明記 • 潮鍋

旺角一向都有不同種類的火鍋店，今日就同朋友試這一家主打新鮮游水海鮮、潮洲特色的火鍋食材，及潮洲滷水火鍋湯底的「明記．潮鍋」。店內間格擺位非常舒適寬敞，枱與枱之間空間感十足，裝潢以木紋作主色調。還有自己的水缸，可以確保海鮮的新鮮度。餐廳提供三種價格海鮮套餐： 精選海鮮套餐A｜$238、至尊海鮮套餐｜$338及 豪華豪華海鮮套餐C｜$438。價格相宜，性價比很高。🔸至尊海鮮套餐B｜$338/位 套餐分別包括東瀛刺身拼盤，波士頓龍蝦海鮮盤（有十款不同種類的海鮮）🔺東瀛刺身拼盤是日為三文魚、油甘魚、北寄貝、希靈魚和魷魚，刺身新鮮，清甜。 🔸皮蛋芫茜湯鍋｜$68湯底好清新，帶有芫茜香氣，還有皮蛋和豆腐作配料，對於怕打邊爐熱氣的我，就最啱。🔺波士頓龍蝦海鮮盤1️⃣ 波士頓龍蝦(半隻) 龍蝦肉身肥美飽滿，肉質鮮嫩彈牙，而且龍蝦頭有好多蝦膏2️⃣ 鮮活鮑魚(一隻) 鮑魚厚肉爽口，柔中帶韌，鮑魚味十足，鮮甜好味。 3️⃣ 蟶子王(一隻) 肉質爽脆，滑嫩，有海水味，而且鮮甜。 4️⃣ 大元貝(一隻) 圓潤肥厚，大元貝飽滿雪白，口感滑嫩有彈性，鮮美甘甜[六款廚師發辨海鮮]5️⃣ 生劏白鱔片，口感爽彈，帶有魚油香氣6️⃣ 基圍蝦蝦頭帶有蝦膏，肉質鮮甜7️⃣ 紐西蘭青口帶有海水味，鮮味無比8️⃣ 貴妃蚌甘脆嫩滑9️⃣ 沙白味道清甜，完全無沙🔟 魷魚帶有脆度，而且很鮮🔸安格斯牛肉 ｜ $108 (套餐優惠價) 口感豐富，肉質厚實，肉味濃郁，味道香濃，油花分佈均勻，讚🔸 西班牙黑豚肉｜$108 (套餐優惠價) 肉片油脂分布均勻，吃起來滑澀，口感細嫩好吃，肉質柔軟，帶有濃濃的香甜氣息🔸油麥菜 ｜ $38 油麥菜好新鮮翠綠 🔸特大杯熊仔冰檸檬茶(1L) ｜  $28 打卡必點的，可愛熊仔浸在大大杯一公升檸檬茶中，十分可愛…Read More

同朋友喺附近睇完戲，想食下海鮮又想打邊爐，於是嚟到威達商業大廈嘅明記 ‧ 潮鍋。店內空間闊落，加上無時間限制，價錢仲好抵，難怪晚市時間都好熱鬧呢～鍾意食海鮮火鍋嘅要嚟試吓呀！😋今晚我哋叫咗至尊海鮮套餐B，再加配其他打邊爐配料，湯底喺比較清甜嘅湯鮮茄薯仔湯鍋。放海鮮嘅時候，店員都主動提醒我哋留意煮食嘅時間，服務親切，枱上都有餐牌提示，唔使驚煮耐咗啦～✨波士頓龍蝦🦞海鮮盤海鮮盤份量十足，包括有波士頓龍蝦、鮮活鮑魚、蟶子王、大元貝，仲有廚師發辦嘅魷魚片同蜆等等。鮑魚肉質細嫩，口感鮮甜，而龍蝦🦞肉質結實彈牙，仲啖啖肉夠曬爽口。 蟶子同元貝同樣新鮮，肉質肥美。✨東瀛刺身拼盤刺身拼盤有三文魚腩、油甘魚、北寄貝等等，魚生唔單止厚切仲好新鮮。✨即包明記雲吞王 🥟雲吞皮薄餡靚，足料好味。✨手打墨魚滑 墨魚滑口感豐富，煮耐咗都唔會變形發脹，打邊爐必點。✨脆炸響鈴響鈴超級鬆脆，夠曬脆卜卜之外，仲有豆味呢！…Read More

