Xia Mian Guan (Pioneer Centre)

上海菜都算係我地成日食既，今次就去左位於太子始創中心既夏麵館蒸/炸銀絲卷 $26 1條 呢個絕對係指定必叫，炸得外脆內軟，入面唔會索晒啲油變淋。 其實重點係碟煉奶，唔夠仲可以要多一碟，試過有啲餐廳唔提供嬲死人。 蟹粉小籠包 $38 2隻有得揀叫兩件，咁就唔怕食唔晒，又可以試多啲其他菜式。 識食揀係揀蟹粉小籠包，除左濃郁肉汁，更有蟹肉跟蟹粉提升整體既鮮味皮尚算適中，入面包住大量嘅肉汁，食既時候記得要小心熱。 花雕醉雞 $66干扁四季豆 $58 炒得乾身，但唔會係乾哂個種，有肉碎/蝦米，豆夠嫩唔會有渣。 如果淨食會有少少鹹，但配上飯/麵食就岩岩好。 排骨擔擔麵 $65 除咗平時既上海麵，更可以免費轉淮山麵。 排骨啖啖肉，肉唔會痴牙，揀左小辣，湯底有花生醬味但略嫌唔夠濃厚。 仲有兩款朋友指定食嘅 高力豆沙$38 炸物確實幾出色，外層金黃色，外脆內軟。 豆沙夠細滑，唔會甜到牙痛。 酸辣湯 $30因為我唔食辣又唔好酸，慶幸有超貼心既1人份量，朋友就可以獨自享受。見到非常足料，朋友酸辣度好合適，非常開胃。 原來仲有網上限定菜式，記得預訂：https://bit.ly/2Y5ykBu…Read More

話咁快就已經開咗學半個月啦！趁功課、測驗既壓力未黎既時候，約咗朋友食個遲來既開SEM飯。今次約咗係始創中心一樓既夏麵館，粉藍色既外面望落增添唔少青春既感覺。入座之後，望見裏面既裝潢都係粉藍色，而且好多人已經開餐啦！我地都唔執輸，點菜開餐啦！上海醬鴨︰涼菜方面，我地叫咗碟上海醬鴨。從色澤方面，顏色頗深，每一件鴨肉都被醃得剛剛好，保存著肉汁，唔會鞋。雖然望落顏色頗深，但味道唔會太咸太濃。味道唔錯，果然係店內推介！鮮肉小籠包︰食上海野又點少得小籠包。雖然有其他口味既小籠包，但係最簡單、最基本既原味，就已經好好味，而且先最食得出廚師既真功夫。點一點醋，放入口一咬開，D肉汁立即溢出，皮薄餡靚！排骨擔擔麵︰食咗涼菜同埋點心之後，就叫咗個通常係上海菜館都有既擔擔麵。撈勻後夾起，每條麵條都沾上豬肉碎同埋醬汁。上海口味唔同四川口味，食落唔辣，滿有花生香味。配料揀咗排骨，酥炸過後仍然保存住肉汁，唔會好乾，外層更添香脆。XO醬炒年糕︰上海年糕好出名，鍾意食年糕既我都必點年糕，今次就點咗XO醬炒年糕。上海年糕炒完之後仍然好煙韌，唔會變得好硬。用XO醬炒完之後，更香口惹味，連配菜都變得好好味！高力豆沙︰食完主菜之後就要留肚食甜品 。高力豆沙就係打起蛋白同埋麵粉，入面加入豆沙餡，再落油中炸起。材料十分簡單，製作過程卻唔容易。食落好似軟綿綿既綿花糖咁，入面既豆沙餡甜甜地，係我其中一樣食完會想再食既甜品之一。豆沙鍋餅︰除咗高力豆沙之外，豆沙鍋餅都係出名既上海甜品之一。外表炸得香脆，色澤金黃，內裏係軟綿既豆沙餡，味道甜而不膩。茶芥每位$4，價錢唔係好貴，食物既份量都唔少，呢一餐真係食得好滿足！MENU︰…Read More

