Hiroshi

平時好少去尖沙咀食野，因為朋友係附近返工，方便佢就㨂左呢個商場覓食！女仔都係特別愛食日本菜，平日晚上人流比較少，坐得特別舒適，唔洗等位，亦唔洗坐得逼，同朋友坐底傾計都傾得暢順主菜其實都係麵類或飯類，無乜特別..相反d甜品就好吸引..我地就揀左個包埋甜品既套餐，價錢都係$120左右，尚算抵食😆不過我就覺得個意粉麻麻好吃，但有兩隻蝦同粒帆立貝補返數🙈🙈最驚喜果然係個抺茶蛋卷，吃到抹茶味，個奶油係淡忌廉，吃落口唔甜，可以吃多幾舊😋…Read More

宏喺The One 5樓，門口總有長長的人龍在等位，想試又唔想等位嘅話，唯有早啲到。6點半去到都坐滿咗9成，好誇張！兩個人Order咗兩個定食，兩款甜品。宇字抹茶奶 餐＋$20濃郁的鮮奶散發著淡淡的抹茶甘香，不錯！斯里蘭卡紅茶優雅的紅茶，飲晒店員仲會幫你Refill熱水，正！大鰻魚飯套餐 $180套餐有鰻魚飯、海藻烏冬、沙律、飲品和甜品。打開個盒，嘩！！！大大片燒鰻魚散發著誘人的香氣！鰻魚夠肥美，啲飯索晒啲魚油同醬汁，好食到停唔到！海藻烏冬的味道很有特色，比一般的烏冬更為煙靭，而且質地頗為滑身，食到雪雪聲！迷你三彩丼定食 $148三彩丼定食包括了鰻魚飯、海藻烏冬、吞拿魚碎飯、沙律、飲品和甜點。雖然是迷你版，但鰻魚飯和海藻烏冬的質素和正常版的都是一樣高抵讚！吞拿魚碎飯是魚生飯，魚碎頗為鮮美，加點Wasabi和豉油，味道更為突出！香草蛋卷套餐送的甜品，送的一樣超高質！蛋味香濃，蛋卷口感鬆軟，中間的香草忌廉非常綿滑，正到爆！抹茶蛋卷抹茶的甘香令人無法抗拒，中間還有一小層紅豆蓉夾著，是宇字金時的迷你蛋卷版！芝士蛋糕 $40蛋糕結實，配上濃厚的芝士味。抹茶軟雪糕芭菲 $88雪糕冰涼軟滑，好吃又好看，是女生最喜愛的組合。…Read More

