Kanada-ya

見佢係黃色拉麵店，仲要係九州第一拉麵，難得經過都要幫襯下。入面座位唔算好多，而且全店只有一個人負責，因為柚子拉麵無套餐，本身打算只係食拉麵，但店員話可以做返套餐 ($108) 比我地，有埋飲品同2隻大將餃子，即管試試叫左碗玉子辛辣豚肉拉麵，香辣豚骨湯底唔夠辣，揀左超硬既麵同普通既麵質好似差唔多，叉燒方面口感都算軟稔，但唔係特別出色另一碗叫左柚子辛口拉麵，柚子味唔算好濃郁，感覺係偏清淡，份量唔算好大碗，整體上都無咩驚喜。而套餐包括既2隻大將餃子…好似烚餃子咁，無平時煎既香味，而且好淡，咬落無咩味…都幾失望以呢個價錢應該可以去其他拉麵店食到較好質素既拉麵…🥲🥲…Read More

已經很多天沒有出post了，說真的外面有那麼多人，而且口罩咁珍貴，沒有什麼事都不想出街😅因為今天要到朋友家拿點東西，所以要出外找他，順道在附近食好西🤤今次光顧了一間日本拉麵店，湯底和材料以豚骨湯和豚肉為主，客人可按自己的喜好選擇拉麵的軟硬度、蔥和蒜的份量，這在其他拉麵店較為少見👍🏻雖然拉麵味道不錯，但注意份量較少，大食人士可能要加小食才夠飽😅1. 柚子辛口拉麵 $98雖然拉麵的名子有柚子二字，但是並沒有這個材料😂這個麵有2塊黑豚叉燒、芽菜、紅洋蔥、紫菜、蔥和辣醬。叉燒很大片和嫩滑，不過很薄🤦🏻‍♂而其他的菜很新鮮，麵條也很彈牙，和店家熬煮的香甜豚骨湯一齊食，非常美味😋另外本人建議不要將全部辣醬和湯攪勻，因為會很辣🥵…Read More

突然之間好想食拉麵，男朋友openrice search紅磡都有幾間多好評嘅拉麵店，其中呢間金田家我最想試。門面裝修簡約，店舖不算大，印象中大約可以坐到20人。見到最多人讚係黑豚拉麵和柚子辛口拉麵，一於就揀呢2款try try！黑豚拉麵平時食拉麵，d叉燒都係得2、3片，而呢碗足足有5大片，非常慷慨！湯底是濃度適中的豬骨湯，不過飲完覺得口渴。拉麵麵質最抵讚，麵的硬度我們也揀了正常，入口係爽口彈牙，而且吸收哂個湯底，的確唔錯。流心蛋係另加嘅，的確係做到好流心，$14一隻來說算貴，但對得起呢個價錢。柚子辛口拉麵呢碗只有3大片叉燒，但賣點在於個湯底，非常有驚喜！入口微辛加上柚子香，係其他拉麵店都未食過，真心推介！大將餃子除左個皮煎得香口之外，個餡好空，冇乜肉咁，冇肉汁又冇乜味。…Read More

到了朋友家附近一間拉麵店吃晚餐，店內整潔明亮，地方雖然不算大，但空間感充足，不像一般拉麵小店般壓迫，我們坐吧台，台下有個櫃可以放東西，這樣挺不錯。我點了柚子辛口拉麵，湯底香濃，但不會過份咸，有淡淡柚子清香，加了辣醬不算太辣，令整個湯拉麵提起味來，豬肉不肥不瘦也很不錯，拉麵幼身更容易吸引湯汁。朋友的黑豚拉麵豬肉片佈滿碗邊，份量好多。我們也點了兩份小食，男爵薯餅很鬆脆，吃到餡料有紫薯，洋蔥、肉碎外皮不會很厚粉，沒有炸得過乾，美味～～唐揚雞塊份量也很多，有4-5塊，十分香脆，肉質都仍然嫩滑，咬下流出肉汁。吃拉麵配可爾必思是絕配✌🏻…Read More

