Sing Kee Seafood Restaurant

上個週末特登同朋友去左西貢食海鮮，揀左出名既勝記，餐廳用左燈籠點綴外牆，充滿着中式氛圍💯，室內仲有露台嘅貴賓房，私隱度高。小食拼盤：避風塘脆金磚/西貢墨魚餅（只要消費同追蹤勝記海鮮I社交平台就會送，優惠期至2025年2月28日）豆腐外層加左炸漿，金黃酥脆，包住入囗嫩滑既豆腐，用左避風塘做法，香口惹味；墨魚餅口感彈牙，鮮味在口中綻放。涼拌蟶子皇（需要提前預訂）先將蟶子灼熟，再用特別烹調嘅醬汁做涼拌，蟶子皇口感爽口，醬汁微酸，令人好開胃。椒鹽鮮鮑魚 （必點之選）賣相精緻，鮑魚沾左薄薄嘅椒鹽味香脆炸漿，外層微脆，飽魚口感彈牙，入口鮮美。秘製瀨尿蝦瀨尿蝦超大隻，沾上蛋黃醬炸，有絲滑既濃郁感，再加上辣椒，非常惹味，瀨尿蝦肉質爽口鮮甜。上湯龍蝦配脆米粉龍蝦肉質豐滿、鮮甜，加上上湯汁提升鮮味，脆米粉吸收上湯精華，每一口都充滿驚喜。送上飯後甜品，桂花糕有著濃郁既桂花香味，益力多口味凍糕，味道創新又不太甜，非常特別。🌟限時優惠（直至2025年2月28日）🌟1）登記成為「勝記海鮮酒家」會員，即送 「堂食$100電子現金券」(消費$1000或以上可用)2）只要消費同追蹤勝記海鮮社交平台就會送小食拼盤：避風塘脆金磚/西貢墨魚餅…Read More

好多人同我一樣都好鍾意食海鮮，尤其去最有特色嘅地方食會有一番風味，是日又同好友一齊去咗西貢係其中一度最著名嘅食海鮮勝地開飯，目的地係西貢大街嘅勝記海鮮酒家佢都係攞咗米芝蓮一星嘅餐廳，鋪面外嘅裝飾好有特色風情，如果晚黑嚟應該仲靚地方打卡一流望住過海，事不宜遲開始點餐嘅時候，海鮮當然唔少得啦，佢仲有其他特色菜式提供，先來有呢款小吃香煎手打墨魚餅，襯埋個酸辣汁，入口香脆內軟口感飽滿再來就係海鮮菜式正式登場，先來係酒糟粉絲蒸鮮元貝，平時都係蒜頭蒸粉絲，今次係酒糟味道食落好開胃，元貝肉質又鮮甜多汁緊隨係呢度嘅招牌菜式必食之一椒鹽鮮鮑魚，色香味俱全，肉質鮮嫩爽彈，配上椒鹽食落當然惹味海鮮陸續有來，接着龍吐珠XO醬炒海斑球，賣相特別精緻睇得出廚師工架出色，厚切魚片入口啖啖肉之餘魚味濃郁除咗食到魚片之外，仲有佢嗰副香脆嘅魚骨連肉，同時有一鮮一炸兩種口感滋味十足跟住係蜜糖芥末山楂骨，味道會有幾種層次，肉質好腍骨肉分離，唔經唔覺又食了幾款出色美食，係時候食返個泰風味肉碎炒飯，估唔到可以喺度食到泰式風味美食有驚喜唔止海鮮出色其他都有咁高水準，最後甜品糕點係桂花糕同益力多，唔經唔覺又品嚐完一餐海鮮盛宴。…Read More

每次入西貢必做既事一定係食海鮮，絕不能空肚而回.ᐟ 屋企人對海鮮都有啲要求，今次食完「勝記海鮮酒家」都讚不絕口👍🏻 原來勝記曾連續4年榮獲米芝蓮一星🌟 以新鮮海鮮及特別烹飪方法炮製菜式，只有呢度先食到既獨特風味😍，真係勁正.