Fo Shui Lo

呢間火鍋店，一入門口就見到非常懷舊嘅特色裝修 好有feel喔！非常抵食！亦好適合同一班朋友，一齊睇波、傾偈、聚會打邊爐👍🏻連調味料嘅碗，同車仔都非常有味道燒賣魚蛋一啲都唔馬虎！彈牙好味😋到主角喇！花膠雞煲好入味🤤 好惹味架，不過雞件份量可以再多啲～ 濃濃嘅麻辣汁包住雞、花膠，樣樣好入味！入到口唔會係死辣嘅感覺～時令海鮮都好足料！樣樣都起碼有五六件！食到我哋攬住個肚😆牛小排脂肪分布均勻👍🏻肉質鮮嫩，色澤都好靚！我哋仲嗌左啲丸啊餃子啊，全部都唔馬虎👍🏻最後仲送懷舊甜品添！有紅豆、涼粉、菠蘿、蒟蒻等等 食到我哋嗰個超級飽！好抵食👍🏻…Read More

同朋友慶祝生日，揀左個相當有特式的鋪頭打邊爐，成個裝修都行懷舊路線，無論是餐具、地板、枱櫈甚至店內的一些特別裝飾，都襯托番個主題，好多打卡位！今晚我們就試左個「花膠雞安格斯海鮮火鍋套餐」(每位$258)，佢有麻辣花膠雞煲或濃厚花膠雞湯鍋可選，我地揀左前者，係等緊個煲黎既時候，就可以食住餐前小食先，包括有炸魚蛋，豬肉丸和燒賣，都唔錯！跟住主角出場，招牌麻辣花膠雞煲，花膠份量比想像中多，裡面仲有滷水豆腐、豬皮、大葱、洋葱和芫茜等，當然唔少得有雞，麻辣汁好香濃，花膠炆得好入味而且夠腍，雞件都嫩滑，十分惹味！食完雞煲就換個湯底開始打邊爐啦！套餐包左個海鮮拼盤，有海蝦、廣島蠔、墨魚滑、脆鯇和大蜆，全部都新鮮鮮甜，海蝦都幾大隻，脆鯇爽口啖啖肉，正！當然，仲有其他火鍋配料可以任食，包括打邊爐必備的肥牛，薄切得黎肉質嫩滑，不過講靚當然要揀特級安格斯牛肉，同樣任食！！脂肪分佈平均，色澤鮮豔，一睇就知靚嘢！食落當然好有牛味，好腍呢！唔食牛就可以食黑毛豬，一樣好食！食肉之餘點都要食下蔬菜類和丸等其他嘢，呢度有墨汁墨魚丸可選，另外仲可以響鈴、炸魚皮、金菇菜雞脾菇、粟米、流心芝士丸、牛丸、水餃等，應有盡有，小心眼闊肚窄。套餐仲包左個甜品，係蜜桃紅豆涼粉，冰涼透心，滿足埋另一個胃！哈哈！呢度仲好在汽水任飲，無得彈！…Read More

呢間火鍋店之前都有黎食過，果陣係食鮑魚雞煲，覺得好惹味，所以又再book位再黎食!餐廳裝修懷舊，枱都係用緊懷舊既圓形摺枱，而且還播著70-80年代的英文歌，就仿似真係回到舊時一樣。之前見到雜誌報道，知佢近期由鮑魚雞煲轉左做花膠雞湯鍋，而且都係做緊任飲任食，非常正呀!我地4個人點了花膠雞安格斯海鮮火鍋套餐，每人只需$258，火鍋配料飲食，不過海鮮就只有一次，還有甜品、餐前小食。冇咩點叫火鍋配料已經好飽了!濃厚花膠雞湯鍋，呢個湯非常鮮甜，好有雞味，花膠都好大塊，我地每人最少都有一大塊。雞件都有好多，個湯飲落都有粘口，非常足料!飲夠湯就可以請店員幫忙換上打邊爐的湯底。這裡的好處就是可以揀令一款湯底打邊爐，不用怕飲哂D湯，打邊爐會冇味!時令海鮮拼盤，呢個海鮮拼盤包括有海蝦、生蠔、蜆、脆魚腩同埋墨魚滑。海蝦新鮮，肉沒有"梅"，蜆沒有沙，脆魚腩魚肉爽口。特級安格斯牛肉，每片都好大塊，牛肉味濃!打邊爐又點少得菜類和丸類。最後還有甜品作結，非常滿足呢!…Read More

