Thai Chef Thais Restaurant

今日放工後與朋友在旺角逛了一會，在Moko 商場行完之後，打算找間平民價的好食餐廳，在晚餐中稍為慳一慳。我倆就從Moko 行回旺角市中心途中，看到這間泰廚，我隱約記得這間餐廳的性價比是頗高的，於是就夾住朋友直接前往這間餐廳。我們去的時間還算早，大約7點3左右，但餐廳已經幾乎坐滿。如果到8點左右，相信平日亦要在外等一等位。我和朋友二人就被安排坐樓上座位，感覺還更好，因為比較寬敞一點。泰廚的食物款式居多，而且價錢相對貼地，所以同一個價錢亦可以點多一款食物，非常抵食。➻ 1. 泰式菠蘿炒飯之所以話貼地的原因，是因為星期一至日餐廳都會有一款特價菜式。是日為泰式菠蘿炒飯，當然不可以錯過優惠。菠蘿炒飯以半隻菠蘿盛載，份量亦裝得非常滿，多到會瀉出來。炒飯除有菠蘿基底之外，還加上不同海鮮配料來炒作，味道酸甜得來又有鮮味。➻ 2. 泰式小食拼盤（小）泰國菜，其中一個最吸引的食物就是其小食。最好的就當然是點個小食拼盤，而這裡就可以一次過有5款小食，包括豬肉、雞肉串燒、泰式蝦片、春捲及炸魚餅。這個小食拼盤的配搭實在不錯，每款小食都非常合口味，沒有一款是較失色的。不過，最好食的我會選雞肉串燒。➻ 3. 泰式香茅雞翼基於我和朋友較喜歡食串燒，所以就另外加配香茅雞翼串燒。而且還是雞全翼來的。這裡的雞翼串燒是配上沙嗲醬的，所以不是乾燒，不會太寡。➻ 4. 泰式椰青不用多說，兩個人就來兩個原隻大椰青，椰肉尚算滑，不會過生（椰青是對女孩好的呢）。➻ 5. 泰式生蝦性價比高，還有一個原因，就是吃滿$200 可以加$1 換取以下一款食物，我們就點了泰式生蝦。雖知道普通點一份泰式生蝦的價錢都不便宜，而這裡夠$200 就可以加$1 換取，非常之抵食。要找一間價錢貼地又好味的餐廳，泰廚是一個好選擇。而我們離開的時候，門外已經開始有人排隊了。…Read More

今晚打波前同隊友去左旺角泰廚泰國菜館食晚飯。好快就有座位坐，安排好上樓上。我哋叫左一串燒豬串，燒雞串。仲有星期二特價泰式菠蘿炒飯，泰式咖哩海鮮，馬拉盞炒椰菜苗，滿200元加一蚊換左泰式椰汁糕。燒雞/豬串-平時門口經過都覺得好香，燒得好香口醬汁都好味道。泰式菠蘿炒飯-成個菠蘿裝著，料都好足炒得好香口。泰式咖哩海鮮-咖哩好香口又唔會辣，海鮮口感幾好。馬拉盞炒椰菜苗-夠晒香口，同埋椰菜苗口感好好又新鮮。泰式椰汁糕好味道…Read More

