Siu Choi Wong (Fuk Wing Street)

前排經過睇到小菜王依然咁多人排隊，好耐未黎所以約埋朋友一齊試吓。間鋪D嘢真係好有鑊氣。入座落單之後仲同我講好快就有得食。🥢【醬爆田雞】田雞上台肉質非常肥美，醬味鎖入肉汁。咬一啖鹹香惹味，唔柴唔韌。細嫩有彈性，每一啖都feel到鮮美滑嫩，醬香甜同田雞夾埋味道有D層次。🥢【椒鹽九肚魚】魚身經過炸製後外皮酥脆爽口，內部魚肉保持原有風味，吃起來口感極佳，入口即化。同時本身九肚魚一開始含水量高，帶入椒鹽咸香到不得了。🥢【豆豉蒸鱔】魚味同豆豉、蒜蓉攪埋一齊，每一啖都有濃厚醬香和魚肉的鮮美。豆豉作為哩味餸嘅關鍵調料之一，其濃鬱嘅醬香帶埋豆豉顆粒飽滿有嚼頭，蒜蓉香脆同薑辛令人回味無窮。…Read More

今晚同老死喺佢屋企附近度食飯，平時食開貴野ge佢，今後居然話要貼地啲想食下啲小菜，咁既然係佢屋企附近。我就梗係叫佢帶路搵啲地道啲嘅小菜食下啦！經過一排橫街小巷，之後就見到呢排生意好到不得了嘅小菜王！佢一連幾多個舖位，個個都爆滿，仲有啲師傅喺門口度開行過火係咁喺度炒小菜，都幾有氣勢！我哋嗱嗱臨喺室內嘅位置搵左一張細枱，之後就點咗兩個小菜同埋一支大啤！因為要送啤酒，所以兩個小菜都係較為香口嘅，首先就有一碟椒鹽九肚魚，外面脆卜卜，入面超級嫩滑，咋一聲成碟魚已經俾我哋清晒！另一碟係超級邪惡的黃金蝦。呢度嘅蝦係斷斤計，呢一碟就大概要$200左右，但係絕對值呢個價錢，因為蝦肉非常實浄鮮味，隻隻都唔細，係靚蝦嚟㗎！我哋仲嗌咗個＂靚仔＂嚟送蝦，因為始終係鹹蛋黃，齋食會太鹹。不過如果話要數呢度唔好嘅地方，就真係有太多小昆蟲啦，尤其是我呢個最怕四腳以上的小動物ge人嚟講，一邊食，對眼要一邊周＂嗖＂⋯⋯…Read More

今晚7時12人齊集小菜王和剛從英回港小休的德怡吃飯。外面正下雨又濕熱，室內冷氣涼快，地方潔淨，坐得算舒服。開始叫了13樣菜，將近吃完，意猶未盡，再加叫了3碟（鰻魚炒飯、豉油王炒麵和蒜茸炒韮菜花）。沙律骨- 是有骨的豬扒，肉滑不肥，鬆肉粉味不及牛仔骨重，可能沙律醬和酸甜味蓋過小炒王- 叫時不知是甚麼，見有腰果、青紅椒、洋蔥和肉片，很普通的家庭菜羅漢齋鮮掌- 鮮掌有筋的部位有些韌，羅漢齋是蠔油味味菜大鱔煲 – 今晚唯一的煲仔菜，未吃完已見煲底有半吋油，我們只吃鱔片，剩餘油浸配菜除了牛仔骨外，今晚每樣食物都很好，下少些油減去油膩感會更好，價錢亦大眾化，我們還叫了飯、啤酒和汽水。我們坐的位置遠離廚房數個舖位，食物不馬上送到就很快降溫，令習慣吃熱騰騰食物的美美最不滿        …Read More