早前經過旺角📍，看到了一家門面非常特別的冰室😍，與旁邊的建築物格格不入🧐，模仿著六、七十年代舊式戲院📽、售票處🎞等，別有一番情懷😌。這晚與老公🍋特意來一個懷舊火鍋夜🔥。沿著樓梯上去⬆️，旁邊掛滿了多款電影海報🎥，當中也不忘加入了食物元素🍜。火水爐是七十年代流行煮食用具🔥，絕對是時代的產物🧐，店名以「火水爐」命名😲，店內更以它為裝飾😊。店內周圍也充滿著時代的氣息🤩。今天的目標就是它的火鍋任食套餐😎，時不宜遲😏，馬上開始🎊！前菜小吃🍢：在等待時😌，店員先奉上了港式小吃作前菜🍱，有炸魚蛋🐟及炸燒賣🐽，醬油方面帶了點點的辣🌶，非常醒胃👍🏽。花膠麻辣雞煲🥘：早一天訂位📲，就可以免費享用😁，當中大約有半隻雞的份量🐣，雞件肉量豐富😲，醬汁濃郁惹味😋，加上了厚厚的花膠🐟，真的是真材實料🎉！招牌花生沙嗲鍋🍲：在多款的選擇之中📜，我們選了這個😄，花生香味濃郁🥜，加入了大蔥💚，更令人難以抗拒💗。時令海鮮拼盤🦀：根據每枱的人數🧐，而安排份量的😉，款式可能每日不同🤔，這晚則有青口🌊、沙白🐚、蝦🦐、墨魚滑🦑等。美國安格斯牛小排🐮：全晚的重點出場了✨！粉嫩的肉色❤️、平均分佈的油花❄️，輕輕一熝🔥，肉質嫩滑🤤，一碟又怎會夠了😂？還好這是任點任食的👏🏽。手切本地肥牛🥩：肥牛的油花也不比安格斯失色😍，油肪豐富😋，口感爽嫩👍🏽。響鈴🛎：火鍋不能缺少的一環😁，放進鍋中幾秒馬上夾起🥢，口感依然香脆💖。其他火鍋配料🔥：選擇非常多🤩，更有自家製的雲吞等🙌🏽，挑了幾款愛食的😌，份量已足夠讓我們飽翻天了🤤。總結：本來店內是有甜品供應的🍨，可惜我們都太飽了😅，避免浪費❌，還是不要好了😌，不過還是好奇的問了店員是甚麼😝，原來是涼粉雜果紅豆沙冰🍧，果然是把懷舊貫徹始終😍！…Read More

火水爐這家local店充滿懷舊玩味，走在街上一定會看到這個電影廣告😂門囗就如售票處，上樓梯看到不同廣告，就如去七十年代的電影院一樣。餐廳用的裝飾和傢俬都走懷舊風，大押店、夜總會招牌、街景，連音樂都好貼題。塗漆金屬碟，碗等都是我爸年代的產物吧！我們叫了一人258的套餐，只要訂座就會送豪華花膠麻辣雞煲，不要錯過啊！安格斯牛和其他火鍋配料都是任點任食的啊！前菜是熱騰騰炸起的魚蛋和燒賣，都是香港經典的街頭小食。花膠雞煲要先煮五分鐘，為免辣度蓋過了花膠味，我們只選了bb辣。看！花膠是一大片的，下手夠豪氣！醬汁量相當豐富，深啡色的味道超濃郁，有沙嗲香，鹹香帶微辣好惹味！所有材料都煮得入味，花膠滑溜柔軟，各位ladies補一補骨膠原吧！豆卜，豬皮吸盡醬汁的味道，而雞件有輕輕炸過，加上濃郁醬汁更惹味好吃。吃完雞煲會另上湯底，選了養生的宮廷藥膳鍋，有紅棗、大蔥、黨蔘等等，上菜時陣陣藥材香，味道清新。海鮮拼盤有蝦、蠔、青口、貝、鱔和墨魚滑，果然豪華！魚滑爽滑彈牙，蝦、貝的味道都甜，又爽口。全部海鮮都有應有的鮮味，不錯呢！鮮紅的安格斯牛小排牛味更突出，肉質嫩又軟，juicy!美國珍寶肥牛牛味濃，豐腴的油脂使牛更酥香可口，卻不會覺得肥膩。黑毛豬片好大片，每片薄薄的，咬下去有甜肉汁的味道，配著幼又滑的稻庭烏冬吃好夾。打完邊爐來下下火吧！店家附送的甜品是雜果涼粉紅豆冰，既清甜又冰涼，refreshing!選了這家具老香港特色的小店吃地道雞煲火鍋為男友慶生，他好滿意啊~證明我選對了！…Read More

