Gateway Cuisine

是夜兩口子即興走落鯉魚門歎海鮮餐。無論你有無去過鯉魚門、流浮山、屯門三聖等呢類專食海鮮的地方，大概都知道，通常都係自己揀完海鮮再交畀酒家加工的，兩個人食的確嗌唔到太多海鮮款式，只係買咗：鮑魚、蟶子、瀨尿蝦以及首次試食的琵琶蝦。琵琶蝦跟煎米底為咗品嚐海鮮的原味，店子推介黃油琵琶蝦，再配個煎米粉底。琵琶蝦肉大鮮甜，比預期中更鮮甜，超讚！加配煎米底好正確，食前沾少許琵琶蝦醬汁同食，食落有微脆的口感之餘，每啖都嚐到濃濃的鮮味，大推。瀨尿蝦大部份人都會點以椒鹽方式烹調，但識食之人當然會直接叫清蒸瀨尿蝦啦，直接嚐出瀨尿蝦的鮮美，而且仲可以嗒真啲瀨尿蝦的蝦膏添！蒜蓉粉絲蒸蟶子經典海鮮菜式，所以海鮮夠鮮的話，肯定好食！椒鹽鮑魚與以上幾款海鮮菜式，呢款就顯得比較遜色咗啲，並非鮑魚質素差不夠鮮甜，只係我認為海鮮菜式不適合以椒鹽方式烹調，尤其是對住啲海鮮靚貨，鮮甜的鮑魚被重口味的椒鹽包圍，導致不太食到鮑魚的鮮味。面對海鮮，建議都係清蒸或者蒜蓉算喇。水果免費贈送果盆，兩個人食來講份量算多，大滿足。…查看更多

去食海鮮好多時都好驚比人劏呢間南大門主打海鮮來料加工 唔會推薦海鮮店比你 自己出去揀 揀好就來加工 坐底左，出番去出面d海鮮鋪，揀左鮑魚、蟶子、本地青龍，比左紙仔d海鮮鋪，佢就會幫你拎來南大門。侍應會根據你叫左d咩，同你傾點煮好。今次侍應姐姐仲好好人，送左個海鮮湯同水果比我地。今次叫左枝白酒，價錢味道合理。本身來料好新鮮，加工豉味好夠，又唔會太咸。炒得真係好好。椒鹽鮑魚，炸得好脆，但味道偏淡，不過都好好食，係我重口味姐。呢個上湯龍蝦火粉底真係好好食。上湯味道唔咸又夠味。唔係酒樓果種好水又冇味既味精汁。送既水果～…查看更多

好多年前去過南大門食海鮮，食完覺得無乜特別，只是較貴。上網搵下資料，發覺D 食評好多都大讚呢間海鮮酒家。今次家人生日，一行十幾人，決定再試呢間酒家，結果很有驚喜。每碟海鮮都做得非常出色！無論刺身，蒸，煮，炸時間同火路都控制得好好，食材的鮮味帶出。順帶一提，海鮮店推介，就近南大門的’美和漁港海鮮’的海鮮貨真價實，老闆一家人都很友善，海鮮鮮甜，下次一定再幫襯呢間！P.S. 南大門煎米粉底係必試，上湯掛係米粉底，入口香脆，有上湯味道象拔蚌刺身上湯龍蝦煎米粉底蒜蓉粉絲蒸扇貝蒜蓉粉絲蒸蟶子椒鹽鮑魚椒鹽墨魚清蒸海班…查看更多

第一次到鯉魚門南大門吃海鮮，當天到觀塘瑞和街街市買海鮮，我們買了西澳龍蝦、南非鮑魚、班馬瀨尿蝦和星班，跟著出發去南大門。首先，我們安排坐在窗旁17號枱，侍應玉珍非常有禮貌招待我們。椒鹽鮑魚味道咸香芝士焗龍蝦焗得剛剛好，龍蝦鮮味香甜，師傅手勢一流👍椒鹽班馬瀨尿蝦，味道不錯，唯獨是不應該買班馬瀨尿蝦，因肉質比較諗清蒸星班蒸得火喉啱啱好，兩人只吃剩一條骨飯後送南瓜西米露，欣賞靚景滿足晒南大門的師傅手藝水準高侍應招呼殷勤👏…查看更多

一行七人，預祝父親節嘅晚餐，今次揀咗嚟鯉魚門食海鮮～首先，屋企人已經事先去咗觀塘買海鮮，然後就到南大門加工煮！安排咗我哋喺房入面嘅窗邊，睇住海景食，好正🤩仲有，服務員英姐負責我哋枱，服務一流，換碟換得好密👍🏻自己買嘅海鮮有琵琶蝦，蟶子皇，鮑魚，九節蝦同埋東星斑呢道上湯琵琶蝦煎米粉底 非常出色！個煎米粉底索晒啲汁都仲好脆好好食😋 然後仲有椒鹽鮑魚蒜蓉粉絲蒸蟶子王 呢個煮法實無錯！豉油王炒九節蝦 好入味蒸東星斑 新鮮無得輸另外仲叫咗椒鹽鮮魷同2碟菜～英姐仲送埋甜品比我哋，完美嘅句號🙌🏻食得好滿足嘅一餐🤲🏻…查看更多