宏是一間主打抹茶甜品的日式食店，其實多年前還只有一間店時已經聽過其大名，不過一直都未有機會試。反而到了它開了分店的今日，適逄去開The One睇戲，就去試下。＊＊＊＊＊＊＊＊＊＊＊＊＊雖然宏主打抹茶甜品，但其實它都有飯麵提供，而且相比起甜品，晚餐都幾抵食。平日晚上都算幾多人。左: 日本草莓沙冰($89)草莓沙冰成杯粉紅色很少女，草莓味可以，但不算太濃。右: 宇治抹茶沙冰抹茶軟雪糕($98)抹茶沙冰上放了高高的抹茶軟雪糕，軟雪糕有很濃的抹茶味，但不會太苦澀，反而抹茶沙冰味道就偏淡。迷你三彩丼定食($148)三彩丼定食有饅魚飯、吞拿魚蓉飯和海藻烏冬，可以一次過試晒三款不同飯麵，啱晒心多多的我，另外定食亦奉送沙律、抹茶蛋卷和錫蘭紅茶，性價比高！每個定食都會跟七味粉和胡椒粉，食客可按個人喜好加在飯麵上。沙律菜辣鮮爽脆，加上醋汁酸香味十足，很開胃。為免烏冬變腍，先吃海藻烏冬。烏冬上放了很多海帶，烏冬屬扁幼身形，上面有一點點綠色的海藻，入口都帶點彈口，但味道跟普通烏冬分別不大。吞拿魚蓉飯雖然是迷你版，但都比想像中大碗，吞那魚蓉很軟滑，不過豉油略嫌太少，食到下面好像只吃到白飯。迷你鰻魚飯都有兩片鰻魚，絕不欺場。鰻魚很腍很入味，不過鰻魚醬同樣略嫌不足。大鰻魚飯套餐($180)大鰻魚飯套餐同樣有海藻烏冬、沙律、錫蘭紅茶和抹茶蛋卷，不過鰻魚飯份量就是正常size，啱晒鰻魚控。鰻魚足有一隻手掌般大，份量都幾多，肉質夠軟腍入味，但如果多一點鰻魚醬會更好。抹茶蛋卷跟餐的抹茶蛋卷，質地很軟綿，抹茶味也香濃。京都宇治抹茶芭菲 ($78)抹茶芭菲很大杯，頂層是抹茶雪糕和餅乾，下面有抹茶啫哩和抹茶麻糬，最底層還有粟米脆片和蛋糕，食完都已經飽到反艇。抹茶雪糕抹茶味非常濃郁，餅乾上面灑上糖霜，食落甜甜的。抹茶麻糬很煙韌。京都宇治抹茶軟雪糕芭菲 ($88)抹茶軟雪糕芭菲雖然較矮身，但同樣足料。最頂層是抹茶軟雪糕，旁邊佐以白玉、紅豆蓉和抹茶啫哩，底層有杏仁片和蛋糕。軟雪糕很滑很濃抹茶味，白玉煙煙韌韌，紅豆蓉的甜味與抹茶軟雪糕永遠都是絕配。杏仁片很脆口。總結，定食雖然不算特別出色，但份量都幾多很抵食，沙冰味道偏淡，可以不試，抹茶芭菲做得出色，雖然價錢拍得住飯麵，但份量都多，是必試項目。…Read More

姊妹三兩閒逛The One ，醫肚時刻經過誘人甜品櫃，加上推廣中嘅鰻魚飯。二話不說即撲入餐店開餐。餐牌中三份不同鰻魚飯餐各具特色，每人試一份剛好。大鰻魚飯夠大份，日式醬汁燒鰻魚 ，鹹甜醬香味慢慢帶出鰻魚鮮味，夠傳統。日本白燒鰻魚飯，白燒鰻最保留原汁原味既鰻魚鮮，幾個小碟醬料又加添拌飯美味。迷你三彩定食，又想食鰻魚又想食吞拿魚就啱曬貪心鬼。其實跟餐嘅海藻烏冬都十分美味又夠飽肚。跟餐嘅錫蘭紅茶，連前事頭婆家族都飲，放上檯即聞到茶香撲鼻；啱曬跟住上嘅抹茶蛋榚，老實講，入呢間餐廳嘅好大原因就係呢個蛋糕。個抹茶蛋卷入口香、滑、鬆軟，除左令個餐錦上添花，仲俾佢挑起條甜品癮。再翻一次餐牌每人都點了一款芭菲。可能係個人喜好關係，自覺自己選嘅香草牛奶軟雪糕芭菲最美味，小量草梅加上蝴蝶餅與超滑牛奶雪糕夾到無得頂，杯底嘅甜脆杏仁及蛋榚甜度剛好，甜點嘅罪惡感完全被美味嘅滿足徹底蓋過，整餐嘅代價都好值得。…Read More

