萬發海鮮菜館

以前讀大學嗰陣，成日同成班宿舍同學嚟呢度食飯，貪佢抵食夾大件，氣氛又熱鬧！今次特意翻嚟懷舊一下，叫咗兩道經典小炒～🥔 薯仔牛柳粒 必點推薦！薯仔粒外皮炸到金黃香脆，咬落去外脆內軟，薯香好出～牛柳粒份量超多，肉質軟淋得嚟帶嚼勁，黑椒醬汁濃郁但唔會過鹹，撈飯真係一流！真心抵讚～🦑 椒鹽鮮魷 即叫即炸，熱辣辣上枱！鮮魷口感彈牙，粉漿厚度適中，椒鹽香味夠晒惹味～雖然無話超級驚艷，但絕對係穩陣之選，送啤酒一流！環境依然係咁熱鬧有鑊氣，上菜速度快～兩個人食晒兩道菜已經好飽。…查看更多

-一大班人食飯一定揀萬發，仲要係九江街呢間，其實佢有幾多個舖位依然係一個迷薯仔牛柳粒水準唔穩定，有時會得好少牛柳，同埋薯仔炸得唔夠脆，不過中size都已經超大碟夠八個人食，暫時未見到大size實物，食薯仔食到停唔到口🤤，jap爆滷水拼盤超大碟一定要叫，有我最鍾意食嘅魷魚牛腱，椒鹽鮮魷份量都有好多，最重要係炸皮薄，通菜煲都好大煲、雖然價錢有啲唔抵生炒骨完全係over rate，完全冇諗過佢咬落真係脆，炸得好好食而家先知原來炸子雞係叫做風沙雞，都係一定要叫，炸皮薄得來香脆肉嫩，但唔係甘香皮爽海蜇手撕雞可以唔使叫，手撕雞得好少😖仲有啲咩係must need?🫡🫡-▶︎薯仔牛柳粒中size | $138▶︎滷水拼盤 | $168▶︎椒鹽鮮魷 | $138▶︎生炒骨 | $118▶︎金牌風沙雞 | $138▶︎啫啫通菜煲 | $88▶︎海蜇手撕雞 | $118-📌  -👅【萬發海鮮菜館】📍深水埗九江街150-152號地舖-            …查看更多

個到好似有幾間分店，店會會見到邊到有位就安排坐位。6:45左右去到，已經有一間分店滿左人。不過我地都唔洗等，都有位。帶我地去另一間分店，就係格黎。3個人去食，每人大概$118。叫左三個餸，二枝酒一黎就梗係要叫出名既薯仔牛柳粒。菜單個名叫黑椒薯仔牛柳粒，旦出到黎食到蜜糖味，無咩黑椒，所以都唔知係叫咩名😂d薯仔外面好脆，剛上枱既時候 內面熱到辣咀。牛柳好淋好好食。又大粒。😍好想再N CALL😂。我呢碟係例牌sz，見到有格黎枱個碟 成隻手臂咁長好大碟。椒鹽鮮魷炸得好脆，都算幾完整，唔會得層皮。個汁點唔點都ok。琵琶豆腐外面脆內軟。有鯪魚滑加豆腐拎去炸豆腐比例好似少過鯪魚肉，好正😍不過要新鮮食，放得內有d腥。每碟大概有十舊🥰下面個d浸晒汁就無咁脆好飲…查看更多

黎到呢度到就知一定要叫黑椒薯仔牛仔粒。薯仔有層蜜糖係面，甜得黎舊薯仔又炸過，好香脆，外脆內軟，牛柳粒相比之下就失色左，雖然都煮得幾腍又入哂黑椒味。呢碟野絕對唔係浪得虛名 隻雞唔係肥仔，唔會好肥好溜。雞皮薄得黎又炸到脆脆地，咬落啲雞汁咇哂出黎，高質。 因為之前已經食過薯仔，所以唔會覺得好特別，當然係好好食喇。但令我驚喜既反而係碟通菜，無諗過佢咁爽口，我係咁夾呢碟菜，仲要勁大碟大驚喜！ 作為鮮魷愛好者，呢個鮮魷係尊貴級既level。鮮魷夠新鮮，爽口彈牙，又唔會炸過頭，炸到岩岩好，勁香口，又係會係咁食既一碟餸。 相較之下碟拼盤就有啲失色，但水準仍比一般好，亮點係啲腎，超！級！爽！口！ 真心覺得比起肥姐啲腎仲爽。 一個字，鮮。 一望都知呢個係炸得好勁，好食但太熱氣，第二日喉嚨痛。粒粒蠔都有返咁上下大，又夠鮮，但下次會轉試桶蠔。 講明先，呢間絕對唔係食環境/服務，好岩一班佬黎邊食邊飲啤酒🍻但食物的話，可以話整體都好高水準，絕對值得食…查看更多

