Yuen Kee Dessert

一直覺得呢類賣中式糖水嘅老店特別有人情味，食起上黎特別好味！ 佢地最出名 桑寄生蓮子蛋茶 同蛋糕，食左幾款糖水甜度非常適中， 份量對飯後甜品黎講就岩岩好！仲有成房舖頭都好整潔，員工態度好好…Read More

對上一次食係外賣，唔知係咪當時一次過買得太多，佢又錯單，外賣又細碗，大家都得一個感覺…不外如是！如果以咁嘅價錢，我覺得係差添！不過今日見有時間，坐低比多次機會，因為突然好想食桑寄生蓮子蛋茶，好在堂食係絕對ok，好味道！但當然都係貴，超細碗$39臨走又見到佢（鷄蛋糕），所以再買多兩件鷄蛋糕走人，我只不過係隔左幾個鐘食啫。。。嘩！嚇親，鞋到畢生難忘😅😅點解會咁嘅，就算隔夜馬拉糕都唔會咁嫁🤔🤔🤔…Read More

已有好一陣子沒來源記甜品吃糖水，這晚在附近吃飯，飯後便順道來吃個甜品，替一頓豐盛的晚餐譜上完滿的句號。一踏入源記，發現它的店裝修過，燈光較以前光猛，座位亦比從前舒適，我們三人點了源記的招牌糖水：桑寄生蓮子蛋茶、合桃露、杏仁露。源記的傳統石磨甜湯，如合桃露和杏仁露，非常幼滑，但我個人比較喜歡粗幼交錯的口感。桑寄生蓮子蛋茶：用料足、味道有點像夏枯草，看看枱上對這茶的介紹，簡直是能除百病、靈丹妙藥。源記甜品歷史悠久，品質無容置疑，「一分錢 、一分貨」；但它的口味仍需與時俱進，時下香港人那麼注重健康，源記也許是時候調低它甜湯的甜度了！…Read More

去開西環，我必去正街；去到正街，我必入源記。只因那裡有美味的桑寄生蓮子蛋茶。今天到海味街辦年貨，順便又去正街：）甫入源記的門口，夥計看見我已説：「今天加價了，你唔昨天來？」唏！喜歡吃，管他呢！最緊要好吃嘛！坐下來，二話不說當然叫這心頭好，只是今次稍感失望了！蓮子仍是一貫的入口鬆化。可能是我要求高，覺得蛋卻未完全入味，欠缺之前咬口彈牙的質感，但比較不少甜品店，仍勝一籌。只是茶這次卻嫌稍甜了，我告訴夥計，他們的加價，可能就是加在糖上了。所以這次沒給滿分：）…Read More

朋友跟我説喜歡吃源記的桑寄生蓮子蛋茶，我說我也是呀！我吃勻全香港，它一定是全香港最好吃的桑寄生蓮子蛋茶！如果您們看了我這篇食評不滿意，請留言給我，講俾我聽那一間做得好過源記，等我飛撲去試吓，不過，不要齋講，有圖有真相，除了影給我看茶色外，還要影埋蓮子蛋茶的蛋內，是否像源記一樣入色到成隻蛋裏面和外面都是啡黃色👻桑寄生蓮子蛋茶：除了上述提過蓮子蛋茶的蛋無論裏裏外外都要入味和入色到啡黃色外，蓮子入口即化，茶味清甜好味😻😻😻😋…Read More

每次路過正街，我一定入去源記坐坐。西環源創立於1855年，已經係過百年老舗。都係屋企人介紹我先識嚟食。如果你晚飯後嚟，就必定要等位，可以的話，好似我咁下晝嚟就好似去cafe咁慢慢坐。呢度最出名就係桑寄生蓮子茶養顔、滋陰、保健，中式糖水就係咁神奇但我一最鍾意的，仍然係合桃露，但係主角係D蓮子。呢道無論桑寄生或杏仁/合桃露都可以加雞蛋或蓮子，D蓮子大大粒，完完整整，入口用脷一頂，即刻粉碎，十分鬆化。坊間D蓮子唔係太淋就係實的的，只有呢道我先鍾意食蓮子。呢道仲有全蛋雞蛋糕，唔似西式蛋糕的濃蛋味，而是清香的蛋味，應該用冰糖整，因為食得出淸甜味。…Read More