我過去那死黨早晚共對~♫~ 各也紮職以後沒法暢聚~♫ ~♪話說艾文人生中有兩個最好既朋友，以前真係說得上早晚共對~♫~ 人大左各有各忙，少見左，其實心底裡真係好怕有一日會疏離左，無言共對...... 好在每一次聚埋食飯都笑足全場、話題不斷、開開心心，令艾文既擔心一掃而空~~~~~多愁善感完就係時候講下今次嚐過既泰國菜！由地鐵旺角站 B2 / B3出口走兩三分鐘就可以見到「泰廚」，或者像艾文一樣由火車旺角東站沿行人天橋，行到天橋中尾段落右邊的樓梯，即見「泰廚」招牌。菜館內裡係茶餐廳格局，算不上舒適，但四四正正亦唔侷促，朋友聚腳傾計都冇問題(前題係我地三個人)。我們仨點了沙爹豬雞串燒各三、春卷併魚餅、菠蘿炒飯、炒金邊粉、粉絲沙侓。「泰廚」每日都有一款特價菜，今日係泰式菠蘿炒飯，另外全單滿二百蚊可以一蚊選一個冷盤，當中有泰式生蝦，我們則選了粉絲沙侓。咁多款菜當中，以這味沙爹串燒最好食，尤其沙爹雞肉串燒，外面脆裡面軟，咬開仲有d雞油，真係好邪惡！12蚊一串有三四舊，實在係高CP值！豬肉串燒則稍稍韌左丁丁，但係豬肉梗係熟d好啦！另有和牛串燒，20蚊串，下次要試試。 六串沙爹豬雞串燒‧HKD$72 (一串HKD$12) 菠蘿炒飯，料仲多過飯，有青口、蝦、魷魚條等，入口酸酸甜甜好味道，加上是日特價，又是一個高CP值的存在！ 泰式菠蘿炒飯‧特價HKD$75 (原價HKD$98) 炒金邊粉一樣好食，而且炒到乾身不會油冧冧。 泰式炒金邊粉‧HKD$68 春卷脆口好食，幼身，魚餅則不推薦，併蝦餅可能比較好。 春卷併魚餅‧HKD$65 粉絲沙侓一般般，不過不失，加一蚊多個菜已經好抵。 泰式粉絲沙侓‧HKD$1 (全單滿二百蚊) 無加一服務費，今餐每人不用一百，整體好食，CP值高。香港既食評放0係Openrice，其他去旅行果D歡迎去我個Blog睇架! (｀・ω・´)b…Read More

今日放工後到旺角吃晚飯，走累了便隨意在附近搵食，口痕痕想食泰國菜，晚上七點多到達「泰廚泰國菜館」，地鐵站過來都是幾分鐘。餐廳幾乎客滿，空間算大，有二層樓，等了幾分鐘便可進去。餐廳裝潢簡樸，勝在價錢平，位置也方便。泰式豬手(例牌)星期三優惠價只是$58元，價錢非常平民，豬手以蔬菜、鹹酸菜、滷水蛋伴碟，一點都不馬虎，亦很有份量。豬手鹵得很香很惹味，皮嫩滑，配上酸酸辣辣的秘製泰式醬汁，令人垂涎三尺。豬手肉質嫩滑，肉汁豐盈，脂肪位煙韌，有嚼著感，咬一口肉汁四溢，肉汁迴轉在口中，吮指回味。泰式生蝦 當晚餐廳有作promotion，只要點菜過$200元便可加1元就有一碟泰式生蝦刺身，非常化算。生蝦爽口彈牙，配上泰式醬汁，酸酸辣辣，作為飯前菜非常開胃。泰式燒豬頸肉 豬頸肉大大片，香脆可口，配上泰式醬汁更加醒胃，酸酸辣辣，很有泰式風味。泰式菠蘿炒飯 菠蘿炒飯用上半邊菠蘿，真材實料，賣相好豐富。好足料，海鮮量十足，配料亦都好有誠意，炒飯有菠蘿、青口、魷魚、提子乾、雜豆，肉鬆。每粒炒飯粒粒分明，即叫即炒，很夠水準。沙嗲串燒（雞、豬）雞、豬串燒燒得香脆可口，調味亦做得不錯，伴上沙嗲汁調味很醒胃，很有泰式風味。但沙嗲汁偏辣，要飲上很多水解辣。 泰式和牛串 和牛口感軟熟且軟腍嫩滑，香氣撲鼻，鮮嫩多汁，讓人齒頰生香，回味無窮。泰式青檸冰略甜，很易入口，不會太酸。而咸檸梳打的用上泰國品牌的梳打水，十分地道。 整體來講，這頓飯性價比高，價錢平，上菜快，質素高，位置方便，很滿意！…Read More

其實個人都幾鍾意食泰國菜，但係旺角都冇咩特別泰國菜，呢一間夜晚去食都幾抵食！泰式菠蘿炒飯HKD75不得不說，依個菠蘿炒飯，真係十級好食！首先入邊好多配料，食完真係好開胃，同埋啲飯粒粒分明，再加上有好多肉鬆，下次都會過嚟食！泰式咖喱大頭蝦HKD138超級有份量，咖喱好香好入味，大頭蝦勁大隻，真係估唔到咁大隻，有四隻！之後再配埋餅加咖喱一齊食，完全冇得輸！之後仲有個優惠，$200以上可以一蚊換其他嘢食，我就換咗生蝦。呢個汁又唔錯喎，酸酸辣辣，不得了好開胃！…Read More

