HeSheEat (白布街)

白布街一帶都有好多唔同嘅餐廳🥰其實我都唔係第一次食HeSheEat，喺銅鑼灣食過一次覺得十分唔錯，今晚嚟到竟然見到呢間餐廳排長龍，既然聽日放假，一於就試吓旺角同銅鑼灣嘅出品有冇唔同啦🥰-雖然好多人排隊，但係等咗大約15分鐘就可以入座👍🏻都唔算耐🥰為咗美食等幾耐都值得啦😂😂-旺角嘅HeSheEat以粉紅色做主題💕一入到去即刻少女心爆棚啊🥰-1.牛油果蟹肉凱撒沙律 $78呢個沙律🥗好抵食呀😍牛油果好大粒，而且蟹肉都唔少😋😋上面仲有好多芝士碎，凱撒沙律汁又唔算太鹹😍重點係份量都唔少，可以嗌一碟幾個朋友一齊share，咁就可以叫多啲唔同嘅嘢食💕高好質🤤😋-2.朱古力咖啡沙冰 $38 / 夏日水果紅茶 $36HeSheEat有好多唔同特色嘅飲品，有奶昔同埋果茶😍朋友係朱古力同埋咖啡控，呢杯飲品簡直係合晒佢心意💕咖啡味同朱古力唔會互相蓋過，咖啡味唔苦，甜度適中👍🏻而我杯果茶叫咗少甜，所以甜度好滿意，加上有新鮮嘅青蘋果同埋橙，成件事好refreshing🥰-3.蕃茄蟹肉牛油果莎莎配墨西哥脆片 $85好鍾意嘅starter😋賣相亦都好靚👍🏻粟米片夠脆，中間嘅莎莎醬出奇地足料，基本上每一塊粟米片都係充滿嘅莎莎醬🤤牛油果、蕃茄粒、同蟹肉嘅份量都恰到好處👍🏻🤤-4.巴馬臣火腿意式蕃茄水牛芝士意粉 $78提一提呢度嘅主食份量都好多，唔單止意粉多，佢嘅配料都十分之多，Parma Ham有差唔多五、六塊，蕃茄意粉唔會太酸，最鍾意佢嘅意粉係扁同幼嘅意粉🍝好特別😍-5.檸檬忌廉班戟卷 $58中間嘅雪糕係乳酪味😍好出色👍🏻班戟配搭住好多焦糖脆脆😍而班戟嘅皮好薄，入面夾雜檸檬味嘅jam，酸酸甜甜，唔會好膩，好開胃🤤-其實HeSheEat真係好抵食，每樣食物嘅份量都好多，一條龍食哂頭盤、沙律、主菜、飲品同甜品都只係呢個價錢，CP值十分好高👍🏻👍🏻…Read More

今晚去食西餐，今晚餐廳爆滿，樓高兩層，粉紅色既店舖，店舖招牌好特別，係一個粉紅色既嘴唇配襯黑色既鬍鬚👄🍅蕃茄蟹肉🥑牛油果莎莎配墨西哥脆片 $85最頂係黑松露及碎蕃茄，中間層夾著牛油果蓉，最底層係蟹肉，配埋幾塊墨西哥脆薯片，口感好特別，味道好夾，好味道🧀芝士汁鮮蛋意大利麵 - 扒虎蝦🦐 $95香濃既芝士汁配襯鮮蛋意大利麵，黏度適中，意大利麵煙煙韌韌，好多小蘑菇，仲有3隻大蝦🍋檸檬忌廉班戟卷🥞 $58甜甜的Yogurt球，配搭酸酸的檸檬軟身班戟卷，仲有焦糖脆脆，酸甜口感，開胃甜品🍵宇治金時心太軟配豆腐雪糕🍦 $62頂層放住大大粒紅豆，切開熱辣辣外脆內軟既心太軟，流出濃郁既抹茶醬，配埋清甜既豆腐雪糕，同時放入口內，一凍一熱有另一深層既口感，仲有2粒煙煙韌韌既丸子 + 2件煙煙韌韌既蕨餅🍪OREO奶昔 $38香滑濃郁既OREO奶昔，甜度適中，好飲🍹夏日水果紅茶 $36不同水果放配合紅茶，香甜好飲…Read More