今天餓壞了，和友人來吃這個，也不是第一次，不過就是很久沒有吃。蔬菜先上，因為太肚餓就先吃，比較鹹，但整體味道不錯。小籠包也是很好吃，有水準。排骨擔擔麵，排骨就是比較多麵粉，炸得很香口。擔擔面的湯比較辣，很容易嗆到咳，但如果喜歡吃辣的朋友是覺得很香，不錯。最後也忘記了要的是什麼骨，但就是好吃😋…Read More

不再一樣的夏麵館，懷念二十年前在上海肇嘉邦路的夏麵館，香港的，只是一家快餐店。中午提供的飯麵套餐，價錢合宜，但是出品就非常不穩定，樓面經理的服務態度也非常一般般。…Read More

星期六有親戚到訪，一行四人之後想食個下午茶，咁啱要去始創心中買啲嘢，經過見到夏麵館，餐牌都幾吸引，就撳張飛等位，大概15分鐘可以安排入座。入舖頭時都需要量體溫同用酒精搓手液。一坐低先知原來有下午茶餐，價錢比正價平少少同多杯飲品，選擇都算唔少，而且仲可以升級加啲小食。當日分別叫咗4個餐如下:-1.青菜煨麵 – 湯頭白雪雪，味道香濃，調味適中。青菜應該係小唐菜粒，食落爽口清甜，一啲油都冇，感覺清新健康。麵質都屬少少煙韌彈牙，浸耐咗湯都唔會太發脹同變糊。2.嫩雞煨麵 – 基本同以上個青菜煨麵係一模一樣，只不過多咗啲冇醃過味嘅雞丁肉粒，雞粒唔嚡口，不過又未算嫩。3.香辣牛肉麵 – 湯頭顏色清澈味唔濃，一啲都冇辣嘅感覺。牛肉味淡，肉質唔韌，食落都冇黐牙，不過牛味欠奉。反而牛筋入味軟滑。4.排骨擔擔麵 - 排骨(炸豬扒)同擔擔麵分開上，擔擔麵湯濃稠，花生味重，而且食落辣味就慢慢滲出嚟，都幾野味。排骨(炸豬扒)粉漿厚，豬扒肉薄，炸皮味道完全掩蓋豬嘅肉味。所有麵底都係同一款。升級小食追加咗:-5.豆沙鍋餅 (半份) - 皮厚硬而唔脆，豆沙餡少，而且冇豆沙應有嘅紅豆香，甜度都比較淡。6.小籠包 (4件) - 小籠包皮略厚，包內有適量湯汁，湯汁味道淡，肉餡都幾大，調味恰到好處，仲食到豬肉應有嘅味道。7.油菜 (一份) – 烚菜芯鮮爽口清甜，不過不失。跟餐飲品4杯豆漿，豆香一般，勝在微甜。食物比較一般以下，份量都好足夠。雖然價錢唔屬於太貴，不過覺得咁嘅價格唔應該係咁嘅食物質素。環境就檯與檯之間距離都唔太密，舒適度都係一般。而服務就呼喚極都冇服務員應你，態度都幾敷衍。…Read More

見到始創中心有一間都幾多人排隊嘅上海菜，決定試吓。點知食物嘅質素可以，但係服務就奇差😡第一轉嘅食物上菜速度唔算太快，但起碼嚟齊，食完主菜後，我地想加單，但又唔想浪費紙張，於是就舉手叫職員A加一份雷沙湯丸，職員A就大叫另一個職員，xx枱加一份雷沙湯丸。點知等左一陣都未有食物送上，我地再叫另一個職員B落單，點知職員B仲搞笑，佢話佢地冇呢樣野食...咁我地就要喺餐牌上指比職員B，話佢知佢地有呢樣食物提供！再等左陣見仲未有得食，我地又示意職員C，佢竟然問我地係咪落單叫左豆沙鍋餅🤦🏻‍♂️真係吹到啤一聲... 到最後比錢埋單，已經比哂信用卡，再一次等左勁耐都冇人攞返張單嚟簽，但眼見後過我地埋單嘅人都已經走哂，真係火都嚟🔥🔥🔥我地最終出埋去收銀處，原來佢地已經埋好單，放左我張卡喺一角，而冇人處理。 🍴 水煮桂花魚 (全條) ($228) ⭐️⭐️⭐️⭐️ 味道好香，唔算太辣，肉質好嫩滑。雖則話係全條，但感覺唔係好多肉。 🍴 排骨擔擔麵 ($65) ⭐️⭐️⭐️ 排骨炸得有d乾，肉質有少少鞋，但好在擔擔麵份量適中，微辣而且好惹味。 🍴 蟹粉小籠包 (2隻) ($38) ⭐️⭐️⭐️💫 皮唔算好厚，d湯汁同蟹粉好濃味，唔錯！ 🍴 擂沙湯丸 ($32) ⭐️⭐️⭐️⭐️ 好食，味道正宗，做甜品一流！ .............................. 夏麵館 地址📍: 太子彌敦道750號始創中心1樓115C號舖 總評分: 5.8/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️ 衛生🧹: ⭐️⭐️⭐️ 抵食💰: ⭐️⭐️⭐️ …Read More