每次行經呢度都被佢嘅搞鬼裝飾所吸引, 裝修到成間懷舊戲院咁行上去亦都係以懷舊主題, 其中一面牆上以兒時玩嘅康樂棋為裝飾, 不禁令人有集體回憶呀!呢度日市係冰室, 晚市就供應任食火鍋, 限時150分鐘!呢個安格斯海鮮火鍋任食套餐每位$258 (兩位起)餐前小食係呢碟炸燒賣, 魚旦及雲吞, 熱辣香口, 一啖一隻好方便!套餐係先食招牌鮑魚麻辣鷄煲, 辣度可由BB辣至大辣, 煲返滾就食得! 打開煲蓋麻辣嘅香味已經散發出黎, 此刻鷄煲亮點去左隻鮑魚度 (哈...哈.....)呢度嘅鷄煲除左有鷄件外, 仲有豬皮同豆腐卜, 兩者同係"索"汁尤物, 入口就食到麻辣醬汁味, 有幾有心思!  主角鷄肉幾滑, 數量都唔少; 而隻鮑魚食落爽口彈牙, 配埋大量甜味紫洋蔥, 味道惹味中帶點甜味!食完鷄煲選好湯底就可進行邊爐時間, 喜歡清清地又可以下火嘅香茜皮蛋湯時令海鮮拼盤, 款式並唔係劃一, 睇下邊款海鮮靚就比邊款, 今晚有廣島蠔/脆鯇片/沙白/蝦/青口等, 每位每款一至兩隻!海鮮望落樣子討好, 以冰粒墊底保持凍度蝦同沙白味道鮮甜, 唔點任何醬料都好味蠔烚完稍為縮細左, 但蠔味幾濃無價錢食材係任食系列, 汽水任飲有我喜愛嘅黃帝菜/水魷/牛栢葉/芋絲/冰豆腐, 當然要叫番客啦呢度嘅牛丸以任食黎講係有水準嘅, 咬落多汁唔在講, 仲幾重牛肉味, 必食呀!食到熱辣辣, 仲有特色甜品送埋比你食, 呢客雜果紅豆涼粉冰, 紅豆綿滑, 將全部材料撈均一齊食, 簡直香甜又透心涼呀火水爐營業時間至凌晨2點, 夜媽媽都有得打邊爐, 確係型嘅!…Read More

好友的太太入住廣華醫院，因小孩快要出生，聯同一班好友到醫院探望。離開醫院後，當然與幾位好友一同晚飯。事前好友建議到煙廠街那邊晚飯，距離醫院也近，並預早訂了位。來到街的轉角，被整個看似電影院的招牌吸引，門前的餐牌明確標明的價錢等，朋友們都說很有懷舊色彩。從餐牌上得知，預早訂座會敬送雞煲，所以好友已預早為大家訂座。餐廳內，由樓梯至裝修，甚至枱椅碗筷也很有老香港的特色，確實不同。坐下後，餐廳先為我們點選飲品，送上飲品的同時，也送上小食。雖只是普通的小食，卻煮得香脆可口，大家也很意外。招牌鮑魚麻辣雞煲終於上枱，職員會事先詢問要多少辣度，是晚選擇不要辣，因為最近多吃麻辣雞煲。雖然並不辣，從材料上，大家已覺得很吸引，當加熱後，洋蔥芫茜等，混合著調味及材料發出的香味，已經令大家雀躍不已。大家也急不及待，先吃雞件試試味道，入口香滑，味道濃而不鹹，帶著洋蔥芫茜香味，令雞的味道更可口，鮑魚入口香，容易咀嚼，味道出眾。個人喜愛洋蔥，在煲底的洋蔥煮得熟透，除了洋蔥本身的香味，吸收了雞及醬汁的味道，也變得好味非常。雞煲吃過後，火鍋湯低上枱，我們選擇清湯及麻辣湯，火鍋調味也送上。白色與紅色的湯底，色彩很大的對比，湯鍋也很特別，並不是平底，看似是圓形的，朋友說好像在那兒見過。在等待湯底加熱之時，火鍋食物也先後送上。時令海鮮拼盤，有鮮蝦、脘魚片、蠔、大蜆等，看來也不錯。美國安格斯牛肉，西班牙黑豚肉，鮮紅色，看來非常新鮮，而脂肪份量配合很好，令大家也驚訝。其他火鍋食物，有墨魚汁墨丸、蜂巢豆腐等，也非常吸引。蔬菜除了一般有的生菜、菜芯等，居然有也皇帝菜，我和另一位朋友也很喜歡。蠔不知是否煮得太久，有點縮水的感覺，不過味道還是不錯。鮮蝦及美國安格斯牛肉，以麻辣湯煮過，去除腥味及肉羶味，更顯得原有味道突出，令大家愛上，西班牙黑豚肉也顯得更滑嫩。大家也覺得這個麻辣湯配合肉類佳，假使普通的肉丸，也變得比一般火鍋店吃到的更好，而清湯配合蔬菜、響鈴、蜂巢豆腐等則更佳，而麻辣湯越吃越辣，後段大家有點吃不消的感覺，愛吃麻辣的朋友不在，相信他定會愛上。最後當然是甜品，原來是沙冰，是普通的甜品，卻沒想過可以這樣配搭起來。吃過火鍋，特別是麻辣湯，這個沙冰感覺非常配合，值得推薦。懷舊裝修，有地道老香港感覺，食物質素佳，的確是難得再去的地方。…Read More