食過HeSheEat 既心太軟真係食上隱，所以去開旺角又捉左屋企人同我食😊單骨蜜糖芥末雞翼呢個係見到openrice 熱門揀既，果然冇推介錯😊單骨方便左我d懶人食用，一啖食哂😋炸到脆一脆，炸衣唔會太厚，肉質仲好鮮嫩，淋上香甜既蜜糖芥末醬，真係食到唔夠喉丫👍🏻薯餅波波本身諗住係前菜應該份量輕量，點知佢係滿滿一大桶🙈🙈三四個人share都得👍🏻熱辣辣上台，香脆既薯餅配上香濃既芝士醬真係好邪惡丫🙈仲有粒粒煙肉脆脆，增加個咸香感海鮮意大利飯呢個飯係好賞心悅目既鮮黄色，見到已經垂涎欲滴醬汁好夠好濃郁，唔會乾，飯粒食落口感綿密😋海鮮都比得好足料，每隻都係打孖上👍🏻墨魚汁意粉揀左扒虎蝦，呢個同意大利飯既海鮮量比就少d,揀左扒虎蝦，呢個同意大利飯既海鮮量比就少d,但蝦肉質依然鮮甜爽口，意粉落左辣椒粉調味，但放心唔會好辣，仲可以加d檸檬汁增加個鮮味😊朱古力三重奏甜品控既我特別鍾情心太軟，外脆內軟既口感真係無法抵擋😍每次都好期待切開佢d朱古力湧出黎個刻，食完真係覺得自己好幸福丫💕但如果佢可以分開心太軟同其他個兩個會比較好，因為食完心太軟會好飽，而其他個兩個可能係用黎解膩個朱古力味唔會太重，但為左個心太軟都係要叫哂三個黎食😂檸檬忌廉班戟卷呢個又係見到係熱門所以叫既🙈檸檬既清新可以清一清口腔，個餅皮做到好薄，檸檬既清新同濃郁既焦糖漿形成強烈對比，令到各自既味道都好出，但焦糖脆脆有d太大舊，如果可以整到小巧d會方便食用同埋都唔驚太膩😊埋單$479,人均二百幾可以食咁多野，cp值勁高👍🏻😍…Read More

旺角嘅呢間HeSheEat係門口睇落好似好細間好逼，但原來樓上仲有位，座位好寬鬆，食客算多。環境不錯單骨蜜糖芥末雞翼，單骨食落好方便，肉都好嫩， 但蜜糖芥末嘅味唔重。 不過整體味道不錯等超過30分鐘嘅焗飯焗厚切豬扒飯係白飯底，有菠蘿粒係入面，塊豬扒有點薄，少許乾身。味道ok，menu張相睇落好似幾大份，但其實份量都算少，lunch黎講只夠一個人食。最後甜品有檸檬忌廉班戟卷， 班戟入面有肉桂同檸檬忌廉配上雪糕同蜜糖脆脆，酸酸甜甜食落唔會覺得膩。…Read More

HeSheEat推出6週年優惠, 按指定日期和條件, 可免費享用指定意粉或甜品。該活動雖已完結, 但也可跟大家分享食物的味道。黑松露雜菌春雞燴意大利飯 $98 + 10%黑松露雜菌春雞燴意大利飯面頭灑上少量芝士, 有少少拉絲的效果。每口飯均充滿松露香, 濕潤有咬口。如果磨菇份量多少少, 整體營養會均衡些。春雞有兩件, 1件肉質嫩, 1件較粗嚡。雞皮燒得焦香, 味道蠻不錯的。檸檬忌廉班戟卷 (原價$58, 6週年活動免費)餐廳推出6週年優惠, 可能符合指定條件的人太多, 原先免費的焦糖蘋果酥皮撻配杏仁雪糕早已售罄, 改為送檸檬忌廉班戟卷。甜品擺盤吸晴, 檸檬味道酸味味, 配焦糖粒十分搭配, 雪糕乳酪配檸檬味道出奇搭配。…Read More