系外面選好海鮮就行過去喇🦞🐙🐟平日未夠6點鐘walk in黎，有窗口位坐✌🏻皮蛋酸薑酸薑沾d糖，再放個皮蛋系面，一啖食落去，超級好味🔥🔥 皮蛋仲有d溏心👍🏻豉椒炒蟶子超肥美既聖子王，啖啖肉，又爽又嫩，系偏咸左dd蒜蓉粉絲蒸扇貝呢個味道普通，雖然有一大pat蒜蓉，但香氣差d椒鹽鮑魚成隻鮑魚包左一層薄粉落去炸，食落小小酥脆又香口椒鹽瀨尿蝦幾野味😋啖啖肉油焗奄仔蟹超級好味🔥🔥🔥 蟹膏香濃，蟹肉都好甜👍🏻…查看更多

琴晚趁著5.1勞動節，同朋友再次係南大門聚餐🤤今次我地被安排係樓上細房，可以望著外面海景嘆靚靚海鮮🦞因為限聚，我地7個人用隔板分開，但仍然相談甚歡！今次係為了歡迎從日本回港的好友，所以特意點了一D有香港風味嘅菜式，包括生蝦刺身（我本身唔食生野，好彩D蝦頭用豉油王做法，非常好味），另外仲有瑤柱蛋白炒飯（真係好多瑤柱），啫啫芥蘭（呢個用煲仔上，好有大排檔風味，芥蘭唔會太淋，好啱我口味），薑蔥牛肉拌麵（我唔食牛，呢個係其中一位朋友指定+外賣菜式）等👍🏼 另外，餐廳經理同服務員都好殷勤，會主動推介時令菜式👍🏼食完呢餐，已經急不及待約左另一班朋友下禮拜再黎 🤤…查看更多

今日下午6個人到鯉魚門遊覽，鯉魚門變化很大，經過海鮮街的時候，大家被南大門的外形及廚房吸引了，我們留了枱，遊覽完食晚飯。約5:00 一行6人到南大門開餐。無敵落地玻璃窗，飽覽維港景致，更可觀賞日落，真係大飽眼福。我們坐17號枱，貼近玻璃窗，由經理幫我們寫了6個生猛海鮮 加幾味小菜，我們睇住風景，嘆杯啤酒，等食~ 景觀一流1) 豉椒蟶子皇蟶子肉質彈牙，鮮甜惹味，份量十足，真係好大隻 2）椒鹽鮑魚 - 外脆肉軟 外面微微脆口， 裏面肉質鮮味嫩滑，唔會覺得韌， 外面惹味， 裏面鮮甜， 各朋友都讚不絕口， 好想Encore3）蒜蓉粉絲蒸扇貝 - 粉絲入味 扇貝扇貝未端到上桌上，已經聞到好香好香的蒜蓉味，粉絲入味，扇貝肉質有咬口。4）油鹽焗奄仔蟹 - 大隻多膏奄仔蟹大大隻，上桌時已經分半，方便食用，熱辣辣，急不及待就想食，熱到手指到都紅卜卜，啜啖手指頭鹹鹹香香....油膏雖然唔算好爆滿，但是勝在又香又軟，奄仔蟹肉質地鮮甜又厚肉5）清蒸東星斑 - 好味到立刻叫個白飯撈魚汁蒸煮時間啱啱好，清蒸魚最能體現魚是否新鮮生猛，這條東星斑鮮味，魚質鮮嫩，我的腌尖老闆都讚不絕口，還點了個白飯撈魚汁，實在滿足6）芝士焗開邊龍蝦伊麵 - 芝士香濃 龍蝦啖啖肉芝士香濃到不得了，食落唔會覺得膩，開邊龍蝦好大隻，啖啖肉，肉質好彈口，伊麵好入味，但不會濕淋淋 (掛著食，無影到龍蝦)7) 菜膽豆腐湯海鮮湯, 清甜, 不油不膩中場讓味蕾休息一下，菜膽豆腐湯清清的，不油不膩8）招牌咕嚕肉 - 招牌菜式，不會油不會多粉經理推介招牌咕嚕肉，姑且一試，賣相不錯，汁不會太多，肉不會太濕太腍，又不會覺得太多粉漿，濕甜度恰度好處，即使配菜三色椒也火喉剛剛好 ，招牌咕嚕肉果然名不虛傳9) 南瓜西米糖水 - 掛住食, 無影到相  南瓜肉一絲絲，真材實料， 清甜美味10) 芒果木瓜雙拼果盤 - 好有心思 亦好好味真係好有心思，無諗過果盤係芒果木瓜雙拼，端到上桌，大家都好驚訝好開心， 看似簡單， 但殊不簡單，10分滿足這次在南大門食晚飯感覺非常好，可以用賞心悅目 美味可口 來總結，環境舒適，景觀一流，海鮮新鮮，烹煮出色，服務殷切，值得推介…查看更多