Le Viet

在尖沙咀區工作完到The One食午餐，朋友介紹這間越南菜餐廳，地方寬敞舒適，價錢亦算親民。點了一份午餐菠蘿焗飯($88)，午餐包餐湯及飲品，焗飯用料十足，配上幾隻大蝦，份量2個人食都還足夠。另外加點了蔗蝦 ($45)、柚子海鮮沙律 ($78)。蔗蝦彈牙、鮮味。 柚子海鮮沙律有魷魚、鮮蝦，除柚子外還有木瓜絲，沙律汁酸中帶辣，越食越開胃。值得一試的是越南滴滴咖啡($35)，配煉奶又滑又香濃。我和朋友都是甜品控，所以最後再點了越式甜品拼盤($108)，有多款甜品，焦糖燉蛋、越南綠品拉椰糕和香芒糯米飯，非常滿足。…Read More

喺尖沙咀想搵啲東南亞嘢食。見到呢間門口好colorful。Menu有好多泰式同越式嘅嘢食揀。所以就決定揀佢。青檸梳打。用泰國大象梳打水。啲青檸好refreshing。食濃味野最佳配搭。可以清一清個口。柚子海鮮沙律。除咗柚子仲有好多青木瓜絲。海鮮有墨魚仔蝦同蜆肉。味道輕酸微甜好開胃。腰果十分香口。香茅燒木棉魚。叫左喺出面平時比較少有嘅木棉魚。上枱時見到原條鹽燒好靚仔。魚面嘅鹽又唔係一般食鹽。絕對唔會一股死鹹味。雖然鮮味唔係特別突出。不過有好香香茅味。魚面嘅鹽亦幫忙帶出左唔少鮮味。百幾蚊食到原條靚仔鹽燒魚。性價比十分高。咖喱炒大蜆。係泰式炒咖喱。有好多雞蛋喺入面特別香。啲蜆好大隻。數量都好多。配料充足。味道偏甜好少辣。岩哂啲驚辣又想食咖哩香嘅人。另外仲叫咗個印式薄餅點咖喱。餐廳選擇多。價錢又相當實惠。點菜過程中。侍應十分友善解答問題。相當適合同朋友黎輕鬆食過飯。…Read More

🥗 柚子海鮮沙律 $76 (4/5)🍲特別火車頭 $78 (4/5)🍤大蝦菠蘿飯 $88 (3.5/5）之前經過尖沙咀The one見到呢間食越南菜既餐廳都好想試，今次揾到人陪我食啦，哈哈😁餐廳唔算大，枱與枱之間好窄，張枱又細，叫多幾樣野都差啲唔夠位放。老實講，環境就唔算太舒服，不過野食都幾好味既😋同埋價錢係呢個地段都算係咁💸💸💸柚子沙律好食又大碟，海鮮份量都唔少，有🐙魷魚仔、🦐蝦，仲有好多好甜既柚子同腰果！開胃又清甜👍🏻推介特別火車頭有牛腩、牛丸、牛肉，蘿蔔，牛腩幾淋，牛丸彈牙爽口，湯底夠鮮甜，都值得試下。大蝦菠蘿飯我覺得不過不失🤭飯炒得幾乾身，有啲雜豆、紅腸、火腿、肉鬆。大蝦肉質結實彈牙，菠蘿好甜，食到尾狂挖啲菠蘿肉，正！🤣😍但下次會有興趣想試椰青焗飯，見到都幾多人叫，好似唔錯😛…Read More

⭐️2018-8-29⭐️ 紅雨☔️《玩味十足之東南亞餐館》❤️🧡💛💚💙整整一個星期太陽伯伯都休假去了，換了我最討厭的雷雨姨姨當值，心情也隨之變得異常地差。雖然如此，也阻擋不了我對美食的追求。下班後便相約好朋友到the one會合。由於雨勢太大，我們選擇了Le Viet 這間好評餐廳享用晚膳。《環境》🍽餐廳的設計很具玩味，以紅黃籃三色作門面，相當搶眼奪目。發光的餐廳招牌更懸掛在當眼位置，離遠都能清晰可見。為了貫徹一致，餐廳內的皮椅也是色彩繽紛的，歡樂感十足。相信食客在這裡用餐一定更有胃口。1.柚子海鮮沙律 ❤️3.5/5泰式沙律當中我最喜歡吃柚子沙律🥗柚子和青木瓜絲都非常新鮮，又脆又甜。它們的酸味成功打開了我的胃口。海鮮方面，八爪魚的味道有點怪，而且海鮮的份量不算多，有待改進🙈2.海鮮炒檬粉 ❤️4.5/5這碟炒檬粉剛來至時，我們仨都嘩言為何賣相如此失色。但一入口，異口同聲說好吃😋果然餸不可貌相。檬粉炒得既彈牙又入味，配上韭菜更野味。海鮮包括鮮蝦，八爪魚和蜆肉，份量足又香口，值得推介的菜式。3.精選拼盤 ❤️2/5拼盤包括了四樣小食，當中有炸蝦餅、豬頸肉、春卷、扎肉蒸粉包。憑心而論，拼盤的賣相不算吸引。至於味道方面，蝦餅與豬頸肉實屬普通，另外春卷和粉包的豬肉包饀更是油而肥膩🙊總括來說有點失望。4.超載耶青焗飯 4.5/5耶汁飯是壓軸的驚喜。還未進入餐廳用膳前，我們不難觀察到幾乎每一枱都有點這道菜式，我們二話不話便把它納入選擇之一🙈看到火山爆發般的飯同耶汁，真恨不得快點把它的岩漿都消滅。味道方面，每一啖白飯都享受到耶汁的香味，耶肉更豐富了嘴嚼時的口感。另外海鮮與耶味也相配。作為招牌菜果然當之無愧。5.青檸汽水 ❤️2/5溫馨提示：由於這個飲品的咸檸太咸了，落單時記得要點糖水。不得不說Soda 汽水瓶很獨特哦總結來說，小妹認為有幾道菜都做得非常出色，絕對值得一試再試。…Read More