源記甜品專家創立於 1855 年，是一間歷史悠久的糖水店，可算是數一數二的老字號 。店舖內以桑寄生蓮子蛋茶最為出名 ，很多人慕名而來 ，但不包括我，井底之蛙的我 是被男友帶過來 ， 甚想到會一試忘不了.......那天大概4點多的時段 ，不用等候 ，立即可入座，店內位子不多，懷舊裝修，玻璃面的檯，內放著菜單及報張報導。我要了一碗桑寄生蓮子蛋茶，男友則叫了純正杏仁露一嚐。桑寄生蓮子蛋茶 ，以銀碟托壽字碗 ，我第一次見這種銀碟款式，感到很有趣，古色古香。還覺得他們很聰明，這樣托著飲用也不會感到太熱。桑寄生益處很多，不但能祛濕、降血壓、安胎、除風濕、寧神安眠，更能調理月經、治療經痛及補血，男女老幼孕婦都適合。而且，這店的蓮子，是用人手一粒一粒挑芯 ，再煲成啡色糖水，味道濃厚且感覺清潤滋陰，蓮子數量亦甚多，可謂真材實料。如愛吃蛋者可試桑寄生雙蛋茶，因為茶中的蛋亦有一股清香味，很好吃，與桑寄生蓮子配合得宜。杏仁也有很多好處，能止咳平喘，潤腸通便，可治療肺病、咳嗽等疾病， 還含有豐富的黃酮類和多酚類成分，能夠降低人體內膽固醇的含量，還能顯著降低心臟病和很多慢性病的發病危險。美容功效，能促進皮膚微循環，使皮膚紅潤光澤。純正杏仁露，杏仁味濃郁香甜，而且不稀，甚為足料，值得一試。…Read More

呢間著名的桑寄生蓮子蛋茶有百年歷史，終於有幸試到了。入去時已是黃昏時分，人流唔算多。同媽咪打對面坐收銀後面的卡位。因為是甜品專門店，所以地方企理乾淨。點了桑寄生蓮子蛋茶，蓮子夠冧，蛋味十足，鹹味適中，唔會搶桑寄生茶的甜味，恰到好處。其實我都是第一次食桑寄生茶，感覺唔錯，蓮子夠粉，好好味！另外，點了雞蛋糕一件和香滑芝麻糊一碗，不過我就不太喜歡了。蛋糕實了少少，又唔熱又唔凍，$8/件，不值。芝麻糊真係夠滑，但不夠香濃，有點失望。下次再來時會再叫多次桑寄生，及試下其他甜品，例如，燉蛋，蓮子合桃露。…Read More

今日就等我同大家講下懷孕中期既小小補品～ （如果大家有FOLLOW我IG都知我有咗XD）其實懷孕初期既我真係咩都唔想食！到4個月先有返D胃口，又唔敢亂食D咩補品。只係因為我熱心既阿姨不斷推介食桑寄生蓮子蛋茶，嗰人下午又無野做，就走去呢間一試。桑寄生其實喺中醫有安胎催乳既作用，喺屋企煲都好方便，但當然出街揾老字號食更加方便啦。其實我之前有時都會去食湯水，但一次都無叫過桑寄生加蛋呢個COMBINATION，因為總覺得蛋屋企都有得食啦！？但因為養胎，今次我加咗蛋。真係好好味！蛋黃都有桑寄生茶味，勁入味！強烈推介大家一定要叫【桑寄生蓮子蛋茶】呢個組合（但就唔好食到好飽先去，因為食完會超濟）。其實除咗桑寄生之外，我之前既最愛係杏仁露。同滿記呀，其他普通糖水舖，真係無得比！好明顯一食就會知足料好多！如果有任何孕媽媽都無咩胃口，又食唔落人人都話健康既蛋，呢間糖水店既桑寄生蓮子蛋茶值得大家一試～好味甜甜地，又健康，又唔洗自己煲，一D都唔麻煩～！！！…Read More

記得第一次來既時候，感覺是雖然好味，但有點貴........對我來說仲有點遠！但當試了其他店的桑寄生蓮子蛋茶，就明白原來不簡單！源記的桑寄生蓮子蛋茶，茶好清不渾濁，飲落非常順喉舒服；蓮子鬆化，一點苦味也沒有；一定要加蛋........超好味，有點點像煙煄的味道，連蛋白也好味........…Read More