好友剛去完日本回港，話派手信，當然馬上相約。去完日本，理應暫時不會吃日本菜，估不到她卻揀了吃拉麵....她的確日日豪食，正因為豪食，卻偏偏遺忘了平民美食之拉麵，現在後悔了！幸好，香港也有不少出色的拉麵店，她今晚就了有「九州第一拉麵」之稱的金田家。金田家有數間分店，她揀了黃埔店，門面搶眼，掛上紅燈籠。地方小小，只有一張 “L”形的吧枱和三張二人枱，座位不多，但骨子企理。吧枱上放齊餐具、調味料、檸檬水、牙籤、點菜紙和餐牌，都算齊備。翻開餐牌，有七款拉麵、幾款小食、追加配料和飲料。************************先來大將餃子($30)，一客四件，外皮煎至金黃帶焦色，但不算香脆。內饀份量適中，富有肉汁，肉中沒有混入大量肥膏，而拌入不少菜葉，不錯。************************友人點了雞白湯豚骨拉麵($85)，湯底是混合了豚骨湯 和雞湯，友人話很有雞的鮮香味，正！而麵料有腩肉叉燒、京蔥、紫菜 和蔥花，另再追加一隻糖心蛋($14)。嚐了一塊腩肉叉燒，經稍稍火炙，帶有焦香，半肥瘦比例，肉質稔嫩且入味，好吃！************************而我碗熱辣辣的柚子辛口拉麵($98)隨即送到，香氣隨熱煙直湧鼻子，真的忍不住想快快呷一口豚骨濃湯。拉麵的份量適中，相信對一般女士來說份量剛好。數數看，內有四片黑豚叉燒、清新爽口的芽菜、爽甜的紫洋蔥、滿有蔥香的蔥花 和一片紫菜，還有追加一隻糖心蛋 和一份木耳絲。湯底 乃是拉麵的靈魂，先呷一口帶點油光的湯頭，的確極之濃郁，味道香濃，滿載豬骨的鮮味，質感濃稠兼富膠質，未拌勻辣醬之前，帶點柚子味；拌勻後，香辣惹味，正！幼身的拉麵  烹調時間剛好，條條分明，挺有嚼勁，普通的軟硬度既不會糊口，亦不失咬口，剛好合我心水，入口順滑之餘，啖啖滿有香濃的豚骨味和辛辣，好滋味！黑豚叉燒 的瘦肉比例較肥膏多，不覺油膩，正合我心意。同樣經輕輕火炙過，帶些焦香，肉嫩且有咬口。木耳絲($7)相當爽口，本身沒有調料，喜歡加入湯中，辣辣地更好味。最愛是那隻溏心蛋($14)，烹調時間剛好，蛋黃呈鮮橙流心狀，黏滑兼富蛋香，沾滿口腔，而蛋白亦挺軟滑，烹調入味，絕對是出色之作。************************友人要了支伊藤園綠茶($15)，消滯解膩，而我就要了杯可爾必思($20)，冰涼透心，酸咪咪，不太甜。------------------------------別忘記，不論在日本或是在香港也必食拉麵，它是平民美食之一。…Read More

睇戲前係附近搵d 就腳的快食， M記lunch 先食完，粉麵又有d 寡，最後決定食呢間一直都未試過的拉麵店。有別於其他拉麵店，　金田家門面同內在都好光猛，拉麵選擇多，　有８款。我今次就ＯＲＤＥＲ　了一款未試過的口味，柚子辛口拉麵　，　老公就ＯＲＤＥＲ了辛子黑蒜拉麵，大家都追加了溏心蛋，我加了木耳，再另叫一氛餃子ＳＨＡＲＥ。辛子黑蒜拉麵先到，　蒜香及麻油味很濃我的柚子辛口拉麵 亦到了，估唔到追加的木耳有大半碗另上， 拉麵望落亦好吸引誘，有一堆辣椒醬放面， 唔想食咁辣嘅人可以拎走佢。 撈勻 辣椒醬 之後湯底除左有袖子酸甜味亦有一點點辣味,層次豐富。餃子滿多餡料，煎得脆卜卜，但又不會抽乾餡料水份，好味道…Read More

夜晚收工來到紅磡， 想食拉麵， 必嘉街係紅磡“搵食”的熱點， 離遠見堵拉麵店門外有人排隊， 原來係主打日本福岡拉麵店, 一於今晚係度醫賭肚！排了大約10分鐘，好快就有位， 打開Menu, 大約有8款拉麵供選擇， 可以另外追加配料和小食。我和朋友分別點了柚子辛口拉麵和豚骨MIX拉麵，加配溏心蛋和黑豚叉燒， 小食就點了男爵薯餅。拉麵好快送上，柚子辛口拉麵豚骨湯底，濃厚，麵條卦上湯底， 配上淡淡清新柚子味和辣醬， 十分惹味！豚骨MIX拉麵, 原味豚骨湯底， 配香燒腩肉叉燒，非常爽香！男爵薯餅，是另一亮點， 黃薯和紫薯各一塊內軟外脆，甜度適中， 薯味濃郁，值得推介！整體店面乾淨，拉麵款式繁多，小下次一定會再幫襯！…Read More