天氣熱辣辣，係尖沙咀同朋友想食啲開胃啲既菜，黎到the one入面見到有間叫le viet既店竟然係食越南菜，睇餐牌個樣子都唔錯，就入去試下！叫左個柚子海鮮沙律，柚子好香甜😻木瓜絲爽口！有啲蝦呀，蜆肉，小墨魚咁成個沙律好豐富！加埋啲酸酸甜甜既汁，認真開胃🤩👍🏻！餐牌見到大蝦菠蘿飯個樣就好想食😍 最喜歡就係啲炒飯放係菠蘿入面既樣，食都食得開心啲🤤 上菜果然無令人失望，樣貌方面100分！但都唔係得個樣架！個炒飯真係炒得幾香口入味，加埋充足既菠蘿粒同配料，好味又開胃呀！仲有三隻蝦蝦蝦，好豐富🤤仲叫左個小食，le viet精選拼盤，老老實實真係唔錯，一次過滿足我想試幾樣小食既願望！蝦餅炸得香口彈牙唔油膩，又有好香既蝦味，春卷就好juicy, 香味可口！燒豬頸肉燒得好香又入味，係有啲啲乾，可接受，如果有埋豬頸肉汁就更正😇 札肉蒸粉包就好驚喜😻咬入口就有陣香味滲出，胡椒味更提升左味道既層次😇 值得一試！我叫左杯青檸梳打，無糖既，好清新呀～岩晒唔係好想飲甜野但又想飲汽水既人🤣朋友叫左杯椰汁綠豆冰，相對我杯青檸梳打緊係甜甜的啦，都唔錯的！環境都算寬敞舒適，同朋友相聚傾計都唔錯架！價錢黎講，係尖沙咀算係差唔多！兩個人三味菜二杯野飲都係三百頭！值得回頭…Read More

星期三晚上約了某人去The One的Le Viet食晚飯。餐廳的座位採取半開放式，只以欄杆與商場作分界，感覺開揚寬敞。由於剛剛踏入晚飯時段，餐廳內未算好多人，不過之後都陸續坐滿場了，所以晚飯時段還是先訂枱比較穩陣。餐廳內裝修以大膽撞色設計，感覺較年輕。火速坐低後打開餐牌，發現餐單內容選擇豐富，價錢實惠。於是兩個飢腸轆轆的人決定今晚要多叫幾款菜式一一品嚐。前菜和小食選擇了柚子海鮮沙律、蝦餅，還有串燒雞牛豬和雞中翼。越南美食當然少不了湯粉類別，所以今次選擇了特別火車頭。另外還點了椰汁紅豆冰和青檸梳打。柚子海鮮沙律份量不少，酸辣的醬汁，配上新鮮柚子和青木瓜絲，口感爽脆清新，就是夏天必點的沙律。蝦餅則是新鮮即炸，一碟四件，口感實在，不油不膩。驚喜的實屬三串的串燒雞牛豬和兩串雞中翼，調味料香口惹味。先試了無沾醬的原味，入口巳經濃濃香料味，然後再試沾醬，果然沾醬更提味。再來就是越式菜必點的河粉，火車頭的材料份量十足，湯頭鮮甜清香，濃濃的牛肉味。一整碗下肚，完全覺得就是舒服。當然還有椰汁紅豆冰和青檸梳打不能錯過。店員還貼心提醒梳打水無甜味，可以改7喜。椰汁紅豆冰的椰汁清甜，不會膩。…Read More

