Fu Kee Seafood Restaurant

由榕樹灣行落索罟灣就係為左食海鮮，上網睇咗好多間食評，最終因為見到個象拔蚌刺身揀左呢間，可惜一隻蚌要5百幾2個人食唔哂又貴所以放棄咗。最終揀左富貴龍蝦餐埋單$700第一轉去到門口問嘢個叔叔好有禮貌，好親切咁答你。行咗轉返去正式入座就等左陣叫人開位俾我哋，我哋想坐海邊位佢哋都好好即刻執俾我哋坐，之後就即刻叫嘢食，酒樓嚟講杯碟都幾乾淨。第一道係椒鹽鮮魷，一上到嚟我哋有d驚訝得咁少，可能因為係二人餐，但係真係少左d⋯鮮魷無乜粉漿，調味唔係太夠，但都ok，算好食。第二道係牛油龍蝦，每人半隻，上到枱叔叔會幫我哋分碟，好有酒樓飲宴分菜功架，聞到有牛油香，食落唔重牛油味，肉唔un唔梅，好食。第三道係避風塘瀨尿蝦皇，呢個我覺得最好食，夠香又有辣味，個瀨尿蝦好厚肉，可惜係每人得半隻。第四道係清蒸鮑魚，除左有D un，都尚算好食。第五道係清炒白菜仔，無咩味，無咩特別，蒜蓉炒會好少少。第六道係揚州炒飯，都係無咩特別，正常嘢，份量有點少，無特別香或咸，落咗辣椒油就好好食。第七道係菠蘿，好清甜，近頭位有些微硬同酸。最後，問埋單個姨姨壺茶係咩茶，佢話係荔枝茶，我哋覺得好好飲總結，服務好好，樓面幾個都有禮貌，食得開心好緊要。環境好，乾淨整潔。食物份量就真係有D少，我唔大食但都覺得唔係好夠，$700/2個人至少都應該要夠飽；食物味道係正常，最好食係避風塘賴尿蝦皇…Read More

去離島都想在當地食番餐風味海鮮但好多時都會中伏。一時間都好難取捨幫襯邊間，伙記熱誠介紹下同比較其他幾間都係覺得呢間好啲所以進去幸好還早，可以坐到海景位加分，我們點了套餐再加個椒鹽鮮魷。店員服務一流快手快腳所有細節滴水不留，感覺好似主人家招呼你咁，其他洒家好少做到呢個水準👍🏻。最驚喜的當然椒鹽鮮魷外脆內鮮嫩送酒一流。店員推介本地龍蝦真係好食過波士頓龍蝦，蝦頭啲膏好正。粉絲蒸扇貝以為平平無奇但食落你估唔到咁好味。仲有條蒸魚好嫩滑店員又幫你起埋條骨攞走，食起上嚟唔洗番來番去真係加分😋。其他餸都好好味不過呢幾樣深刻啲。水果用凍波蘿好消暑又幫咗消化真係唔錯下次會再來的。…Read More

難得放假，有乜好過拋低所有煩憂入離島慢活，享受一下世外桃源嘅一刻寧靜丫！今個週末就選擇同屋企人嚟過上山下海之旅，襯佢哋身體仲龍睛虎猛，多啲帶佢哋出郊外做下運動，呼吸新鮮空氣。喺行去榕樹灣之前，就梗係喺索罟灣食海鮮啦，一出碼頭沿路都已經有好多選擇，係朋友介紹下我就揀咗富記，見佢乾淨企理，而且中午時段已經錯門晒人，頓時信心大增喺夥計嘅介紹下好快已經揀好我哋想食啲乜，明碼實價，講好晒幾多錢先至落order，咁就食得更加放心啦朋友話必食椒鹽鮮魷，果然一上枱熱辣辣，因為魷魚好新鮮，所以絕對唔會靭到咬唔開，相反經椒鹽香炸後，依然保留到應有嘅水份，咬落啖啖肉之餘，吸曬d椒鹽味，忍唔住食完一舊又一舊再來一碟蒜蓉粉絲蒸紫貝，隻貝係撈上來之前已經好大隻，開頭仲擔心好貴，因為如果斷斤計，佢個殼應該都已經好重，但原來佢只係$48一隻，食完之後更加覺得物有所值！係蒜蓉同粉絲嘅襯托下，佢嘅鮮味岀曬黎，同樣地好驚喜地佢肉質好爽，唔會靭，值得encore喺夥計推薦下我哋都嗌咗條斑嚟食，$380一條但連平時少食魚嘅我，都忍唔住一啖接一啖，補充骨膠原佢嘅魚肉食得出係即釣即蒸，因為好新鮮所以啲魚肉好爽滑，加埋啲蒸魚豉油食，簡直冇得彈薑蔥炒蟹，我就嫌係街剝蟹麻煩，所以淨係食咗蟹腳部份，佢嘅肉好鮮甜，炒嘅火候啱啱好咁多樣嘢炒蜆就相對有啲失色，可能因為蜆肉比較細，我哋又冇叫白飯撈，所以有啲咸，但都要讚下佢，因為係冇沙嫁🤟🏻最後餐廳仲好好人，送咗菠蘿做飯後果俾我哋食，個菠蘿甜到有啲假，講笑姐，係好食嘅！都要讚下呢度啲同事，好有禮貌而且見你壷茶開始淡，仲會主動幫你換茶葉添望住呢個view食咗餐咁正嘅海鮮餐，真係令人樂而忘返，應該好快又會捉朋友入黎行山食海鮮…Read More

同一大班朋友嚟食海鮮, 叫咗好多嘢極力推介係薑蔥蒸龍蝦: 原來薑蔥蒸比芝士焗又另有一番風味, 龍蝦好多膏, 正呀! 象拔蚌: 嘩, 從未食過咁新鮮咁大隻的象拔蚌, 正!椒鹽鮮魷: 炸漿唔會太厚, 魷魚又唔會 un不過花螺同扇貝的 size 就太細了服務好好, 不停幫你換碟!價錢就覺得偏貴咗少少, 食咗 $300, 都唔係太飽…Read More