老婆對源記有份不解之緣，佢話後生嘅時候食過源記嘅桑寄生蓮子蛋茶，對其味道一直念念不忘，今日就趁住去薄扶林掃墓，就專登少少由堅尼地城坐港鐵過嚟西營盤嘅源記，當喺食番個甜蜜蜜糖水下午茶 。嚟到門面，老婆都差啲唔認得，因為對比以前，佢話新簇咗好多，入到鋪內，更喺光猛潔淨，完全無老店嘅感覺，但格局都仲喺老派嗰款，細圓枱，小卡位，餐廳尾就喺開放式廚房。餐牌就晌枱上嘅玻璃之下，咪睇橫排一列糖水好似好多款式，嚟嚟去去都只喺桑寄生、合桃露、杏仁露3款主打（$31-37），另外加埋芝麻糊、紅豆沙及綠豆沙（$23-35），不外乎淨食，加蓮子、雞蛋嘅配搭，比一般中式糖水鋪定價亦唔平得去邊。 桑寄生蓮子蛋茶 $35 唯一仲保存咗較濃烈嘅懷舊味道相信就喺隻萬壽無疆碗加埋墊底隻不銹鋼「穿窿」碟，原來加隻碟大有原因，就喺唔使直接攞起隻碗，唔怕辣親手 。睇番吓以前間鋪喺點樣，無意間發覺舊年嘅3月都仲喺賣$31，一年間加咗$4，幾蚊雞唔算多，但計比例就已經喺十幾個巴仙 ，唔知喺咪執執個門面就加番個成本落去。桑寄生色澤黝黑沉實，卻喺黑而不濁，飲落好清香嘅桑寄生味，唔會得層死甜；而去芯蓮子入口鬆化，無苦味，份量十足；至於隻雞蛋，咬開一睇浸到入晒色，絕對唔喺就咁烚完加隻蛋咁簡單，所以，整體算喺交足貨 。不過，老婆嘅評價話喺水準不復當年，桑寄生嘅味道無以前咁香濃，雞蛋嘅質感亦比較實。 窩蛋杏仁露 $35 老婆要咗桑寄生，咁小弟一喺要合桃露，一喺要杏仁露，愛貪得意，未試個加窩蛋，店員仲特別提醒喺生蛋嚟，放心啦，中學階段窩蛋牛肉飯喺我嘅心水飯，平靚正，快上快落，食完可以「咋咋淋」去打波，窩蛋一詞絕對知喺咩事。佢咁講，相信有啲盲炳應該唔知窩蛋喺乜亂咁叫 。擔心合桃露溝蛋個色好古怪，所以，最後要咗窩蛋杏仁露，純白嘅杏仁露中就放有一隻生雞蛋，攪勻之後，成碗似喺燉蛋咁款。味道會喺點呢？講真，同食杏仁露又好似無咩分別，杏仁嘅香味仍然晌度，但又唔見好有蛋香，口感都仲喺有啲稀，無預期咁特別。 雞蛋糕 $8 晌枱面印有一張專訪，標題「清香雞蛋糕名人至愛」，不過，講到失望就要數到件雞蛋糕。首先，件雞蛋糕好乾，乾到好似擺咗幾日嗰種乾，篤落去時無回彈力，口感絕對唔鬆軟；入口真喺唔太知何來清香，完全無雞蛋味 ，我同老婆都喺咁覺得。好明顯小弟做唔成名人囉，件雞蛋糕真喺唔太識欣賞，或許喺以前嘅人懷舊嘅口味就喺咁。老婆卒之一解千愁，隔咗咁多件過嚟了咗件心事；源記，相信對小弟而言，應該只有此次一面之「源」，因為，我覺得我老婆煲嘅桑寄生真喺好過佢喎！…Read More