終於食到傳說中～薯仔比牛柳粒好食嘅萬發黑椒蜜糖薯仔炒牛柳粒($108)！呢間係被譽為全香港云云大排檔中，最好味嘅黑椒薯仔炒牛柳粒！果然無令我失望～薯仔炒到外面焦脆，薯皮吸哂蜜糖同黑椒，勁惹味！牛柳粒都好味，D肉無乜肥膏，七八成熟，幾juicy！-金牌風沙雞半隻($128)炸子雞上面加上炸蒜炒，D雞肉好嫩滑，皮都好脆口，唔錯👍🏻-蠔餅好大份，D粉唔太厚，但都幾多蠔，口感好好！不過如果d蠔肥少少就更加好~有d細隻～-椒鹽鮮魷（$108）呢個好好味，D魷幾新鮮幾彈牙，粉唔算厚，一上枱好快清哂~幾樣餸都好滿意，全部都高水準，又唔貴，下次一大班人一定會再黎呢間食！…查看更多

如果想一大班人聚會吃餐飯，來萬發都係唔錯的選擇，食物都幾好吃，尤其是係個黑椒薯仔牛柳粒，個薯仔係炸左再調汁，好入味😋😋! 八人一起吃，每人除返開只係大概120元。.P.S. 熱鬧、待應很忙、好大煙味，可能因為我們咁岩係坐樓上二樓。好多人排隊等位，最好早點訂枱！.我們叫左七大菜式：🍴蒜蓉炒西蘭花🍴風沙雞🍴沙拉骨🍴金銀蛋莧菜🍴椒鹽鮮魷🌟🍴魚香茄子煲🍴黑椒薯仔牛柳粒🌟🍴可樂🍴白飯🍴Ashaki…查看更多

紅頭葱撈起雞雞肉煮得太熱過老，好韌，紅頭葱分量不足夠，不太能食出葱的香味，整體以言味道偏淡，只能用另上的薑蓉吊味，而且隻雞一D都唔熱的，最後我地都剩低幾件。 椒鹽鮮魷雖然只係微暖，但仍然保持到脆口感，鮮魷外層粉張好薄，剛剛好包裹住魷魚，香脆又爽口！ 拍蒜豬油渣炒菜心豬油味香，豬油渣配上菜心食落一D都唔肥腻，菜心爽甜又香味十足 黑椒薯仔牛柳粒全晚最受歡迎我地嘅小菜，薯仔外層脆卜卜，應該係用油炸過，仲有層薄薄的蜜汁，令人食完一粒又一粒，欲罷不能，可惜牛柳粒過火左，比較韌，較為遜色 蒜香骨蒜味十足，但溫度只係微溫，所以口感偏硬，溫度影響了口感 整體餸菜溫度只係微暖，甚至係凍的，應該都係預先煮好，等有客落單再上菜，所以大大影響左餸菜的味道，大致餸菜好惹味，配白飯一流!…查看更多

相約咗一啲好少見既同學仔出黎食飯好耐先見一次真係咁今次我地唔係去打邊爐啦我地就想揀間大排檔食 所以揀咗深水步 呢間萬發黎食啦門口係咁既 唔難搵餐牌叫咗個通菜先炒得唔錯 幾入味幾甜同埋幾爽添架仲人其實未齊但由於朋友太餓所以已經叫咗呢嘢黎食啦呢個椒鹽鮮魷黎好脆 炸到金黃色咁脆口開胃 我地當咗佢係小食咁食跟住有個芋頭鴨煲我對芋頭麻麻但呢個煲都唔多受歡迎 朋友間都冇乜點食呢個甜甜酸酸咁送飯一流 一碟好多殼冇乜肉既蜆我覺得好一般般辣味比較重但殼多過肉唔太掂呢碟仲叫咗碟乳鴿但我唔記得不過不失既一餐…查看更多