窩夫與蝦子餅早前常在旺角出沒，某天突然想吃火鍋，便再度光顧火水爐。火鍋任食套餐跟之前吃過的不一樣，正價時段每位258元，限時150分鐘。另加醬油費每位12元。去火水爐吃任食套餐前記得要訂座，否則便吃不到招牌鮑魚麻辣雞煲。雞煲上桌後要煮5分鐘，窩夫與蝦子餅點的辣度是BB辣，十分惹味。邊吃雞煲，邊選火鍋湯底和配料。火鍋的湯底選了招牌特濃沙嗲鍋，沙嗲湯充滿花生的香味，香而不辣，一試難忘。湯底裡加了大量豆卜的大蔥，吸盡沙嗲湯的豆卜很好吃呢。除了湯底裡的豆卜，蜂巢豆腐和脆炸響鈴都是吸湯的好材料。薄切的西班牙黑豚豬肉口感一點也不硬，不比牛肉遜色。美國安格斯牛並非一般任食火鍋的貨色，非常大塊，而且切得比較厚身，肉味特別濃，蝦子餅吃了很多呢。炸魚皮跟上次一樣出色，香脆可口。二人前的時令海鮮拼盤，有蝦、蠔和蜆等，全部都很新鮮。吃過肉和海鮮後，要吃些唐生菜。墨汁墨魚丸和玉米貢丸比較少見，值得一試。牛柏葉、豬皮和水魷都是熱門的火鍋配料。因為太喜歡那沙嗲湯底而點了一個烏冬。…Read More

同一班朋友打邊邊永遠最開心今次嚟到火水爐 裝潢超七八十年代的吃起上來超懷舊超港式超有氣氛🤩我地叫左#火水爐安格斯海鮮火鍋任食套餐都只是$258/1位 任食的話都算便宜~提提大家要訂位！訂位！訂位！因為會有#招牌鮑魚麻辣雞煲 送的🤤一人一隻鮑魚十分惹味 雞肉亦很足 好吃！然後主角火鍋來了 我們要了#麻辣 和#沙嗲湯底麻辣的那邊比較好 沙嗲較容易痴底😂最誇張是那盤#時令海鮮拼盤傻的嗎 一來超靚 二來海鮮好鮮味尤其是花甲 大粒有肉超鮮甜的🤗而任食的#美國安格斯牛 和 #西班牙黑豚豬肉一啲都無欺場 超好食 絕對唔係薄薄的而且牛味豬味出眾 可以放肚任食🤪特別推薦牛丸 真心juicy爆汁👍🏻最後雜果涼粉紅豆冰作結 完美的一餐🥄_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂…Read More