香港越來越多綠茶主題嘅餐廳，這次難得找到了好友一齊去食。雖然無去過其他同樣主題嘅餐廳，但這間真的不錯。首先，我們每人點了一個套餐。朋友點了迷你三彩定食。前菜有沙律，蔬菜新鮮。主菜就是所謂嘅三彩，分別有三文魚蓋飯、燒鰻魚蓋飯和烏冬。三文魚蓋飯上還有芥末，加上少少豉油，拌飯後，非常易入口。鰻魚蓋飯上的鰻魚肉算肥美，照燒嘅味道非常不錯。烏冬的確為餐廳嘅推介食物，温軟而且帶有淡淡麥香。我點嘅喺日本白燒鰻魚定食。鰻魚有四種食法，分別有照燒醬，鹽、芥末豉油和柚子汁以供選擇。四款口味也不錯。平時最常食到嘅喺照燒口味，本來就和鰻魚非常夾。鹽和鰻魚嘅配合則更突顯魚香。芥末豉油則有種在吃壽司嘅感覺。柚子汁甜甜酸酸，令鰻魚更清新但不會失去香味。每一份套餐還包含一杯茶。不過也可以轉沙冰，不過要加錢，以原價減廿十計算。而我們全轉了沙冰，因為天氣太熱，而且感覺上不錯呢。朋友選了宇治抹茶沙冰，啖啖都是滿滿嘅綠茶味。明明我也想要的說，被搶先了。那我就選了日本草莓沙冰，因為可以試多一款嘛。在這裡要正式宣布一件事，草莓不是藥水味。甜味不過濃，還有種温和嘅感覺。難道是日本嘅水果也特別好？可能吧。套餐還包括一件蛋卷。抹茶蛋卷的確最出色，同樣帶有非常濃郁嘅綠茶味，而且冰冰軟軟。蛋糕和忌廉嘅比例剛好。芝麻蛋卷雖然和抺茶質感一樣。但芝麻味更濃會更好。我們還每人點了一款甜品。其實這才是主角。XD我點了個抹茶窩夫。窩夫微溫，外脆内軟，配上香濃抹茶雪糕。我感覺被治癒了。至於朋友點嘅抹茶軟雪糕芭菲也不錯。大大舊抹茶雪糕，附上三種配料，一塊餅乾，還有少半杯香脆杏仁片。無錯，不是粟米片。試過後，感覺杏仁片比較香。如果以後去嘅抹茶甜品鋪，沒有那麼好。想食抹茶甜品，就只去這間好了。…Read More

作為一個抹茶控，當然要來宏朝聖啦。宏是一家日本餐廳，內裡環境寬敞舒適，即使是假日也不擠迫。(也許是今天日本過江龍 pancake店 Gram 在 The One 新開張，所以人群去了那邊吧 XD)餐牌有兩種，一個是短的，寫有散叫的餐點，甜品非常吸引。我本來想叫抹茶軟雪糕芭菲，可是今天我有點感冒，加上是一個人用餐，所以就放棄了。還有一個是長餐牌，寫有各式各樣的套餐。最後我點了個 L3 特價餐，有沙拉、烏冬、紅茶和甜品～先上來的是斯里蘭卡紅茶。茶杯中浮晃著一抹暗紅，幾縷輕煙散著溫熱，帶著一絲蜜糖的芳香。緩緩的呷一口，茶味醇厚，也有回甘。接下來就到主菜上場了。沙津菜新鮮，配上酸酸的黑醋，清爽開胃。接下來便來品嘗熱氣騰騰的日本產溫泉蛋海藻烏冬。湯底是醬油，烏冬滑嫩有彈性，和喬麥麵相比更勝一籌。溫泉蛋非常可口，熟度剛好，與紫菜和烏冬同吃便是最簡單的美味。最後便是甜品 → 抹茶蛋卷(大)。蛋捲濕潤，抹茶味清雅馥郁，忌廉幼滑甘甜，吃完齒頰留香，幸福的暖流湧上心頭。尖沙咀物價高昂，宏可算是非常抵食，不愧為屢獲好評的得獎熱店 …Read More

今次黎到呢間平時要排隊嘅餐廳可能今日係上班日，又係tea嘅時間無人排隊，直行直坐😂未食午餐，所以叫咗個set試吓先醬油海藻烏冬 set烏冬好似蕎麥麵咁嘅樣，好有咬口叉燒好入味，但少咗啲附送嘅沙律就。。。普通咗啲日本產溫泉蛋海藻烏冬set其實同之前個醬油海藻烏冬一樣，只不過改咗叉燒做溫泉蛋同樣附送沙律跟餐仲有甜品同紅茶送紅茶有驚喜好香，仲有啖啖蜜糖味甜品出色香草蛋卷 抹茶蛋卷由於我偏愛抹茶，呢個抹茶蛋糕好鬆軟抹茶味濃。中間嘅抹茶cream好似食緊抹茶雪糕咁正😍想試蛋糕，散叫 $30/一件#最低消費 每人$60#限時 90分鐘…Read More