突然好想食拉麵，今日就即興約左朋友黎食！我地7:30左右到 好在唔洗等位！遲多少少就要等啦！店舖環境都比較細，座位唔多，但裝修方面都好日本風格！拉麵都有好多選擇，有8款味道可以揀，價錢由$78-$130！自己仲可以揀麵既硬度同追加配料！柚子辛口拉麵 $98第一次見到有柚子味既拉麵，所以決定一試。湯底濃厚，有少少清新既柚子味，辣味唔會搶走柚子既味道！我揀左硬麵，d麵都好彈牙，好有咬感！再追加左一份腩肉叉燒，帶有少少肥肉，但食落去好香口😋黑豚拉麵 $98d黑豚包圍住成個拉麵😍食落去唔會有油膩既感覺！加上個湯底係濃濃既豬骨湯，飲落去仲有d漿口🤤另外，追加左流心蛋，味道濃郁帶有點甜😍好味黑豚叉燒太好味，所以再追加多一份🙈唐揚雞塊 $35炸到金黃色既雞塊，賣相唔錯👍🏻肉質仲好滑👍🏻可爾必思 $20係乳酸飲品黎，味道都幾特別…Read More

這天由Poly哪裏行到紅磡近必嘉街覓食， 看見一家拉麵小店。 時間尚早 店內人不算多，裝修簡潔和式拉麵店feel。 再看看門牌的介紹， 原來是來自九州的Number one的拉麵。 對於來來自正宗日本過江龍的拉麵， 我們都抱有信心， 今晚 一於試試正宗的九州拉麵。店內座位不多，廚房呈觀半開放式，bar檯位置可近距離 觀看食物出品，很有親切感。拉麵選擇大概有6至7款。柚子辛口味拉麵期望係有少少辣又帶點柚子清新的豬骨湯底拉麵。 始終覺得吃濃郁湯底有少少辣會冇咁膩。濃厚的湯底帶微微的辛辣， 柚子味都很突出， 但絕不破壞香濃又充滿豚骨香的湯底， 啖啖精華。豚肉上有自家製辣醬， 放心唔係激辣。 麵條選了 "硬"的級數， 幼細得來很煙韌， 在湯的熱力下這種硬度就最適中不過。 葱的份量也可以自選。 有少量紅洋蔥碎， 可以試試，味道非常清甜又帶洋蔥香， 把拉麵味道再提升豚肉义烧薄切，很有肉味仲带少少肥。同時追加了紫菜和糖心蛋。紫菜脆口一半浸湯一半乾身吃最爽。 追加糖心蛋$14溏心蛋接近流心和半凝固狀態之間，醃味適中， 唔會太鹹並帶少少甜， 蛋香味濃，正!所追加的芽菜亦非常美味， 又嫩又爽。朋友亦追加了黑豚叉燒(三件$33)。 黑豚肉味更甘香。可爾必思 $20無酒精飲品，乳酸味但冇益力多咁甜。 男爵薯餅， 即叫即炸，外皮酥脆， 一個是栗子餡， 另一個是牛肉薯餅。 栗子薯餅內有大大粒香甜栗子， 真材實料。 黑豚拉麵， 沒有了辛口和柚子味， 湯頭就是醇厚和充滿濃濃的豬骨香， 好味到把湯都喝光了。吃到味道正宗的拉麵，朋友劲滿足話下次要再來。…Read More