是日與同事去了he she eat午餐。這間聞名已久的餐廳， 餐廳坐落於旺角黑布街，樓高兩層， 地下面對的是開放式廚房，可以即場看到廚師製作甜品料理， 二樓可以容納很多人， 所以無論人多人少嚟he she eat吃飯也可以容納得到呢。午餐48蚊起就有交易， 以旺角區嚟講十分抵食。 我哋今日就叫了貴少少的午餐set, 包餐湯或沙律的。 是日餐湯是南瓜忌廉湯， 南瓜蓉打得很杰身， 真材實料。 沙律菜也十分新鮮。扒大啡菇牛肝菌黑松露意大利飯78黑松露意大利飯松露味道濃郁， 意大利飯煮得軟硬適中，牛肝菌的味道滲入每一粒意大利飯當中，美味！ 大啡菇厚身， 滿滿的都是汁。-香茅豬扒越式法包68-香茅豬扒炸得美味， 法包有烘過唔會硬掘掘， 配上越式蘿蔔絲與香茜， 越式風味盡在一身。 而且整份主菜不單止只有豬扒法包，還有沙律與及薯條， 滿滿的一大份，抵食。-墨魚汁魷魚扁意粉108墨魚汁扁意粉雖然會吃到整個嘴也是黑黑的 ， 但正因為墨魚汁很濃， 墨魚汁味非常重， 正是真材實料。而且墨魚汁含豐富的鐵質，能抗氧化，配上 軟嫩鮮美的魷魚 ，整碟 扁意粉 也充滿濃香的海鮮魔力呢。-來得he she eat當然還要叫甜品啦-綠茶心太軟( 開心果碎豆腐雪糕) 62心太軟要趁熱食，配上冷冰冰的豆腐蛋糕一整個冰火交融，綠茶味甘而清幽，那暖笠笠的抹茶流心, -讓人念念不忘, 好味到不得了。-檸檬忌廉班戟卷( 蜜糖脆脆乳酪雪糕) 58班戟皮內載滿了檸檬忌廉，忌廉感覺不會太厚重，清新怡人，配上自家製的拖肥醬和 蜜糖脆脆 、與及 酸中帶點甜的 乳酪雪糕後，立即中和整體甜度。-午餐還包括餐飲，確是抵食。…Read More

-比目魚紅花燴意大利飯😋（$78）意大利飯十分有口感，飯粒食落不會太硬，而比目魚肉質鮮嫩，份量都好多，味道十分香😎-扒大王啡菇溫泉蛋野米飯😍（$78）啡菇份量挺多，將溫泉蛋拮穿，撈埋野米飯和菇一齊食，口感豐富😊，啡菇超好食🥰如果溫泉蛋更加流心就好，溫泉蛋可能煮得耐左小小😅-炸雞翼韓式辛辣醬（$52）雞翼十分香脆，肉質鮮嫩，外脆內軟，但雞翼食落不會很辣，配埋辛辣醬都幾夾，辛辣醬酸酸辣辣，仲加左柚子，十分開胃的醬汁😋-蘑菇忌廉湯（跟餐送的）估唔到依個蘑菇忌廉湯份量咁多，飲到好多蘑菇粒粒，真材實料，真係幾好飲！-綠茶柚子沙冰🥰（跟餐$20）柚子味很突出，綠茶雪糕好正👍🏻，飲完好解渴😆-檸檬梳打🍹（跟餐送的）十分冰涼的檸檬梳打😊-雜果乳酪奶凍✌🏻（$55）玻璃杯底是奶凍，然後放了一些水果（有芒果🥭，奇異果🥝，藍莓和草莓🍓），再加上開胃的乳酪雪糕，奶凍口感軟滑👍🏻，配埋酸甜的乳酪雪糕和鮮甜的水果，非常可口美味😍-檸檬忌廉班戟卷😊（$58）依個甜品賣相好靚✨，薄薄軟身的班戟皮卷住檸檬忌廉，檸檬味很濃郁突出🍋，旁邊仲有焦糖脆片和乳酪雪糕😎，將班戟，焦糖脆片和乳酪雪糕一齊食😝，味道真的好特別，甜甜的焦糖脆片😚，酸酸甜甜的乳酪雪糕，依個甜品十分開胃，必叫的甜品😘-綠茶窩夫🤤（$58）紅豆和蜜糖的分開上的，可以跟個人喜好加上窩夫，窩夫十分香脆，食到有綠茶味😍，熱辣辣新鮮出爐，味道真的不錯😋很滿意窩夫的口感！❤️-…Read More