是晚與友人來到明記•潮鍋吃海鮮火鍋。這裡有多款海鮮拼盤選擇，以人頭收費，就算2個人也可以吃到很多海鮮。今天選了中價位的至尊海鮮套餐B，也另外加點了一些火鍋食材。湯底選了比較特別的南瓜雞湯鍋，貪其清淡一點，配海鮮更為適合。東瀛刺身拼盤: 點好菜不久便送上一個擺得很美的刺身拼盤。刺身都新鮮，尤其三文魚腩及油甘魚，油脂豐富，很美味。波士頓龍蝦海鮮盤: 上菜方式非常精美，一個大冰盤擺放了十款海鮮，十分適合打卡。在外表之餘亦岀色，串著的蝦及鮑魚還在不斷郁動，非常生猛。是日除套餐必備的龍蝦、鮑魚、蟶子王及大元貝，還有美貝、沙白、鮮魷、膳片、蝦及青口。龍蝦非常新鮮，肉質彈牙，龍蝦頭還有膏，很鮮味。元貝蟶子蝦鮮甜，蜆亦大隻無沙。膳片爽脆，還附有魚骨位置可淆淆湯。有驚喜的是魷魚及青口。魷魚鮮味而不韌，很好吃。平時甚少吃到新鮮青口，想不到大隻之餘亦厚肉juicy，和急凍的相當不同。欣賞店家貼心附有2個大湯勺，可以撈住海鮮不會找不回來。手切牛肉: 加點了一份手切牛肉，是牛頸脊部位。牛肉片雙飛，切得厚薄適中，油花亦美，入口牛味濃郁且有油香，必點。雜菜盤: 菜盤內有8款不同蔬菜，包括粟米、蓮藕、蕃茄仔、木耳、娃娃菜、油麥菜、菜心跟皇帝菜，質素都不錯，特別喜歡粟米，是超甜粟，吸了充滿海鮮味湯底精華，很好吃。也很愛蓮藕，爽爽脆脆沾點加了麻辣油的豉油，挺岀色。即包明記雲吞王: 雲吞王大大隻，內包有2大隻蝦，雲吞皮軟滑，挺不錯，內𥚃能多包一點肉會更好。飲品: 點了特大杯熊仔冰檸檬茶，打卡一流，將茶雪成熊仔冰，夠吸睛，夠凍之餘喝著又不會淡。另外也有不少自家製養生飲品，選了蘋果雪梨蜜棗水，甜味天然，感覺清潤，不錯。整體價錢中上但質素很好，食材新鮮，環境亦闊落，而且沒有限時，可以慢慢吃，不論人多人少也可吃到多款海鮮，值得再來。…Read More