前2日好趕咁喺呢度識咗一個晚餐，由於舖頭就快關門，9:30就關，於是啲侍應姐姐都好快幫我哋落咗單。我哋叫咗五樣嘢，好快就嚟齊。不過因為要好快咁食，費事阻人收工，所以只係影咗兩張相。呢個排骨擔擔麵係幾好食嘅，個豬扒好大份，個面湯底好濃郁啊！呢個素鵝就比較乾左少少，如果啲皮少啲，裏面啲餡多啲就會好少少啦。另外，我哋仲食咗小龍包，不過包皮比較厚，所以我覺得麻麻地好食。而令我覺得最好味嘅，係雷沙湯丸！！！！上到枱嘅時候係熱辣辣嘅！而裏面嘅芝麻餡料好夠！埋單二百幾蚊咋…Read More

今日ot 到9:00 ，唔知食咩好，同事帶路黎食夏麵館，位於太子始創中心一樓，地方好就腳，我哋9:30入座，都仲有幾檯食客。間餐廳好大，裝修簡約，好舒服，我們兩個人座了一張卡位，非常大舒適，卡位之間還有一層玻璃間隔，私隱度好高。睇吓有咩食先，餐廳用點心紙的形式，一張是套餐，另一張是散叫，另外枱面還有一個新菜式推介牌，嘩，正呀貓山王高力，一定要試下。自選涼菜五小碟$115一共有八款涼菜俾你選擇，我們點了蒜蓉四季豆，雞絲粉皮，涼拌小木耳，鎮江水晶肉，糖醋小排五款雞絲粉皮超正，麻醬好香，粉皮非常爽滑，麻醬分量多，把粉皮完全撈埋一齊食，啖啖都好香口。鎮江水晶肉，食落好重啫喱口感，肉質鹹香，好清新。糖醋小排骨，值得推薦，糖醋味噌做到剛剛好，不會太甜，也不會偏酸，排骨非常入味，細細舊，但是啖啖肉，略嫌肉質偏乾，但是味道一流👍排骨擔擔麵$65一上枱時，真的覺得份量驚人，好大碗，上海麵底，比較煙韌，擔擔面做得不錯，小小辣，好惹味，豬扒是用麵粉包住炸的，但是表層不會太厚，肉汁都鎖住，外脆內軟。酸辣湯一碗$30非常足料的酸辣湯，好開胃，他的酸辣程度也是我喜歡的。鮮肉小籠包$38小籠包好抵食， $38有四粒，皮薄餡靚，好正宗，小籠包餡肉入口即溶的碎豬肉，配著湯汁，不錯👍貓山王榴槤高力$25.@1勁香的榴槤口感，高力豆沙的皮做得好綿，像棉花糖一樣，包裹著榴槤肉，好滿足。高力豆沙$38@3食到甜品其實已經很飽，因為這裏的出品真的份量多，高力豆沙餡不會太甜，口感好鬆軟。這一餐宵夜真的有驚喜，夏麵館有好多分店，但是我都係第一次食，真係物美價廉，下次有機會都會試吓他的小菜，到時再同大家分享一下。…Read More