之前見到facebook介紹， 知道旺角有間任食火鍋—「火水爐冰室火鍋」性價比超～高， 所以今次便和家人一齊黎試試！😏 在夜闌人靜的煙廠街上， 不難發現奪目耀眼的炫紅招牌—「火水爐」， 上面還掛着「即日上映」的橫額， 門口模仿舊式戲院， 售票處則是輪候入座的取票處， 聽聞餐廳要等位時，真的從這裏取票呢！😂 連等位都尤如買戲票一樣， 真是別有一番情懷！😳 不但門面設計用心， 店內裝潢也相當像真～ 走上一樓，一排排火水爐井井有條地排列， 收銀處有部老舊收銀機， 雖然已不能用，但放在收銀處依然搶眼。👀 餐廳每個角落都各有特色， 如這邊牆身的康樂棋壁畫， 另一邊則扮作從冰室的綠色窗花望出窗外的街景， 除此之外，餐廳還有不少打卡位， 如牆上掛着的當舖「押」字、「夜總會」招牌， 周圍都充滿懷舊氣息～😎 餐廳早晚都擔任不同角色， 下午會供應多款懷舊冰室招牌食物如炸髀撈丁、阿華田脆脆西多士等， 晚上則搖身一變成火鍋店， 任食火鍋套餐原價為$258位， 早鳥優惠（晚上8點半前結賬離座）為$238， 宵夜優惠（晚上9點後入座）則為$228， 有前菜小食、鮑魚雞煲、海鮮拼盤， 還有美國安格斯牛和西班牙黑豚肉和十幾款火鍋配料，任食2.5小時， 汽水又任飲，甜品都包埋， 好抵喎！！！😍😍😍 食火鍋先混個醬～ 基本調味醬汁都有：炸蒜、生蒜、蔥、芫茜、辣椒和花生醬。 每日的前菜小食都不同， 時日為陳皮魚蛋，裏面收埋粒陳皮粒， 可以去腥之餘，又比平時的香口～😯 主角登場了～～～👏🏻👏🏻👏🏻 訂座敬送的招牌鮑魚麻辣雞煲， 最吸睛的當然是每人一隻的鮮鮑魚啦， 軟腍入味，又不失咬口，正！😋 雞煲點左小辣， 秘製醬汁微辣惹味， 還加入大量洋蔥和芹菜，香氣四溢， 我們三人行，店家俾左一隻雞我地， 雞件非常多，件件都好厚肉， 肉質嫩滑又入味，好味道！👍🏻 食完雞煲，便可換爐打邊爐啦～ 湯底可選招牌特濃沙嗲鍋、秘製麻辣鍋、香茜皮蛋湯、清湯鍋， 或+$28轉鴛鴦湯或$68享用招牌番茄海鮮蟹鍋。 招牌特濃沙嗲火鍋 上枱時，花生味香氣撲鼻， 食落好香好濃，但唔會覺得太濃稠， 質感調配得剛好， 讓每件食材都可掛湯， 而且越滾越香濃，一流！👍🏻 湯底仲加入吸湯的豆卜，好入味呀！ 沙嗲迷不可錯過啊！😏 沙嗲湯底，最佳伴侶當然是肥牛啦！ 美國安格斯牛係任叫架！😍😍😍 牛魔王有口福啦～ 牛肉雪花紋均勻，牛味十足，性價比超高！ 仲要係任點任食，淨食肥牛都食到番本！😎 豬肉也一點不馬虎， 用上西班牙黑豚豬， 薄切嘅豚肉肉味香濃， 肉質比牛肉瘦和有咬口， 但不算嚡口，都算不錯！😏 時令海鮮拼盤 時日有六款海鮮， 有海蝦、鮑魚、沙白、蜆、蟶子和鯇魚片， 款款都好新鮮， 海蝦肉質彈牙， 鮑魚個頭不少，而且非常厚肉， 肉質鮮味有彈性，無得輸！👍🏻 沙白和蜆好大隻，洗得很乾淨， 一點沙也沒有，肉質鮮味好吃。 蟶子肥美煙韌， 鯇魚片爽脆不腥。 至於其他火鍋配料如蔬菜、餃類、丸類和粉麵等，都是任點任食的。 喜歡吃醬爆丸的必試龍蝦沙拉丸和醬爆魚丸， 口感和味道都相當不錯； 墨汁墨魚丸墨魚味十足； 雲吞和水餃都是自家包製的，皮薄餡靚， 炸魚皮和響鈴香脆可口， 索晒香濃的沙嗲湯十分美味。😋 和店主題首尾呼應， 連甜品都係懷舊風。😯 雜果涼粉紅豆冰 底層是刨冰， 面層堆滿滑嘟嘟的涼粉、雜果粒和紅豆， 再淋上花奶，香甜美味。 整體來說， 每人唔洗$300就可以一次過滿足晒三個願望， 又雞煲，又海鮮，又任食火鍋， 飲品同甜品都包埋， 真係物超所值！😎 一定會再黎食過返尋味！…Read More