之前食過銅鑼灣分店,覺得普通,今次挑戰旺角店,等左3個字終於都有位~呢度gei甜品選擇真係有好多,我都唔知叫o羊好,最後決定叫我覺得(好明顯唔係)相對上無咁肥gei檸檬忌廉班戟卷.不得不讚係佢gei plating相當精緻,同圖片一樣~而且分量其實都算多,一個人足夠有餘.crepe本身蛋味都好突出,而且咬落去唔會散曬,醬汁酸酸地幾開胃,唔錯唔錯~最鐘意係有好多焦糖脆脆~同Crepe一齊食令甜品更加Sweet,口感都豐富D至於未食晚餐gei朋友就叫左個朱古力窩夫,真係等幾耐,不過上台見到佢咁厚即時開心曬-抵玩!中間o個球係雪芭而唔係雪糕呢個配搭真係比較少見,不過你問我我就覺得都係雪糕開心D.而且佢D士多啤梨好酸,D紅莓醬同窩夫都好唔夾...見綠茶紅豆奶凍好似好精美,份量又唔係好多,奶凍好滑,唔太甜,紅豆泡沫唔係好突出,而雪糕就好綠茶,不過有泡沫所有口感都豐富左唔少,整體而言呢個都係好食的.唔食野gei朋友就芒果熱情果沙冰,只能夠講,超大杯呀!!!熱情果味道竟然可以蓋過芒果都幾厲害,由於呢2隻水果都好濃味,所以沙冰偏甜,我自己就唔太喜歡啦.…Read More

呢度咸甜都好多款式選擇，有小食、沙律、主菜、甜品、飲品。🐓炸雞翼韓式辛辣醬 $52集甜、辣於一身，辣味唔太重，雞翼肉尚算嫩，外皮炸得非常脆。🥗蟹肉蕃茄牛油果沙律 $95幾大份，底層牛油果、中層蟹肉＋黑松露、高層蕃茄切粒、最頂加上魚子醬。配埋脆卜卜既多士食就岩哂。🍝意式肉丸意粉 $108意粉比較幼細，每條都沾上了茄汁，比較扁酸。肉丸口感較散，唔會太咸。🐂燒腹肉牛排配阿根廷青醬 $148叫左五成熟，表面煎得微焦，中間呈現粉紅色。牛排精瘦有嚼勁，少油花。🍋檸檬忌廉班戟卷 $62軟身班戟皮卷住檸檬忌廉醬，檸檬味十分濃郁。班㦸皮薄蛋味重，味道偏酸、偏甜。焦糖脆片賣相幾靚，乳酪雪糕酸酸甜甜令整體唔會太膩。🍓雜莓厚焗鬆餅 $62熱騰騰既厚鬆餅非常鬆軟，一切開陣陣蛋香味，食落香軟鬆綿。雜莓醬微食落好新鮮，配埋糖漿更好食。最後食埋雲呢拿雪糕，一冷一熱，幸福滿載。…Read More

年初三晚時，去完親友家拜年食晚飯後，四個人突然之間好想食甜品，咁啱行開HeSheEat唔多人排隧，就就試吓，其實小妹第一次食，初初以為佢剩係食甜品，點知原來除咗甜品，都仲有幾多其他嘢揀！但嗰晚係想食甜，所以吃了4款甜品，大約等10分鐘左右，各款甜品已陸續上枱，係個鬆餅比較慢，要等大約25分鐘以上，但食完後，覺得係值得等的，因為整體嚟講，4款甜品都好味，唔算甜到漿曬口嗰隻，就算食完飯食，感覺都唔會話好漏，同價錢適中，唔算話貴到飛起，但唔好食嗰D！可以再番啅！同埋佢有一樣嘢好，唔限時！…Read More