大家好耐也未試過大排檔風味，所以就安排在大排檔集中地深水埗食，其中有屋企人吃過萬發海鮮飯店內的黑椒薯仔牛柳粒念念不忙，於是就選擇萬發海鮮飯店。店內充滿舊店的歲月痕跡，座位都是背貼背，但大家也早已預計，所以並無損雅致。這裏招牌菜式黑椒薯仔牛柳粒，牛柳粒軟淋，薯仔粒外面脆卜卜，蜜糖味恰到好處。即燒乳豬例牌，片脆內嫩，但略嫌有少許豬騷味。椒鹽鮮魷，鮮魷不會過火，蒜香味十足。本打算叫啫啫通菜煲，但剛巧當天沒有通菜，就初嘗油麥菜，啫啫配上油麥菜，都好配合。魚香茄子煲，略嫌油膩及無鹹魚味。薑怱生蠔煲，生蠔肥美。風沙雞半隻，蒜香味十足，片脆肉嫩。生炆頭腩，賣相不太好，魚有太多骨，反而配菜豆腐，腩肉非常入味。…查看更多

每月聚餐，朋友提議到此食晚飯，雖然沒有好的裝飾，但總算不會枱貼枱，服務員態度差，環境和衛生也算可以，幸好食物水準高，而且有鑊氣，特別推介出爐乳豬，皮脆，肉嫰，味道適中，黑椒薯仔牛柳粒，薯仔外脆內軟，味道超級好味，下次一定會再叫，如果能夠改善服務員的態度和招呼，餐廳是不錯的選擇。…查看更多

今年我同首領家人去萬發食團年飯。你可以打電話去book位，但係book位唔代表你一去到就即刻有位。一行五人有老有嫩，叫咗5個餸萬發小炒皇：必點，材料有炸魷魚仔，蝦干，9菜，腰果等。相當夠鑊氣，9菜吳老，腰果仲脆，最正係啲走過油嘅魷魚仔，又咸又香口。黑椒薯仔牛柳粒：每次食都唔同味，今次好唔好彩撞正太甜，d牛柳粒俾肉粉乸得太西利，好難食。但係d薯仔都仲係好好食，脆卜卜。黑椒吳夠，差咁d。希望下次好彩。椒鹽鮮魷：必點。魷魚好嫩，炸漿夠薄。好快青囇。黃金蝦：用咸蛋黃汁炒嘅大蝦，好意頭，但我吳中意咸蛋黃，d蝦又無去蝦屎，倒胃口ˊ_>ˋ朱油渣炒豆苗：豆苗太老，但都好好食。豆腐咸蛋肉片芥菜湯：豆腐好滑好滑，芥菜夠淋，肉片同咸蛋冇食，個湯好清好解渴。正評。全餐飯食得好開心好滿足。快樂團年飯。…查看更多

自問都幾喜歡食大排檔，貪其火喉夠鑊氣足，價錢親民～火炭大排檔可謂由細食到大，習慣大排檔的味道，預左油膩不求態度，從來沒怎考慮味道可以如何提昇....直到剛過去的聖誕節友人約食聖誕飯並推介深水埗萬發海鮮飯店，出發前看其食評不錯都抱好大期望。地點不難找，在深水埗D2出口大約過2條馬路，過2、3條街很容易搵到九江街。為了避開人潮所以特別選這裡，雖說是平安夜但驚喜晚飯時段七時多都可以位即入～（及後留意到八點後反而要等位啦！）Asahi 大支才$20一支而已，超級抵飲！一共追加了半打。這次食物由友人發牌，碟碟有水準，全部都意外好好味呀！試過這間之後不想再食火炭的了XD 先來乳豬拼盤。大肚婆與「冷盤燒味」無緣，可惜可惜...還有去大排檔友人必點的沙拉骨！而萬發的沙拉骨更是最最最最好味的！！排骨香口，沙拉汁不是平日HEA吱的白色沙律醬，而是酸酸甜甜超級惹味，總之一口接一口就食不停.....要份例牌燒鵝！同樣，大肚婆與「最毒燒鵝」無緣，可惜可惜...但眼見清碟速度，相信一定好好味！炸炸炸蠔餅！再說還是那句，大肚婆吃什麼蠔...偷偷吃了其「炸邊」，滿足過口癮就算了。還有炸到熱辣辣一上枱即全清的椒鹽鮮魷！！！！！！足料又夠份量～這個是在下單時店員推介但我們沒點的黑椒薯仔牛柳粒，後來再追加用作送啤酒的！這個是必點的菜式！！！！！！難怪幾枱人都點這個！即使我是一個不食牛的人，也被其炸到脆皮惹味的薯仔吸引到，一口接一口，高度推介：）友人點的雞油豆苗，菜如其味真的好油好香口，但個人覺得蒜蓉炒豆苗或者清炒豆苗已經可以了XD清清地點多個菜：）來個金銀蛋白菜仔，不過不失。是次一行六人叫了8碟菜式、六支ASAHI（後再追加）、四支汽水每人埋單才百四而已，超級抵！一定會再幫襯：）萬發海鮮飯店深水埗九江街150-152號地下 …查看更多