟則有飯糕，青瓜和洋葱，前者口感不錯，做到有點糕點的味道，而後兩者也不錯呢！囉惹醬蔬果沙律（五十三個大洋）這道沙律十分特別，是馬拉最為地道特色及風味的沙律，材料包括蓮慕，番石榴，菠蘿，楊桃，青瓜及柚條，再配上特色槟檳城蝦醬攪拌攪勻，油條並不想像中那麼脆而油膩，反而感覺上是硬崩崩的，而且其他材料是又鹹又酸又甜，味道確實是很有趣的，而且是都是幾醒胃的頭盤。海南雞飯（一百零八個大洋）海南雞飯是一份十分對辦的菜式，有雞肉，油飯，湯及三色醬。海南雞雞肉非常嫰滑，而且脂肪比例較少，雞油飯油香而溢滿，飯粒分明。在下與 G 先生同業地以黑醬油撈飯，美味程度爆燈，真的很久沒吃醬油撈飯呢！馬來巴東牛肉（八十八個大洋）牛肉是以馬拉的特色鮮嫰牛肉，配以椰汁及多種香料混合燜煮，因此牛肉醃得相當入味，而且非常軟腍及鬆化，而且辛辣度非常足夠。吃下時也感到辛辣。而醬汁也非常濃稠，配飯不錯，但是今晚卻選用了烤薄餅，用以蘸上醬汁，感覺有十分惹味。尚有其他的美食，請留意下一篇相關文章。…Read More

年初獲邀嚟咗一次「馬來一」試菜，跟老婆回味咗好多星馬美食，又想返起08年去馬來西亞嘅片段，真喺一次好愉快嘅晚餐。再嚟馬來一，都喺重尋地道滋味。因為都唔喺第一次嚟，所以開場白、室內環境、服務……等等就唔多提喇，反正跟上次嚟都無乜差別，侍應依然殷勤招呼，禮貌周周。故此，事不遲宜，立即去片分享美食！囉惹醬蔬果沙律 $53:):):)最有風味及地道特色嘅馬來西亞沙律「囉吔」，點可以唔再嗌等朋友試試先！菠蘿、番石榴、青瓜、楊桃、蓮霧、土魷跟檳城蝦醬及馬六甲棕櫚糖撈勻，油炸鬼後下，味道相當有趣，鹹鹹酸酸挺醒胃，當中又滲出絲絲蜜甜，跟上次一樣，依然驚喜:)。沙爹雞肉 / 牛肉串燒 $72（6串）:):)沙爹又喺馬來西亞另一特色小食，叫足一打都不為過。雞肉及牛肉本身都稍稍以傳統馬來醬料醃過，燒香後蘸自家秘製沙爹真喺一流，沙爹醬濃郁香甜，帶重重花生香，加上串燒又有啲焦燶位，寧捨有炭香。伴碟嘅都喺傳統做法，有飯糕、青瓜、洋蔥，後兩者我OK，前者飯糕就麻麻哋有興趣喇！馬來咖喱雞飯 $80:)本來點咗個馬來咖喱雞飯，但店方搞搞新意思，問我哋想唔想試油酥餅，咁仲好喎，比食飯更有特色啦！油酥餅酥軟柔香，雖然感覺會喺肥膩咗少少，不過點埋咖喱汁同食，感覺就變得不一樣咯。馬來咖喱本身重椰香，帶中辣，香辣可令油酥餅食落無咁油。咖喱中嘅雞件用上鮮雞，所以鮮嫩有雞味。檳城福建蝦麵 $88:)上次試咗個公關推介嘅檳城亞參喇沙，確實喺好介紹，不過心多都想試新嘢嘅，另一推介喺個檳城福建蝦麵，一於要試試。香辣嘅湯麵配以豆芽、通菜，仲有鮮蝦、豬肉及酥炸香蔥，睇嚟非常豐富。湯底鮮甜清新，滲出陣陣香辣，而蝦味突出，最有趣喺用上油麵拼米粉，又喺地道特色！海南雞飯 $108:):):)賣相、擺位甚精緻，一客海南雞飯，除咗有海南雞，仲有雞油香飯，唔少得嘅黃紅黑三色醬（薑蓉、特製辣椒醬、黑醬油），以及一碗清雞湯，所以，賣$108絕對交足功課。海南雞肉滑脂肪少，雞油香飯大大碗幾個人分就最好喇，兼且油香滿溢，飯粒分明，而薑蓉同黑醬油撈飯仲特別正，雞湯又鮮濃，扒啖飯，呷啖湯，食件雞，何其暢快！