今日約咗舊同事去尖沙咀食飯, 大家都在The One 附近就去搵吓有咩啱食! 去到四樓時見到LeViet個招牌咁sharp醒就被吸引咗入去試吓佢哋嘅越南菜! 柚子海鮮沙律 $76 ~ 柚子幾鮮甜, 青木瓜絲好爽口香甜, 海鮮亦好爽口, 再配秘製醬汁味道幾清新開胃越式併盆 $98 ~ 併盆有四款食物都幾抵食炸蝦餅 ~ 炸得幾香脆, 蝦膠爽口彈牙扎肉蒸粉包 ~ 幾大件同幾多餡料, 幾有口感, 味道調較得唔錯好夠味, 凍咗食都好好味春卷 ~ 炸得幾香脆唔油膩豬頸肉 ~ 肉質好Juicy爽口牛油雞翼 $68 ~ 好香牛油蒜蓉味, 外脆肉嫰幾入味超載椰青焗飯 $98 ~ 焗飯係原個椰青的, 椰青面佈滿海鮮甚至椰青外都有海鮮同椰汁, 確是名符其實的超載未食之前以為會好漏, 但食後發覺有驚喜 焗飯好香椰汁味, 好滑, 海鮮爽口彈牙, 一啲都唔膩, 不太喜愛椰汁的我都一路食一路同朋友講呢個焗飯好好味! 小亮推介兩杯飲品甜度恰好, 幾夠椰汁味椰汁綠豆冰 $28 三色冰 $28小亮又多一間有下次嘅餐廳…Read More

餐廳位於The One四樓，湖水藍色的圍欄，紅橙黃綠色的座椅，色彩斑斕，開放式設計，寬敞開揚。Le Viet這個法文名字已透露了餐廳的端倪，除了主打越南菜，還加入了法國元素，如法包、焦糖燉蛋和心太軟等。兩者看似風馬牛不相及，事實上越南於十九世紀末至二十世紀初曾受法國殖民統治，飲食文化亦受影響。細看餐裨，除了越南菜和法國菜外，亦不難發現泰菜的足跡，相當多元化。柚子海鮮沙律 $76先來一客開胃前菜魷魚、鮮蝦、柚子、腰果及青木瓜絲，拌以柚子汁及傳統越式魚露，酸甜清爽；腰果絕對有點睛之效，香脆可口。牛油雞翼 $68金黃色的炸雞翼相當搶眼，牛油香噴鼻。雞翼炸得香脆惹味，配以蒜蓉、牛油、檸檬草，味道豐富而不油膩。滿載椰青海鮮飯 $98飯如其名！多得滿瀉！份量足夠三至四人吃。溢出的椰汁非常香濃，裹滿每一粒飯；配料有魷魚、鮮蝦、雜菜粒，還有甜甜的提子乾，頗特別。串燒沙爹 $52/3串雞、牛、豬肉串各一，大大塊，啖啖肉，燒得香口而不乾身；沙爹汁香濃惹味，微辣易入口，如能多些醬汁更佳。越式甜品拼盤 $108 這個越、法合壁的拼盤有越南綠豆拉椰糕、香芒糯米飯和焦糖燉蛋。三款甜品中最愛綠豆拉椰糕，充滿斑蘭香及椰香，煙韌軟糯；跟平常吃的千層糕不同，這客於每一層中間加了綠豆蓉，豆香十足，層次更豐富。香芒糯米飯中有黑白糯米，兩種口感，淋上香濃的椰漿，配以一整個芒果，新鮮清甜。想不到真的能在越南餐廳吃到焦糖燉蛋，焦脆的糖面，幼滑的燉蛋，還不賴。餐牌…Read More

一早買了戲票今晚在The One睇戲，睇戲前就在商場內食晚飯吧！天氣悶熱，特別想食酸酸辣辣的食身，所以就決定食越南菜。＊＊＊＊＊＊＊＊＊＊＊＊＊上次在The One吃泰國菜已經有留意毗鄰的Le Viet都頗多食客，今次幸好七點前已經到餐廳，所以很快就可入座，照片是我臨走前拍的，已經見到餐廳內已經滿座而且還要排隊。椰青($40)椰青又大又多水，椰青水滿滿，非常清甜，椰肉不算太硬，花點力氣已經可以吃到。柚子海鮮沙律($76)柚子海鮮沙律非常足料，除了柚子、香菜和腰果外，還有魷魚和蝦，沙律澆上足夠的越南醬汁，味道酸酸甜甜帶點微辣，非常消暑。炸蝦餅炸蝦餅一客有四件，碟邊伴有酸甜醬。蝦餅炸漿不厚，外表微脆，中間爽彈富蝦味，蘸上酸甜醬更好味。越式火車頭酸辣鍋($138)火車頭酸辣鍋放在煤氣爐上，入面有牛肉、牛丸、菠蘿和芽菜等，都幾多料。酸辣湯夠酸夠辣，非常惹味。香芒糯米飯($52)香芒糯米飯有黑糯米和白糯米各一球，上面澆上濃稠的椰漿，口感軟糯椰香味十足，都幾飽肚，芒果甜中帶點微酸，是糯米飯的絕配。總結，食物水準不俗，價格亦合理，下次來睇戲都值得再吃。…Read More