歡樂海鮮酒家

對於家住柴灣的我, 入流浮山跟本是同去旅行一樣,冇咩分別, 山長水又遠....(誇張點地說)。因工作關係,今日要入去走一轉, 到中午開食飯時間, 一班人梗係去食海鮮啦 ! 今次一行乘十人, 可以食多啲唔同款式嘅海鮮, 有龍蝦,鮑魚, 生蠔,奄仔蟹, 聖子, 東星斑。 基本上食海鮮最簡單兩個字~ 新鮮 。就已經好好味!好彩呢餐今次公司請, 埋單應該唔平…查看更多

未黎過流浮山食海鮮,聽聞係特別貴...不過朋友已經揀左地方就試試啦....食之前係流浮山行下,睇日落都幾靚丫...我地一行18人 (1小朋友),坐晒一1張大台都幾開心...一早已經同朋友們投票好食咩野,揀6款海鮮食,再加其他野...瑤柱皇醬汁焗龍蝦,賣相都幾好,做法比較特別,好似係歡樂獨有o既廚法,龍蝦都好新鮮甜美,瑤柱味都幾香口,炒麵底我就覺得麻麻,雖然食龍蝦好少用炒麵底,我都係比較鍾意食伊麵底多d...同埋我都係覺得上湯or芝士焗o既廚法比較好...果皮蒸大連鮑魚,都幾大隻下,不過只係大隻,冇乜新鮮鮑魚味...只係見大隻會"嘩~",但食落我就覺得麻麻,反而細隻d會鮮味d...蒜蓉粉絲蒜扇貝,係我鍾意食o既海鮮之一,不過蒜蓉多到帶點苦,同粉絲比較林身,粒扇貝一開二都幾大隻鮮甜..豉椒炒聖子,從未見過一碟肉多過款o既炒聖子,d肉多到埋滿成隻碟,好誇張呀....只係見到幾隻殼,大家食極都仲有,不過我反而覺得唔太好食,只係個量多,但唔夠爽甜,同埋咸左d...油鹽焗奄仔蟹,我全晚最期待o既一樣,自上年第一次食過奄仔蟹之後就愛上左,好鍾意食d膏,點d醋仲好食...之前食開蒸,今次油鹽焗都唔錯,好大隻,都算多膏,而家都應該算係o岩時期食,遲多幾個月就會麻麻架喇...不過我覺得蒸會好食d...砵油焗生蠔,出黎用錫紙包住,拆開陣陣香味飄出黎令人期待,蠔都好大隻,不過粉漿比較厚,味道有少少怪,唔知係廚法問題定係隻蠔喇...椒鹽豆腐拼鮮魷,年青人都係鍾意食香口野呀,不過豆腐唔滑,椒鹽鮮魷都唔夠香口,冇"椒鹽"o既味道...所以...麻麻地喇....薑蔥霸王雞,佢話係新鮮雞,賣相唔錯,不過我覺得唔夠滑,如果係新鮮雞黎講,就真係整得唔夠好喇...d肉比較"鞋"...唔講以為係冰鮮雞....菜,叫左炒菜心同通菜,之前落單係腐乳通菜,但我地食唔到腐乳味,可能變左清炒啦....食神炒飯, 之前睇食評見出名緊係要試下啦,炒飯夠鑊氣,亦都有少少"燒焦"味,夠蛋香,加上有蟹子,食落夠口感,爽爽地咁...但個飯d料就好少喇...一人三百幾蚊食左咁多野其實都ok,又龍蝦又鮑魚喎,份量都幾多,我地多壯丁都係勉強食得晒,不過呢...煮法就唔夠出色咁,總係覺得爭少少...…查看更多

從粉嶺開車到流浮山原來很方便。一家四口大約在下午一時到達歡樂，樓下開始時只有我們和另一枱，二樓就做團。我們叫了一個$480的二人套餐1. 蒜蓉蒸開邊龍蝦2. 果皮蒸大連鮑魚3. 油鹽焗奄仔蟹4. 豉椒炒聖子5. 蒜子上湯浸菜遠再加了6. 椒鹽賴尿蝦7. 食神炒飯所有食物，我們都非常滿意，大女還用佢部相機一路影一路食！太太最滿意之選：蒜蓉蒸開邊龍蝦，多肉，夠爽！大女最滿意之選：食神炒飯，自己都炒唔到咁好味。細女最滿意之選：果皮蒸大連鮑魚，好滑呀，重有無呀！自己最滿意之選：食神炒飯，夠料，夠乾身。…查看更多

哥哥快要返澳洲，今日我哋一行十人嚟呢度 farewell 佢。雖然呢度唔多就腳，環境又一般，但勝在海鮮靚，煮得又唔錯，Service都幾好，所以揀呢度。炒班球 - 班球是黄皮老虎班，魚皮爽口彈牙，肉質爽爽哋又唔韌，十分好味炆班頭腩 - 我哋好鐘意食呢度嘅大班兩味，尤其是班頭腩 ，做得很出色，炸得班腩脆脆哋，再燴番個汁，正！班腩也有很多肉。今次水準比以前差咗D，有部份班腩唔夠脆，但味道也不錯。上湯龍蝦 - 很大碟喎，龍蝦很爽口，雖然龍蝦味淡咗D，但有鮮味，有炒麵喺底，炒麵很脆，加上龍蝦上湯，好好味呀蒸鮑魚 - 幾大隻喎，口感唔錯，又唔韌，不錯。蒜蓉粉絲蒸聖子皇 - 聖子皇好鮮甜又爽口，粉絲就一般啦海鮮湯 - 唔知有咩嘢料，但好鮮甜，好味道。油鹽焗奄仔蟹 - 奄仔蟹喺我的最愛，以往每次都好正，今次D膏就少咗D，又唔夠香，好失望呀:(，雖然唔太差，但同以前有差別。炸子鳼 - 有雞味，外脆內滑，食落口咸咸香香咁，味道很好。炒菜 - 菜心又腍又甜，味道不錯。食神炒飯 - 炒得夠乾身，好味道，飽都要食番碗。最後仲有果盤, 埋單$3999，價錢都OK。…查看更多