甜品方面，上次食過嘅榴槤布甸（$38），榴槤味濃郁，又富奶香，挺身而軟滑，真喺過足榴槤癮，所以已內定為「翻兜」之選，另外加多兩款晌度未試過嘅甜品，又比較吓會喺點。椰汁黑糯米 $28溫熱嘅黑糯米，煙煙韌韌，配以新鮮椰漿，椰子味突出，雖然無話跟出面食到嘅好到飛起，但絕對喺一碗水準不俗嘅椰汁黑糯米！西米布甸 $28:):)賣相頗特別嘅西米布甸，將西米布甸做成球形倒晌玻璃碗內，淋上棕櫚糖以及椰漿，令淡口嘅西米立時變得甜甜蜜蜜，椰香四溢:)，加上西米帶點彈彈口感，小弟又幾鍾意佢喎。今次篇食評用得最多就喺「特色」兩個字，馬來一做嘅星馬菜，又真喺確有特色嘅！…Read More

放完大假返工, 夜晚同幾位同事食飯慶祝新一年. 有同事話食過附近Traders Hotel既馬來一菜館覺得值得再訪, 是晚一行4人就去book位食飯.去酒店食星馬菜, 要求一定會高d. 酒店都算方便, 附近有好多巴士直達港九. . 一入酒店大門已經聞到一陣怡人芳香, 環境浪漫. 大堂感覺和旁邊的open bar看來都唔錯! 心想: 2013年開年飯應該都唔差得去邊! 便上2樓餐廳入座.可能係位置問題, 我地7點半去到都見到未坐滿. 我地4人坐一張圓桌, 旁邊放一個裝飾櫃, 上面有一棧白光燈. 感覺時光倒流, 去返80年代! 整間餐廳亦以開放式設計, 走廊邊牆上放上很多別緻的小物, 或時植物. 加上柔和燈光, 我地竟然突然間詩意起來~侍應徐徐侍水既時候, menu亦一併送上...一如所料, 連menu都用上印有logo和故事的木板. 不難看出此餐廳所用的心思, 只希望來的食物更有水準!我地叫4個菜, 共中有2個係小食. 同事強推馬來沙嗲, 我地就叫半雞半牛. 另外亦想試炒蘿蔔糕. 唔知道原來星馬都出名炒蘿蔔糕的, 想知道同點心食開既有咩分別. 2個主菜分別係星加坡的海南雞飯同馬來西亞的炒貴刁. 兩個地方最具代表性的食品, 其實我試到地道特色的機會不多, 且看今次可唔可以有驚喜.服務員向我地推介呢款特飲 - 香茅斑蘭特飲. 班蘭既顏色令杯飲品望落好吸引, 好似一杯mocktail咁. 估唔到既係, 飲落有仲d珍多冰, 班蘭味好香, 甜甜地好refreshing. 睇返openrice, 會叫呢款飲品既客人唔多. 可能係新出既, 大家有機會都不妨一試.馬來沙嗲來到時已經覺得好熱好香, 但都唔夠食落開心 - 佢既雞/ 牛都經過醃制, 夠入味得來又新鮮. 最值得一讚是沙嗲醬, 明顯地比其他地方的沙嗲醬要濃郁有料得多. 當然, 一碟馬來沙嗲唔算平, 要$7x, 差不多是一個主菜的價錢. 但個人認為抵在食物水準同份量之上, 如果唔鐘意食飯, 食呢d反而更加抵.海南雞飯係我覺得最最好食既! 上菜時服務員好細心問我地係唔係要share, 並提供碗仔同公筷. 雞飯夠味但無好油唔想食既感覺, 煮到一粒粒剛剛熟透, 其實睇相都應該見得到. 雞肉好滑無老, 夠晒味. 大廚哥哥聽見我地讚個飯好食, 提我地食雞記住要連皮食. 一向唔食雞皮既我, 要求之下都決定一試. 真係估唔到又爽又有少少脆, 同以前食開既所有雞皮好唔一樣! 雖然無機會問大廚點整, 但對成餐飯真係好有信心 個湯亦唔係例行公事, 而係有肉有骨既熱湯, 一口飯一口雞一口湯, 一絕也!另一小食終於到喇. 一上菜即有陣香香的鍋氣和一種特別的香味 原來大大碟菜仲有芽菜相伴. 