ᐟ 勝記空間寬敞，坐擁整座建築物超有氣勢😎 裝潢古色古香，流露典雅中式氛圍，餐廳更設有多間帶有露台既獨立VIP貴賓房，私隱度夠高，聽講好多名人都會黎捧場🤭❝ 小食拼盤 ❞即日起至2025年2月28日，follow 勝記 @singkeesk 即送小食拼盤一份❗️拼盤包左兩款小食：避風塘脆金磚﹑西貢墨魚餅，兩款都係必食招牌小食🌟 脆皮豆腐炸至外脆內軟，入口非常滑溜，搭配避風塘做法非常惹味.ᐟ 墨魚餅更有驚喜😍 帶有墨魚粒同馬蹄，入口彈牙同時帶有清脆口感👍🏻❝ 涼拌蟶子皇 ❞平時蟶子多數都係熱食，今次試下餐廳既涼拌做法😍 由於製作需時，想食既朋友記得提早一日預訂❇️ 蟶子肉嫩肥厚，份量超多，灼熟後再加入特製醬汁調味，味道酸酸甜甜，清新開胃😋 ❝ 椒鹽鮮鮑魚 ❞推介必食🌟 鮑魚一定要食椒鹽先夠惹味🤤 鮑魚新鮮彈牙，用左一層薄薄既椒鹽炸漿包住，微脆焦香，再添上炸蒜，大有驚喜❗️❝ 生焗啤酒尿蝦 ❞原個大煲新鮮熱辣辣送上🔥 非常霸氣✨ 瀬尿蝦size超巨型，目測有6至7吋咁長，食落啖啖肉😍 以啤酒浸透瀬尿蝦，每啖都充滿酒香，再用薑蔥胡椒生焗，令人回味無窮😋❝ 糟池汁龍蝦配脆米粉 ❞推介必點🌟 唔想食龍蝦伊麵咁悶，可以試下勝記既泰式食法.ᐟ 原隻龍蝦份量十足🦞 肉質爽彈，以泰式糟池汁調味好有特色，味道似係紅咖哩味道帶有椰香🥘 濃郁惹味.ᐟ 另外脆米粉同樣出色，炸得酥脆可口，入口輕盈，沾上糟池汁更加香口🤤❝ 自家製糕點 ❞最後餐廳送上兩件糕點😍 桂花糕賣相好靚，而益力多糕都係第一次食，估唔到咁好味，真係有驚喜✨…Read More

今次嚟到西貢避世一日遊，話晒西貢都係一個近海嘅海鮮勝地，緊係要來食返餐豪華嘅海鮮餐啦！朋友介紹咗呢間勝記海鮮比我地，於是嚟試一試！佢個位置係起海鮮大街行到最入面，起小巴站大概行15分鐘左右勝記樓高三層，由於我地人數眾多，店家安排左三樓全層給我們享用，有麻雀枱可供任玩酒糟粉絲蒸帆立貝帆立貝好大粒好新鮮，爽滑彈牙，配埋少少酒香嘅粉絲好鮮甜！好好食😋金不換炒蟶子師傅落咗好多豉椒去炒，炒到好香，聖子好大條好肥美好新鮮，正😄椒鹽鮮鮑魚呢個椒鹽鮑魚好有驚喜！！師傅係用椒鹽去焗，焗到個鮑魚外層咬落去好脆，外脆內軟！呢個口感都係第一次食到！食到入面好彈牙好有爽口！比清蒸好食一百倍！清蒸沙巴龍躉沙巴魚肉肉質肥美，最啱清蒸嚟食，蒸後魚肉更鮮甜！原汁原味！令人食指大動😋芝士龍蝦伊麵芝士味好濃郁，滲透晒落去隻龍蝦入面，龍蝦都好大隻好多肉龍蝦肉，配埋個鮮龍蝦湯汁伴伊麵，簡直美味到極點！企鵝燒春雞呢個燒春雞廚師用咗好多茶葉去薰燒，令到個雞皮好香脆好多汁，雞肉嫩滑，真係幾好食😋送飯一流！…Read More

叫了一個6人餐，復活節假期加假，HKD 2888，另外再加一服務費。第一樣黎既係白灼蝦，普遍都大隻，食得出唔係死蝦。配上辣椒豉油，非常不錯。呢個炸豆腐非常好食，外脆內軟，裡面非常滑。師傅話有6種調味粉，就算教識我地，都會懶得煮，所以唔怕比人抄。有紅酒榨成份，粉絲唔錯，但入面粒「帆立貝」唔掂。我地即場問係咪急凍的，佢地冇承認但都冇否認，淨係話散叫同套餐會唔同，散叫會好食d，有d失望。金不換炒蟶子，唔錯幾入味，個人都係鍾意豉椒炒多啲。