Less is more，我不是被某護膚品牌子的廣告標語洗腦，而是愈來愈明白平淡是真。真正的休息，再不是到哪裡玩，而是什麼都不做。吃罷期待了一陣子的坤記煲仔飯，沒有打算吃甜品，我只是隨口當閒話說一句「食唔食糖水？」。沒有刻意去找，沒有事先計劃，兩雙腿走到正街路口。在附近讀大學的我，突然想起這裡有家甜品店，原來源記就在對面。「怎麼光亮了那麼多？」原來源記在2015年年尾翻新過，變得光亮整潔。讀大學之時來過源記一次，只記得吃過乾巴巴的雞蛋糕。人總是那麼壞，當記憶不好時，壞的就記得牢，好的就忘記了。友人未試過，我也不介意重溫一次，至少幫我回憶它的好。我寫過兩次佳佳甜品，發現身邊竟有很多朋友愛中式糖水多於新式甜品，幸好我不是騎呢的懷舊控。源記1855年開業，至今已161年歷史，是全港最舊的甜品店，不知能否居上「全港最舊的食店」呢？要想到舊店，我只能道出光緒末年（二十世紀初）開業的再興燒臘飯店和1933年開業的陸羽茶室。舊甜品店，不得不提西環警署對面的森記甜品之家，但幾年前因地主收舖而關門大吉，剩下源記孤伶伶的繼續留守舊區。以前是左邊貼牆圓枱，右邊卡位；裝修後放了左中右三列座位，兩邊牆都有卡位了。座位多了固然好，但燈光是我最不喜歡的變化，還是喜歡舊時從假天花吊下來的黃燈泡。光亮了，環境顯得格外潔淨。六角形的地板都是新鋪的，簇新得沒什麼味道。很實際的陳設，同一個素色系，實而不華。舊不一定簡樸，你看陸羽那銅吊扇、酸枝桌椅。眼見的就是用餐位置，除了用玻璃圍著的半開放式廚房，旁邊的窄巷都是遊人止步之地，疊著高高的蒸籠，正是馳名的自家製雞蛋糕「出生」之地。上一次吃的雞蛋糕真的沒有好印象，我也奇怪這怎稱得上鎮店之寶，聽說是味道夠懷舊，喚醒不少上一代人的童年回憶。沒有人把時光機留給我，回憶裡誰帶路？幾十年前的美食是什麼味道，我不會知，所以無法比較。除了雞蛋糕，簡潔的道出馳名品，是桑、蛋、蓮。桑是桑寄生，正氣藥材也；蛋，除了蛋糕，餐牌上有「淨雞蛋」，$8 一隻雞蛋真的夠巴閉；蓮，和雞蛋一樣可以加進紅綠豆沙、杏仁露芝麻糊。這三樣元素，就成了馳名的桑寄生蓮子蛋茶。普通以一碗中式糖水來說，平均$33/碗不算很便宜，或許我給森記和佳佳的十幾蚊貨仔縱慣了。決定再給一次機會雞蛋糕，另點了一碗芝麻糊和桑寄生蓮子蛋茶。芝麻糊 $23 友人大概是口是心非之輩，說很飽但又吃糊狀的甜品。我比較抗拒，因為怕飽滯感。灰黑色的表面平滑，細看才會察覺黑色小點，像銀何中的星宿。攪拌黑漆漆的芝麻糊，感覺還好，並不是想像中的黏稠。相片中的匙羹只是掛著薄薄的一層芝麻糊，白底下成了灰色，不是那些黏稠得能抵抗地心吸力幾秒不墮下的貨色，那些多數是用粉開出來的結果。用上傳統石磨來磨芝麻，難怪芝麻糊可以那麼細滑順口，芝麻香源源不絕的滲出，嗅到又喝到。磨前的工序都不能小覷，炒芝麻要掌握得宜，過火便會令芝麻帶燶味，影響成品的味道和香氣。這裡的糊品都是手工磨製，值得再試。這碗芝麻糊簡單得很，白膠碗，黑內涵，但世界哪止黑與白。桑寄生蓮子蛋茶 $37 奉桌前，看到桌上玻璃下的過膠剪報，說桑寄生利安胎。特地用黃地雲龍的萬壽無疆碗，配以不銹鋼碟來盛，隆重過芝麻糊吧。藥效上應該亦是 - 雖然我不用安胎，但對女性尤其有益。不銹鋼小碟的角色似乎可有可無，但其實是歷史留下來的做法；老闆怕員工和客人直接拿碗會燙手，特地加一隻墊底的碟，就像加個不太傳熱的把手。深啡色的幾乎不見底，舀下方見配料甚多，差不多佔了碗的三分一。啡色的蛋光滑完整，已去芯的蓮子大約有十餘粒。桑寄生本是甘甘澀澀的藥材，而去芯的蓮子正好賦予甜味，天作之合。早前吃過幾家桑寄生蓮子蛋茶，一是稀得不行，二是甜度蓋過了桑寄生的香。要取其平衡，並不容易。片糖是甜味和顏色的主要來源。這碗的甜度還好，至少仍留有桑寄生獨特的藥材香，不過少丁點甜就更好。蓮子已去芯，鬆軟香甜。看似完整未煲透，但內裡是軟綿的，一咬即散。蛋的啡，並非完全來自桑寄生和片糖，因為它其實是一顆鹵水蛋。沒錯，這是一碗糖水，卻放了鹹的雞蛋。鹹甜不應混合，老一輩經常掛在咀邊的，這個似乎在唱反調。這個凹了的蛋，鹵得很透，表面硬實有點像台灣鐵蛋，內裡的蛋白也完全沒有白色。嘗過有趣的鹵蛋，才知鹹香原來可以配上糖水的。雞蛋糕 $8 之前沒什麼好感的雞蛋糕，賣點是無香精，用全蛋，就是這麼淡黃色的長方塊。奉桌時不是熱，就連暖都不是，有點像洗碗海綿。氣孔均勻，唯欠水分。用叉切開時雖不至鬆散，但毫無黏叉感；不算鬆軟，切開後沒有向中間凹陷，邊緣還是起角的。多給一次機會也是沒有轉機，依舊乾巴巴的。蛋香不缺，但乾得不輕易咽下，好在有點流質的糖水。如果馳名是因為像舊時的味道，從我第一身味覺去接觸這件蛋糕，可真的看不透。除了雞蛋糕外，其他糖水都保留傳統的製法和味道，三十多元是付得值的。不只是念舊的入場費，是食材和工序錢吧。甜品專家這詞該不是浪得虛名的，至少見證了香港盛衰一百六十年。在這物質富庶的年代，還有我這類懷舊控，和較年長的人，會味蕾找尋簡單的快樂，源記還是「被需要」的避風塘。吃上了半小時有多，職員都沒有什麼臉色，由得我們談笑風生，但平日晚上的九時多，旺場得幾乎滿座的。長大後的飯後下場多是充斥著強勁音樂和酒精，但靜靜的呷一口暖和的糖水，清醒地談話，也不是代表我們幼稚。只是，簡單是福。…Read More