朋友到左日本玩幾日，番到黎香港就派手信，由佢話事到小菜王食飯。7點半到左，差唔多滿曬咁滯，好彩仲拎到位。一坐底朋友就即刻派手信，係香蕉味既酥餅，食落同蝴蝶酥差唔多啦，係多D蕉味。由於有朋友稍遲，所以等左一陣就先叫幾味：黑椒牛油炒硯(冇曬聖子)，椒鹽九肚魚，金銀蛋浸莧菜，豉汁蒸鱔。朋友到後再加碟生炒骨。黑椒牛油炒硯先上，炒得相當乾身同入味，份量尚算可以，話咁快就清曬。金銀蛋浸莧菜好難煮得唔好食，所以冇乜好評價，純粹整碟菜冇咁寡。豉汁蒸鱔，對魚類並非十分鍾情既我，都係冇乜好評價，魚肉有彈口，豉汁夠，合格有餘。椒鹽九肚魚，係全晚最高分既菜。對於喜愛炸野既我，對椒鹽一直有高要求。而呢度既九肚魚外皮炸得好乾身，唔會過火，話之佢幾熱都快快手清左佢先。最後上既生炒骨，以呢度既價錢黎緊算係比夠足料，即炸排骨去掛汁真係冇得輸，青椒洋蔥都落唔少。4個人食，加多2支鴻X堂清補涼同3碗飯，合共399，以同區或者大排檔角度去睇算係貴少少啦，不過食物質素唔錯，性價比都可以既。人手同服務都唔多得，不過黎食大排檔都預左架啦~…Read More

今晚提早慶祝爸爸節前幾晚特定在openrice翻查一翻繼上回試了『泰屋』令人回味萬分之後openrice 的食評也是不賴的 !最終拍板決定試試『小菜王』小菜王位於深水步與石硤尾交界由於大排檔多為晚上開檔所以在夜深人靜的深水步實在不好找去到的時候 因為星期六的關係還是需要等位的等位其間 還有膠"鄧"提供而且伙計不像平時去開的那樣粗豪還算得上有禮! 等候不到十五分鐘就能入座了!對於一般平民大排檔來說 這種服務質素確實有點驚喜但又失去幾分風味未知是否出名的關係 轉角連續幾間鋪位都是屬於它的而且不是路邊攤的關係 環境確實比我預期好坐下不久 已急不及待拿起餐牌落單先來個黃金蝦 這個應該是全晚之冠除了是味道之冠也是價錢之冠盛惠$100蝦是屬於大蝦 但蝦肉不會太老最好味的是炸蝦面那咸蛋黃汁 正!恨不得連殼都"損"埋再來是電視也介紹過的饅魚炒飯看樣子像是沒甚驚喜但用湯匙盛起飯時發現材料豐富得很饅魚已經不少 還有炒蛋 大粒蝦仁和草菇飯的干濕度是可接受的 唯獨是有些飯粒未有上到醬料吧$68 這個價是可接受的接下來是黑椒牛油炒聖子看食評後是沒甚意慾叫聖子因為聽說肉很瘦但爸爸想試就叫了黑椒炒 有別平時吃的豉椒炒肉質比想像中肥美 而且炒得剛好不老但我認為黑椒味可再重一點不過不愛辣的應該剛好$68 時蔬方面原本一心想試瑤柱扒豆苗原來豆苗不當做喇 就叫了多人吃的蒜蓉蒸勝瓜 $30有點失望 因為略為普通及清淡家裡蒜蓉蒸可能比它好呢想試很久的砵仔焗魚腸是魚腸加蛋和粉絲蒸完再焗所以外脆內軟配上胡椒粉調味魚腸一點也不腥 加上蛋味 和偶爾的八角味$56??小女對中式炸物一向沒太大好感但基於爸爸愛吃九肚魚和魷魚就叫了椒鹽九肚魚一試果然令我再次失望炸粉太多 九肚魚又細又太瘦像吃炸粉團似的 可能叫椒鹽魷魚就不會有如此下場$56??最後$400 賣單算不錯…Read More