芝士澳洲龍蝦配伊麵，佢地話原本係波士頓龍蝦，因為假期所以改用澳洲龍蝦，加了200幾蚊。有冇好食左我就唔識分，不過份量好大，10人食都夠分。椒鹽鮮鮑魚，五星推薦，係咁多樣最好食，得鮮嫩，唔會韌，又特別！沙巴龍躉，不過不失，平時酒家婚宴水準，冇咩特別。菜也是正常水準。炒飯，其實唔錯，不過前面已經食到好飽，所以就唔會好吸引到大家。這個價錢應該是假期西貢中最貴的，不過質素都合格，算係對得起個價錢。服務亦都不錯，叔叔很熱情。環境很大很舒適，有幾層，唔會迫。…Read More

去西貢其中一個必做活動緊係食海鮮🤩 黎左依間西貢大街尾既海鮮酒家 朋友之前有食開 好推薦 果然冇令我失望！✅ Top pick: 椒鹽鮮鮑魚依種鮑魚既煮法都係第一次食! 外面係薄薄一層炸皮 入面既鮑魚鮮味十足 肉質軟韌 無渣！ 同事讓我食多隻 🤩✅ 2nd pick: 芝士龍蝦米粉餅芝士香濃！ 龍蝦已經扑碎晒 輕易食到啖啖肉✅ 3rd pick: 酒槽粉絲蒸元貝平時元貝都係蒜蒸多 酒槽煮法特別 粉絲仲吸晒d精華 一流！✅ 脆皮滑豆腐｜手打墨魚餅兩個炸物外面都夠脆夠薄 豆腐超嫩滑！墨魚肉就好彈牙✅ 清蒸海斑｜豉椒炒蟶子兩個都好新鮮！斑勁大條 但完全冇蒸老 肉質依然夠滑！➡️ 蜜蜂山楂骨｜沙薑雞冇大驚喜 正常地唔錯～…Read More

久居外地的親戚回港探親，同大多數人一樣；最想吃的定然是海上鮮了，而西貢自然是個理想的選擇。一向嘴刁的朋友推介了這裡，相信會有一定水準。食店位置比較隔涉，離小巴站也差不多六分鐘路程。下車後，沿西貢海傍廣場直行，途經很多海鮮食肆，如沒有明確目標，相信未必能走到這裡，中段已被「攔途截劫」了。外貌與附近的海鮮店有異，這家的看上去很有點歐洲風格，一排落地大玻璃，觀景一流。旁邊還有停車場，自駕人士就不必為泊車而煩惱了。朋友一早已幫忙訂位及點菜，我呢便只管吃和結帳就可以了。脆皮滑金磚～外層酥脆又不會過厚，重要的是不會「皮肉分離」，而內裏的豆腐卻嫩滑而帶有豆香，吃了三數件也還覺不大兩夠喉。椒鹽鮮鮑魚～外層微脆，肉質煙韌彈牙，絕不橡膠；配上鹹香而帶點微辣的椒鹽；這一味很得親戚的歡心。伴碟的是由車厘茄和青瓜砌成的金魚圖案，簡單卻維肖維妙，也為這味菜增添了海洋的活力！上湯龍蝦炒球配龍頭～碩大的龍蝦肉質鮮爽甜美，新鮮就是不一樣！大家不停估計龍蝦的重量，6斤？5斤？最後侍應跟廚師確認，是4斤重，他説也難怪我們全部都估不對；皆因這裏的重量是非常足秤的。企鵝燒春雞～這款燒雞已在不少食店見過，沒什麼稀奇，但一般食店的只得賣相，味道卻平平無奇；這裡的是估不到的有水準，皮脆肉嫩，而且帶有濃香的煙薰味，出乎意料的好。啫啫芥蘭心～芥蘭心翠綠兼爽口，用啫啫上更添惹味，這味非常好下飯呢。龍蝦頭爪泡飯～湯底是用上前一味的「上湯龍蝦炒球配龍頭」的頭和尾熬煮而成，味道是不用置疑的鮮、香和甜，記得要趁熱吃喔！在肚子空間只剩小許的情況下也吃了兩大碗才肯罷休。😱甜點生果親戚對這餐飯的質素非常滿意，吃得很是盡興；玩完一輪爭比錢遊戲後便帶著滿足的心情回家休息。…Read More