捱咗幾星期canteen，又儲夠彈藥慰勞味蕾～今次趁開會前嘅小空檔去黃埔食碗拉麵。拉麵店價位都差唔多，所以每間都有自己特色，先可以突圍而出。金田家分店唔多，舖頭都幾細，只有吧枱同二人枱，但空間用得唔錯。譬如枱嘅櫃位可以放袋，同日本舖頭一樣貼心。今次揀咗比較特別嘅柚子辛口拉麵。九州拉麵沿用豚骨湯、直身麵，芽菜比較多。呢度麵可以揀軟至極硬，聽聞係九州拉麵店嘅一貫做法。我揀咗軟，食落冇話特別稔，不過就幾掛到湯。個人都係比較鐘情曲麵嘅蛋香，但呢啲係地方特色，要尊重返。湯底未撈辣醬已經有微酸。呢度豬骨湯偏啡，飲落有豬肉香，味道好濃。撈好辣醬湯底變成橙紅，辣辣地，聞落好似擔擔麵。柚子香味淡淡地，要慢慢食出嚟，柚子部分唔算發揮得超好。豬肩肉切成薄片，醃得入味。冇諗到薄薄一片都食得出油脂香，唔錯。金田家小食種類唔多。我就叫咗拉麵店比較少見嘅男爵薯餅，亦即係可樂餅。男爵薯比較軟身，製成薯餅口感綿密。一客就有牛肉薯餅同紫薯甘栗兩隻口味，幾啱獨食嘅我。炸皮麵包糠好薄好碎，炸起嚟鬆脆輕盈。紫薯比較甜，入面仲有大粒栗子，食得好滿足。大推呢款小食呀！！！追加嘅溏心蛋亦冇令我失望。醃得相當入味，蛋黃香濃、軟糯，蛋白熟透而滑溜。食得少菜，所以追加埋木耳。poly學生仲有折添，而咩時段去價錢都一樣，只係座位較少，lunch hour就要行快步喇。…Read More

一向鍾情九州拉麵,欣賞佢麵條極細緻. 金田家拉麵充分展現九州拉麵嘅細緻特質,而且以較淡味(比博多一幸舍更清淡)但夠鮮味嘅湯底取勝. 黑豚拉麵(追加溏心蛋)拉麵賣相不錯,豚肉切得很薄很薄,所以啲肥膏部分都變得好易入口,完全無肥膩感,好甘香美味~ 麵條細緻丶軟硬度適中如果個湯太重口味,會完全蓋過其他食材嘅味道,呢個湯對我嚟講恰到好處,能夠將豚肉丶木耳丶蛋味帶出~ 不得不提呢個溏心蛋,實在超軟滑,鹹甜味啱啱好 柚子辛口拉麵(追加溏心蛋)拉麵賣相ok,食落先有少少辣,然後有淡淡柚子酸味滲出,感覺竟然係辣得嚟好清新!! 呢個配搭認真!! 另一必食推介係男爵薯餅(紫薯餅&牛肉薯餅). 我同朋友都唔係紫薯控,但真心覺得呢個紫薯餅10個!!外面鬆脆,裡面軟滑又香,有少少蕃薯粒,真係一試難忘!! 我個牛魔王朋友覺得牛肉薯餅應該加多啲牛肉,但我就覺得呢個味道已經夠好 …Read More

想試好耐嘅九洲第一拉麵🤤👉🏿👈🏿仲有為食朋友話食過覺得係全港食過最鍾意嘅湯底🙈我對佢渴慕就愈黎愈濃烈 之前元朗店覺得有啲唔就腳但開左紅磡店就覺得唔去唔得.閒日夜晚去不出所料係全場滿座 要排隊等入去好鍾意呢種跟足日本拉麵舖嘅裝修😍而呢度就帶光猛 所以感覺好乾淨好舒服☺️.我同媽媽一人嗌左個拉麵～～我地都不約而同加左溏心蛋！畢竟溏心蛋真係拉麵嘅靈魂😍另外我仲加左粟米、媽媽加左木耳～.柚子辛口拉麵 ($98)我揀左呢款想食好耐 聽講佢嘅豚骨湯底配上自家辣醬真係好食到停唔到口🤤食落果然湯底濃厚而不膩～帶陣陣柚子清香 比起一般淨豚骨更加清新輕盈💓 另外辣醬果然辣勁十足 一鼓鼓咁刺激喉嚨😆我個人真係好鍾意！麵條我揀左硬 但仍然係比想像中偏軟 用左直麵 配上較出名重口味嘅九洲拉麵湯底正好☺️ 極度推介！.黑松露拉麵 ($108)媽媽揀左黑松露拉麵 係豚骨湯底加上黑松露 令到成碗湯香氣撲鼻 亦係味覺享受上加上左一重層次～☺️我自己好鍾意飲個湯底 豚骨中有陣陣松露香！不過媽媽就話下次想試淨豚骨湯底 因為松露香好似摭蓋左豚骨嘅最原始味道！豚肉每份有三片 相對薄切 但脂肪分佈紋理好靚☺️唔會只得瘦肉～肥肉部分油花超充分！而且肉邊有陣陣烤香嘅味道！好味❤️.男爵薯餅 ($38)係我最愛嘅「コロッケ」中文會譯成可樂餅～但其實同可樂係無關係😂只係譯音！意思係中間係餡餅 沾上炸粉用油炸到脆卜卜嘅炸肉餅！呢度一份分別用上紫薯栗子可樂餅同牛肉薯餅可樂餅💕比想像中好大嘅兩塊啊～ 上枱仲熱辣辣 抵讚！紫薯味道好天然 中間加上有咬口嘅栗子粒超好食😋另外薯仔牛肉超香口 中間會食到牛肉陣陣鹹香！即使食哂個拉麵超飽都要食埋啊！😍一定要黎再食～～～大滿足！💓…Read More