新張不久嘅明記潮鍋係通菜街商場3樓，主打生猛海鮮火鍋加刺身套餐，有幾種價位選擇，338/位 已經有刺身盤同10款高級海鮮，價錢真係非常吸引，上枱時見到海蝦鮑魚生猛到仲郁緊，真係有震撼感。10款海鮮盤有波士頓龍蝦，鮑魚(超大隻), 海蝦，大元貝，蟶子皇，貴妃蚌，台山桶蠔，魷魚，白鱔片，沙白蜆。最正係波士頓龍蝦，龍蝦頭好多膏，d 肉白雪雪，好甜好彈牙，鮑魚貴妃蚌蟶子皇鮮甜爽彈，大元貝厚肉味鮮，桶蠔新鮮，厚肉蠔味濃，最有驚喜係魷魚，厚肉得黎又嫩又鮮甜，出面好少食得到呢個質素。而且店家重視質素同食客體驗，經常幫忙提示各款海鮮嘅火喉控制，保證最佳食物質素，唔會過火。湯底揀左潮州沙爹同胡椒豬骨湯底，沙爹味好香，胡椒湯夠辣，豬骨量多，淨飲湯已經不錯。手切肥牛 $138 ，雪花平均，厚薄適中，肉質嫩滑，牛肉味香，份量十足，高水準之作。韮菜餃 $48 ，韮菜好新鮮，爽脆個隻，個皮好幼滑，一唔小心就會食飽左😂😂😂飲品只係10蚊1支，但亦絕無妥協位，竹庶茅根足料香甜，用玻璃瓶封好，食火鍋有一支冰凍清爽嘅竹庶水真係最佳助攻。海鮮靚，價錢靚，座位闊落，服務周到，同一般牛肉火鍋任食連鎖店相比係唔同幾個層次。…Read More

海鮮火鍋控今晚又有新目標，發掘到新開業嘅火鍋店，位於美食林立嘅通菜街樓上鋪，佔地廣闊，座位闊落舒適，新裝修感覺唔錯👍🏻餐廳主打食海鮮🐠🦀🦞🦐 特設3款精選海鮮火鍋套餐，價錢由每位$238起，包括東瀛刺身併盤和精選生猛海鮮。睇完餐牌已經好期待。我們揀了套餐B （每位$338）的海鮮款色已包括每人半隻波士頓龍蝦🦞😍😍和十款海鮮❗️東瀛刺身拼盤(四款)擺盤好靚，刺身包括三文魚，油甘魚、八爪魚和希靈魚。全部正常新鮮，油甘魚比三文魚更甜美，八爪魚和希靈魚薄切。至尊海鮮套餐B套餐奉送指定湯底，揀了「蕃茄薯仔湯」清清地夠家常唔會蓋過海鮮味道，食到最後俾我哋成功製造左蕃茄海鮮湯～😋👍🏻勁好飲，又唔會過鹹蛋，充滿濃郁嘅海鮮味。海鮮拼盤好有睇頭夠晒份量好吸晴👀波士頓龍蝦~ 好新鮮，肉質結實彈牙，屬於大size，所以每人半邊已經啖啖肉。鮮活鮑魚～ 唔好淥太耐兩三分鐘就OK。口感嫩滑夠鮮味。蟶子王～好鮮甜，同樣最好自己計時，1分鐘就足夠。大元貝～好似食緊帆立貝刺身，入口甜美肉質嫩。另外仲有六款廚師發辦，視乎當日精選貨色😋基圍蝦～新鮮就足夠整咗，好鮮甜。台山桶蠔～超大隻肥美😋淥完都唔會縮水，充滿濃郁蠔味！本灣鮮魷魚～魷魚厚身，入口軟綿綿的還以為好韌，有驚喜！靚花甲～粒粒鮮甜冇沙，充滿海水嘅鹹味👍🏻生劏鱔片～唯有新鮮高質嘅視鱔片先會咁彈牙好吃，肥美又有魚香。鮮北寄貝~ 較少機會吃到，有鮮味但需要點牙力，淥完後用鉸剪剪開象拔蚌仔～勁鮮甜，竟然比蟶子王更加甜！手切牛肉（$138)脂肪分布平均，肉質柔軟入口有油脂香，跟套餐優惠價只加$138 ，絕對抵食而且好高質！野菌鮮肉餃好大隻，肉餡美味配上香菇很出色。餐廳自家推出多款健康飲品，$10 一樽有交易絕對抵飲👍🏻👍🏻竹蔗茅根，足料清甜！紅棗杞子桂圓茶，較為甜嘅一款，可以當作飯後甜品😋蘋果雪梨蜜棗水，最喜歡蜜棗嘅甜味，配蘋果超滋潤，好解渴，啱晒打邊爐。…Read More