相隔一段時間再來泰廚，這次試試上次沒有吃過的食物。泰燒和牛串($20)，非常惹味多汁的串燒。和牛的肉味濃郁，燒過後的牛肉既有外層的香脆，又有內層具嚼感的軟爽。沙嗲串燒雞串($12)，很多人點的串燒。之前試了牛、豬、雞串，雞串的味道最出色。嫩滑的雞肉，配上有花生碎粒的花生沙嗲醬，是最佳配搭。吃串燒怎少得泰式椰青($38)。吃一口熱燙燙的串燒，喝一口鮮甜的椰青水，人生一樂也。這次的椰青肉有點難分開，但無損喝椰青的心情。馬拉盞炒椰菜苗($75)，沒有馬拉盞炒菜就不是東南亞的特色。味道偏鹹，椰菜曲較通菜爽口，所吸取的沾到的鹹味也較少，反帶出其香爽。泰式菠蘿炒飯($98)，在炒飯來說價錢有點貴。及後看到原來是半個菠蘿盛著飯，倒是覺得值得。菠蘿的肉與飯混在一起炒，加上提子乾，味道不俗。菠蘿的酸甜十分開胃。但我更喜歡比較便宜的冬陰公肉碎薯粉($40)，這是一個午餐套餐，比散點更優惠。冬蔭公很濃郁但不會太辣，薯粉很帶嚼勁，肉碎量足。唯吃畢整碗後嘴上帶點油膩，故配香茅或青檸冰比紅豆冰更適合。紅豆冰(套餐+$5)偏重椰汁，紅豆軟穩，個人比較喜歡少一點椰汁的紅豆冰。套餐本來包餐湯及香茅冰或青檸冰，友人喜歡紅豆冰，便加$5轉了。轉了飲品後沒有餐湯，這點要留意。依舊是大份量大滿足的一餐，平靚正。…Read More

好耐無食泰國菜，今日經過旺角見到一間泰國菜館，順道入去試一試。冬陰大頭蝦湯:表面有一層紅油，本來以為很辣，但一點都唔辣，有一隻很大隻的大頭蝦，蝦肉爽彈鮮甜，湯內香料十足。泰式小食拼盤：有蝦餅、魚餅、蝦片、春卷及沙爹豬串，其中蝦餅爽口彈牙，魚餅香料十足，沙爹豬肉串肉質嫩腍，沙爹味十足，有很香的花生味，春卷則比較一般。泰式菠蘿炒飯：原個菠蘿炒飯，裏面有蝦仁、青口、魷魚、提子乾及肉鬆等，用料豐富，炒飯粒粒爽口彈牙，而且炒得乾爽。椰青：原個椰青即開即飲，非常清甜。…Read More

泰菜癮起，要在平日去九龍城的話放工已太晏，在市中心好味地道的泰菜選不多，於是朋友在Openrice中找了這間非連鎖的小店店舖位於行人天橋橋底隔黎，都算容易搵，好近花園街，只係平時行街不會兜這邊走門口有阿姐主理的串燒仲有人排隊等外賣，都幾香除了主餐牌，仲有一蚊推介及逢星期幾的特價品[沙爹串燒]Peachy.foodie rating: ⭐️⭐️⭐️⭐️（4/5)被門口的串燒香味誘惑，先來一雞一豬新鮮燒起熱辣辣先取一分，沙爹汁惹味而不過咸，特別喜歡沙爹汁當中有大量花生碎，食上癮！可以和九龍城的出名沙爹有得揮[泰燒和牛串]Peachy.foodie rating: (4/5)食完沙爹串燒好想再食，於是決定試試貴少少的和牛串。伙記上菜時特別提醒綠色的汁是泰式特汁，食落口有微微的酸味，味道清新，加埋燒到甜甜地的青椒，味道好夾，牛肉肉質算OK腍[泰式菠蘿炒飯]Peachy.foodie rating: 5/5朋友是菠蘿炒飯的擁躉，指定要食，加上有廚師推介，所以一試。自己一向對菠蘿炒飯無咩好感，但這個超驚喜！泰國香苗炒得粒粒均勻、乾身，而且鑊氣十足，更驚喜的在於足料，內有很多海鮮，有魷魚、蝦、魚，幾乎每一口都食到海鮮，好食又抵食[蒜炒椰菜苗]Peachy.foodie rating: 3/5蒜味十足，同樣夠曬鑊氣，所以沒有青味[泰式木瓜沙律]Peachy.foodie rating: 3/5一蚊真係一蚊！只要叫滿$200就可以揀個一蚊之選，所以基本上兩個人以上就一定叫到，所以枱枱都在叫，店員都會提提係，我地就叫了個健康的沙律。都絕不馬虎，不過要稍為食得辣先得泰菜味濃，所以不少得飲品喜歡這杯[珍多冰]椰奶和甜味配合適宜，啱我偷拍了別人的[明爐烏頭魚]是逢星期四的特價菜，原條明火上，好吸引，好多人叫，可惜我落單後先見到，原來每一日都有逢星期幾的優惠，下次要醒目啲CP值高、菜色選擇多、地點方便，所以即使平日都幾多人…Read More