某星期天陪媽咪去中環海味店購物, 由上環行至西環, 大包小包的都有, 行到攰攰地, 想找到地方休息一會, 媽咪說行多一條街, 有間很出名的糖水舖, 叫我一定要試o平時我媽對甜品比較抗拒, 連我媽都想吃, 必定是有它吸引之處o行到店前, 門面沒什麼特別, 很普通都一間糖水店啊! 店內也沒有任何特別的裝潢, 坐位有卡位及圓枱, 全都是四人坐位o 當時店內已坐了一大半客人, 卡位也沒有, 我們坐近廚房位置的圓枱o看看餐牌…嘩…價錢都幾貴, 不過媽咪請客, 不管了o媽說”桑寄生蛋茶”這個甜品, 不單好吃, 而且對女性來說是很有益的, 我們便點了各人一碗o等了一會糖水到了, 充滿中國色彩的瓷碗, 在底下用一隻銀色碟作托盤, 把這道普通的糖水身價提升不少o呷一口糖水, 味道非常清甜, 而且甜道適中o 往碗底一撈, 有些蓮子浮上來, 因為曾吃過帶苦味的蓮子, 所以我不太愛吃蓮子o 但這裡的蓮子都把芯起掉, 完成沒有苦味, 而且煮得很腍身, 一入口便溶化, 非常可口o 雞蛋很入味, 微甜又滑溜, 連蛋黃都帶有清甜的味道, 絕對是好食又有益o…Read More

以前讀大學成日去源記，見呢幾日落陰陰細雨，有種濕凍嘅感覺，想食啲食啲野潤下所以完飯去幫襯。(睇到枱頭剪報先知原來已經有160年歷史)本身食得太飽掙扎要唔要蛋好，點知阿哥仔一句「叫埋啦！我地呢隻叫『千年難得一見蛋』」見到gag人就忍唔住默默咁跟住人走⋯⋯比印象中淡左少少？不過仍然好味，蓮子去芯唔苦澀，始終最正係隻蛋❤️桑寄生入味又唔膩口， 對女人好有益(補血氣)。如果唔係太飽我一定食埋芝麻糊⋯⋯…Read More

下午5點零6點去到，唔算好多人去過幾間自稱桑寄生蛋茶好出名既店舖試過，都係覺得西環源記最正我自己又唔覺得好稀好水，都幾full body反而個雞蛋糕我覺得太乾太硬，唔係幾岩我口胃..…Read More