2017年11月16日 (星期四) 12:00pm 由於早上 10:00am 在 The One 商場拍攝『 輕鬆小熊 甜蜜小鎮 』的聖誕節場景，加上此日式餐廳頗出名，所以挑選這裡用餐，順道提前慶祝聖誕節。 環境光亮整潔，餐具乾淨。 全部侍應生都欠缺笑容，表情木訥，服務態度差。本人是第一台食客，廚師竟然說太多單，所以遺漏了我家人的套餐，我立即感到荒謬和匪夷所思。另外，等餐時間長，坐了好一會才奉上第一份餐。此餐廳對食客加收 1% 服務費，以這等服務而論，絕對不值得收取！在尖沙咀的旅遊區來說，服務態度和水準的確需要提升。 人數：2人 HK$218 不用等位 和風海鮮海藻麵意粉 - 蝦肉新鮮，沒有臊味，帶子大大粒，軟腍美味。意大利麵混合了海藻，呈墨綠色，賣相並非吸引，但想不到味道卻出奇地好，且份量很多，吃來吃去都好像吃不完般。 蔬菜沙律 - 酸酸甜甜，清涼爽口，開胃之選。【推介之選】❤❤❤ 加州卷 - 本人至愛。壽司軟綿，青瓜粒爽口，蛋甜蟹柳滑。只限星期一至五贈送，且送完即止。 抹茶蛋卷 - 雖然抹茶屬於寒涼食物，但是這口味的蛋卷遠近馳名，故此必須吃它一吓。蛋卷質感鬆軟綿密，抹茶忌廉滑溜，而面層灑上綠茶粉，使賣相和味道更突出。 高級斯里蘭卡紅茶 - 甜甜的果香氣味，芬芳四溢，但飲時卻完全不甜，只有茶味。茶包浸泡，時間長會變得濃，本人叫侍應生添加熱水，以便沖淡。《 門 面 》：《 環 境 》：《 餐 牌 》：【溫馨提示】：❶ 提供午市套餐❷ 逢星期一至五，特價餐會贈送加州卷 2 件，送完即止。❸ 另外加錢，可轉飲品。❹ 不提供奶茶❺ 用餐時間為 90 分鐘 ❻ 叫侍應須 "按鐘" ❼ 另收加一服務費  ❽ 結帳付款須自行到收銀處…Read More

行完街，5點幾 諗住食個tea，原本想2個人叫個set再加杯野飲，但同個可以甜品當正餐的女人出街，就隱唔住想試多d。海鮮海藻意粉:  海藻意粉係特色，不是一般小麥製的意粉，是西式煮法的日本麵條。跟餐配沙津。香草蛋卷: 好好味。抹茶窩夫: 很豐富，除了窩夫配抹茶雪糕，還有栗蓉配抹茶曲奇，好好味。抹茶蛋卷: 濃厚抹茶香，好好味。檸檬撻: 酸酸的，坦白說，若一個人只吃這撻一定吃不下。但二人吃，加上吃了其仔甜點，可以中和一下。熱抹茶奶: 香濃抹茶香，正。…Read More

朋友說想吃日本菜而這天我們在尖沙咀逛街，正好The One有間日本菜我一直想試的位置挺闊寬的餐廳的主食種類選擇也挺多的，海藻烏冬配甜品特價餐很划算99$就配一份烏冬、甜品及紅茶。不想吃烏冬也可選擇米飯類的套餐，豬、雞、鱈魚、鰻魚飯也可選，亦有多款咖喱飯除了湯烏冬外，餐廳亦有冷烏冬可選烏冬由海藻所製成，海藻有豐富的食物纖維，是健康之選。烏冬較扁身，很彈牙，不會一夾起就斷。而我選的這款冷烏冬餐另外配上醬油，所以烏冬可沾沾醬油吃，更入味。冷海藻烏冬，彈牙連cream都是抹茶味的餐廳另一賣點是多款甜品可選芭菲、窩夫、日本煎茶套餐、蛋糕，多款口味太想多吃點甜品了於是點多了個抹茶窩夫，配日本抹茶雪糕、栗子蓉、抹茶曲奇我們將餐飲轉了做宇治抹茶奶，很濃郁的抹茶味，也挺香滑的吃得飽飽的，很抵吃！…Read More