不知打從何時開始，親友們各自有吃海鮮的「地頭」: 元朗的親友會到流浮山，屯門的親友會到三聖村，久而久之，海鮮飯局總是離不開新界西。直到這天飯局地點換成了西貢，大家才不約而同地重新發現，香港的海鮮街，又豈止三聖、流浮山？西貢，位處於九龍東，對於新界西居民來說是「極地」，即使時常想着要到西貢走走，但只要以google一搜，就是兩小時的車程。幸而這次飯局安排在平日，下班從旺角乘小巴便可。路程縮短了，也就更期待這次的西貢海鮮初體驗。手打墨魚餅($190)下班後飢腸轆轆的我忙不迭吃上一塊，墨魚餅熱辣得燙嘴。炸粉没有很厚實，炸得金黃香口，墨魚膠打得紥實厚身，吃的是純粹的鮮美與口感，感覺是真材實料，當然就定價而言，要達到一定水準是必然的了。天婦羅炸大蝦($380)金黃色的炸蝦只薄薄蘸上一層炸粉，蝦肉保留了原有的鮮味彈牙，炸透了的大蝦脆口得連蝦殼、蝦腳也可吃下，最喜歡是那帶芥末味的沙律醬，不過此熱氣之物實在只宜淺嚐。加拿大海膽拼挪威三文魚($680)加拿大海膽，看清晰的紋路反映了新鮮程度，以紫菜、紫蘇夾着吃，那入口即化的鮮甜肥美自是不可言喻，如此一來三文魚腩有多肥美，終將也是會被狠狠地比下去的。椒鹽鮮鮑魚($506)勝記的名物之一，輕輕一咬，無老靱難嚼之感，火喉是恰到好處。椒鹽的咸香在表層點到即止，那鮑魚的鮮美自是掩蓋不住，而金黄的賣相加上華麗的擺盤，很有高級粤菜的貴氣感。芝士龍蝦配酥脆米粉($980)炸透的米粉脆感十足，比起伊麵多一份新鮮感。這晚自感對炸物的承受力已到極限，還是把米粉蘸上滿滿的芝士汁，讓炸物的油香融和到芝士的濃香當中，一般海鮮菜館的芝士汁偏濃，這家的芝士汁是濃淡得宜，沒有蓋過龍蝦的鮮味。至於主角波士頓龍蝦熟度恰恰好，若然太熟便會白白糟蹋了。脆皮滑金磚($147)豆腐切成長條狀，面層酥脆不離層，內裏實在而不散碎，不過豆香還是有望再加强一點。説是怕油膩上火，卻又破例了吃下數件，這豆腐金磚實在好吃得很。格蘭傑威士忌焗桶蠔($380)美國桶蠔勝在碩大肥美，威士忌酒香比砵酒深沉濃烈得多，狅野粗獷的味道不是人人受得了，對偏好重口味的我來説還是挺對口味的。油鹽水貴妃蚌($648)喜歡吃貝類海産，對妦類卻是興趣不大，總覺蚌肉大而無富、口感粗嚡，很難做得出色，貴妃妦卻是個例外，若然處理得宜也可成為上品。貴妃蚌以高湯浸煮，湯鮮而味濃， 蚌鮮都落於湯身當中，吸湯的粉絲反而成為主角。蚌肉雖嫩，卻不及其他蜆貝類吸引，還是那口鮮湯更為吸引。敬送的甜品當中，最喜歡的便是這益力多口味的凍糕，味道創新又不太甜。因着勝記的米芝蓮一星光環，無論是侍應推介或是親友點菜，都是以花巧手工菜為主。其實清蒸海鮮亦講求廚師的功力與經驗，不過既是長輩發辦，做小也就不加意見了，反正這頓歷盡煎、炒、煮、炸的海鮮盛宴確是出色，為海鮮飯局帶來不一樣的新鮮感。摒除那些二人餐或團餐，即捕即食正是海鮮價值之所在，因此海鮮飯局從不便宜，而勝記的油料加工費更屬小貴的水平，勝在師傅手勢、菜式賣相、用餐環境都屬米芝蓮級數，也就解釋了為何勝記不能歸類為「抵食」， 卻仍有不少食客慕名而來了吧！…Read More