夏麵館一向好多客人喜歡，我們今天第一次來這間分店食晚餐。門面好中式，有上海姑娘的畫報的設計，到埗先取票，更有椅子坐讓客人等候位置。環境幾寬闊，喜歡這裡簡約淺藍的設計，好舒適，有不同人數的桌子配合不同客人！服務員都幾多又快手，效率高的待客帶位送餐收碟！食物主要分為單點或套餐，分開2張餐紙讓客人自己寫自己點，再交給服務生便可。我們點了4種菜餚：1. 自選涼菜5小碟蒜香四季豆蒜蓉味濃郁，四季豆軟腍入味，好香又健康！雞絲粉皮喜歡麻醬汁，雞絲好有咬口、青瓜絲爽脆清涼、粉皮好滑！鎮江小肴肉口感一流！透明彈牙膠原、配上有咬口肉感美味，少少長方形的大小剛好！糖醋小排酸酸甜甜又小小粒粒的香酥小肉排，有少少骨，好入味可口美味海蜇青瓜一少碌，爽脆清涼；海蜇好彈牙好爽又入味2. 排骨擔擔麵（淮山麵+$5）排骨同麵分開上，排骨炸得靚靚，薄薄的排骨好軟腍易咬、大塊的；擔擔汁微微辣、好濃郁唔咸、飲完唔口渴；麵加$5轉淮山麵，入量多、彈牙又好滑的麵，推薦喔！3. 鮮肉小籠包熱熱蒸好的小籠包，皮薄又滑口，小心夾起時漏湯汁；鮮肉好香好滑軟腍，正呀！4. 上海春卷香脆可口的外皮，內餡好多蔬菜、木耳，口感好正呀！…Read More

🎐熊妹最鐘意周圍揾著數💡，團購當然係一個好好的途徑。呢排俾熊妹發現《夏麵館》竟然都有推出團購優惠，可以以72折購買$100現金卷💵，熊妹一直都想試下《夏麵館》，因為係中菜入面熊妹最喜歡的上海菜，仲要最近係太子始創中心開左分店，近水樓台，仲唔fit哂熊妹3️⃣個願望？📌著數野緊係拉埋好姊妹奧莉花師奶同野口同學一齊開心分享喇。🥰📌餐廳都幾大，好多枱，7半黎到都好多人，好彩仲有廖廖數張4人吉枱，醒目的熊妹一早就要求安排左bb櫈俾我們親愛的娜娜👧🏻。📌經典招牌上海菜款款齊備，涼菜、砂鍋餛飩雞，炒年糕，包點，粗炒，菜飯，擔擔麵，酸辣湯，高力豆沙等等應有盡有，果然係正宗上海菜館，頓時令熊妹勾起新年時帶阿豬媽到上海遊歷的種種回憶。鮮肉小籠包，$38📌食上海菜點少得經典上海小籠包呢？皮薄多汁，熱辣辣蒸起真係要小心翼翼咁咬，以免湯汁爆出來燙傷唇舌👄。肉饀都好鮮味，唔會好油，點上紅醋的上海食法，酸酸地，好味！不過計返十蚊一件好似貴了一點。🤔自選涼菜（五小碟），$115📌上海菜的涼伴前菜絕對係上海菜的代表。有蒜香四季豆，涼伴小木耳，四喜烤夫，雞絲粉皮，鎮江水晶肉，虎皮素鴨，美味海蜇，糖醋小排，真係花多眼亂，熊妹樣樣都想試，點選呢個自選涼菜拼盤最好不過。糖醋小排份量都好多，糖醋味道做得恰到好處，酸酸甜甜，一粒粒的小排細一件，非常容易放入口，無咩肥肉，好岩熊妹口味。雞絲粉皮野口同學揀的雞絲粉皮，粉皮白雪雪好滑，雞絲青瓜連麻醬，典型做法，鎮江水晶肉奧莉花師奶指明要點的，有四件。娜娜見到發哂光，一手叉黎食，但又整到成枱都係，超可愛呢！真係果然係兩母女，口味都一樣。四喜烤夫係熊妹指點要點的烤夫麵筋，非常入味，甜甜咸咸的豆腐麵筋，好惹味。美味海蜇海蜇非常爽口，仲有拍青瓜伴底，咸咸地，涼涼地，非常易入口的前菜。:)紅油抄手，$38一碟有六粒，紅油即係辣椒油，但辣椒味🌶️都無，變成真係紅色的油。抄手竟然用上上海水餃🥟，餃皮厚饀料少，一般抄手應該係雲吞，比較輕盈的雲吞皮，可以索上紅油，咁先係紅油抄手的美味。呢碟炒手就真的令人有點失望😥。濃湯滑津白，$58📌奧莉花師奶同野口同學都嚷住話想食津白🥬，熊妹就覺得津白味道平平，不過都叫一碟黎試下喇。話就話濃湯🍲，但味道真係好淡，白潺潺的湯就好似白烚咁，淡而無味，而且津白煮得太淋，食落去質感好稀爛，感覺所有菜的纖維都被煮走了。排骨擔擔麵，$65📌三大兩小點都要叫點主食喇，女孩子們唔想吃飯，就揀麵食🍜喇。上海排骨既係炸豬排🥩，都幾大一塊，炸皮唔厚都好鬆脆，豬排肉嫩有口感，炸得不錯。擔擔麵好大一碗，口感非常彈牙，就算浸著濃濃的花生醬湯都唔會變淋，吃得出上海師傅的手打拉麵功架。湯汁好濃郁的花生醬，有花生碎粒，味道小辣，好惹味，熊妹最鐘意連湯飲，好肥呀！📌不過當日始創中心的中央空調系統出現點問題，成餐飯愈食愈熱，每枱人都食到大汗撘細汗。📌左計計右計計，計夠哂$300就用到盡3張72折groupon 喇，留意返，茶芥同加一服務費不能夠包括在內，所以其實圍返都係平左八十幾蚊到，都抵食既。…Read More