早兩日同男友係旺角睇完戲又遇到每日都要煩惱既問題。。「今日食咩好呢🤔？」而我男友好怕呢個經常解決唔到既問題，有時我會好有目的想食某種菜或餐廳，但當完全無頭緒既時候，我就會好沮喪，繼而會有少少燥底（並唔係經常發作嫁）😂今次佢好快就話想食泰國菜，平時食泰國菜會入九龍城，但好攰想快快食完返屋企，所以就search 下附近有無好推介，就比我搵到呢間平靚正既泰菜😋去到門口見有唔少人等緊位，我係要等10個之後🤓所以行左隔離睇狗仔🐶點知5分鐘都唔夠就到我喇，又會快成咁😂 由於太餓既關係叫左唔少野食，隔離枱係咁望😂但我地最後係食曬無做大晒鬼👻係門口時見到有燒緊既串燒沙嗲好香，所以都叫左豬同雞各一串！沙嗲汁帶有少少麻醬味好香夠濃味，可能燒得耐左所以d肉有少少"un"但係可以接受既😊已經落好左單後突然見到呢個優惠餐牌，咁岩星期二優惠係菠蘿炒飯😵，yeah! 我有叫到仲撞岩正係時候✌🏻️嘩。。咁多肉鬆既我鐘意😍炒飯夠乾身，有好幾隻蝦同青口，大量菠蘿粒，好好食😋 我男友最鐘意既炸蝦餅🍤即炸即上枱，所以黎到仲好熱入唔到口😅等左陣食，大大粒好彈牙，而且唔會覺得炸粉好厚，又係好食😋這個豬手好。好。食啖啖肉好大舊炆得好「林」，仲好入味食落唔痴牙，連埋豬皮一齊食好正👍🏻由於塊皮太邪惡喇，所以每舊咬一啖就比左男友食，肥係佢度好過我嘛😝本身跟左個泰式醬，除非好鐘意食d又酸又辣既味，如果唔係個人認為唔點已經好食😋 同平時食既馬拉盞通菜個味有d唔同，低下無咁多醬個堆菜好食既，就係個醬汁濃味左少少，如果少d醬會更好！加$1可以有多一款小食，都估到最多人揀一定係生蝦，所以一定賣曬！最後我地揀左椰汁糕，$1有4件😵好香椰汁味，食落唔漏👍🏻最後仲叫左杯泰式青檸梳打做結尾，食飽飽飲返杯梳打。。爽😌總結黎講，兩個人食左五款食物，而食物既份量都唔係少，再加兩杯飲品，整張單只係$365，真係平靚正之選…Read More