好耐無同佢出黎拍拖食嘢，大家收工收得夜，佢又喺何文田放工所以就約左去黃埔撐枱腳夜晚5係話想特別食啲咩，所以就清清地食個拉麵哩度都係一間貼心嘅拉麵舖，都係可以根據自己口味，揀辣度，麵嘅軟硬度仲有好多款追加嘅食物見拉麵竟然會有得嗌黑松露，所以就孤且一試，果然無嗌錯 ！非常好味仲有有3大片叉燒！湯底夠晒濃！拉麵幼身又煙韌男朋友想食辣，見有款辣得黎係柚子，佢中2試新嘢，所以就叫黎試下黎到果然無令人失望辣味又帶點甘香嘅柚子味食拉麵再加埋小食先至美滿嘅一餐咖嘛！所以嗌左炸雞，仲嗌左叉燒黎試下哩個價錢黎講有咁多件真係抵到喊仲要係認真製作，唔會係成舊都淨係炸粉嘅雞，仲要雞肉好鮮味另外嗌左哩款雅布尼叉燒黎試，係同本身嗰款有啲5同就係有多少許肥肉，但係薄切左一啲肥膩感都無，唔錯咖！哩3塊就係大食男朋友喺拉麵追加嘅叉燒，少少肥肉，大大塊又薄切，係食極都唔厭的…Read More

在紅磡看完電影後，發現金田家原來在這區開了新分店，以前都在銅鑼灣吃過也覺得不錯，所以今次又再來吃晚餐。店面面積較細，不過每張枱都有間隔可存放手袋，相當貼心。雖然都是獨沽一味賣拉麵，不過拉麵款式也不算少。枱上亦放有三款配料：芝麻、高菜和紅薑絲，給客人自行添加。柚子辛口拉麵 $98豬骨拉麵吃得多，所以今次就試試柚子湯底的拉麵，湯身略帶濃稠，可以見到浮油不多，少了一層厚厚的油花。柚子的味道及香氣比預期中強烈，柚子果香令湯頭變得清新，再加上湯底帶點辛辣，辣度不算太搶眼，不會干擾了柚子的獨有風味，令味道具有豐富層次感之餘，也可刺激食慾。麵條幼細而吸湯，口感彈牙，不會煮得過軟，麵量對女生來說已經很飽足。溏心蛋 $14/1隻溏心蛋的軟嫩蛋白包裹著正在流心中、半熟晶瑩的蛋黃，滿溢香濃蛋味。黑豚拉麵 $98豬骨湯底香濃但不油膩，不會因太重口味而覺得十分口渴。黑豚叉燒 $33/3片叉燒肉質軟嫩不死實，不過稍為鬆散，如果可以經火炙燒久一點，富有焦香就更完美了。腩肉叉燒 $20/4片腩肉肥瘦相間，脂香滿瀉，不過同樣都是欠了點炙燒的焦香味。男爵薯餅 $38一碟包括牛肉薯餅和紫薯栗子薯餅兩種口味，薯餅外層炸得金黃酥脆，入口亦不會過於油膩。牛肉薯餅的香口外層下滿是薯味濃郁的牛油薯蓉，滲出陣陣牛肉香。不過作為紫薯控，最為推介的當然是紫薯栗子薯餅，內裡紫薯餡入口軟綿，夾雜著香甜的粒粒栗子，充滿粉糯甜香。點了兩杯飲品，伊藤園綠茶 $15及可樂汽水 $14。…Read More