Kam Cheung Pork Noodle

見到很多人排隊於是行入去，又係香港老店嘅感覺，面很有老上海嘅味道! 今次揀咗雲吞牛腩排骨麵，60hkd。雲吞係好大個嘅菜肉餡餃子。排骨其實係分裝切塊豬排，炸豬排澱粉表皮很薄所以食整塊都唔會覺得膩。仲俾做好多塊軟爛嘅牛腩，其實唔洗再食面都已經full咗。食嗮面晚餐都唔洗，好大碗面超抵食。咁多嘢喺香港凈60蚊真係好平!服務嘅阿叔阿姨都好nice,加埋復古感覺嘅裝修，星期六星期日叫埋d friend來呢度食嘢吹水都幾chill!…Read More

#懲罰 完 #華爾登麵包餅店 行返出去 #德輔道西 落斜路搵食今次試吓 #遠赴海外 嘅 #金祥排骨麵 先🤤中式裝潢 果然 #老字號 有四人卡位 亦有圓枱位店員好好service 見我攞著一袋二袋 主動問俾埋牆位我方便擺野之餘仲問我要唔要多張櫈擺野🥰 #服務態度 #服務有質素第一次嚟 當然要揀 #人氣No1 🏆#菜膽雲吞排骨麵 $49有粗麵幼麵可供選擇 正常係俾幼麵湯底雖清淡 但加上蒜蓉 就惹味好多#排骨 選用新鮮豬扒 肉質同平時急凍野絕對有分別 由於揀新鮮豬扒 所以亦都較為薄身啲用生炸方式 表面炸得好脆 但又唔會油冧冧 推🙌🏼推🙌🏼推🙌🏼#菜膽 即係有白菜仔 煲得好腍好入湯底味 #雲吞 有三大隻 好足料 #皮薄餡靚菜肉比例好好 雲吞皮又薄 仲點係咬落去充滿肉汁 推🙌🏼推🙌🏼推🙌🏼聽聞呢間係呢區學生lunch time 首選真係價錢夠貼地 服務親民 食物高質👍🏻=====================#黃色經濟圈 #懲罰 #yellow西營盤 #yellow排骨麵 #yellow雲吞麵#hker #hkig #hongkongfood #香港加油 #食好西😋 #互推互追互讚 #nofilter …Read More

📌 金祥排骨麵 - 西環西營盤德輔道西316號地下C舖🗓(30/7) 星期六 ⏰中午12:15左右 💈特式：講到西營盤都係多美食嘅地方，有好多更加係多年老店，呢間金祥就係其中一間，佢個上海排骨真頭係遠近馳名。🥩🍔🌭🌮🥗🥯🥘🍲🍝🍣🥟🍤🍱食物：難得過海嚟試，梗係要食晒佢d撚手既，包括上海排骨/菜膽/上海雲吞/雞球/冬菇/炸紫菜腐皮卷，嚟講下味道先...菜膽雲吞排骨麵 - 麵底就係正常上海麵底，唔算太特別，菜膽🥬就真係有用上湯煮，好淋/入味/食到清清甜甜，上海雲吞唔係太驚豔，但都比出面唔出名嘅上海店好食，而家重料/皮薄，排骨🐷就當然係佢哋嘅生招牌，好脆口，係酥脆個隻脆，肉質都好鬆軟，不過如果可以再厚身少少就更好了。冬菇雞球排骨麵 - 估佢唔到，個冬菇🍄真係超水準，發得夠透，菇味濃，夠淋得嚟仲帶少少爽口，雞球🐔就相對地比下去了，普通之餘仲有少少un。炸紫菜腐皮卷 - 呢d係出面都唔係間間上海舖都有得食，正一係功夫菜，佢地炸得好酥脆，又多層，記得上台要熱辣辣食，最好問佢地攞埋個泰式辣醬嚟點就perfect池了。☕️🍵🥤🧋🍺🍷🥃🍹🧉🍾🍶🥛飲品 - 飲品佢地除咗普通罐裝汽水，最多人叫都一定係佢地個豆漿同菊花茶🌼，職員話係自家制，唔係買現成返嚟，試左菊花茶好香又唔太甜，本身想買一支外賣走，但職員話只有杯裝結果冇買。🍽環境：雖然話間鋪有好耐歷史，但佢中間係有裝修過，所以環境都算新淨，大約有10張枱，枱與枱之間位置就唔多，但又未去到窄。🤵🏻🤵🏻‍♀️🤵🏻‍♂️服務：職員服務好好，就算出邊好多人等位，都會同佢地吹下水，咁起碼等位都冇咁悶，亦見佢地有同餐廳嘅客人傾吓計，買單時發現銀包爭幾蚊唔夠比，佢直接叫我由佢，好彩最後同行友人有幾蚊借我埋單😭。💰💸價錢：食咗兩碗麵，一個小食，一杯菊花茶，埋單$139，真心唔貴，仲要比到呢個質數，而且麵份量夠大，我地兩個人都係食唔晒自己碗麵。🐲💬總結：性價比高，質量又好，仲要好食，不過肚子容量有限，試唔晒佢所有嘢，唯有等下次....😓…Read More