蘿蔔糕比較大粒, 並不是一口可以完成那種. 服務員解釋這是森巴醬的香味. 正想批評蘿蔔糕太大粒, 吃下卻突然明白 - 因為森巴醬味濃. 雖然蘿蔔糕造得夠企身唔易炒散, 但太細粒可能反而會過份濃味. 依家蘿蔔糕炒得味道恰到好處, 而芽菜又夠粗夠爽甜. 好味!炒貴刁亦係香口水準之作. 同馬拉街頭一樣, 有好多配料 - 鮮蝦有成5/6隻, 仲有芽菜同火腿, 炒得好香好入味. 不過如果唔食得辣既人可能會覺得接受唔到. 不過, 呢度既水準真係激有馬拉街頭食大排檔既風味.呢度既菜色雖然唔係街邊價錢, 但卻更大碟. 如果唔係好大食, 好似我地咁share可能仲抵架.整體來講, 真係好好味! 我已經約定要同其他朋友再訪, 一於試試其他食物!…Read More

承接上文，點來了另一款麵食檳城湯河 ($78)，據說湯底是以少油少脂肪的新鮮鴨肉熬製，再配上魚蛋、魚片、鴨絲、豬紅和及香炸蒜粒，看來是以健康飲食作賣點。由於湯河沒加進香料，食味較為清淡，與鮮味爽口的吉隆坡魚蛋非常匹配，加上河粉薄身幼滑，味道還真不賴。食友特別點名要叫的馬拉盞炒羊角豆 ($45)，《羊角豆》即《秋葵》，因果莢的外形像羊角而得名，由於羊角豆質感帶點滑潺，故亦有潺茄之稱。不過想不到原來以辣椒及蝦醬香炒，口感竟然滑而不膩，配上醬料的鹹香辣勁，果然別有風味。海南雞飯 ($108) 跟一般星馬菜館一樣，以雞肉配上香飯、雞湯、自家製的辣椒醬、薑蓉及黑醬油。先試一件去骨的龍崗走地雞，外皮薄嫩、肉質鮮滑，就算不蘸點任何醬汁來吃，亦已經十分入味。而先炒後蒸的雞油飯，飯粒飽滿鮮香，層次豐盈，咬落更不會吃得滿嘴油膩，加上伴喝的雞湯，味道清怡，可口味美。 馬來巴東牛肉 ($88)，據說是以馬來西亞的特式鮮嫩牛肉，配以椰汁和多種香料混合燜煮。牛肉煮得非常腍滑，加上吸盡椰漿和香料的精華，入口帶鹹香味道，不過就稍嫌醬汁辣度過於輕微，而且若把所配的白飯改為即烤薄餅，相信更叫人受落。據悉原來馬來西亞人都愛於甜品中加入棕櫚糖，皆因馬六甲棕櫚糖，是採自棕櫚樹的花汁，糖分不高，是一種天然的粗糖，營養成分亦因為未精緻而得以保留，非常乎合現今注重健康的潮流，所以亦點了兩款加入了棕櫚糖的甜品。先品嚐的香蘭椰絲卷 ($28)，據稱製作過程是以香蘭葉汁加入麵粉，製成香蘭漿，煎成薄餅，之後再以薄餅包裹著用棕櫚糖炒過的椰絲，造法非常之有心思，加上椰絲卷入口甜而不膩，椰香滿溢，實在不容錯過。至於西米布甸 ($28)，以粒粒晶瑩的西米加入椰漿及棕櫚糖凝固成半圓球狀，布甸入口稍嫌有點甜膩，幸好西米夠大粒，有咬口，嚼勁十足，吃起來滑嘟嘟的，加上每人只須消滅四分之一，實在是太輕而易舉啊！。另亦點了off-menu，據說是季節限定的榴槤布甸，以精美的企身玻璃杯盛載，造型相當美觀。先把鼻子嗅近一聞，榴槤味並不算突出，但真的估不到原來放入口中，竟然散發出濃厚的榴槤香味，加上質感有如燉蛋般軟滑 creamy、香醇如蜜糖，連平日不愛吃榴槤的筆者，亦不得不讚一句『一級棒』！餐廳整體食物水準唔錯，選擇又多，加上店員勤快有禮，配上舒適的用餐環境，的確叫人吃得既愜意又滿足，在此再次多謝店方誠意的邀請和款待，以及食友們的相伴，讓我渡過了一個愉快的晚上。…Read More