近年如果要去吃海鮮，西貢勝記海鮮酒家是我們較常去的一家。從西貢碼頭步行過勝記約需10分鐘吧。位置稍偏遠西貢海鮮大街及市中心，感覺自成一角，反而沒有那麼“遊客feel”。餐廳獨佔整棟大樓，用餐環境舒適整潔。旁邊有個露天停車場。來到勝記，除了可以自選海鮮外，亦有多款由2位起的海鮮套餐，尤其當人數不多時也可以多吃數款海鮮。這晚一大班朋友再訪，就自選海鮮。除了重溫其中幾道勝記經典菜式外，也嚐到多款新推出海鮮菜式，很有新鮮感。先來「脆皮滑金磚」，即炸豆腐條。炸粉薄而香脆，豆腐仍極滑溜，很好吃。這是我們幾乎每次來勝記會吃的小食。勝記招牌菜式之一的「椒鹽鮮鮑魚」，炸得微微酥脆，鮑魚肉厚又軟嫩，鮮香美味。必吃推介！另一款前菜「涼拌蟶子皇」，蟶子皇肉嫩，蒜香味極濃。「豉油皇西貢內海墨魚」，墨魚片煙煙韌韌，配爽口韭黃芽菜一起吃，層次豐富。「上湯龍蝦炒球配龍頭」，厚肉龍蝦球啖啖肉。餘下的大龍蝦頭就安排二食，煮成「龍蝦頭爪泡飯」。泡飯味道亦相當鮮美呢。這日我們以極邪惡的方法吃瀨尿蝦！這新推出的「秘製瀨尿蝦皇」，是混合了椒鹽瀨尿蝦與黃金瀨尿蝦於一身。肥美的瀨尿蝦肉加上椒鹽的香辣配搭鹹蛋黃的鹹香，惹味得很。接著吃份清新健康點的「乾坤兩味魚」，一魚兩吃。「芝士海蟹配酥脆米粉」是另一道這夜我很喜歡的菜式。海蟹肉嫩鮮甜，於淡淡的芝士醬汁很夾。那脆炸米粉餅蘸了芝士醬汁後，原來是相當美味，真有驚喜。見過不少「企鵝燒春雞」的相片，這晚第一次在眼前出現，個人還是不太懂欣賞這殘忍賣相 XD大家拍完照片後，侍應替我們邊作手撕雞。沒想到海鮮酒家的燒雞也做到皮脆肉嫩入味，好吃。朋友們還吃了砵酒焗蠔的新版「格蘭傑威士忌焗桶蠔」，以及「芥茉沙渣骨」。我餘下的quota只能容納「啫啫芥蘭心」。一上枱已經聞到香噴噴，芥蘭爽脆綠嫩。甜品就是勝記招牌三色糕 - 益力多糕，柚子糕及桂花糕。這夜大家吃飽飽，人均才$800，真是滿足的海鮮夜～…Read More

今日忽然想食海鮮，男朋友就open rice 下有邊間吸引。見google第一位係勝記，就決定試下。我地試左個2人餐好好食， 用左新鮮墨魚肉，表面炸得好脆，又啖啖肉加埋個醬，唔停口。 幾特別，個汁好濃，份糧岩岩好比2個人食。最鐘意清蒸魚，石斑好新鮮， 一條新鮮，就算清蒸都好鮮味。…Read More

早前為從事餐飲業相關工作的友人介紹朋友認識，目標選擇一家中高價位，好味而有本地特色的餐廳。最後由朋友選擇了榮獲米芝蓮一星的勝記海鮮酒家。其實早於年頭到過勝記參與團年飯聚，對勝記的印象很深刻，亦很喜愛，因為食物很美味而有特色。這次從遊舊地，到底質素是否依然？跟上次一樣，以【手打墨魚餅】作為打頭陣的小食。墨魚餅外層香脆鬆化，墨魚肉打得非常彈牙有膠感。