端午節假期出左尖沙咀想搵個地方坐得舒服同朋友食個飯黎到Openrice勁多好評的人氣日本餐廳6點都冇乜人 大把位 環境都幾靜幾舒服 以為係自助式但原來都係有人serve既當然必叫最人氣抺茶蛋卷啦！一食就知冇介紹錯，好香濃抺茶味無論蛋糕定cream都咁濃，蛋糕好moist好鬆軟，cream一啲都唔漏好smooth，雖然價錢偏貴但真係好好食，絕對滿足我呢個抺茶控！呢度除左甜點，亦有主食既，海藻意粉係凍食，其實完全唔似意粉，係好日式個種麵不過係幾煙韌，醬油汁同普通冷麵汁一模一樣，個麵口感係幾好但冇餸有啲寡，整體一般。又係抺茶！呢個都冇令我失望，好新鮮好鬆脆而且個窩夫本身都係抺茶味，好正，雪糕一般但配窩夫真係一流，煉奶就有啲多餘可以唔要，份量啱啱好夠哂2個食。呢度的甜品非常好，主食就一般可以選擇食完晚飯先黎食甜品，想搵個地方坐得耐傾下計都係唔錯的選擇。…Read More

這裏簡直是抹茶控的國度 今日第一次黎食發現原來午餐咁抵食尖沙咀區包甜品紅茶都係99蚊和風海鮮海藻意粉 $99太好食了 係我食過最幼既意粉佢地所有麵類包括烏冬、意粉、拉麵製作過程都加入海藻！增加纖維超健康係得佢地先有依隻麵咋 加入海藻既意粉超香！而且好彈牙 感覺好特別跟餐仲有沙律同加州卷2件 仲要有蛋卷一件！可以揀抹茶蛋卷喔太太太抵食了我仲點左個清淡又不失美味既海藻烏冬醬油海藻烏冬麵 $99烏冬版同樣加入海藻 食落口感煙韌 醬油味係較淡口味 鍾意濃味啲可以揀味噌湯底叉燒都好軟滑雖然樣子真的很像蕎麥麵 但它是海藻麵！一樣包甜品飲品喔烤雞水耕菜沙律 $85原來不是烤雞 是煎的 薄薄的雞扒 肉質非常嫩滑 雞油流在沙律菜中 令其更香更美味！醬汁揀左柚子味 非常清新！南瓜甜糯的味道在口中散發！正呀 但只有幾粒哈哈到了甜品環節我呢個抹茶控一個人吃四份甜品沒問題><! 覺得自己太幸福了抹茶軟雪糕芭菲 $88抹茶味比奶味濃 超軟滑！但就溶得較快 上面有塊薄煎餅 牛油味重紅豆粒甜度吾重 抹茶啫喱苦中帶甘白玉煙韌而且都有好多粒下面原來吾係粟米片！係杏仁脆餅！好好好脆 浸左雪糕都咁脆最底仲有原味蛋卷 被抹茶浸過另有一番風味兩件蛋卷係跟餐送的喔抹茶甜品Set B $198京都宇治抹茶蛋糕 北海道牛奶抹茶雪糕 抹茶水晶糕 抹茶布甸 抹茶曲奇一次過滿足我所有願望！中間球雪糕抹茶味比軟雪糕更濃 而且無甘易溶水晶糕好好好煙韌!!茶味香醇而吾會苦澀曲奇茶味比牛油味濃 但吾夠鬆脆 布甸質感好滑 味道就比較一般><抹茶味蛋卷濃厚帶甘 甜度吾高！兩款海綿蛋糕非常濕潤綿密 抹茶蛋糕蛋香茶香同樣出色抹茶忌廉軟滑且香濃 係帶回甘呀吾會好甜溜 抹茶香氣不停再口中徘徊果然名不虛傳芝麻味蛋卷也不賴呀芝麻cream係重點 特濃芝麻味 又軟滑不過我覺得蛋糕方面可以再鬆軟啲><兩款都值得一試！由於全部抹茶類甜品都吾會好甜 而係苦中帶甘 所以一次過食左咁多款都吾會話好膩不過我真的吃太飽了最後飲杯宇治抹茶奶 $40 今次抹茶控激安大滿足！這根本是個令抹茶控發瘋的地方環境設計同空間感仲要夠大同靚，坐到我好舒服呀…Read More