星期六午飯時段嚟到西環好出名嘅排骨麵店，前面有五六個人，排咗大概廿分鐘先有得入。眼見人人都係點排骨麵，但原來有排骨粗炒所以點咗排骨湯麵同粗炒各一。菜膽雲吞排骨湯麵先上枱，上海麵麵質幾好有少少煙韌，湯就比較清淡無咩味精。上海雲吞好味，好似屋企食到嘅味道。即點即炸嘅排骨係另上，排骨炸到金黃色賣相好靚。炸粉唔算厚食落酥脆，但唔會過份油膩。食落無鬆肉粉味，再加上一邊食一邊聽到廚房嘅揼豬扒聲，我估真係無落鬆肉粉。排骨粗炒等咗一陣先有得食，大大塊排骨放喺粗炒上面賣相好吸引。粗炒比起一般上海粗炒淺色同埋少油，食落比較淡味，係走健康路線嘅上海粗炒。上海粗炒份量好大，所以最後食唔晒，下次都係叫返湯麵好啲。排骨麵嘅主角-排骨的確幾出色，值得排隊一試。但始終都係食咗十幾年嘅大埔炸豬扒麵最好味。…Read More

抗疫當前，出街食飯真係好淆底，今天去完西環睇日落，介紹一間乾淨衛生的麵食給大家，係西環既金祥排骨麵。金祥排骨麵係西環老字號，坐落於水街腳，幾乎每個hku仔都食過。今天禮拜日六七時到店鋪堂食都花左時間等。因為店鋪安排座位比較疏落，盡量不搭枱，感低感染。另外，執枱時都花額外時間用清潔劑抺枱面，先比下一手。我好欣賞餐廳寧願減少turnover rate都會注重衛生。令人食得放心。等左一陣終於入左去個卡位。店員均有配帶口罩同手套。另外，店也因減少交叉感染，用了即棄餐具，值得一讚。我地睇左餐牌，叫左兩碗菜膽冬菇餃子排骨麵，四個餸，$52。+多幾蚊有埋豆漿同酸梅湯。先黎左飲品，品質不錯，味道幾好，都大杯。菜膽冬菇餃子排骨麵：好足料，湯底清，配左啲炸蒜同蔥，味道唔會寡。冬菇好大隻，肉質厚實。餃子係自製，裡面有韭菜同豬肉，大大隻。排骨炸得幾鬆化，好正。另外個麵底都幾多，配埋菜膽，呢餐營養價值好均衡。總結，依間餐廳衛生又好食。喜歡吃麵既朋友絕對值得一試。另外，店舖為了支持前線醫護人員和消防員，出示工作證半價。如此有良心的店舖，更加要撐場！！…Read More

每次經過金祥總覺得它有種「金牌老店」的格調，簡單的裝潢加上店外自信地貼起 「 馳名」 排骨麵的誘人相片，總引起進內一試招牌菜的衝動。 恰巧今晚晚餐時分剛好經過，終於試到使我心動已久的小店滋味。一坐進卡位便揚手叫了碗馳名排骨麵。店裏客人不算少，但麵還是五分鐘內便送到眼前，效率頗高。 粗麵浸在清湯中，金黃色的排骨則放在碟中另上。望見排骨肉中滲着肉汁, 立即趁熱往口裏送一塊, 果然,外脆內軟又不油膩──炸粉夠薄、肉質夠嫩、加上層層肉絲間的酥香肉汁, 甚至讓人聯想起台灣遠近馳名酥香多汁的大雞排,十分驚喜。相比之下, 粗麵便較失色。麵質不爽口, 咬下去麵心好像未煮熟,有點黏牙;湯中似乎放了味精, 味道不太自然, 有點失望, 或許下次轉吃米線較好吧(應該會有下次,哈哈)。…Read More