朋友短聚小篇之前都聽聞hesheaet好出名，都好多入去食，今次第一次去2朋友就點左2杯飲品，所以我5多介紹，重點介紹我點既2個甜品檸檬忌廉班戟卷檸檬味帶一點蜜糖香口感係幾新鮮，咬落第一口檸檬味好濃帶點酸之後蜜糖味就開始特出，但係個人口味就2者加埋就5係好合適而且有蜜糖果仁都幾甜下特濃朱古力慕絲朱古力味夠濃郁咬一淡口腔佈滿朱古力味道又有朱古力可可有咬感，既有果仁但就無什麼特別之道朋友點飲品今次試左hesheaet但個人認為無咩特別下次會再試下佢個意粉既但甜品部分就未必會再試…Read More

本人喜愛甜品, 在旺角見到這間甜品門面亮眼, 裝修不俗, 於是便入去一試。檸檬忌廉班戟卷, 賣相真是十分吸引, 兩條金黃班戟卷上面一球雲尼拿雪糕及焦糖脆片, 最後唧上的焦糖檸檬醬, 分佈十分均勻。 還沒吃已經十分喜歡。薄薄的班戟皮, 卷著檸檬忌廉醬, 檸檬味濃郁, 味道偏酸, 用焦糖脆片來平衡之後, 味道可以。 雲尼拿乳酪雪糕很軟很滑。期待嘗試其他款式的甜品…Read More

早前跟為食朋友傾開我最愛既黑松露食物, 估唔到佢竟然叫我黎HeSheEat食意大利飯。唔係嘛, 我真係一直以為呢到只係食甜品, 原來銅鑼灣分店一直都有咸食, 而旺角店係上年12月都換埋menu, 咸、甜食全天侯供應!所以我一聽到呢個消息, 就決定即日放工搵人陪我去旺角食喇!見到menu好滾動, 咸食款式十分多, 而且還有每兩個月會轉一次的special menu, 感覺有點像在文青cafe吃西餐, 輕鬆又寫意。我們先點選了咸食, 第一道沙律最快送上軟殼蟹西柚腰果杏脯橙醬沙律 $88好大一盤, 是Mixed green salad配上原隻一開二的軟殼蟹, 還有配搭了腰果及西柚, 令口感及味道都更有層次。 沙律菜清新爽脆, 軟殼蟹啖啖肉, 份量比平時在日式餐廳要吃到的大一倍, 雖然經過油炸, 但搭配杏脯橙醬, 油膩感即時淡輕, 如果脆漿可以更簿就更好!炸芝士配紅油醋 $52炸的是Camembert軟芝士, 是外面有層白色發酵軟皮的法國芝士, 味道不濃烈, 但勝在軟滑無比! 跟吉列外皮形成強烈對比, 正式外脆內軟, 是絕佳的小食。紅酒醋吃起來有水果的清新, 不過醬汁較稀身, 我個人建議單吃炸芝士已經夠出色。黑松露大磨菇蘆筍意大利飯 $118OMG! 年青侍應一放低時, 我就算唔洗望, 我個鼻哥已經可以話比我知呢碟就係我想食左成日既Truffle Risotto! 松露咪道好強烈, 一路影相一路撲鼻而來, 感覺好幸福呀。而且很多餐廳的松露產品都是好聞唔好食, 入口咩味都無。但這個意大利飯是吃得出濃濃的松露香! 飯的口感剛好, 伴隋著甜甜的洋蔥, 令人一口接一口。而且碟底埋藏了完整一隻portobello大磨菇, 很有誠意。好喜歡好喜歡!滿足的一餐當然少不了完美甜品作結。芝士蛋糕泡沫 $69這道甜品最吸引我的地方就是那個泡沫, 店員介紹時知道原來泡沫不是來自忌廉, 而是用芝士打發面成, 就是芝士蛋糕配上芝士泡沫的概念, 很新穎!  芝士泡沫口感是十分濃密而且有帶酸的cream cheese味道, 底部是曲奇餅碎, 立即勾起我中學時親手整芝士蛋糕的畫面, 味道真的很接近! 芝士蛋糕面層用焦糖烤炙過, 又甜又脆, 輕芝士蛋糕感覺細緻綿密!檸檬忌廉班戟卷 $55比起芝士泡沫, 我更喜歡這個酸酸甜甜的班戟卷。班戟卷裡面有檸檬忌廉及曲奇碎, 吃起來很像一種食物...。。。。。是檸檬撻! 根本就是將整個檸檬撻的味道放進去! 而且班戟皮夠軟身,再搭上乳酪雪芭同吃, 是100分的味道。 點綴的還有焦糖醬及焦糖脆脆, 令整個味道更豐富!今晚真的好滿足, 滿分黑松露飯加上100分班戟卷, 是一個200分的晚餐!…Read More