這家餐廳以前位於佐敦，以它的抹茶甜品而出名，我一直都想試試它的甜品，可惜一直沒有機會，這天跟友人在尖沙咀逛街後便決定來這裡 tea 一 tea~單看餐廳外的甜品櫃各式各樣的甜品已垂涎三尺了餐廳闊落開揚，座位舒服，能坐整個下午因為未吃午餐，所以也叫了點主食。這個套餐有烏冬配一款餸、沙律、前菜（兩件壽司）和飲品，都只是$99，超抵食！冷烏冬的底部有一整碟冰粒，能保持低溫。麵條似蕎麥麵而非烏冬，稍為硬身，所以吃下去也很有質感。用以點冷麵的鰹魚汁甚鹹，所以麵稍微點一下就夠了。天婦羅的賣相特別，因為包含蘿蔔和蕃薯以致一絲絲的，不是太油膩，但就不夠脆。咖哩飯的份量驚人，不單是白飯多，咖哩汁也很多。白飯是珍珠米所以非常黏，咖哩汁不是很辣，內有肉粒和薯仔，其份量與白飯混起來非常足夠。這個抹茶蛋卷是跟套餐的，甜度剛好又帶點苦澀，非常 creamy。不止是 cream，連蛋糕也是抹茶味和灑上了抹茶粉，鬆軟的蛋糕配綿綿的抹茶 cream，滿口都是抹茶味～份量來說，當飯後甜品剛好～這個的餡料超多，一層層的，先有一塊焦糖餅乾置頂，可以醮下面的抹茶雪糕。抹茶雪糕完全滲透出綠茶柔軟，不太甜。下一層是抹茶mochi，令抹茶味更突出。 再下面是抹茶啫喱，有點澀，帶出抹茶的原汁原味。下面還有鮮忌廉、煉奶、蛋糕粒和粟米脆脆。個人就稍嫌忌廉和煉奶太多，但整個甜品吃下去依然富有質感，盡顯抹茶的風味～…Read More

對於我來說，這家給我最深印象的是「抹茶蛋卷」！剛好這天來到尖沙咀 THE ONE附近，又要苦惱吃什麼做晚餐的時候，就突然想去這裡了~反正也是很久沒來過～而且也不用等位嘛～～還有全日供應的套餐～這已經包括了主食+飲品+甜品，當中的甜品更是有5款可以選擇的喔不過飲品則是只有紅茶，這天的則是英式早餐紅茶如果飲得不濃的朋友～建議不要讓茶包浸泡得太久，因為飲下去會有點點苦澀!我的這個套餐是海藻烏冬配甜品特價餐 ($99)選了 - 醬油海藻烏冬 - 雖然湯底很濃味，但稍微覺得鹹了點 > <製作成乾烏冬時加入了海藻～看到烏冬上那些一點點的就是喲，但吃起來其實沒有海藻的味道~入口亦是爽滑的那種。這不是淨烏冬來喲~有配很軟嫩的叉燒，也算頗厚身的！套餐亦有很開胃的沙律。我家那位點的則是另一款套餐 - 飯麵甜品餐，這個會稍微貴一點。雜錦天婦羅飯套餐+海藻烏冬+甜品(3選1款小蛋卷)+飲品 ($170)這個份量會比前者的套餐多一點，大概是合食量比較大一點的~另外餐牌上有註明是使用日本米喲最後終於來到甜品時間了！！我點的當然是抹茶蛋卷！！蛋糕很鬆軟~吃落也有淡淡的抹茶香。抹茶忌廉則很幼滑，吃起來不會膩的~能吃到抹茶的層次感整體來說不會太甜，也不會太苦澀就是喔另外喜歡吃芝麻的話，可以選 芝麻小蛋卷！！這個的芝麻味很香濃~吃起來會有點像在吃芝麻糊那種的濃郁程度耶~…Read More