位於旺角這間泰國小店, 極具人氣, 每天晚上門外都大排長龍, 門外的大姐卻在炎熱的夏天不停地燒烤, 燒烤味遠處都能聞到, 難道真的是那麼正宗? 於是我便一併去排隊, 試試這家的泰菜.等了約四十分鐘, 環境感覺跟茶餐廳, 味道卻是挺美味。通常泰國菜, 泰式菠蘿炒飯, 串燒和咖喱都是必吃之選;這裏的串燒, 沙爹醬味濃郁香辣帶甜, 每一口的雞肉及豬肉都混以香濃的醬汁,十分惹味; 至於燒和牛串, 肉質鮮嫩多汁, 口感鬆化, 這個的醬汁卻是用了香辣汁, 比沙嗲濃烈的香味, 這個更能帶出和牛味;主菜的泰式菠蘿炒飯, 金黃色的炒飯置於精緻的菠蘿器皿, 炒飯粒粒彈牙, 混以葡萄, 海鮮去炒, 菠蘿肉去炒, 鹹中帶甜, 一個人的份量剛好;來一碟黃咖喱海鮮, 如果吃不到辣的, 黃咖喱最適合, 香甜的咖喱帶有香濃的椰香, 豐富的海鮮各式各樣, 有青口, 魷魚, 蝦…… 蝦肉雖然浸於咖喱中, 但奇爽, 咖喱汁加入菠蘿炒飯, 使炒飯的味道及感覺又會形成另一種口感;吃完來個椰青, 清一清口感及油膩, 是不錯的選擇, 清淡的椰青, 沒有想像的那麼甜, 喝完水, 雪白的椰肉露出, 輕輕一挖, 清香的椰肉使能品嚐;雖然不知道何謂正宗的泰國菜, 但這間的味道及款式仍是不錯的選擇。…Read More

今晚同家姐去金魚街添置魚缸用品時，見到有間泰國餐館，於是上openrice睇睇，見到價錢合理，又有每晚優惠同埋一元優惠，好似唔錯，反正都好耐冇食過泰國餐，於是我倆便入去。店內其實不算太大，原來樓上還有雅座，由於樓下已坐滿人，故我倆要上上面坐。樓上空間亦不算大座位亦不算多。看看餐牌，發覺都多種種類可選擇，有泰式小食，泰式沙律，湯，小菜，蔬菜，咖哩，海鮮，飯類，湯粉，炒粉，仲有飲品。我倆點選了"泰式木瓜沙律" $72上檯時望落去好細碟，一半是生菜，一半是木瓜絲，但食時好似食左好耐都未食晒。木瓜絲和豆角夠爽身，醬汁酸酸地好開胃，想清新爽脆啲感覺，可以將木瓜絲放入生菜裡，好似生菜包甘食法，又不會覺得太酸。我倆還點了"泰式菠蘿炒飯" $98雖然菠蘿炒飯不是很大個，但我倆已夠食有餘，而且菠蘿炒飯亦放滿半個菠蘿形成小山丘。菠蘿炒飯的材料亦不少，有肉鬆，菠蘿粒，洋蔥粒，青豆，粟米粒，紅蘿蔔粒，蠟肉粒，提子乾，仲有海鮮，魷魚，蝦等十多種材料。菠蘿炒飯酸酸甜甜，有用紹酒炒，故好香紹酒味，炒飯炒得乾身爽身，濕度適中，不會黏身似爛飯。我倆還點了串燒小食。"和牛串燒" $20 - 和牛滑，夾住洋蔥青椒，在上面灑上醬汁，好有牛香味，串燒又不會燒得太熱氣。雞串燒 $12 - 雞串燒大件，雞肉亦很滑，雞肉燒得比香口。豬串燒 $12 - 豬串燒稍為細件啲，而且豬肉燒得過火有些"嚡"。雞串燒我豬串燒沾上秘製沙嗲醬，特別惹味，辣味適中。今晚是星期三，可以用優惠價 $58 點泰式豬手(例牌) 豬手送上來時，還看到熱呼呼出煙，豬手已切成好幾件方便夾，還有酸菜，芥蘭，半隻滷水蛋伴碟。豬手很滑，豬皮好似食緊扣肉甘溶化，在豬手上醬汁甜甜地，味道又有些少似滷水汁。這個店家自家製的泰式醬汁確有些少辣味，很開胃。不過豬手一定要趁熱食，放涼了豬皮變硬，不易咀嚼。滿$200 又可以用一元點餐牌上的任何一款，我們點了我最喜歡的"泰式生蝦" 生蝦共有4隻，都算大隻，又很新鮮，有鮮蝦味，肉身爽口，而且夠凍，夾埋蒜片和辣椒再沾上店舖自家製的泰式醬汁，夠惹味。蒜片和辣椒又可以殺菌，但我嫌店家自家製的醬汁唔夠辣。不過這個一元優惠又真是好抵食。最後我倆點"泰式青檸梳打" $20 -  第一啖時覺得甜甜地，後來篤了檸檬片攪勻後，味道均勻。我倆吃飽後又繼續逛街。…Read More