成日聽到人地講係 HeSheEat 食甜品，今日終於有機會品嚐到了。一入到去已經充滿香甜的味道，而且樓底高所以空間感強，裝修別緻，係一間好有格調的甜品店。適合三五知己嘆甜品的好地方。我地去到的時候，樓下已經差不多坐滿，所以服務員安排我們到二樓入座。望住份menu已經有好多款甜品心思思想試，對於我呢個有選擇困難症的人黎講，真係好難選。最後經服務員的推介，我同我的朋友決定order班戟皮薄又夠軟，而且好香蛋味。卷到好似蛋卷咁，非常精緻。係班戟卷上淋滿香甜美味的焦糖，而且還放了我最喜歡吃的honeycomb，最後仲有球yogurt sorbet。Wow~我已經忍唔到口了。一刀切開，檸檬香味四溢，食落口檸檬忌廉好滑，酸酸甜甜好滋味，而且仲帶有少少焦糖味。Honeycomb 香甜又脆，而且唔黏牙，好味到停不了口。單食Yogurt sorbet好酸，但連埋班戟一齊食，感覺就唔同，反而沒咁酸，仲好好食添！心太軟一黎到就有一陣好香的朱古力味飄埋黎。切開個心太軟，裏面濃濃的榛子朱古力醬迅間流出。將心太軟外層點上朱古力醬，再加埋個椰子味雪糕一齊食，簡直味力沒法擋。先有好重的榛子同朱古力味，突然出現淡淡的椰香，兩者之間配合得剛剛好，值得一試！另外仲 order 了兩杯 drinks。燕麥乳酪奶昔好有早餐Feel，唔係太甜，而且又健康，好適合男女老幼飲用！而牛油果乳酪砂冰就是我的至愛，牛油果香帶有微酸的乳酪，感覺清新可口，而且砂冰好幼滑，夏天飲消暑解渴！食完甜品，成個人都開心晒，心情都靚d！…Read More

走進旺角區晚飯後，少不了來一間飯後甜品。在友人熱烈推介下，來到了相當有名的甜品店。其實在這之前，對這間店已久仰其大名，可惜每次與它擦身而過。今晚，終於有機會好好品嚐一下。餐牌設計時尚，配合各款甜品圖片，令人一眼可以大概知道不同款式甜品樣貌。既然第一次來，必然選擇當中出名的，看看是否如此美味。檸檬忌廉班戟卷醒胃之選非這款甜品莫屬。光看外表及醬汁配搭，已搶先奪下分數。焦糖醬平均地曬在班戟皮上，中間附上乳酪雪芭，相信為了緩和檸檬的酸味。其實班戟皮是很薄，包含著吉士醬在內。第一口吃下去，帶來了前所未有味覺衝擊。混合多種醬汁下， 胃口頓然全開，像忘記了早陣子前才吃過晚飯似的。若單獨拿焦糖脆脆來吃，會比較痴牙，最好是與班戟一起混合來吃。焦糖蘋果甘寶梳乎厘我最期待的梳乎厘終於也等到了，點它的那刻已知道是即叫即焗。吃過它後，我相信過去等候的時間是完全值得。奪上來的梳乎厘，焗得高高的，私毫沒有塌下來的意思。梳乎厘軟綿綿的，吃下去已散發濃烈的蛋香味。吃至底層，混合蘋果一起吃，清甜且有咬口，兩者確實是很不錯的配搭。每次小妹食法是一口梳乎厘，隨即吃一口雲呢嗱雪糕，滋味無窮。HeSheEat，名字易讀易記，這次甜品之旅確實難忘，下次必定再來嘗試。…Read More