再來我千叮萬囑一定要點的【奇脆滑豆腐】，超薄金黃香脆的外層，灑上椒鹽香口惹味，豆腐滑溜溜水嫩非常，豆味又夠濃郁；要做出這樣水準超考功夫，難怪能成為我最喜愛的炸豆腐，無法取替！當然不能少的是這裡的招牌菜【椒鹽鮮鮑魚拚古法扣鮮鮑】，隨熱騰騰的石鍋，滾熱的送上來！椒鹽鮮鮑外層十分惹味，但這次略嫌炸粉太過濕潤，口感沒上次吃那麼好。不過鮑魚夠新鮮爽口彈牙。古法扣鮑還在滾熱辣耶～鮑魚入口當然一樣的爽口彈牙，而且非常入味，特別調配的醬汁惹味，味道一流！剩下的醬汁不要浪費，點個白飯放進去拌勻剛剛好！吸收了鮑魚汁的米飯超好吃～我們把醬汁都全吃掉了！超大隻的【椒鹽瀨尿蝦皇】，是平常在海鮮檔見到用膠樽裝著的大型瀨尿蝦…因為沒運動所以特別肥美！咬下去超多肉汁流出來，但因為敏感，還是淺嚐一小塊就好。老闆顧及到我們點的菜很多，怕龍躉太飽膩，所以選擇了【清蒸海斑】。魚很肥美很大條，肉也很多，但略嫌這次魚肉不夠嫩滑，有點硬和韌，煮得略嫌少許過火。向來我不太吃蠔，怕裡面的腥味；但這個【天婦羅桶蠔】炸漿非常薄身酥脆，一夾就碎開，非常肥美。咬下去只覺鮮甜一點腥味也沒有，讓那個平常不太吃蠔的我也多吃了一塊，可想而知是好吃啦！好大隻又好肥喔是不是？勝記另一道招牌菜【紅糟粉絲蒸元貝】也是必點的菜色。外面煮扇貝類通常都用大量蒜蓉，雖然香口但遮蓋了貝肉本身的味道。這裡的元貝非常鮮甜肥美，酒糟帶有微微的酸甜味，更能帶出元貝本身的味道，又能去腥，且味道互相配襯，好吃！揚州炒飯大家吃得多，放石鍋做的又吃過沒有？勝記的【石鍋揚州炒飯】用料豐富，很多彈牙鮮味的蝦仁。米飯夠濕潤，但味道太淡，醬汁調味不太足夠。但翻起底部金黃香脆的飯焦，不會過焦過硬，整體補回點分數。吃過那麼多海鮮，來一個【上湯浸時蔬】平衡一下飽膩感也不錯。餐後甜品一定不能錯過店舖自家製的【杞子桂花糕】、【柚子糕】和【益力多糕】，非常滋潤清新！最後來個水果盤，補充一下水份，算是個完美的結束。相隔數月後再臨勝記，整體食物仍然保持一貫上好的水準，尤其是其招牌菜色，依然十分出色而美味。因為友人跟老闆很熟而打折，由原價每人港幣九百減至六百多，可以吃到如此多新鮮游水海鮮，十分超值。在西貢來說，我敢說勝記擁有最為舒適寬敞寧靜又清潔的環境，而且價錢比其他幾家誠實又均爭得多。想吃海鮮又不介意多付少許金錢來換取絕佳質素和享受的話，這裡確是最上好的選擇。…Read More

在2014年版的米芝蓮當中, 有兩家以海鮮菜式作主打的店子得到一星的榮譽, 其中一家是連續五年得到一星的六福, 另外一家就是新晉入圍的勝記. 始終講到吃海鮮, 來到西貢吃, 還是最正頭正路的選擇.星期六的下午, 跟文迪來西貢逛逛, 順道來勝記吃個一星午餐. 其實勝記並不在海鮮街那邊, 要穿過市場街, 差不多去到翠塘花園那邊, 反正我們是來西貢閒逛, 就慢慢的穿過西貢的大街小巷去感受週末的悠閒氣氛.勝記的環境是不俗的, 起碼地方夠大, 擺位不會太擠逼. 我們兩個人來, 也沒有問題, 因為店方就有一個甜甜蜜蜜二人餐, $488一客, 已經包括了好幾款店子的招牌菜式, 當然想也不想, 就來一客吧.