星期六係我既美容日, 預約左到美容院做treatment, 既然出得旺角, 就緊係去食埋野喇!好耐無食泰菜, 搵到呢間寫明有泰廚既餐廳, 就試下係咪特別地道喇。餐牌除左有中英文外, 亦有泰文名稱, 好多圖片, 而且餐牌入面亦有highlight餐廳的推介次選。食物種類好多, 淨係蔬菜類都有20款, 基本上唸得到既泰菜都有。泰式椰青 $38椰青的份量令我震驚, 大概有我個頭甘大(笑)。真的足夠兩個人一起喝, 椰汁清澈, 味道清甜解渴。咸檸梳打 $20鼻b叫的咸檸梳打, 獨立支裝的梳打水也是Made in thailand, 果然地道。咸檸咸酸適中, 配合梳打水, 與濃味泰菜十分夾。泰式燒豬頸肉 $70估唔到份量有甘多既燒豬頸肉, 除左件數多, 厚度亦是大滿足。外面焦香, 入面粉嫩, 入口紮賽。旁邊的是帶香茅味的醬料, 味道還會酸酸甜甜, 好開胃。因為這個微微剌激的醬汁, 令豬頸肉味道不再沉悶, 不知不覺就吃光光。泰式木瓜沙律 $72香港食到的木瓜沙律好少會放鹹蟹仔, 而據聞呢個係泰國最地道既食法。呢間餐廳就沿用呢種食法, 將蟹仔用魚露生醃, 再同木瓜沙律一同舂碎。所以呢到既木瓜沙津比一般的咸及辣, 雖然好正宗, 但我比較喜歡吃甜甜酸酸的港式版本。 泰式菠蘿炒飯$98滿滿的菠蘿炒飯, 顏色鮮艷亮澤。用料非常充足, 多到不能盡數, 大概有:蝦、青口、魷魚、菠蘿、蕃茄、提子乾、離豆、廿筍、洋蔥等等。所以口感非常豐富, 味道甜中帶香。食物上菜的速度奇快, 快到大概10分鐘內就上哂所有食物。利害!…Read More

每次行金魚街,總會被濃濃的燒烤味所吸引,總會駐足一會,買上一,兩串串燒來滿足自己的口腹。今次索性和友人在這間泰國菜一起食晚餐。 原來餐廳分開上,下兩層,我們安排了坐在下層。地方好像有點迫,可能旺角租金真是很昂貴,老闆要儘用每吋空間 餐廳原來每日都有一款特價菜,和叫滿200元,可加一元有樣小食我們叫了2串沙爹豬肉,串燒雞翼,泰式菠蘿炒飯,泰式豬手,泰式咸魚炒芥蘭,咸檸7,因已夠200元,加1元要了泰式木瓜沙律。泰式菠蘿炒飯,好多的豬肉鬆鋪在面上,還有青豆,紅蘿蔔，鮮菠蘿,尤魚,粟米,提子,蝦,蠟腸,蕃茄等,用料十足。每啖都包含了每種材料,有甜有咸，好特別。泰式豬手,用上桂皮,花椒,八角浸熟,所以顏色偏深,看似好肥,但咬下去好嫩滑,唔覺有肥肉夾在其中,有酸菜伴碟,酸酸辣辣, 好開胃,芥蘭墊底,吸收了豬手的醬汁,份外好味主角...串燒沙爹豬,帶少少燶,每件豬肉,都是分開,大小剛好,絶對唔靭,配上餐廳秘製的沙爹醬。好香的花生味,滋味無窮泰式香茅全隻雞翼,很大隻,食到有些香茅味,甜甜地,配合埋餐廳秘製的沙爹醬,又有花生的香味,同在街企著吃又唔同的感覺泰式咸魚炒芥蘭,碎碎的咸魚粒,使咸魚的香味更加發揮出來,同芥蘭特有的香味,配合得好好.加1 元　的泰式木瓜沙律,並不會只是加一元份量而減少。醬汁酸酸甜甜,有蕃茄,青豆,花生碎等配料在面,加埋一起好爽口.咸檸7 ,用了半個咸檸和半個青檸,咸中帶酸加上7 up 的甜度,又頗配搭今次堂食,總比企在街食好味,又可以試埋其他菜色,很滿足.…Read More