今日陪個朋友去太子嗰頭試婚紗，試完之後佢就提議去始創新開既夏麵館食，因為呢個朋友一向喜歡食上海菜😅黎到等左一陣就被安排入座啦！👏 店員全部都好有禮貌， 會問我哋坐啲高身嘅檯櫈有冇問題 👍我哋兩個人叫咗一個蟹粉炒年糕，排骨擔擔麵，乾扁四季豆一齊share，而我自己另外加咗一個鮮魚羹😊鮮魚羹好快到咗， 我叫咗一位份量， 因為呢個朋友唔太喜歡湯類嘅製品🙈 個魚羹好足料👍 真係食到唔少既魚喺裏面，唔腥，仲有啲冬菇同荀，口感豐富😋乾扁四季豆唔算整得好乾身，唔辣，份量幾多，唔會太油，咸度適中😀個排骨擔擔麵個碗超級大😮 我哋揀左少辣同轉咗做淮山麵健康啲😅 辣度接受到，麵身爽口，偏幼，仲有好香既花生湯底👍排骨脆口～而蟹粉炒年糕既蟹粉好香蟹糕味，年糕好煙韌😊呢度裝修幾摩登，服務幾好，晚餐人均百零蚊係可接受嘅價錢，唔錯，希望食物水準同店員服務會keep到 👏…Read More

之前在荃企業返工的時候曾幫襯過這間夏麵館，味道不俗且價錢便宜，點知早兩日在始終見到有間分店，所以再去幫襯下。五小碟可自選五款小食，我揀了四喜烤夫、雞絲粉皮、鎮江水晶肉、虎皮素鵝、糖醋小排，其中雞絲粉皮及虎皮素鵝味道最好，前者味道清新，後者炸得香脆；而糖醋小排就比較一般，肉質太乾太硬，有點渣渣的感覺。鮮肉鍋貼煎至外皮微焦帶點脆，裏面有肉汁不會太乾，不過有點油膩。上海春卷春卷裏面是蘿蔔等素菜，炸至外面香脆但不會有肥油味，幾清爽。排骨擔擔麵排骨炸得很脆，不過肉質較硬及比較乾，反而擔擔麵有很濃郁的花生醬香味，但又不會太濃稠太滯，麵質爽彈不腍。豆沙鍋餅裏面有很多的豆沙餡，味道不會太甜，不過外層餅皮不夠鬆脆，亦不太熱。…Read More