手打墨魚煎餅: 8.5分, 先來的是小吃, 說的就是手打墨魚煎餅. 剛剛炸起的, 自然是熱辣辣, 皮炸得很香脆, 但不會太油膩. 手打的墨魚膠質感幾彈牙, 味道亦算鮮甜, 喜歡的話, 還可以點點甜酸醬去提升味道, 是不俗的餐前小吃.芝士蝦伊麵: 7.5分, 上菜是有點點亂, 其實芝士蝦伊麵應該是在較後階段出現的, 但是日就成為第二道菜了. 芝士味道是幾香濃的, 個汁不會太杰身, 伊麵沾上了芝士汁同吃, 自是相當惹味. 價位關係, 只是用上了蝦而不是龍蝦, 效果當然差一截, 而蝦的份量不算太大, 入口好像是無乜肉, 感覺上是伊麵變為主角了.酒糟粉絲蒸元貝: 8.5分, 接下來的就是來到這裡必吃的菜式, 酒糟粉絲蒸元貝. 平日大都是吃蒜蓉的版本, 而勝記改為酒糟版本, 酒糟香幾突出, 帶微酸的味道, 而粉絲跟元貝吸收了酒糟的味道, 當然是更吸引. 元貝本身的味道是幾鮮甜, 件頭也不小, 作為招牌菜, 實是值得一試.椒鹽鮮鮑魚: 8.5分, 除了酒糟粉絲蒸元貝, 勝記另外一款必吃的招牌菜式就是椒鹽鮮鮑魚, 對, 也是在六福必吃的一味. 是日吃到的, 也是水準之作, 鮑魚是幾香口的, 外層帶點微脆, 而鮑魚肉就仍然能夠保持相當鮮嫩的質感, 火候控制是很不錯的. 值得一提的是椒鹽的味道不會太重, 跟鮑魚的鮮味是起了不俗的平衡. 這客招牌菜, 也是不能錯過的.清蒸海石斑: 7.5分, 吃海鮮, 少不了的是吃魚, 吃這個二人餐, 那尾海石斑, 原來份量也相當不少, 兩個人分吃一尾, 很滿足. 魚是幾新鮮的, 不過稍嫌肉質有點實, 過了點點火. 當然, 平日在其他海鮮菜館, 單單吃這客清蒸海石斑, 可能已經所費不菲了.天婦羅桶蠔: 7.5分, 文迪不能吃太多蠔, 那我就多吃點吧. 用上了桶蠔, 相當大隻, 份量十足. 脆漿夠薄身, 幾香脆, 不過稍為油了點. 而桶蠔本身是幾肥美的, 肉汁豐富, 但有部份是比較難咬開.金錢玫瑰: 7.5分, 到了最後, 也要來點菜蔬清新一下, 單看名字金錢玫瑰好像不太想像得到是甚麼菜式來, 原來金錢即是冬菇, 玫瑰即是小棠菜, 運用點點想像力吧. 賣相是幾精緻的, 平日我很怕吃冬菇, 但這裡的, 亦算稔身, 而小棠菜亦算有鮮味.自家製甜品: 8分, 到了最後, 還有自家製甜品吃, 三款糕點分別是益力多糕, 柚子糕以及桂花糕. 最特別的當然要數益力多糕, 益力多的味道是幾突出的, 真的像在喝益力多一般, 有趣. 而柚子糕味道會是比較甜, 帶香濃的柚子. 桂花糕就是三款中最清新的, 帶點點桂花香, 也算不錯.勝記這家米芝蓮一星店子, 無論環境, 價位, 跟食物也是有水準的. 甜甜蜜蜜二人餐, 只需$488一客, 已經包括7道菜式, 當中的酒糟粉絲蒸元貝以及椒鹽鮮鮑魚皆是不能錯過的招牌菜式. 埋單每人$268, 實在是相當抵食而又令人滿意的海鮮餐.吃完海鮮, 雨也停了, 不如來個海旁漫步吧.…Read More