自從幾年前喺佐敦食左宏之後就一直對佢念念不忘，有次行the one經過先至知道原來有間新既開左喺度～今次難得約左個都係好中意食抹茶既朋友，就帶左佢一齊食宏喇😆舖頭佔左好大個位置，除左好多位之外，仲好闊落。座位亦都超級舒服，坐到我地唔願走😝呢啲就係部份既餐牌，我地就叫左一個飯餐一個烏冬餐。兩個餐都係可以配一個小蛋卷同一杯茶既～首先黎既係野飲，我地一個改配左抹茶牛奶，一個就飲果日既茶，伯爵茶。抹茶牛奶一遞上黎既時候已經聞到好香既抹茶味，侍應仲好貼心咁叫我撈勻啲先飲，廢事啲粉未溶曬。一飲落口，真係好濃抹茶味，可惜既就係太細杯，唔夠喉😭至於伯爵茶就係沖茶包既，都好好味。我自己就食伯爵茶既甜品比較多，但伯爵茶本身就少飲，其實伯爵茶就咁飲同整成甜品陣味都幾唔同架，大家不妨試下～兩個餐都有配前菜，係沙律嚟嘅，入面有車厘茄、粟米，同埋生菜，啱晒鍾意食沙律嘅我生菜好爽口，好新鮮～配上柚子醋汁高更加開胃至於烏冬餐就多兩個加州卷，正呀跟住就到主菜喇～我地嗌左生姜燒飯，豬肉好入味，又唔肥，又配左好多好多洋蔥，正至於佢啲烏冬，就唔係一般我地食開果隻白色嘅烏冬，質感似蕎麥麵，原來仲係餐廳自家製架添我地嗌既呢個係醬油海藻烏冬麵，配埋厚身既叉燒 餐廳仲好貼心咁附上埋七味粉，比顧客按個人喜好加只要加$30就可以升級成1.5倍既麵量，相當抵，不過其實相中果個size對於我黎講都好夠喇我地既餐跟左抹茶蛋卷～呢度最出名既就係呢個，點可以唔試呢？蛋糕鬆軟不在話下，蛋糕同抹茶忌廉仲好香抹茶味。size都唔細架，份量十足不過區區一個蛋卷又點樣止得住我地個甜品胃丫～所以我地仲叫左2個芭菲都講咗呢度最出名嘅就係抹茶甜品，叫芭菲當然都要叫個抹茶軟雪糕芭菲先啦～好足料，由上至下有脆餅、抹茶雪糕、抹茶mochi、抹茶啫喱、cream、custard、海綿蛋糕、粟米片，而個醬就係類似煉奶既味既～個頂已經有咁多層抹茶味既野，令到成個甜品都好濃抹茶味，岩曬抹茶既擁躉提外話，每次食芭菲，都會好想可以一條羹插落去食晒每一層嘅材料，但係每一次都失敗，唯有逐樣逐樣野食第二個就係焦糖布甸芭菲～同抹茶芭菲一樣，上面都插左塊脆餅。雪糕就係呍呢拿味既，喺布甸既上面鋪左層餅碎，更加有口感。下面就有士多啤梨醬、忌廉、海綿蛋糕，同粟米片。另外每一張枱都有一個咁樣嘅呼叫制，方便叫店員過黎。好多餐廳都要禁幾次先有人過黎，但呢度既員工一聽到就會即刻過黎，相當有效率店出面仲有蛋糕外賣，價錢都唔貴，趕時間或者唔想坐喺餐廳入面食既就岩曬～總括而言，宏既食物水準相當高，座位又舒服，價錢絕對值。而且因為食物種類好多，唔止適合抹茶fans，對抹茶冇咩好感既都不妨試試…Read More