泰國菜 絕對係香港人最喜歡食嘅菜色之一今晚同老友相約在泰廚 勁多人等位😂一人一個椰青消下暑先 貼有泰國貼紙証明真係來自泰國🐘 非常鮮甜👍🏼 店家做緊優惠 滿$200即可加$1要沙律 抵食👍🏼我地叫左粉絲沙律 份量並無因為價錢而下降😋洋蔥爽口 粉絲亦十分幼滑彈牙👍🏼 配上酸酸辣辣嘅醬汁 十分醒胃 😌 半隻海南雞 咬落啖啖肉 明顯係大肥雞一隻入口肉質嫩滑到不得之了 點埋自家醬汁酸甜中帶點辣 十分惹味👍🏼👍🏼👍🏼 菠蘿炒飯 入口甜甜的 帶有微微嘅咖哩味炒飯中有提子乾 魷魚粒 粟米粒等等將肉鬆與炒飯拌勻 口味更加豐富👍🏼👍🏼 …Read More

每次經過花園街天橋底，都會看到一間茶餐廳規模的小型泰國餐館，門面不奢華造作，吸引我目光的往往是那撲鼻的串燒香和那等待串燒的人龍。 每次想排隊買串燒但看到人龍就怕了，今天特意早一點來，直接光顧晚市吧。 最愛吃炒金邊粉，這裡的粉可以令我尋回那失落的味道。因為兩年前在清邁星期日市集吃過那一生難忘的味道後，回港在九龍城多家泰國餐館至今也未能找回那個味道。小店的金邊粉偏橙色，賣相跟我的目標大致相近。大量花生碎在旁邊，還有肉絲豆腐干，粉炒得乾身，味道有魚露的鮮甜，搾上新鮮檸檬汁，再加幾分國清新開胃。星期一至五每天都有優惠菜式，今晚星期二是菠蘿炒飯。我們還擔心菠蘿炒飯會很頹，更何況是優惠菜，但看到旁邊每檯都有半個菠蘿在檯上那我們便信心滿滿地點了。菠蘿一到，十分驚喜，眼前一亮。首先是肉鬆已經滿瀉到碟上，看得到的還有大大粒菠蘿，蝦球，魷魚等。吃一口，菠蘿咬落多汁，其酸甜味更包裹著每一粒飯，炒飯乾身，粒粒分明，海鮮配料份量十足，實在是今晚最抵食的菜。朋友愛吃蝦球，點了這個有點避風塘style的。說它避風塘style當之無愧，鑊氣十足，爆香的蔥粒蒜粒辣椒粒惹味非常，椒鹽份量恰到好處，不會過咸，難得的泰式小炒。香茅雞翼，我們每人叫了一隻，原因是被門外負責串燒的姐姐背影深深吸引。雞翼燒得正好，不會乾身，仍有雞油，肉質也可以保持嫰滑。最重點是隨上的沙爹汁，帶點微辣，沙爹味重，令燒得出色的雞翼昇華到另一層次。價錢大眾化，甚至比某些街頭的串燒店還要便宜。除了每日精選優惠外，小店還有四款$1優惠小碟，只要光顧滿$200就可選取其一。生蝦售完了，我們改叫木瓜沙律。平常吃到的木瓜沙律都偏淡，這個卻偏辣，但辣妹我卻十分驚喜而且滿意。 小吃拼盆（小）有春卷，魚餅，蝦餅，串燒（雞豬各一），蝦片，還附試我愛的泰式辣醬。全都是香口小吃，炸得香脆卻不油膩，魚餅蝦餅都香軟彈牙，而且份量都是二人份，每人每樣一件剛剛好，也可以滿足想試足各樣小吃的願望。特意過來直闖晚市沒有失望，店外還有很多拿著號碼籌等檯的客人，亦繼續有等著串燒的人。小店抵食足料，味道正宗，難怪客似雲來。不過店內地方有限，位置有點擠迫，檯貼檯，吃完離座也要麻煩隔離客人讓位離開，針沒有兩頭利，抵食已經勝過擠迫一切。…Read More