OKOSTA (Tower I, The Twins)

作為一年先去得一次旅行嘅社畜，年頭去完東京，食左文字燒先發現原來我哋一家都更中意大阪燒。所以今日出到啟德就即管試下呢間賣廣島燒同大阪燒嘅御好燒餐廳。午市套餐叫左一個廣島燒套餐同大阪燒套餐廣島燒套餐跟日式沙律，正常。大阪燒套餐跟兩件南蠻炸雞，醬汁同南蠻沙律醬都係偏正宗多於港式，炸雞本體都熱辣辣多汁，有驚喜。醬汁對味，新鮮整起都幾好食。但材料就只有蔬，以呢個價錢唔太相宜，但起啟德呢個地段又唔怪得佢。廣島燒無大阪燒咁好食。但頂下癮都唔錯嘅。…Read More

去完體育園之後，就同朋友嚟啟德食鐵板燒，好有氣氛❤️ 裝潢充滿空間感，仲有落地大玻璃對住啟德夜景，真係好有情調，有種Fine Dining的感覺，原來鐵板燒師傅師聯承日本品牌Otafuku技巧，更值得一試呢❤️✅關東煮食材吸飽美味高湯，包括獅子狗卷、腐皮、蒟蒻及白蘿蔔，湯底好清甜完全無味精咁，食完唔口渴👍🏻✅芝麻雞翼自家製的雞翼外脆內嫩，富有肉汁，用料非常新鮮，用芝麻粒灑面，還有少許的胡椒味👍🏻✅經典日式炒麵日式炒麵與大阪燒醬汁結合，再搭配豚肉。濃郁的醬油，香口感偏甜鹹，非常適合我呢种重口味愛好者。  ✅廣島燒 + 帶子廣島燒有多款配搭，🙆🏻‍♀️選了經典原味加麵及加左帶子，傳統做法以五花肉、海量椰菜、木魚粉烹調而成，當中夾雜著炸麵花，豐富口感；外層燒至金黃色，香脆可口，搭配不能缺少的大阪燒汁，一絕！總結：餐廳裝潢時尚，鐵板料理由日藉廚師主理，食物質素和服務相當滿意，而價錢親民，CP值爆登！ 一嚐日本地道嘅大阪燒！ …Read More

啟德SOGO雙子匯The Twins開幕後，當中有不少餐廳主打日式菜系，今次就來到主打正宗廣島燒和鐵板燒料理的御將燒OKOSTA，裝修以簡約木色為主調，落地大玻璃可以俯瞰啟德景色，讓午間柔和的陽光滲入餐廳，採光充沛，使整體風格和諧溫暖，採用開放式設計，近距離見證廚師精湛的廚藝，全程不時傳來滋滋聲響，香氣四溢。餐廳由百年歷史的日本品牌Otafuku 共同協辦，堅持使用品牌出品的經典醬料，店內有日籍師傅坐鎮，除了主打廣島御好燒及鐵板燒料理之外，還有午市定食供應。廣島燒 $98每份廣島燒都是席前即製，將新鮮食材混合後，放在高溫的鐵板上烹煮，11種材料逐層疊加：麵漿、木魚粉、椰菜、炸麵花、蔥花、豆芽、五花肉、麵條、雞蛋、御好燒醬和青海苔，無需混合，大阪燒和廣島燒的主要區別，在於後者加入麵條，還有分層式的製作方式，層次更加複雜，口感豐富。現代燒 $118御好燒的意思取自於加入喜歡的食材並依喜好的方式煎成餅，現代燒的特色是在傳統大阪燒的基礎上加入了炒麵，關西風做法就是將麵糊與所有食材拌勻後一口氣倒下去煎成圓形餅，然後再鋪上一層炒麵，淋上御好燒醬和蛋黃醬，底層是柔軟濕潤的御好燒，頂層是嚼勁十足的炒麵，吃完一整個就已經帶來滿足的飽肚感。歐姆蛋包麵 $138經典日式炒麵加入芽菜、紅蘿蔔、豚肉以炒麵醬炒香，再用蛋漿包裹，灑上輕薄的木魚碎，遇到熱氣後搖曳飄舞，外層蛋皮柔嫩濕潤，每一口裹滿濃郁蛋香，麵條炒得入味有彈性。…Read More

啟德SOGO都開咗近5個月，唔知道大家有冇去嗰邊搵嘢食呢？最近就同朋友去咗位於12樓嘅 Okosta 食晚飯。今次我哋揀咗一個二人套餐，包咗兩款前菜、兩款主菜、味噌湯，性價比都幾高。前菜揀左「芝士泡菜豚平燒」同「明太子玉子燒」。「芝士泡菜豚平燒」意外地好食😋，上面落左御好燒醬汁同木魚花，夠哂惹味。而喺麵糊中亦加入泡菜，食落香辣爽甜，中間濃濃芝士中和返辣味，味道變得更濃厚。「玉子燒」既蛋漿係加左湯汁一齊煎，所以玉子燒每隻都脹卜卜，熱焫焫，咬落仲滿口湯汁，中間加左明太子，為玉子燒味道帶嚟一點點綴。主菜就揀左「廣島燒」同「豚肉蒜香炒飯」。廣島燒會用上麵糊、魚粉、椰菜、炸天婦羅脆脆、大蔥、芽菜、豬肉片、麵條、雞蛋、御好燒醬和綠海藻，一層一層烤煮，真係足料。椰菜鮮甜味都幾突出，加埋中間既麵條，夠哂豐富。「豚肉蒜香炒飯」新鮮炒出嚟幾香幾惹味，米飯粒粒分明。肉片都採用半肥瘦既部位，食落都幾香口。整體嚟講，我覺得呢度嘅環境幾舒適，晚餐價錢都唔算貴。Budget鬆動D仲可以試埋鐵板燒。平日晚市唔算多人，岩哂同朋友嚟傾計食飯～…Read More

日本過江龍🇯🇵😍 由百年歷史嘅日本醬料品牌Otafuku聯乘嘅御好燒專門店，主打廣島燒同鐵板燒料理‼️環境部份餐牌佢有午市定食餐廳，但好搞笑唔係食廣島燒/大阪燒😂所以我地都係散叫。 廣島燒 $98 廣島燒係將食材一層一層咁加上去，最底係麵漿，然後一層層加上木魚粉、椰菜、炸麵花、蔥花、豆芽、五花肉、麵條，最尾舖上雞蛋🍳，再灑上青海苔及淋上醬汁，過程中要將麵餅反面，所以都好考廚師功夫，製作過程比大阪燒複雜得多，所以唔一定間間日式餐廳都有。呢間話明食廣島燒嘅專門店，口味不少，仲可以揀餸，我就加咗$15要帶子。廣島燒口感層次豐富，我個人鍾意食廣島燒多過大阪燒。 大阪燒 $98而大阪燒就簡單得多，係將所有材料包括麵漿、蔬菜、肉類等配料撈匀之後拎去煎，最後加醬汁就完成。所以食起上嚟我形容為有啲似食薯餅嘅質感咁，軟糯帶蓉，比廣島燒分明嘅口感好大分別。同樣可以加配料，海鮮都係加$15。 歐姆蛋包麵 $138既然出名鐵板料理，再試咗個歐姆蛋包麵，都幾大份🙈蛋皮厚薄度適中，麵條上色均勻，炒得好香，全枱澱粉好飽吖😂…Read More